 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
2010- 8- 18
|
#121 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
صباح اليوم الثاني .. الساعه 9 الصبح و هم عند المحل و هو ما فتح .. 9 و نص فتح ...سألنا عن
المحل و راعيه اكدوا لنا بان المحل له .. الحمد لله .. ماجد : متى يجي ؟؟ الرجال : يجي قبل الظهر على 11 .. فهد " انتظرنا ... و انتظرنا ... تبهدلنا من الانتظار طول الوقت و انا اناظر ماجد .. و حاس بداخله اشياء وااايد .. ماجد " ما عليه بنتظر لان انتظاري و لا شئ قدام انتظارك فوق السنه نطرتك و بنطر اكثر .. قمت اسأل اللي جالس بالمحل عن صاحب المحل متى يجي ؟؟ تأخر .. قال لي انه ما بيجي اليوم تو متصل قبل شوي يقول انه رايح اليوم المطعم و اذا قدر يمر بالليل بيجي ... تنرفزت بس مسكت اعصابي .. و طلبت رقمه .. ما رضى يعطيني و عطاني عنوان المطعم .. .. رحنا و طلبنا نشوف السيد محمد الــ ... قالوا مو موجود .. هالمرة فهد عصب .. مرة يقولون هنا و مرة هناك مرة بالعصر و مرة بالليل .. قالوا فيه ولده .. استانست .. و طلبنا نشوفه و دقايق الا رحنا له .. *** : ما صارت عدنان دحين انت مشرف على الفاضي و لا برواز في الحيط .. عاجبك منظر المحل بهالطريقه و لا عشان ما اجيكم الا كم مرة بالاسبوع .. يا ابني لو الحال على هالوضع شغل ما فيه و بطردكم كلكم و بشوف لي جداد احسن منكم .. عدنان : اسف استاز ياسر .. ان شاء الله ما بيتكرر الموضوع .. ياسر : نشوووف يالله اشوف عندكم ساعه و اجي الاقي كل شئ فُل .. عدنان : ان شاء الله و طلع ... التفت ياسر لعند الباب لما حس بدخول احد .. من المفاجأة ظل ساكت بدون حراك و كأنه حاس روحه بفيلم ... تقدم ماجد بابتسامه خجوله .. و وراه فهد و مد يده يسلم على ياسر لكن ياسر ما مد يده لماجد و مدها لفهد ... نزل راس ماجد و سكت و لا حتى بانت عصبيه بملامحه " يحق لهم مكفخ بنتهم و تاركها تطلع بروحها من البيت ... ماجد بصوت جدي : السلام عليكم و رحمة الله و بركاته ... ياسر : لان رد السلام واجب و عليكم السلام ... ممكن تطلع برااا .. فهد يتدخل : هدي اعصابك اخ ياسر .. ماجد جاي يقابل ابوك اذا امكن .. ياسر بنرفزة : لا ما يمكن يقابله .. ابوي ما يبغى يشوفه و لا نحنا و لا احدمنا يبغااه .. ايش جابك بعد هالسنين .. اعتقد ما يربطنا شئ .. و لا انت ايش شايف ؟؟؟ ماجد بثقه : الا يربطنا .. و بيربطنا طووول العمر دام مشاعل زوجتي ... ياسر بعصبيه تحرك من مكتبه و مسك ماجد من ياقة ثوبه : ايش قلت مشاعل ؟؟ مشاعل اشرف منك يالكـــ.... يا ويلك ان نطقت اسمها على لسانك برااا .. فهد يفارع بينهم و فك ياسر عن ماجد ... ماجد بانفعال حاول يهدي عمره : بقول اسمها الى ان امووووت فاهم انت .. مشاعل .. مشاعل .. مشااااااااااااعل .. ياسر بغيظ : ايش تبغى منها ؟؟ مو طلقتها ابعد عنها .. فهد : ياسر ما يحتاج الصراخ و انت يا ماجد بلاها العصبيه ما بنوصل لحل و لا بنقدر نتفاهم .. وهو يواجه ياسر .,, قول لنا ووينه الوالد بنكلمه و نتفاهم ... ياسر : ما فيه تفاهم .. ماجد : ولييييه ؟؟؟ ياسر : لان مشااعل بح ... ماجد : ووش قصدك ؟؟؟ مشاعل زوجتي و مستحيل تكون لغيري .. ياسر بكره : مشاعل تزووووجت ... يالله اطلع برااا ... ماجد بخوف خلاه يرجف : كذاااااااااااااااااب ... مشاعل تحبني اناااا فاهم .. شوف انت كنت سبب لفراقنا قبل (( يقصد ايام اكتشف ياسر عن الريم ))) لا تحاول الحين تفرق بيناااااااااااا .. ما اسمح لك .. مشاعل لي و باخذها غصب عنك و مستحيل ياخذها غيري .. ياسر بضحكه هستيريه : هههههههههههههههههه ... ههههههههههههههههههههههههههههههه ههههههههههههههههههههههههه ... بطني هههههههههههههه .. من جد تضحك .. اقولك " بحزن مسرع ما ظهر و اختفى قال " اختي تزوجت بانسان يصونها و يحبها ما يتركها لحالها و حيدة غريبه بمدينه مالها احد فيها تركب باص و تجي لوحدها تعبااانه مريضه حزينة وحتى حرف ما تنطق .. " و بعيون حمرة " عذبتهاااا .. ذوووق الحين .. زوجناها وأزيدك من الشعر بيت " بخبث " .. عندها طفله " برقه " حلوووة ناعمة زيها تماما .. اختي مبسووطه يا ويلك لو نكدت عليها برااااااااااا .. ماجد عصب : كذاااااااااااااااااااااااااب .. مشاعل قالت انها تنتظرني .. " و بدت عيونه تحمر يقاوم دموووعه " .. مو طااالع الا ان شفتها و قالت لي بنفسها انها ما تبيني .. انفتح باب المكتب ... : ايش صار صوتك عالـ ... مين ماجد الــ .... ماجد راح له بتوسل : هاني تكفي يا اخوي ابي اشوف زوجتي .. بتفاهم مع ابوك .. و اللي يرحم والدينك ... هاني بصدمة و بتلعثم يبلع ريقه : بس .. مــ مشاعـ ـ ... ياسر يقاطعه : قلت له و مو مصدقني .. قلت له ان اختي تزوجت ما يصدق يقول لي كذااب و يقول انه ما طلقها .. بالله يا هاني من الكدااب فينا دحين ... فهد بتوتر : تكفوون جميع تعوذوا من ابليس تراه بينا ... و خلونا نشوف الوالد .. مليت من كلامكم موبعارف من اصدق .. هاني : طيب بكلم بابا و اشوف .. ياسر ركض و اخذ من هاني جواله : ياويلك ان كلمته خليهم ينقلعوا ... هاني بجديه : ياسر بلاشي هالحركات و لازم اقول لبابا .. ياسر : انت غبي ضعيف .. ما تتزكر كيف اهان اختنا .. كيف كان حالها ؟؟؟ كيف كانت ؟؟ ما تتزكـــــــــــــر ؟؟ هاني نزل راسه : هو انا اقدر انسى .. بس مهما كان بخبر بابا اللي في الرجال كافيه يا ياسر شوفه كيف شكله هو كمان .. ذكرني بشكلها كان مثله .. اهدى كل واحد ياخذ نصيبه ... اتصل هاني بابوه وياسر طلع من المطعم بكبره لكن وهو طالع لمح فهد بعيون ياسر دموووع تتطاير .. هاني : الو بو مشاعل : هلا هاني .. هاني : بابا كيفك ؟؟ : الحمد لله و انت و اخوك كيفكم ؟؟ ان شاء الله بخير مو ناقصكم شئ .. هاني : لا الحمد لله .. مممم .. مشغول ؟؟؟ : لا .. عندك شئ قوله ؟؟ هاني : اول قولي انت فينك ؟؟ : في البيت فين اكون يعني ؟؟؟ هاني : لا بس حسبتك رحت تزورمشــ ... " و سكت لاني انتبهت لكلامي قبل لا يفهموا اللي قدامي " : لسى .. بعد العصر بروح لها ان شاء الله .. هاني " بصوت واطئ " : فيه ضيوف جايين من الرياض يبغوا يكلموك ... بو مشاعل حس بالناس الجايين و بتفكير : و هذول الضيوف مهمين ؟؟ هاني : كانوا للغالية مهمين .. بو مشاعل تأكد انهم هم : طيب خليهم يجوا الله يحييهم ... بأي وقت ... عطيهم رقمي لما يوصلوا يعطوني الو و بتفق معاهم ... هاني : ابشر .. سلم لي على اخواتي و ماما و ماجد .. بو مشاعل بصوت واطئ : يوصل .. فمان الله .. هاني : مع السلامه .. فهد : بشررر .. هاني : بابا يستناكم .. ماجد وقف بفرحه : طيب اعطينا العنوان ... هاني لحظه اكتبه لكم .. واخذ قلم و كتب و كتب رقم أبوه كمان ... لما قرأها ماجد استغرب ..: مكة ؟؟؟ هاني : أبوة مكة .. ماجد : مو انتم ساكنين بجده ؟؟؟ هاني بغموض : كنا .. و كان فعل ماضي و من يوم راحت مشاعل مكة رحنا معاها .. ماجد باستفسار: مشاعل راحت مكة ؟؟؟ هاني : ياليت تلحق و تتحرك لانه مشوار ساعة و نص عبال توصل .. استأذنكم ورايا اشغال ... حركنا لمكة .. و حسيت هال رحله طويلة و ثقيله على قلبي استغفر الله بس ليش هالاحساس .. *** ام مشاعل : بتقابلهم ؟؟؟ بو مشاعل : ايووة .. امها : ليش ؟؟ ايش يبغوا مو انهوا الموضوع من زمان ايش يبغوا منك ؟؟ ابوها : علمي علمك .. بس ضروري اشوفهم .. امها : ما بتروح لبنتي ؟؟ ابوها بابتسامه حنونه : الا ان شاء الله بروح لها .. جت ام مشاعل تتكلم .. كمل ابوها : اعرف تبغيني اسلم عليها .. طبطب على ظهرها بحنيه ارتاحي .. ان شاء الله خير .. اتصل فهد لان ماجد مو قادر يفكر و لا حتى يسولف .. بو مشاعل : و الله انا بهالوقت اروح الحرم تأخرتم .. فهد : شراايك نتقابل هناك ؟؟؟ ومنه نصلي العصر بالحرم و بعدها نتكلم بجو رحماني .. ابوها : طيب .. خير ان شاء الله .. سكر السماعة .. : بابا .. بو مشاعل بابتسامه حنونه على بناته : عيون ابوها .. مدت يدها بدفتر لونه بينك و عليه وروود حمراء ... و بحزن .. خذ هالدقتر و أعطيه له .. قبل ما تقوله أي شئ خليه يقرأ هالدفتر بعدها قوله اللي تبغى .. بو مشاعل باستغراب : ايش فيه الدفتر ؟؟؟ : فيه شئ يخصه ... وتراها امانه ما يقراها غيره ... بو مشاعل : ابشري كم بنوتة حلوة عندي .. و شفايفها ترجف : اثنين .. اثنين صح ؟؟ بو مشاعل : ايووة صح ... وصلوا الحرم قبل بو مشاعل .. و اتصلوا فيه قالهم دقيقتين و بيجي .. لكنه تأخر صارت ربع ساعه شوي و تقيم الصلاة ... قامت الصلاة و دخلوا يصلون و ماجد و هو ماشي عشان يلحق الصلاة يطالع ورااه يمكن يشوف ابوهاا .. بعد الصلاة .. اتصل فيهم .. ورد عليه هالمرة ماجد اللي بطلاقه قال و كأن اعصابه تلفت : عمي و اللي يخليك و يرحمك ارحمني .. ووينك فيه ؟؟ بو مشاعل : ورراااك انا و سكر " اتصلت بسألهم فينهم لما رفع السماعه سمعت صوته بنفس الوقت شفته قدامي حسيت الحزن و الالم بعيونه حتى شكله متغير مو زي ما جاء مع بنتي اخر مرة .. ذكرني بمشاعل يوم جات من الرياض .. الفرق بينهم انها ما تنطق حرف ... سلم علي و على راسي و فهد بالمثل .. ومازلنا واقفين .. بو مشاعل : كيفك يا فهد ؟؟ " ما سألت عن ماجد ليش يمكن لان قلبي يألمني يوم اشوفه اذكر كيف تعذبت بنتي " ... فهد : الحمد لله عمي و انت اخبارك و اخبار الاهل ؟؟ بو مشاعل : الحمد لله نشكره و نحمده ... ماجد بصوت واطئ : وانا يا عمي ما بتسألني عن حالي ؟؟ بو مشاعل : شايف حالك بخير قلت اسأل فهد .. سكت الجميع بما فيهم بو مشاعل ... فهد : عم محمد بغيناك بموضوع ؟؟ ابو مشاعل : أي موضوع ؟؟ ماجد بألم وااضح رفع عينه الحمرا لبومشاعل و قال : موضوعي ويا زوجتي .. موضوعي انا و مشاعل .. عمــي ... لا تحرمني منهااا .. انا احبهاا .. و مستعد لكل شئ بس ترجع لي .. بو مشاعل " استشعرت حزنه كان وااضح من عيونه و طريقته بالكلام كأنه يتوسلني و يترجاني ما حبيت اعذبه احس اني اعذب بنتي معاه لان روحها فيه .. اللي صدمني اخر جمله قالها معقول ما يدري ان مشاعل .... " قطع عليه فهد : الله يستر عليك خلنا نتفاهم اقترح نروح لنا مكان اهدء من هني بو مشاعل : قبل أي شئ و قبل أي تفاهم بعطيك شئ هو اللي اخرني عن الدخول لان مو مسموح ادخل معي بالحرم هالاشياء لحظه اروح لسيارتي .. فهد : وينها سيارتك ؟؟ بو مشاعل : بالمواقف .. فهد : وحنا بعد ... اجل بنروح معك ... و مشينا معه .. و عند باب السيارة : هذي أمانه تخصك .. و سلمها بيد ماجد .. ماجد : دفتر .. ثاني .. ( دفتر ثاني غير الاول اللي بالشقه ) فهد و بو مشاعل استغربوا بس محد علق ... التفت ماجد لابوها و قال : من مشاعل ؟؟ بو مشاعل : من اللي يكون الاهم انه يخصك بعد ما تقراه اتصل فيني و لك اللي تبغاه .. ماجد بوناسه : صدق عمي ... ابتسم بو مشاعل بشفقه على حال ماجد : ايوة يالله عندي مشوااار مهم و ضروري مقدر اتأخر .. ماجد بابتسامه عذبه : ان شاء الله عمي .. و بعد هو و اخوه عن السيارة .. فهد : اجل انا بروح اطوف لاني ما طفت .. و بينا اتصال .. ماجد يهز راسه .. بإيه ... جلس بالساحه و سمى بسم الله و فتح الدفتر ... ظلمتني بدنيتك يالغلا عسى الله يهنيك بغاليك لا تسألني عن مدى شوقي ...وعن مدى لهفتي... فالشوق اكبر مما تتصور... ولو وصفته في كلامي وفي شعري.. لن استطيع أن اعبر عن مدى شوقي لك... فحبك أتعبني... وأرهقني... وشوقي لك يزداد ويتوهج مع مرور الأيام... لا تلومني على قلب حمل لك هذا الاعجاب الكبير... حبيبي... أنت البراءة في روعتها... وأنت الجمال في سحره... وأنت سمو الغلا بعطره الشدي.. أنت الأمل المشرق.. أنت الورد التي ترطبه قطرات الندى... أنت القمر الحالم يتهادى في ليالي الصيف..يضيء المدى.. أنت الأحلام الطفولية هدية للأرض من رب السماء.. لك سحر يسلب القلوب... يحرك فيها نشوة الدفء... أنت نسائم السعادة التي تملئ الكون صفاء وهدى... أنت الهام شاعر لم يرى لك شبيه... لا تلومني اذا كل يوم جددت قربي لكِ... انه قلبي دائم التفكير بك... انها روحي تسمو الى صحبة الهمس معك.. يا لها من ذكرى في يوم رائع... انها ذكرياتي... عند قدومك هنا .. رقصت الحروف طربا .. وانسالت الهمسات تعجبا .. ووقفت شاعرة وكاتبة مبدعة.. هو ندائي لك ... هو عمري وابتسامات الوجود.. ومهما بعدت..ومهما هجرت... ومهما تماديت في الصدود سأبقى في انتظارك ... اتمنى ان تكون فهمت همسات غلاك .. نهــاية صــفر .. اول مرة اكتب التاريخ ليش لحد يسألني .. يمكن تقليد .. ما اعرف .. حتى كلماتي اهديها لمين مو عارفه .. قبل كنت اهديها له ( تقصد ماجد ) بس الحين ما اعرف .. من زمان ما اكتب .. اخر مرة كتبت كانت من فترة مو طويلة الفرق اني قبل كنت بوضح سر بحياتي لإنسان عزيته كثر هلي كلهم لكن ما يفيد الكلام ان فات الاوان ... و هذا حالي انا .. بس الحين اكتب لأني مقدر اتكلم .. من وين ابدء ... مممم .. مستانسة .. أي و الله مستانسه حيل .. ما ظنيت بحياتي كلها احصل ناس هالكثر يحبوني .. يحبوني رغم اني ما اتكلم .. يحبوني لأني احبهم ... بدايــة ربيــع أول .. هههههه .. بقووول شئ بخاطري بس خايفه اكتبه .. ليتك معي .. ماجد .. ماجد .. ماجد .. ليش يوم اكتب اسمك احس ان خطي احلو و صار احلى عن قبل .. بس هذا اللي ودي اقوله .. ليتك معي كان شفت حال الناس و هان عليك حالنا .. ربـيــع أول .. من يوم رديت لجدة ونا عايشه هنا بمركز لرعاية المسنين .. ماجد وااايد حلو تعيش مع الكبار .. اكيد بتستغرب بابا كيف رضي ماعنده خيار يا يرضى يا اروح و اتركه .. ما فهمتني صح .. جودي انا فقدت النطق صرت من ذوي الاحتياجات الخاصة .. و الدكتور طلب من بابا اني ما ازعل لان نفسيتي تعبانة و يمكن تتعب اكثر و رضى بابا اني اشتغل بدار المسنين بمقابل مبلغ 1500 ريال و الاهم اني اعيش وسطهم بصراحه يلا ماجد كنت برضى اشتغل بدون ريال حتى بس لعيش وسطهم و احصل دار يأويني .. لاني خايفه من ردة فعل ماما و اخواني و خايفه على اختي من كلام الناس خصوصا بعد ما .. ما طلقتني .. انا مو زهلانه لانك طلقتني لا .. زعلانه لسببين اولا عليك .. ثانيا لاني تمنيت تكون زوجي بالجنة .. يمكن تفكيري خيالي و غبي .. و الكثير بيضحك عليه بس هذي احلام ترى الحلم ببلاش .. ماعدت اقدر اسولف صوتي راح ... يمكن عقاب من ربي لاني عذبت ماما و بابا بولادتي و قبل لا اجي من حملة فيني وهي بسببي متعذبة .. بس و الله ما قصدت اعذبها حتى بابا ما سلم مني دوومه خاايف اصيع بالنهايه صعت يوم تعرفت عليك و يوم كلمتك مكالمة وحبدة يتيمة .. يوم تركتني و طردتوني يوم طلقتني ..هذا كله يعذب بابا حتى عذابي يعذبه صدقني اضحك بوجهه و ابتسم رغم كذا احسه تعبان بسببي .. ربيــــع أول .. تصدق كان عندي امل .. لان قلبي دوم يهمس برجعتك .. بس انت تاخرت .. ربيـــع أول .. تعرف اني خوافه ما اعرف اصلح شئ بالحالي .. وانت حلفت تذبحني و طردتني من بيتك منور خافت عليك و ما خافت عليي .. ههههههه .. نسيت انها بنت اختك انت مو انا .. ماجد انا كنت بدافع عن نفسي و الله بس لساني عيي ينطق .. لساني ما ينطق .. قلقانه عليك .. اعرفك ما تقدر تنام بدوني .. هههه لانك بزر للحين نونو .. و لا حتى الاكل تاكله الا يوم امسه قبلك .. اعرف انك تتعذب بس مو بيدي شئ ..لأنك بعيد .. مقدر اضمك و اواسيك ..بس اللي انت مو حاس فيه و لا تعرفه اني اتعذب كثرك و ازود ... بــداية ربيع ثاني .. الحياة حلوة هنا و اللي محليها ان اللي حولك يدعووون لك وهم يحنون عليك اكثر من اهلك و ناسك,, تخيل خالتي هند تاخذني للفراش و تنومني .. و تقرا عليي ..جودي لا تغار عليي منها تراها حبوبه و تحبني . .. اعرفك تغار علي من الهواء صح ؟؟ ربيع ثاني .. ماجد مدري شفيني هالايام مصدعه و احس بغثيان .. بروح لخالة جواهر موعد دواها الحين .. بروح ياقلبي و برد لا تتركني راجعة لك ..برب تذكر هالكلمة ... ربيع ثاني .. مممممممم .. اعلمك و لا لااا .. تعرف قلبي لو انك بجنبي و لا معي كنت بصلح لنا حفلة صغيرووونه لي و لك و بألبس فستااان احممممر اللون اللي تحبه .. و بنتظرك عشان ... مممم .. عشان .... شرايك اعذبك و لا اقولك بسرعه .. ههههههه .. يا قلبي ما يهون علي عذابك .. اوكي اول ما توصل لبيتنا اكون كالعادة انتظرك عند الباب و تفتح لي ذراعك واجيك تخمني و امسك كف يدك و احطه على بطني اخليك تتحسسه .. و اقول مبروووك علينا جوودي الصغيررووون ماجد مو قادرة اتخيل شكلك اذا مستانس و لا متضايق ووودي احس بهالاحساس بس مقدر .. " جلست تصيح و تكتب " .. الله يسامح اللي كان السبب و حرمنا من هالاحساس .. حرمنا قربنا من بعض .. دوومك تعلقني فيك و تتركني .. مع كذا اعشقك .. مبروك روح مشاعل .. مبروك علينا .. انا حامل بالشهر الثاني .. تو بدخل الثالث .لا .. لا ,. لا يا ماجد لا يروح بالك لبعيد .. و الله انه ولدك و الله ... ما لمسني غيرك .. و لا بيلمسني بعدك و لا قبلك احد ...دايخه شوي برتاح ساعة و برد لك برب ... بعـــد ســاعة ... ونا على السرير جوودي فكرت اقول لك شو صار معي و ياليت مرة وحده بس تثق فيني .. تذكر ذاك اليوم المشؤؤم .. كنت انتظرك و مصلحه لك حفله صغيرة و كلي امل ..تعرف بحقيقتي اللي حاولت اخبيها اول ما شفت و وقعت عيني عليك و تأكدت اكثر بعد يوم الزواج بالزفه ما صدقت عيوني ان ماجد اللي اعرفه و حبيته قدامي لحم و دم صورة و صوت حلالي .. معقوووله صدفه .. رب صدفه خير من الف ميعاد .. كرهك لي على اني مشاعل و احتقارك لي على اني الريم خوفني منك و حبيتا تجاهلك بس قلبي ينبض لك غصب .. بروي لك وش صار ذاك اليوم ... دق جرس الباب .. ما فكرت بشئ غيرك و لا ظنيت انه بيكون الا انت .. فتحت الباب و انصدمت رجولي ما شالتني .. اصلا ما عطاني فرصه دخل و سكر الباب .. من الخوف رديت لورى تخيل وصلت غرفة التلفزيون من كثر ما كنت ارد لورى .. اطرافي بدت تشنج لان نظرات هالانسان تذكرني بجارنا اللي خبرتك عنه .. ولما هجم علي كنت بصرخ لكن فكي تشنج .. بغيت اناديك .. بس فكي مو راضي يسكر و عيوني تروح لفوووق .. جسمي مو قادرة اتحكم فيه .. تركني قبل لا يصلح أي شئ فيني لما شاف شكلي شلون قايل سمعته يقول : انتي معاكي صرررع و كأنه اشمئز مني خفت و ظليت مثل ما انا مع ان جسمي حسيته يلين الى ان تركني و هو طالع بدت اطرافي ترجع للحياة . حاولت الملم روحي و اضبط فستاني بس انت دخلت ارتحت من شفتك جيتك و قربت منك ابغاك تضمني مثل قبل يوم اخاف .. لكنك خنقتني بغيت تذبحني .. و كفختني ... ماجد و الله ما اعرفه و الله .. و الله ما اعرف احد الا انت .. صـــدقني .. و الله كنت الريم بحياتك و اصبحت مشاعل و بكل مكان و زمان انا لك و ان كنت لغيري بس انا لك انت و بس ..صـــدقني جووودي .. خرجت من بيتنا و انا قلبي منفطر .. كان ودي تذبحني بس ما اتركك خفت عليك يصير لك شئ بسببي رحت و انا ضايعة مو عارفه ووين اروح ما عندي احد بالرياض و انا اخاف بالحالي .. بالليل .. وقفت تاكسي ابن حلال .. سعودي .. حاولت اوضح بس ما عرفت انطق حرف .. خفت ليش لساني مو راضي يتكلم .. صرت أأشر للرجال ما فهمني كنت بنزل بس شكله رحمني بعدين سألني اذا انا طرشاء ؟؟ و دمووعي تنزل أشرت له بإيه .. سألني اذا اعرف اكتب .. أشرت له بايه .. عطاني من جيبه قلم و ورقه كتبت له يوديني لمكان النقل الجماعي رحت و انتظرت الى ان حصلت حجز و سافرت لجده جزاها الله خير منور عطتني فلوس و لا من وين لي .. وصلت جده و خذيت لي ليموزين ما عرفت وين اروح خايفه ارد لاهلي و أفشلهم .. خايفه بابا يتعب بسببي .. و شيخه تزوجت مقدر ازعجها ايش بيقول زوجها لو عرف ان بنت خالتها لوحدها بالليل جايه من الرياض لجده بيمنعها عني و دانه مستحيل اخبرها بتتعب ..قلت له يوديني البحر .. ظليت هناك و الخوف يلفني .. لمت نفسي انا اللي جبته لعمري ... بعدها مشيت و حصلت لي ليموزين وقفته و كتبت له عنوان مطعم بابا .. وصلت وانا منهكة مقدر امشي اكثر .. طالعة من الليموزين شفت بابا طالع من السيارة بيدخل حاولت اناديه بس صوتي ما يطلع .. مشي و انا ابي امشي بقووة وصلت لباب المطعم فتحته و كانت فيه تحفة كبيرة عند المدخل بدون ما اقصد طيحتها و اثارت صوت و حسيت بضجة المكان و عيوني ما تشوف الا ضباب اللي قدامي .. سمعت صوته .. صوت بابا ناديته بأعماقي تعال و خذني .. انا تعبانه .. فتحت عيني الا انا بالمستشفى .. وبابا جنبي .. ابتسمت له .. كلمني و انا مبتسمة .. كيف اقولك يابابا ان بنتك ما تقدر ترد عليك .. ما تقدر .. سألني كلمني هزني بس مارديت ركض لبرا ينادي الطبيب اللي كشف علي و سأل بابا ان تعرضت قبل كذا لصدمة .. قال له بابا عن حكايتي و انا صغيرة و انهم ما يعرفون السبب بس اني صحيت و انا ما انطق و بعدها صحيت و انا اتكلم .. و ان الدكتور حذرهم من اني اتلقى صدمات ممكن تأثر علي بالنطق .. قاله الدكتور لازم نجولها على دكتور نفسي لان لسانها عضويا بس صابه تشنج لكن هالشئ ما يوصل لدرجة فقد النطق .. ممكن انعوجاج بالكلام او بقوة يطلع الصوت و يتعب الشخص عشان يحرك لسانه .. بس السبب الرئيسي نفسي .. و تحولت للدكتور النفسي ..كشف علي .. و كل شئ و طلب من بابا ما ازعل و ان شاء الله اخف .. وانا بالمستشفى شفت كبار بالسن قلبي وجعني عليهم .. بغيت اسأل ليش هم هنا .. مو باين عليهم المرض مسكت يد الممرضه و أشرت على الكبار بالسن يوم جت تنقلني لجناح ثاني .. قالت لي : أصدك هالكبار شو بيعملوا ؟؟ مشاعل حركت راسي بايه .. الممرضة : هدووول بيتركوهن اولادهن هووون و بدها بنحولهن لدار المسنين ... مشاعل بصدمة ... اطالعهم .. جلست طول الليل افكر بهالمسنين .. و خطر ببالي اخدمهم بس كيف .. و اصريت على الدكتور لما شفته يكلم بابا و كلمه بابا رفض بس الدكتور قال له لو ما تبغى تفقد بنتك خليها على راحتها و هذا اللي صار جابني هنا و كل اسبوع يجيني يجلس معايا و لا يطلعني يمشيني برا و احيان هاني و رواء يجوني و دانه و سيخه بس انا امنعهم .. طلبتانهم يعيشوا حياتهم طبيعي كأني بالرياض محد منهم سمع لي بالعكس يزوروني و يسلوني ..مصدعة حدي بروح انام و بحاول باكر اكلمك .. تصبح على خير .. بــداية جمــاد أول .. اااسفه قلبي ما قدرت اكلمك الايام اللي راحت كنت شوي تعبانه لا تخاف بس من الحمل احس بنوم مو طبيعي .. و خالتي بالدار يهتمون فيني و انا منحرجه منهم المفروض انا اللي اهتم فيهم .. تصدق جاني بابا و مدري من وين عرف بحملي ما كنت بقوله اقل شئ هالفترة ... ما ابغاه يشيل همي ... اكثر من اللي شايله .. : ليش ؟؟ انا مو ابوكي ؟؟ ما تقولي لي يعني ما بفرح لك ؟؟ مشاعل بابتسامه هزيت راسي حاولت افهمه بس ما قدرت فسكت بابا : ياليت لو اسمع صوتك زي اول .. حسبي الله و نعم الوكيل ... مشاعل مديت يدي و لمست خده برقه و بسته .. بابا : تحبيني يا بنتي و لو ذرة ؟؟؟ مشاعل بابتسامه عريضه ااشر له على قلبي و اسكر عيني بحب سمعت ضحكته ... بابا : ههههههههههه .. طيب فهمت .. يعني لو اطلب منك أي شئ تعطيني ؟؟؟؟ مشاعل اهز راسي بايه .. ودي اقوله لو طلبت عيوني عطيتك هي .. بس لساني ما اسعفني .. بابا : اول شئ توعديني تعطيني اللي ابغاه ... مشاعل اشرت بايه .. بابا : ارجعي البيت .. " برجاء " ارجعي نوريه يا بنتي .. ما تركته يكمل كلامه الا وقفت .. لكنه مسكني مع يدي و باس ظهر كفي .. ارجعي انا تعبان يا بنتي كم باقي من عمري .. تبغيني اموت بحسرتي .. مشاعل نزلت دموعي و أشرت بلا .. بابا : اجل بترجعي معايا صح ؟؟؟ مشاعل باستسلام هزيت راسي بايه .. و جمعت اغراضي اليوم و ودعتهم و كان وداعي لهم يفطر قلبي .. ليش كل انسان احبه ابتعد عنه ... ليش محد يحبني ؟؟؟ .. اللي مخوفني يا جودي ان ماما بتتضايق مني .. و انا ما ابغاها تكرهني .. و لا ابغى بابا يترجاني .. احترت .. ادعي لي بوقف كتابة الحين لأن بابا اتصل و بطلع له .. لا تخاف يا قلبي بطمنك عني .. اوكي .. برب .. جمــاد أول .. هههههههه .. جوودي .. لو تشووف شو سوت لي رواء هي و دانة و شيووخ .. صحيح دانه و شيخه يزوروني بس انا ما ارضى انهم يجوني كثير بالدار .. صلحوا لي بالونات و هذي البخاخات اللي تطلع منها خيوط ملونه و ثلج .. جلست اضحك .. فرحانين لي اني حامل .. حتى ماجد اخوي الصغير كنت اناظره بشووق بس خايفه يرفضني فما قربت منه بس من بعيد طالعني بعدين و نحنا جالسين قرب مني و يدينه ورى ظهره بعدها طلع يدينه و كان شايل سيارة . ههههههههه ... سيارة صغيرة تنباع بمحلات بو ريالين .. هههههههه .. شكله اشتراها بمصروف المدرسه دمعت عيني فرحانه .. فتحت ذراعي له و هو نط علي ضميته بقووة و هو بعد .. حسيتا ني اضمك و انا اضمه دموووعي طاحت و اشاهق و صار مجودي يصيح معي و الكل صاح ... هههههههه تخيل لما شفتهم يصيحوا ضحكت فضحكوا معي كأني مجنونه .. بجد يوم روووعه .. ما شفت ماما اليوم .. اصلا كنت متأكده بإنها ما بتفرح بوجودي و أفضل شئ سوته انها ما نكدت علي لان بوجودها بتنكد .. قبل شوي دخلت اغير ملابسي طلعت حصلت هاني جالس على السرير .. ابتسمت له و طالعته بس هو ما انتبه لي .. قربت منه و محطيت يدي على راسه رفع راسه لانه كان سرحان هاني : وحشتيني .. مشاعل : بابتسامه مشرقه رغم الحزن المكسو وجهها و شكله ماراح يفارقها .. غمضت عيوني و كأني ببين له اني مشتاقة اكثر .. هاني بضحكه : مبررررروك .. بصير خالوو .. مشاعل بابتسامه عريضه احرك راسي بايه .. هاني : مرتاحه اختي ؟؟؟ مشاعل غمضت عيني و هزيت راسي بايه .. سكت حسيته مو عارف ايش يقووول ... هاني انسان غريب صدقوني هو عكس ياسر .. حبوب بس ما يبين .. و احس قلقان علي و شفقان على حالي عكس ياسر اللي ما زارني و لا مرة .. حتى اليوم ما شفته شكله هو و ماما خرجوا عشان لا يشوفوني و هاني من النوع اللي ما يعرف يعبر .. ضميت قبضه يديني مع بعض و حطيتها تحت راسي يعني بنام و اشرت عليه قصدت و انت كمان نام .. هاني بضحكه : هههههه شوووفي انا مو فالح بالحركات مع اني ما فهمت الا انك بتنامي .. و عشان كذا بتركك .. تصبحي على خير .. و خرج .. و الحين انا اسولف معك .. لا تحاتيني انا مرتاحه بس اهم شئ انك تكون مرتاح جوودي .. جمــاد أول .. |
|
|
2010- 8- 18
|
#122 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
هالأيام بطولها معك يا قلبي .. جودي مستانسه بس لأني أحسك قربي .. ليتني من أول فكرت بالكتابة ..
معليه يا قلبي صايرة دلووعه هالأيام تعرف اني حامل كل يوم مجود اخوي يجيني و العب معه .. ههههه .. تدري اطلع الصبح من بدري قبل لا تصحى ماما و اروح للحديقة مثل أول و اشرب كافي مع ان بابا مانعني بس ما اشربه الا الصبح .. لا تعلمه مممم ما اعتقد انه يضر خصوصا اني ما اشربه الا مرة باليوم .. جوودي الورود و الازهار كبرت و احلوووت ... تذكر معنى الازهار اللي قلت لك عليها .. يا خوفي تكون ناسيني .. ما نسيتني صح ؟؟؟ رد علي تكفى ... انا ما قدرت انساك لانك الوحيد اللي اسعدتني و علمتني أحب و افرح ... كثر ما عانيت معك كثرها و اكثر سعدت وياك ... يقولون ما تحس بقيمة الشئ الا ان فقدته بس انا دوم احس بقيمتك .. من زمان و انا ادري انك غالي و مالك ثمن بس هل انا نفس الشئ بالنسبة لك و لا انتهيت .. ماجد ليش طلقتني ؟؟؟ ما تدري شكثر آلمتني و صدمتني .. تألمت أكثر لما شفت أبوي يصيح قدامي و يقول انه هو السبب .. اتصل بابا بـبابا ابو فهد عشان يستفسر شو صار لي لأني ما اتكلم .. ردت عليه اختك و لا مين مدري .. بس بابا يقول سمع صووت ازعاج و كأنه زواج و خبرته ان اليوم ملكتك و انك طلقتني ... زين يحق لك تتزوج اربع بس ليش تطلقني ؟؟ تدري بابا بغى يوقف قلبه اكثر مني خاف علي .. و جاء يعتذر لي ما فهمت ليش بس بعدين اكتشفت شئ عمري ماراح انساه موقف بابا و هو يعترف لي كأنه مذنب بحقي ... بابا : سامحيني انا السبب انا اللي زوجتك هو و عذبتك كنت ابغى اريح اختي و كنت بريحك انتي .. مشاعل يا بنتي .. كله مني لو اني ما فتحت الدرج هذك اليوم بعد ما سافرتي المدينة شفت جوالك استغربت معقوله تكوني ناسيته حتى لو نسيتيه ايش اللي جابه غرفتي انا و امك مسكته و فتحت القفل و طالعت بالارقام .. شفت رقم مسميته بأجمل إحساس .. اتصلت على الرقم و انا كنت خايف يكون اللي في بالي صح .. رد علي وااحد و كأنه ما يعرف الرقم تأسفت منه على اساس اني غلطان و رحت ابحث عن راعي هالرقم طلع اسمه ماجد الـ ... صدقيني كانت فاجعة لي ان ابوووه هو نفسه اخو الرجال اللي بسببه تعذبت اختي وش هالصدفه سحبت كل الفواتير اللي لك بس ولا فاتورة تحمل رقمه .. ليش سميتيه بجوالك هالاسم معقوله تكوني حبيتيه معقول يكون كلام ياسر صحيح ... اتصلت بابو ماجد و عرفته عن نفسي استانس و كأني عزيز عليه مع اني توقعت العكس سبقني بكلامه يوم قال نفسي اشوفك فرحت انه هو اللي طلب يشوفني و تقابلنا كان جاي مع مرته للعمرة عزمتهم و تعشوا عندنا .. اعتذر لي و تأسف على الماضي و ان وده يمحيه .. كان زواجكم هو أول الطريق لبداية علاقه فيما بينا .. لمحت له ان عندي بنت .. بس ما قلت له تعال اخطب و قلت له انها تشبه اختي رحمة الله عليها كأنها هي بروحها و جسمها بكل شئ قام طلب يدك مني لولده استانست على بالي طلب يدك لماجد لكنه طلبك لفهد بوقتها ما كنت ادري لمين خطبك .. بيومين وصلوا فهد و ماجد واختهم تقابلنا بمطعم و اولاده معه .. لما شفت ماجد قسم بالله الجوال طاح من يدي نفسه نفسه عمه .. نفس الملامح بس عمه اطول منه .. حسيت ان التاريخ يعيد نفس الحكاية .. فرحت ان اختي و بنتي بيجتمعوا على شخص تمناه قلبهم و بكذا اكفر عن غلطتي كنت اتمنى لك الخير .. استأذنوا عياله .. و قلت له موااافق يا ابو ماجد على ولدك ماجد حسيته انشرق يوم كان يشرب الشاي .. سكت و ما قال شئ .. بعدين عرفت من امك ا ن مرته طلبتك لولدها فهد .. فهمت شرقته و سكوته .. و بعدها باسبوع و يمكن اكثر اتصل و سألني متى تجي العروس من المدينة لأن ماجد مستعجل يااااه طرت من الفرحة .. و جيتي و زوجتكم .. يا ابنتي انت اغلى من عيوني بس ما كنت ابغاكي تتعذبي .. امك و اشوف قساوتها عليكي تحسبي اني اعمى ... انتِ كنتي تسكتي بس كم مرة بدون ما تحسوا كنت اشوف كل شئ لكني سكت .. بغيتك تشوفي نصيبك و ترتاحي مع اللي تتمنيه حتى لو كنتي بعيده .. سامحيني .. مشاعل "صدقني يا ماجد انا مو ندمانه اني تزوجتك ابدا لاني ما شفت منك الا كل خير .. و فرحت لما عرفت ان بابا كان يتمنى لي الخير .. انحرجت منه و انه كان يعرف بعلاقتي فيك ... لو غيره كان ذبحني هو فعلا كان بيذبحني بس يمكن هون عليه الموضوع كونك قريب الانسان اللي اختارته اخته .. أدري إنك متضايق مني عشان اللي شفته بس صدقني مو كل شئ ينقال و لا كل شئ ينشاف صحيح .. لا تصدق عيونك و صدق بصيرتك ... ( تقصد اللي صار بالشقة اخر مرة ) ... خليك جنبي .. محتاجتك .. اليوم مافيه احد البيت فاضي وانا بروحي .. راحوا الزواج بس انا مارضيت اروح .. ما حبيت تنحرج ماما بسببي تصدق لو قلت لك للحين ما قابلتها وجها لوجه ما احب اشوفها متضايقه مني .. أحس الكون ضدي .. جوودي الحين شو تسوي بهالوقت " بحيرة " .. اليوم خميس .. ما عندك دواام .. يمكن مع سالم .. استانس يا قلبي و لا تشيل في خاطرك مني .. لنا شهور منقصلين بس ارواحنا تتلاقى صح ؟؟؟ الا اكيد .. بوسني يا ماجد مثل قبل .. ما بمنعك هالمرة .. بس ارجع لي ... أوكي بروح أصلي لي ركعتين و بعدها بكمل تسميع لنفسي .. ايه صح ما علمتك اني من يوم دخلت الدار رديت كملت حفظي قبل كنت حافظه خمس أجزاء و خلصت الحين السادس و السابع و الثامن و التاسع و الحين بالعاشر ادعي لي جودي اختم القران ... لا تحاتي حتى ولدنا بخليه من صغره يحفظ القران عشان نلبس انا و انت تاج بالجنه .. مصلحنجيه صح هههههههههه .. أحــــبك .. بــداية جماد ثاني .. مـــاجد .. الحقنـــي .. جوووووووودي حبيب شعوووله خمني بقووووووووووووووووة ... ما اصدق ... ما أصدق .. حسيت بوجود أحد معي بالحجرة .. تعرف اخذ ادوية بس بكمية ضئيلة تبع تهدئة الاعصاب من الدكتور المشرف على حالتي النفسية .. بتجيب لي النوم .. من يومين أحس بوجود أحد معي اليوم ما خذيت الدواء عشاني أحس إن حالتي أزين من قبل و أخاف تأثر على الجنين .. غفيت شوي و حسيت بوجهي رطب مدري شلون .. فيه احد معي كنت بفتح عيوني بس مو قادرة احس بتعب هالفترة الدووخه ملازمتني و التعب و جسمي كأنه مكسر سمعت صوت بكى .. جربت افتح عيني من جديد .. و قدرت هالمرة انصدمت من اللي كان معي .. كانت صدمت حياتي كلها بطولها و عرضها .. يتبـــــع ... |
|
|
|
2010- 8- 18
|
#123 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
النهايــــــــــــــــــــــــــــــــــــــــــــ ـــــــــهـ ...
" بحــلم أعيش لحظة معــاك " غريبه يروح اليوم بهمومه وبكرى يجدد الأحزان نحاول نكتم العبره وتطلـق دمعنا الأهداب غريبه كيف ماتطوي جروحي نعمـة النسيان وأنسى كل ما بي مدام للجروح أسباب وأعود إنسان متفائل وأغنـي أعـذب الألحان وودع جرحي البايس واقول إن الزمـان عتاب وأرتب باقي أوراقي وجروحي والألم ذبلان وأخلي لك مع الذكرى حكايه ترفض الإعـراب جووودي ماما كانت ماسكه يدي و تصيح بجنبي .. و مغطيه عينها بكف يدي .. مستحيل ماما بحجرتي .. لا و تلمسني انا و تصيح بعد .. قمت و جلست رغم التعب .. أطالعها بتعجب .. طالعتني بطريقة غير عن دوووم .. جوودي غريبه نظرتها لي .. نطرة أم لأول مرة .. حنانها كان يجري كأنه شحنات تنتقل من لمساتها لجسدي .. نزلت دمعتي مو بيدي .. لمست وجهي برقة و دموعها ما وقفت .. مــامــا : سامحيني .. سامحيني .. مشاعل " ماما تطلب مني السماح ؟؟؟ ليش ؟؟؟ شو صار ؟؟ أكيد الحين أنا بحلم .. أو انجنيت مو غريبه لأني مريضة نفسيا .. مــامــا : مشاعل يا بنتي .. غلط بحقك اغفريلي .. بكت و بكيت معها .. مــامــا : كنت بعمرك و كانت أعز إنسانه لقلبي عمتك الله يرحمها .. بسبب وقفتي معاها تورط و طلقني أبوكي .. بعدها رداني عشت معاه عذاب كان يعذبني بتطنيشه لي و اهتمامه بأخته بلوومه إني السبب باللي صار لأخته .. و زاد عذابه لما تركتها تروح الطايف لوحدها .. تمنيت مليون مرة بعد موتها و من كتــر ما لامني ابوكي اني رحت بدالها و مت احسن و اهون من اللي عشته .. تعرفي ايش مشكلتي مع ابوكي اني أحبــه عشان كذا ما تركته .. ولدتي و أهتم فيكي و سماكِ على اسم الانسانه اللي بسببها و إن ما كان لها يد تعذبت .. كبرتي و كل ما تكبري أشوف صرتي نسخه منها بطبايعك بشكلك بجمالك بأخلاقك حتى يوم حبيتي .. حبيتي ولد اخو هذاك الشخص اللي قلب حياتنا ... زوجناكي فيه .. صدقيني أنا أم و ما أكره أولادي .. بس كرهتك إنتي مو عشانك بنتي لا .. كرهتك لأنك مشاعل أخت أبوكي .. كرهت اهتمامه فيكي و انا لا .. سميها غيرة . قهر . حسد .. بس كنت ابغاه يحسسني بإني مهمة .. حتى لما بعدتي و رحتي المدينه كان دايم يقلق عليكي مع انك عند أخوه .. الا يوم تزوجتي خف قلقه عليكي و ألتفت ليّ .. لما رجعتي ما زرتك بالمستشفى لأنه رجع يهتم فيكي و تركني أنا ذاك اليوم لما رجعتي من الدار للبيت كنت فوق الدرج شفتك لما دخلتي ما حسيتك مشاعل أخت زوجي لا .. شفت نفسي فيكي .. ايوة .. شقت نفسي يوم كنت حامل بك شفت الحزن بعيونك رغم الابتسامه اللي تحلي وجهك نفس النظرة نفس الملامح لما كان ابوكي هاجرني و كارهني و بعيد عني بالفترة اللي ضروري الزوج يكون مع زوجته وهي حامل حسيت إن بنتي تشبهني أنا .. بنتي أنا .. مثلي أنا .. كل يوم الصبح أصحى و أوقف بالبلكونه أشوفك بالحديقة و أنتي تشربي القهوة تذكرت نفسي لما كنت أعاند أبوكي بشرب القهوة بفترة حملي تصدقي لو قلت لك اني ابكي و اضحك لما شفت المشهد تكرر الفرق الشخصيه مرة انا مرة إنتي .. و انتي نايمة و بطنك بارزة بالشهر الرابع الحين و داخله الخامس .. وحيدة و اللي روحك فيه بعيد .. تحسي بخنقة و ضيق .. تبغيه يضمك .. يدفيك .. مو يهجرك و يحسسك ببرودة فراشك .. الوحده صعبه و تهون بوجوده حتى لو كان بعيد لكن الأصعب الوحده اللي يكون فيها بعيد و مو موجود و هذا اللي صار معك .. أقلها ابوكي ما تركني بس بعد عني لكن انتي تاركك و بعيد عنك .. سا محيني .. مشاعل " كل اللي قالته كانت روحي توافق عليه كأنها تتكلم عني و عن معاناتي .. ضمتني لها و تمسكت فيها ما قد حسيت بحنان الام ... غمضت عيوني ياااااه .. ياااه يا جوووووودي ماما تضمني .. و تمسد على راسي هذاك اليوم نمت بحضنها .. ياليت تكتمل فرحتي بوجودك .. خلصت الشهر الرابع و دخلت الخامس ... جماد ثاني .. جودي الحين انا بالشهر الخامس بارك لي .. كنت بستأذنك أصلح أشعه تلفزيون أشوف وش جنس البيبي و لا اخليها مفاجئه ؟؟ شوف أنا ابي ولد من الحين أعلمك مو تزعل .. يعني يرضيك مو كفاية انت بعيد .. أدري انت تبي بنت " و بحب " .. و بتسميها الريم ... السؤال اللي ودي أسألك هو من زمان من يوم قلت لي بتسمي بنتنا الريم ... هل بيوم حبيت الريم يا ماجد ؟؟ هل الريم كانت شئ مميز بحياتك ؟؟ و لا الريم كانت بنظرك صايعة بنت شواارع ... ما تعرف قد أيه جوابك يهمني .. صحيح ان حبي لك بيبقى مثل ما هو بس .. أقلها بعرف و ارتاح إن اللي حبيته حبني بكل أشكالي .. صدق ان معرفتنا غلط بس هالمعرفة حسيتها ســامــيـة .. تدري ليش لأنها كانت خاليه من أي ماديات .. خالية من إن ممكن نكون بشعين بأشكالنا بس أرواحنا حبت بعض حبينا شخص بعض ..ياليت يجي يوم تجاوبني .. جمــــاد ثاني .. ما علمتك إن ملكة دانــة الاسبوع الجاي .. بالقوة رضت تملك .. دانة حساسة و رقيقة .. تعرف تشبه باربي .. كل يوم هي عندي ... فرحانه بقوة لرجعتي .. فديتها .. و حتى شيخة تجيني بس مو مثل دانه لان شيخه تزوجت و عندها مسؤليات .. و للحين دلوعتي ما شرت فستان تقول مو عاجبها شئ .. شيخـة : دندووون فاهمتك ترا اللف و الدوران عشان تبغي مشاعل تروح معاكي السووق .. بس في الاحلام يا اختي .. البنت في الشهر الخامس و تعبانه .. دانه بزعل : انتي مالك دخل ... ورد .. جبت مجلة لمصمم و بغيتك تشوفيه عشان عبال يوصل اسبوع يمكن .. مشاعل " ابتسمت لها و أومأت براسي ايه .. فرحت و خرجت المجله من الشنطة .. و جالسه هي و شيخة و انضمت لنا رواء اللي مستغربته إن شهد مرررة ما جاتني و لا زارتني .. ليش طيب ... و كل وحده عاجبها فستان .. كل الفساتين حلوة بس عجبني فستان لونه ذهبي يناسب بشرة دانــة و حلو و فخم خصوصا أنها وحيدة أهلها فبيصلحوا لها شبكة كبيرة بقصر أفراح كبير و معروف بجدة .. تخيلت دانة و هي لابسته .. مسكت يدها و اشرت على الفستان ففرحت و قالت : وااااااااااو حلو وقفت .. خلص انا ابغى هذا الفستان .. شيخه بدهشة : سبحان الله لكي حوالي الاسبوعين و انتي مو عارفه تختاري لا في السوق و لا المجلات و هذي المجله من ضمنها دحين سبحان الله بقدرة قادر عجبك من جد عجاايب هالبنت ... دانه : مالك دخل لقااااافه ... مشاعل ضحكت عليهم .. رواء : يووووووووه لا تصدعوا راس اختي .. افففف .. قاموا عليها دانه و شيخه ... وصل فستان دانه بخمس أيام و قاسته الحمد لله حلو و تمام على جسمها .. حجزت بالصالون و انا معاها و شيخه و شهد بصالون ثاني معاهم رواء ..جلست مع دانه الى ان خلصت كانت تحفة تهبل من جد عروووس و عرووس جده بعد .. الميك اب كان برونزي عطاها سحر .. كأنها من عروس ميكسيكية .. جانا أخوها و أخذنا للقصر و دخلنا غرفة العروس و تصورت طلبت مني اتصور معها و انا رفضت .. خفت تزعل مني جوودي .. أعرفك ما تحبني أتصور و لا يشوفني أحد .. خرجت المصورة تضبط كاميرتها برا عند الكوشة كنت بطلع بس مسكتني دانه و الدمعة على طرف الرمش وجهي كان سؤال استفهام تمنيت تفهم اني استفسر وش فيها .. دانــة : كنت اتمناكي تحضري ملكتي و ربي كتب لي نصيب انك تكوني معايا عكس شيخه ... بس قلبي يوجعني عليكي .. علمتيني يا ورد ان ربي احب عبد إبتلاه .. يعني ربي يحبك ... قلبي يوجعني لأني أخاف أحس بالسعادة و إنتي لا .. مشاعل " لمست خدها بحب و مسحت دموعها و ابتسمت .. انطق الباب و كانت امها تقول ان العريس جاي و المصووورة كمان عشان تصورهم مع بعض لأنه ما كان موجود لما كانت بتصورة المصورة معاها .. فطلعت برا .. ما عليه بروح انام قلبي تعبانه .. اليوم سهرت كثير .. الحمد لله صليت الفجر قبل لا اكلمك .. تمسي على خير قلب مشاعل .. جمــاد ثاني .. جوووووووووودي خلصت 13 جزء للحين بااااااااارك لي ... اسمع لنفسي عشان مقدر انطق بس و لا يهمك ان شاء الله بيوم ربي بيشفيني و بسمع لك كل اللي حفظته .. وووعد .. .. أحــــبــك .. رجـــــب *واااو دخلنا رجب .. أدري لي فترة ما كلمتك بس ما فضيت بابا و ماما و هاني و رواء و ماجد دوووومهم معي وأحيان رواء تنام معي و ماجد فما بقدر اخذ راحتي ... عندي لك مفاجأة ضغط على روحي و حفظت جزء كامل بأسبوع إنجاز مو ... زين وش بتعطيني ؟؟؟ ههههههههه نفسي اخلص ولو عشرين جزء قبل رمضان تتوقع يمديني للان 14 جزء .. ممم .. ترا ما علمت احد غيرك على الحفظ... اصلا محد سألني حتى إنت بس يعني أحب أعلمك .. *تدري امس بالليل حسيت بطني يوجعني قلت يمكن لاني اتحرك كثير ... تذكر ما اعرف انام الا يوم تضمني و الحين يوم كبر بطني شلون بتضمني .. بقولك شئ بس لا تقول هبلة طيب .. كل يوم أشوفك جنبي و ضامني بصدرك .. ههههههههه .. أعرف أتهبلت بس حرام يعني يوم أحس بوجودك .. نفسي أطمن عليك ... كيف حياتك ؟؟؟ كيف منور ؟؟ و نجود و أصووول ؟؟؟ تزوجت نجود ؟؟ إنخطبت أصيل ؟؟ كيف ضئ و ضياء ؟؟؟ كيف بابا و ماما ؟؟ كيف البنات ؟؟؟ لازم اسكر الدفتر الحين أخاف رواء تصحى و تشوفني ... ايه هي نايمة معي بحجرتي اليوم ... تصبح على خير يا روح مشاعل ... نهـــاية رجـــب .. جودي مم مكيفك قلبي ؟؟ ممم بروح اليوم أكشف على الجنين و بشوف جنسه أوكي .. برب .. بعد ساعتين .. بـــــــــــــاك .. " بفرحة ألم " : جووودي .. جووودي ... لو علمتك بتستانس .. ماجد .. يا روح مشاعل و قلبها و عمرها انت و بس .. ماجد ان شاء الله بتجينا بنت .. بنت يا جووودي .. كانت مشاعل تصيح بفرحه و بألم لأن ماجد ما يدري .. أكيد لو درى بيستانس .. *** مشاعل "بابتسامه عذبه أرتب و أجهز أشيات بنتي اللي جاية بالطريق ياربي متى تمشي الأيام و أولد و أضمها بين يدي .. ياااه مشتاقهلها مع اني للحين ما شفتها من يوم علمتني الدكتورة انها بنت و انا الفرحه مو سايعتني تدروي يا جودي ليش؟؟ لأني بسعدها و بضمها و بحن عليها بعطيها كل شئ بغمرها بكل احساس فيني .. بعطيها كل اللي انحرمت منه حب حنان شوق امان دعوة حلوة من فم ام ما بخليها تحس بظلم ولا بخلي الدمعه تشق طريقها لها .. بحفظها القران كامل و بعلمها احسن تعليم و بربيها احسن تربيه , ابتسمت بحنان و حتى يوم انومها الى ان تكبر بخليها جنبي .. يارب تطلع شبهه .. يارب تطلع ملامحها بدوية .. ابيها نفس الخشم الحاد و نفس العيون الوساع ونفس لون ابوها لان ماجد افتح عني و ابيها تكون بيضه او بلونه .. اممم وش بعد .. وش بسميهاا ؟؟؟ ايه بسميها الاسم اللي ماجد يحبه بسميها الريم .. اذكر يوم قال لي مشاعل لو جتنا بنت وش بنسميها؟؟ مشاعل "بابتسامة خجل : اللي تحبه و نزلت عيني .. لكن اللي صعقني الاسم اللي قاله الحمد لله اني منزله عيني و لا كان بجد أنفضحت .. ما انكر ااني اتفجأت انه يبي يسمي بنتنا باسم الريم يعني باسمي المستعار .. مع انه كان يكرهها ..و قال لي ابيها تكون بلون عيونك العسليه و افمها مثلك تمام و شعرها بعد مثلك .. مشاعل : حشى ما بقيت شئ .. ماجد : اكيد ضروري تكون مثلك .. مشاعل : ليش ان شاء الله ؟؟؟ ماجد: قلبي لو هي مثلك مابشيل همها بتتزوج بسرعه, مشاعل "فرصعت عيني " : احلف من الحين شايل هم زواجها .. ماجد من قال ان طلعت مثلك بخليها عندي لين تعنس .. مشاعل : ليش ؟؟ ماجد : عشان يوم تروحين عرس و لا أي مكان بخليها احتياط عندي .. أحـــبك .. شعبـــان |
|
|
|
2010- 8- 18
|
#124 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
بابا ليش ما يفهم ان عمتي ما خانته عمتي حبت و مو ذنبها ,, مو نحنا نختار من نحب و لا حتى نحب ..
نحنا نقدر نختار اكلنا لبسنا بيتناعلمنا بس الحب مو بيدنا و انت ادرى ان الرسول صلوات الله و سلامه عليه قال اللهم لا تلمني فيما تملك و لا امللك كيف نحنا .. لكن ربي عادل جمعهم بجنته ان شاء الله ...و الدنيا زايلة .. بالنسبه لي ما كنت أدري و لا خطر ببالي ان اللي بغيته و اتمنيته و حبيته هونفسه يصير لمحمد اللي كانت تبيه عمتي لو بيدي كان ما اخترتك بس هذا ربي و هذي مشيئته .. لا تزعل جوودي .. بس هذا العقل يقول مو انا .. يمكن ما بيهمك كلامي لأني صرت لك ماضي متعب .. و يمكن نسيتني بزواجك و طلاقك لي .. صدقني أتمنى لك كل خير .. مشكلتي قلبي ما يشيل إلا واحد .. واحد ... *شروا لي تقول المحل بكبره و نصب لي بابا سرير الريم .. ماجد رغم فرحتي بس أحسها ناقصه ياسر للحين ما يكلمني .. تتوقع بيسامحني .. بروح أكلمه شو رأيك .. شلوون اكلمه و انا لساني ما يساعد .. بروح أقرأ لي قران أفضل شعبـــان .. اليوم زواج دانـــة فرحااانه لها إن شاء الله بندر يسعدها و ينسيها كل اللي شافته .. أحبــــــك .. ليلة رمضـــــــــــان ... مبررووك عليك الشهر ... ياااااه .. يا ماجد .. هالشهر فضيل و غالي على قلبي .. بهالشهر الريم بدت حبها مع ماجد .. هالشهر عشت فيه و انا متزوجتك أيام حلوووة .. هههههههه .. كل يوم كان فيه عزومه يا ترى باكر عند مين بيكون الفطور أكيد في بيت بابا بو فهد .. أذكر شلون صلحت الحلا و المعجنات و أستخدمنا ثلاجة فهد .. كان يوم ممتع رغم تعبي فيه .. و بنفس الشهر بدت البندري تهديداتها .. و صدمة نجود فيني و الكف اللي عطتني هو .. و خوفي من الفراق .. شتتني .. هالايام كثرت حركات بنتك صايرة تتحرك وااايد .. هههههههه مثلك و انت نايم ان قلبت الجهة الثانيه و ان كنت نايم كنت تشيلني معك للجهة الثانيه ... ههههههههه .. فديت بنتي و أبوها .. عسى ربي يخليهم لي .. بروح أسلم على ماما و بابا و و بسلم على ياسر ... إدعي لي ما يحرجني .. و قبل الكل كنت بسلم عليك .. رمضان كريم .. برب .. *بــــاك ... سلمت عليهم .. تخيل ياسر جاء لحدي و سلم علي .. و قال لي أن بابا خبره كل شئ .. ضميته بفرحة حياتي أستقرت مع أهلي .. و راضيه باللي ربي كاتبه .. بتركك لأني بدخل أساعد بالمطبخ أدري إن باكر رمضان مو اليوم بس عشان بالصوم بحس بتعب فمقدر أساعدهم و الأفضل الحين .. برب .. بعد حوالي الـ 4 ساعات .. *يوووووه باب المطبخ انخرب من برا يفتح بس من داخل المطبخ ما يرضى يفتح .. قلت لبابا يصلحه .. أوكي روحي تعبت اليوم.. بحط راسي و اخذ لي غفووة قبل السحور .. تصبح على خير .. رمضـــــان ... شهر القرآن .. اللي قدرت أحقظه 20 جزء الى الآن و دخلت الـ 21 .. خسارة ما يمديني أختم .. بس بترك الحفظ و بختمه قراءة .. كان خاطري أروح المسجد .. بس حالتي ما تسمح و لا بابا راضي كل يوم ماما و رواء و ماريني يروحون المسجد الكبير اللي بالحي .. و بابا و ماجد يروحوا المسجد القريب .. أما هاني و ياسر فكل واحد يروح المسجد القريب من المحلات تبع بابا .. كل واح مسؤؤل عن محل خصوصا بهالاوقات زي رمضان و لا الحج يعني في المواسم ... وانا أجلس بالبيت و معاي سالي شغالتنا الثانيه .. ما تقصر تجيب يل كل شئ لحدي و تروح تصلي بحجرتها كان الجو إيماني بجد .. و هدؤ .. بس الهدؤ المغلف بالوحدة و المبطن بالألم يذبح .. مرت أيامنا على هالوتيرة و مرتين زاروني دانه و شيخه بعدها لا لأنهم ملتزمين بأهل زوجهم .. الحياة كذا قبل كنت أنا ملتزمه مع أهل زوجي و الحين دورهم .. *هالاسبوع حاسة بفرحة .. غريبة .. معقووله بترجع لي .. قلبي يقول بترد لي .. بس متى ؟؟؟ متى يا ماجد ؟؟ * قلبي دخلنا بالعشر الأواخر .. خاطري أروح الحرم بس ماما تقول زحمة .. و بابا رفض .. لو إنك معي كان خذيتني بحضنك و وديتني صح ؟؟؟ لحظة وش هالريحـة ؟؟؟ أشم ريحة غريبة .. لحظه قلبي بروح أشوف الشغاله ثواني و رادة .. برب .. *باك .. سوووري قلبي بس حراام الشغاله نايمة و شكلها تعبانه بنزل أسخن لبابا العشاء تعرف معاه السكر و أكيد بيرد جوعان و الشغاله نامت حيزعل لو ما حصل العشاء .. بسخنه له و بشووف الريحه هذي من وين جايه أكيد من المطبخ كأنها ريحة غاز ..ثواني و راجعة مو تتركني انتظرني يمكن أتأخر شووي رادة لك قلبي .. أحــــبك .. مـــــاجد ..: و أنا بعد أمووووت فيك .. قلبت الصفحات .. و قلبتها لآخر صفحه ما حصلت التكملة .. مو مهم بعرفها منها بلسانها ... أتصلت بفهد و كلي أمل و فرحة تحبني .. تحبني .. أتصل فهد بأبوها و خبره إني بشوفه و عطاه العنوان .. أبو مشاعل : هلا فهد .. فهد : عمي ماجد بيشوفك .. أبو مشاعل : ضروري ؟؟ فهد : اعتقد إنه ضروري .. ووين بنحصلك ؟؟ : ....... فهد بإستغراب : وووين ؟؟؟ : مكان ما قلت لك .. أظنك سمعت .. فهد " بخوف ": ليه ؟؟ : انا بهالمكان .. يباني أخوك حياه الله هنا و لا آآآسف مقدر أقابله الان .. فهد " بقلق " : انزين بنجيك .. ماجد : وش قال ؟؟؟ فهد : بيقابلك .. و سكت .. مشينا للمكان اللي قاله ... وقفت نزل ماجد بدون ما ينتبه حنا وين فيه بس لما خرج تفاجأ .. ماجد " بدهشة " : فهد وين جايبني انت ؟؟ فهد بقلق سكرت الباب و قلت : مشي بدون ما تتكلم لأن ما عندي جوااب لشئ أبد .. دخلنا و شفنا عم محمد أبو مشاعل جالس و بيده دخلنا و شفنا عم محمد أبو مشاعل جالس بعيد و بيده مصحف.. فهد " وش هالمكان اللي اختاره بالله عليه عم محمد صاحي .. لا حول و لا قوة الا بالله قسم بالله يرعب .. و بعدين شوي و تغرب الشمس .. متضايق بقووة .. و حاس باختناق .. سترك يا رب " .. مــاجد " طالعت حولي .. و ما فيني ذرة فهم الشئ الوحيد اللي حاس فيه إن مشاعل قريبه مني .. و غيره مو قادر أستوعب كأن عقلي جمد .. لدرجة مسكت راسي و عقدت حواجبي اضغط على راسي بقوة ابغيه يفتح و يستوعب .. وحنا رايحين له مرت ريح باردة وقفتني بمكاني .. قلبي حسيته ينبض و يزيد نبضه مقدرت ا غمض عيني ظلت مفتوحه تناظر قدام .. فهد " أقشعر بدني بمرور هواء بارد و غمضت عيوني كملنا طريقنا وقفنا بقربه و هو يقرأ بعدها .. سكت و طالعنا .. حسيته كبر عشر سنين قدام نظرته كسيرة " ... بو مشاعل : ها يا ماجد قرأت الدفتر ؟؟؟ ماجد بهدؤ يسبق العاصفه : أي نعم .. بو مشاعل : و بعد اللي قرأته مُصر تقابل بنتي ؟؟ مصر تشوفها ؟؟ ماجد : أكثر من قبل .. بو مشاعل : براحتك يا ولدي هذي هي مشاعل تفاهم معاها و أشر على مكان ماهي موجودة مشاعل .. حــل سكون غريب حتى الريح اللي قبل شوي سكنت .. و ساد صمت ملئ بالكلام .. عند غروب الشمس .. و الدنيا غائمة مصفرة .. توقف البشر بنظر المحب عن الحياة .. و ظل الرجل الحبيب ينظر إلى حيث ما أشار ذاك المُسن .. و الفؤاد المتلهف ينبض بإسم الحبيبة أم الحبيبه .. كان عنتر حيث كانت عبلة و كان قيص حيث كانت ليلى و كان روميو حيث كانت جولييت و الان أين موقعي أنا ماجد أبحث عنها .. أبحث عن مشاعل .. بنظرة مبهمة و الطيووور حل بدلا عنها الغراب و صوته القبيح يعلو .. أعدت ناظري إليه .. مــاجد "بتوهان ": عمي .. صدق .. وينها شعولتي ؟؟ بو مشاعل بجدية : ورد أشر على المكان و قال : مشاعل هنا ... فهد و توترت أعصابه : عمي محمد .. حنا ما نتمسخر ... تكفى لا تلعب بأعصابنا ... إذا ما بغيتنا بنروح و لا بنرد بس هالحكي ما يصلح ... بو مشاعل بحــزن غلب عليه و قسووة اجتاحته : بنتي مشاعل .. |
|
|
|
2010- 8- 18
|
#125 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
ماتــــت ...
ماتت ... ماتت .. و هذا قبرهــا .. عم السكوت مرة ثانيه و ثالثه .. بس مو مرة أخيرة .. ماجد يطالع المقبرة بنظرة انسان مو فاهم وش قاعدين يقولون و لا وش صاير اصلا .. فهد بحده : عمـــي .. لا تقوووولها فالك ما قبلناااه .. بو مشاعل : بنتي ماتت من حول الـ7 شهوور .. ما ظنيت إنك ما تعرف .. أفرحني شئ واحد إنك ما طلقتها .. بس ليتك جيت قبل سبع شهور عشان تفرحها .. إن شاء الله تكون أرتحت دحين .. وقف بو مشاعل و كان بيلتفت ماشي .. بس وقفه صوت ماجد اللي ما كان يعبر عن شئ ... ماجد : كيف ؟؟ كيف ؟؟ بو مشاعل : قصدك كيف ماتت ؟؟ ماجد أومأ بايجاب .. بو مشاعل "يحكي نهاية مشاعل " ... ذاك اليوم برمضان .. كل يوم نروح نصلي بالمسجد و هي .. حامل .. طالع بماجد و قال : مبرووك .. كانت حامل ببنت .. و رجع كمل .. كان نفسها تروح الحرم بس انا رفضت عشان الحرم برمضان زحمة و أخاف عليها راحت عمتك و رواء المسجد الحي البعيد و نا و ماجد كنا بالمسجد القريب .. و هاني و ياسر برا .. حسيت بصلاتي دوووخه و قلبي ينغزني و تألمت فما قدرت أكمل مع الجماعه بالمسجد و قلت لماجد يصلي و يرجع و هو يعرف طريق البيت .. راجع البيت و نا بفتح الباب سمعت صوت صرخــة و لما دخلت البيت شميت ريحة غاز اول ما خطر ببالي أجري أشوف مشاعل .. ركضت لفوق بغرفتها ما حصلتها .. رحت للشغاله بغرفتها يمكن تكون عندها بس كانت الشغاله نايمة صرخت فيها .. بو مشاعل : ســــالي .. ســالي .. الشغاله من النوم مفجوعه : بابا .. بسم الله .. بو مشاعل : مشاعل .. مشاعل فين ؟؟ الشغاله "بخوف " : مايدري ممكن حجرة هو .. بو مشاعل ركضت مثل المجنون مع ان جسمي ما عاد يتحمل هالجري العمر ما يساعد يا ولدي .. وريحة الغاز ذابحة المكان .. فتحت باب المطبخ اللي انصدم بشئ و ما كان هالشي الا راسها .. فتحت الباب و كان المطبخ مكتوم بالغاز وهي بالارض على بطنها تتألم و شفايفها زرق .. حيلي طاح ما فكرت افتح لا نوافذ و لا حتى باب البلكونه من الصدمه ججلست جنبها و ما عدت اقدر أقوم و هي تناظرني و تبتسم و تستنشق بقووة و كأن الهواء رفض يدخل بجسمها .. قربت منها ... مشــاعل " تستنشق بقوووة " : بـ ... .. .. با.. با .. بو مشاعل : انصدمت . .. : مشاعل انتي تتكلمي .. مشاعل اتكلمتي .. صوتك رجع .. بس ما كنت اعرف ان رجع صوتها بتروح بكبرها و ما ترجع .. ماعرفت اتصرف قلت بعطيها تنقس صناعي و عطيتها بس هي بدل لا تفوق وجهها حمر أكثر حاولت أشيلها بس رجولي ما شالتني .. دخلت الشغاله تصيح بقووة و فتحت النوافذ و الابواب .. مشاعل : با.. با .. " تاخذ نفس " ســ .. س.. سامحن.. ي .. مسكت بطنها بألم و تتأوه .. : بابا .. حـن على .. ما.. مـ .. ما .. حن عليها ااا .. لا .. تعـ .. ذبهااا.. انتبه عـ .. لى .. نفسـ.. ك .. مـ.. اجد .. ماجد .. ماله .. ذنب .. بابا .. ماجد لا .. تكرهـ..ـه .. لا تـ .. تـأذووه .. ر.. روحـ..ي فيــه .. بو مشاعل "صاح بألم .. " : مستحيل تروحي .. اصلا ربنا ما يرضى بالظلم .. أخذ أختي ما بياخذك .. بنتك.. بنتك من بيربيها ؟؟ لا ما بخليكي تروحي .. جيت اشيلها و حسيت بشئ لزج .. وبيد مرتجفه شفت دم .. طالعتها بخوف و صدمة .. و هي تبتسم و دموعها تطيح من كثرها شلال .. مشــاعل : بنـ .. بـ .. بنتـ ي ... يابنتي أعذريني لو ما جبت لك لعبة .. يابنتي أعذريني لو ماخذتك مشوار لا تقولي يا ماما شوفي أولاد الجيران شوفي عندن ألعاب لولا عرفتي ياماما ان قلبي تعبان و ثيابي بلا جياب .. مأكد كنتي عذرتيني يا أغلى حبي بقلبي يا أسوارة بجابيني يا عصفورة ماما ... يابنتي أعزريني لو مالبستك طرحة و عملتك عروس و كبرت بعيوني الفرحة .. لأنه السعادة مش إلنا يا بنتي لأنه القدر ظلمنا أنا و أنتي لان السعاده مش إلنا يا بنتي ظلمنا أنا و إنتي .. و الزمن يابنتي و الزمان يابنتي و الزمان يابنتي ظالم و قهاااار اهتزت رجلينها فتركتها شفت رجلينها تتنافض قدامي .. بنتي كانت روحها تطلع قدامي .. ونا ما سويت شئ .. طالعت بوجهها كانت انفاسها تشتد و تتقطع و عيونها تروح على فوووق و تعصر بطنها بيدها .. ما سمعت الا صوت الشيخ بالمسجد بخطبة الليوم الجمعة قال .. قال رسول الله صلوات الله و سلامه عليه : "الشهداء سبعة سوى القتل في سبيل الله: المطعون شهيد، والغرَق شهيد، وصاحب ذات الجَنْب شهيد، والمبطون شهيد، والحَرَق شهيد، والذي يموت تحت الهدم شهيد، والمرأة تموت بجُمْعٍ شهيدةٌ" مالك، النسائي، أبو داود.. رحمهم الله تعالى. بجُمْع: الحمل. أي المرأة تموت بسبب الحمل، أي يقتلها ولدها الذي في بطنها. و قال رسول الله r وعلى آله وبارك: ".. والمرأة يقتلها ولدها جمعاءَ شهادةٌ [يجرها ولدها بِسَرَره إلى الجنة]". أحمد.. رحمهم الله تعالى. السَّرَر أو السُّرُّ: ما يقطع من بطن المولود عند ولادته. عن بُريْدةَ بنِ الخطيب رضي الله عنه "أنه كان بخراسان، فعاده خالد وهو مريض. فوجده بالموت وإذا هو بعَرَق جبينِه، فقال: الله أكبر! سمعتُ رسولَ الله r يقول: موتُ المؤمن بعرَق الجبين". رواه أحمد والنسائي رحمها الله تعالى. شفت العرق بجبينها .. من رأى مسلما على حافة الموت عليه أن يلقنه الشهادة ... فإنها من حسن الخاتمة و من قالها دخل الجنة .. بو مشاعل : مشاعل يا عروستي .. مشاعل و الدموع تجري : لبيـ ... ـ.... ـه .. بو مشاعل و انا اهدء نفسي : قولي معايا .. أشهد أن لا إله إلا الله .. قولي .. و بو مشاعل من البكى يقطع بالكلام .. مشاعل : بـ بابا .. أشوف عمتي .. شوفها .. تشـ .. بهـ ..ـني .. بو مشاعل " عرفت إن نهايتها قربت .. بكيت أكثر و أكثر و انا اردد الشهادة ..و هي مو معايا تتكلم عن عمتها و لا حتى سامعتني خفت اكثر " .. مشاعل : بابا عمتي .. تنتظرني .. عند الوررد .. بابا.. بو مشاعل " صدرها يعلو و يهبط .. و سمعت صوت بحلقها أرعبني ضميتها لصدري بقوووة و رددت الشهادة " مشاعل : أنا رايحه .. سامحني .. جـو .. ودي .. سامحوني .. الله .. أكبر .. الله .. لا إله الا الله .. لا اله الا الله .. محـ .. مد رسول .. اللـ .. انتهت .. و راحت و أرتاحت و ريحت .. الله يرحمها .. ما انكر قهري منك و من عيلتك نفس الجرح مرتين .. بس توسل بنتي إني ما أكرهك و ان روحها فيك هو اللي ما قدر يخليني احقد عليك في النهاية كله قضاء و قدر .. هذا قدرها و رضينا فيه .. بموتها نقلت من البيت و من جده بكبرها و عشت مكان مادفنتها فيه هنا بمكه .. كل يوم بعد العصر أزورها و أقرء على روحها القران .. و اتكلم معاها .. و عند الغروب اتركها .. ماجد : و بنتي ؟؟ بو مشاعل : هههههههه .. ماتت .. لا تزعل على بنتك انت ماعشت مع بنتك و لا يوم و لاحسيت بوجودها الا و اكيد زعلان عليها .. بس مو زيي بأنا بنتي عشت معاها 22 سنة .. و أكثر .. تتوقع زعلي كيف يكون ؟؟ فمـــان الله .. كل اللي انقال كان صعب على فهد يتقبله جلس على التراب بركبته بصدمة و أنين .. حبه لها و عن كان محرم كان له أكبر أثر بحياته و موتها قلب حياته فوق تحت .. للحظات و الى الان تمنى لو انه مكانها أقلها بتعيش هي مع الانسان اللي تمنته و تمناها أما هو لو راح من الدنيا بيرتاح من قلبه و مشاعره المحرمة .. غريبه الدنيا و الاغرب القدر حرم أخوي و حرمني .. من نفس الانسانه .. لو أخذني أنا مو كان أحسن أستغفر ربك يا فهد لا تتدخل باحكام ربي و قضائه لكل شئ حكمة و الله أعلم وش حكمته من وفاتها .. صدقني يا فهد الكثير ترحم عليها و دعى لها .. ارتاحت .. أول حكمة بنظري أنا جلاديولاس .. لو عاشت مشاعل كان انت يا فهد ما تزال تحبها .. و ربي ما يرضى بهالشئ .. مشاعل غلطت بحياتها بغض النظر عن نيتها .. تعرف انسان بطريقه غير شرعية بنظري .. هذي أكبر غلطه بحياتها وش أستفادت ؟؟؟؟ غير الخوف و القلق من إكتشافه لها .. يعني حياتها ماتستقر بسبب الخوف و القلق .. غلطت يوم نزلت لك الشقه و عطتك غداك و ان كانت بنية حسنه .. غلطت يوم انها تسامح و تعفو بسهووله .. ربي يسامح و يغفل لكن للانسان اليل يتوب بصدق .. لو ما مشاعل ما تت كان ما تزوجت يا فهد بعد اربع سنين وكمن شهر من وفاتها .. أدري إن زواجك كان بدافع تونس أهلك اللي من دروا بموت مشاعل حل الحزن و اللوم و عتاب الضمير .. منور من جهة مسكت حداد و نجود جلست تلوم روحها و أصيل .. بكت .. فاطمة لامت نفسها على اول و تذكرت فعايلها معها و ترحمت عليها .. البندري ظلت تحلف ان ما كان قصدها انها تموت و لا قصدت انه يعتدي عليها اللي ما تعرفه البندري ان مشاعل ما اعتدى عليها ربي سلمها و نجاها .. زادت حالة البندري النفسيه و تأزمت حولوها على مستشفى شهار بالطايف .. مــاجد .. اتمنى محد يسألني عنه .. لأني بجد ما قدر أوصف شعور إنسان أصبح جسد بدون روح .. راحت روحه معهاا .. بعد معرفة أهل ماجد بموت مشاعل بسنه تزوجت أصيل بعلي .. أخو منور .. حاولوا بالصدقة و الدعاء لها و طلب المغفرة من رب العالمين على ظنونهم .. يتخلصوا من عتاب الضمير .. و عسى توفقوا .. دانـة تعبت بس كملت حياتها و شيخه بعد ... و كل أهلها .. و اكيد كثير يتسأل من اللي أعطى محمد بو مشاعل الدفتر الي عطاه لماجد .. هيه .. ما فيه غيرها .. رواء .. حصلت دفتر مشاعل تحت مخدتها أيا م العزاء و أحتفطت به بعد ما قرأته و لقت ان من الاصح يسلم الدفتر للانسان اللي كل صفحه فيه خاطبته فيها .. لان الدفتر موجهه منها له .. و له الاحقيه بمعرفة حياتها دام هي مازالت زوجته .. بموت إنسان غالي مهما بلغت درجة غلاته ما تنتهي حياتنا .. لو كل غالي مات و حنا نصيح عليه كان صاحوا كل الناس .. لو كل حبيب مات وحنا بمكاننا ما تحركنا و الحزن يلفناكان توقفت الحياة .. بس لا الدنيا كذا .. يوم مع مشاعل و يوم عليها .. و يوم مع ماجد و يوم عليه .. الحياة أبيض و أسود و رمادي و أحمر لو تبون .. بعد مرور 5 سنوات ... عند شاطئ البحر بنفس المكان اللي كان تمشى فيه معها و يدها بيده ... عند غروب الشمس وراء الافق و غرقها تحت البحر .. يقف صاحبي .. جــودي واحشني ياطيب يأرق من الملاك فاكرك وفاكر أد ايه أتهنيت معاك وكنت أتمني يكون عمري فداك دلواقتي بحلم بس أعيش لحظة معاك. اه دلوقتي بحلم بس أعيش لحظة معاك ياللي مشيت من غير ماحتي نقول سلام هفضل علي عهدك كأني معاك تمام مين اللي قال البعد بينسي الحبايب تعالا شوف حبي وشوف قلبي اللي دايب مين بعد منك حيداويلي في يوم جروحي مين اللي في حضنوا حنين حنسي روحي وكنت أتمني يكون عمري فداك دلواقتي بحلم بس أعيش لحظة معاك ياعيني... بحلم بس أعيش لحظة معاك . بكذا انتهت قصتي .. مسماها الاول ظلمتني بدنيتك يالغلا عسى الله يهنيك بغاليك هذي خواطر قصتي .. مسماها الحالي و الاخير .. همس قلبي بعد كل هذا الحب الماضي لا يعود .. هذي خواطر قصتي .. أتمنى من جميع أخواتي و و اخواني القراء و القارئات ما يزعلون مني .. نهاية مشاعل ما كانت بيدي .. هذا قدرها .. و لو بيدي مستحيل أصلح شئ ما كتبه ربي لها .. فأرضوا بهالنهاية عشان روحها تسكن بسلام و ادعوا لها .. ربي يجمعها بماجد بيوم عنده .. وادعوا لي .. فيه خبريه كنت بعلمكم هي من زمان و قلت اني بخبرها قريب ان شاء الله و اللي هي ان مسافرة قريبا ان شاء الله لتكمله دراستي الماستر .. خارج المملكة .. و دعاء المسلم لأخيه المسلم في ظهر الغيب مجاب .. أمنيه .. أتمنى أكون أسعدتكم معي بلحظات و ثواني و دقائق ثمينه من وقتكم .. و أعذروني أن تطاولت او أغضبت أو زعل أحد مني .. فأنا استميحه عذرا .. كثير من الكاتبات بعد نهاية قصصهم يكتبون لكم أساله ان كانت النهاية حلوة متوقعه و لا لا افضل شخصيه ؟ اسوء شخصيه .. لكن أنا و اعوذ بالله من كلمة أنا .. ما راح أطرح عليكم أي سؤال بتكون العمليه عكسيه تعرفون انه مسلسل مكون من حلقات و بعد كل مسلسل فيه مقابله حصريه لابطال القصه أي شخص حاب يطرح سؤال على أي شخصيه من شخصيات القصة ترانا حاضرين و ابطال و بطلات القصه موجودات .. و استودعكم الله الذي لا تضيع ودائعه .. تحياتي لكم .. ... |
|
|
|
2010- 8- 18
|
#126 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
انتهت همس قلبي
ونهايتها حززينه |
|
|
|
2010- 8- 18
|
#127 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
بصراحة حزينة عدل
حتى دموعي طاحوا غصبن عني بس ماتمنيت ان تكون النهاية كدا |
|
|
|
2010- 8- 20
|
#128 | |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
اقتباس:
توقعت باخر لحضه يرجعون لبعض بس ماتوقعت تموت ويطردها بس من جد حاله ماجد تكسر الخاطر 
|
|
|
|
|
2010- 9- 22
|
#129 |
|
أكـاديـمـي نــشـط
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
أنا صدق أحب أكتب وأموووت بالكتابه وأنا كاتبه وأحب أقرا روايات بس ذي لا لا
بجد حزنت من كل قلبي ويا دموع نزلتها إيش ذا لا اله الا الله ليش ما رجعت لماجد ليش صارت النهايه كذا حرررررررررررررررررررررررررررررام كاتبتي المبدعه اخت البطه ** كانت عندي اسئله كثيره لك بس يوم قريت النهايه نسيتها قلب تقطع ليش كل هالظلم أنا صدق زعلت على شعوله بس على ماجد أكثر ما أسال الله إلا السلامه والعافيه الي كنت بقوله ضاع بس يالله خذت عبره بحياتي لان انا فيني من شخصيه مشاعل الكثير ومن منيره اكثر خخخ ملقوفه مثلها ايه صح تروحين وترجعين بالسلامه يا رب أما عن كونك أسعدتينا فما قصرتي ضحكتينا وبكيتينا يسلمو يالغلا[align=center][/align] |
|
|
|
2010- 9- 22
|
#130 |
|
أكـاديـمـي مـشـارك
|
رد: روايه همس .. قلبي بعد كل هذا الحـبـ ,, الماضي لايعود > حزيينه وطويله
يسلمج ربي
اي والله انا من بعدها جلست فتره مااقرا حييل حزينه بس عن جد الكتابه مبدعه وتعرف تنسق الاحداث |
|
|
|
| مواقع النشر (المفضلة) |
| الكلمات الدلالية (Tags) |
| >, لايعني, الماضي, الحـبـ, بعد, حزيينه, روايه, همس, هذا, وطويله, قلبي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
