افتحوا مركز اختبار بعرعر

[الباارونه]

الف الف مبررروك



يستاهلوون اهل عرعر

[حياة الرووح]

متى اليوم؟؟؟؟؟؟؟؟؟ ليش ماقالولي اليوم الساعه 8 الصبح كلمتهم وقعدت استفسر منه تقريبا فوق الربع ساعه جننته بالأسإله .. ماقالي بس كل شوي يقولي بيوصل هالكلام للدكتور

مارضى يعطيني الدكتور يقولي مشغول ونشبت له كل شوي اقوله ترا اذا مافيه مركز بنحرم من الدراسه وفيه كثير نفس حالتي ويقولي لاتشيلين هم

تصدقون قالي بنرد عليكم بعد العيد قلت له حرام عليك بيروح علينا التسجيل نبي نتطمن قبل موعد التسجيل قالي اجل كلميني على نفس الرقم هذا قبل رمضان او بتحصلين الخبر في موقع الجامعه قسم الاخبار

بسسسسس ماتوقعت هالسرررعه بنفس اليوم ادش الملتقى القى الخبر هذا !!!!!!!!!!!!!!!


والله بدق على نفس الرقم باجر واشكره وباخذ تفاصيل المركز اي صوب بالضبط

لااااااااا مو مصدقه ببكي

عاد اليوم الصبح بكيت بما فيه الكفايه مافيني ابكي بعد الحين

انا عندي مشكله صغنووونه احتمال توقف بوجه دراستي وكنت اتجاهلها وكل تركيزي على مركز الاختبارات .. بس اللي رد علي اليوم قلت له على مشكلتي وطمني حيييييل حيييل وكانت نفسه حيل حلوه معاي وتحملني مع اني حنيت وطولتها عليه

حتى سألته كم عدد الفاكسات اللي وصلتهم قالي بس 6 فاكسات بس فيها البركه واللي ارسلوها فيهم الخير

ماقصرتوا كللللللللللكم بومحمد ونايف اسيمر وبو ياسر وخالد الرويلي وصالح وحتى الاستاذ صغير العنزي والمحرر جاسر الصقري وكل اللي ساهموا بالمطالبه وماذكرت اساميهم لكم كل الشكر ويعطيكم الف الف الف عااااااافيه

لو ماتجمعنا ماوصل صوتنا

[ابو محمد الشمري]

لو لا الله ثم التكاتف ماكان وصلنا للامر هذا ..


والظاهر انتي الي مشغله الخط اليوم يابلحه ادق مشغول وشغول ....


ماردو علي الا بعد الساعه 11 الصبح ..


الزبده انشبي بحلقه ووخليه يرسم الكروكي بعد


الله يستر عليك

[حياة الرووح]

ههههههه حرام عليك مالي شغل صح اني نشفت ريقه المسكين كل شوي يشحط صوته الظاهر انه ماتقهوى بس عاد مو للساعه 11

ماعليك باجر بدق مره ثانيه ويمكن اقترح عليه مكان للمركز

[ابو محمد الشمري]

ردي لنا خبر بلاه عن الي يصير معاك ......................

[حياة الرووح]

ان شاءالله اكيد

اليوم الصبح بغيت انزل رد بتفاصيل اتصالي بس قلت مو الحين لحد ما اخذ خبر يستاهل انزله بس الحمد لله سبقتني انت وماطول انتظارنا

وربي استانست بالخبر

[حياة الرووح]

بااااااااك

توني سكرت التلفون من مكتب الدكتور

قلت له امس كلمتك وماعطيتني خبر بالمركز قالي اي لانج كلمتيني قبل الخبر

وبعد ماسكرتيه رحت للدكتور وعطاني خبر بالموافقه

سألته عن موقع المركز قالي مافي الحين اي معلومات بس كل سمستر راح يتغير مكان المركز يعني مو ثابت

وسألته عن استكمال الماجستير وللاسف قالي مااااااااااافيه لحد الحين مافي اي قرار بهذا الخصوص

يعني كل الكلام اللي بالمنتدى هني اشاعات للاسف

وقالي لاتاخذين الكلام من المنتدى كل واحد ينزل موضوع على كيفه قالي اخذي المعلومات الاكيده من موقع الجامعه

وبس ماراح ادق مره ثانيه هجدنا العرب وماقصروا معانا خلااااااص كافي ازعاجات

[نايف أسيمر]

المشاركة الأصلية كتبت بواسطة ابو محمد الشمري

نايف شدخل الاخباريه علشان تزف الخبر

المطالب طلعت من هنا والخبر طلع من هنا ...

والاخباريه نقلت الخبر من هناااااااااا

أخوي ابومحمد (( ألف ألف مبروك على أفتتاح المركز ))


نعم الفضل لله سبحانه وتعالي وللموقع هذا ومنتديات عرعر والاخ الكاشف ومكتب جريدة الرياض

والاخت بلحه وجميع الي ارسلو فاكسات وطالبوووو

وانت يابومحمد ماقصرت وتعبت على هذا الموضوع كثيرا

[ واذا كنت تعتب علي لأني ( كتبت أخبارية عرعر تزف لكم البشرى) فاحب ان أوضح لك الأمر فأنا نقلت لك عنوان الخبرالمكتوب في أخبارية عرعر والذي ( كتبه الأخ فهد الصقري ) وكنت على علم من أنه سوف يعلن عن خبر افتتاح المركز وانت الذي كتبته هنا في الملتقى وليس لي علم من أين اتى به الاخ فهد الصقري ولو تلاحظ في تعليقات الخبرتشاهد لي تعليق كتبت فيه ستة روابط وهي (
1- رابط خبر مطالبة الأخ خالد الرويلي والذي نشر بالاخبارية
2- رابط الخبر الذي كتبته أنا وفيه نص رسالة (الاخ خالد وهي دعوة للتجمع في الملتقى هنا ) ولكن الاخبارية اجبروني على تغيير نص الرسالة لانها مكتوبة بالعامية فجلست عليها الساعات الطوال حتى احول كلماتها من العامية الى اللغة العربية الفصحى
بحث انني لاأغير معنى الرسالة .
3- رابط الخبر الذي نزل بجريدة الرياض وقد كتبه الأخ جاسر الصقري ابوياسر.
4- رابط الخبر الذي كتبته انت ياابامحمد في هذا الملتقى .
5- رابط الخبر الذي كتبه الأخ خالد وهو أيضا في هذا الملتقى
6- رابط الخبر الذي كتبته انت ايضا في منتديات عرعر

وانا (واعوذ بالله من كلمة انا) ياابامحمد قد قرأت موضوعك انت والأخت (حياة الروح - بلحة) في هذا الملتقى وفي منتديات عرعر وأردت المساعدة وخدمة منطقتنا وابنائها وبما أنني حاصل على البكارليوس ولله الحمد واعمل معلماً فانا لا استطيع خدمتكم بارسال فاكس للمطالبة بالمركز واردت مساعدتكم بايصال صوتكم للذين يريدون الانتساب ورأيت ان اخبارية عرعر يشاهد الخبرفيها بشكل كبير وليست كالمنتدى وليس هذا انقاصا بمنتديات عرعر بل يشهد الله انها من افضل المواقع المؤثرة في منطقتنا وانا عضو فيها
وانا اكتب ايضا في أخبارية عرعر فلذلك ورد أسمها
{ وأنا أعتذر أن كنت أخطأت عليك ياابامحمد أو على أي شخص اخر فأرجو قبول أعتذاري وأنا كنت أتمنى أن يكون عملي في الخفاء وذلك ليكون لوجه الله ولكن عندما رأيت ردودك في الملتقى وفي منتديات عرعر وغضبك من الأخبارية أردت توضيح الصورة }
عموما انا تركت الكتابة لأخبارية عرعر ولكن كما قال الأخ صالح (( من باب - من لايشكر الناس لايشكر الله ))
فما قصرت أخبارية عرعر

أتمنى لكم التوفيق والنجاح

[حياة الرووح]

اخوي نايف اسيمر

يعلم الله انك ماقصرت ومجهودك واضح محد يقدر ينكره

واحنا ان اهتمينا بالموضوع ف احنا اصحاب مصلحه ولكن انت مالك مصلحه من الموضوع وواضح جدا انك انسان تحب تساعد وتبحث عن الاجر والله لايضيع تعبك ويجعله في ميزان اعمالك يارب

واخبارية عرعر موقع مايحتاج شهادة شاهد ومالنا غناة عنه وله من القوانين اللي لازم نحترمها

وماننكر دور الاخباريه ومساهمتها في انجاح مطالبتنا

ولك كل الشكر ويعطيك الف الف عافيه ربي مايحرمنا من امثالك

[نايف أسيمر]

المشاركة الأصلية كتبت بواسطة بلحه2

اخوي نايف اسيمر

يعلم الله انك ماقصرت ومجهودك واضح محد يقدر ينكره

واحنا ان اهتمينا بالموضوع ف احنا اصحاب مصلحه ولكن انت مالك مصلحه من الموضوع وواضح جدا انك انسان تحب تساعد وتبحث عن الاجر والله لايضيع تعبك ويجعله في ميزان اعمالك يارب

واخبارية عرعر موقع مايحتاج شهادة شاهد ومالنا غناة عنه وله من القوانين اللي لازم نحترمها

وماننكر دور الاخباريه ومساهمتها في انجاح مطالبتنا

ولك كل الشكر ويعطيك الف الف عافيه ربي مايحرمنا من امثالك

اختي ( بلحه2 )

انا ماسويت شي بل بالعكس انتم من بذلتم الجهد ومجهوداتكم واضحة

وانا حاولت ايصال صوتكم في البداية

ولكن كما قلت سابقا للأخ ( ابومحمد )

مادمت وصلت لابو ياسر فاعتبر المركز مفتوحا

غدا

وانا اعلم ان ابوياسر الاخ جاسر الصقري هو نفسه مشرفنا في منتديات عرعر ( الكاشف )

فلذلك تابعت الموضوع عن بعد واكتفيت بالتعليقات واضافة الروابط للتوضيح وتدعيم اي خبر

يكتب بخصوص الموضوع

فعموما كل الناس خير وبركة

وشكرا لكي اختي على سؤالك عن الماجستير

وبالتوفيق لكي ولكل من ساهم في هذه المطالبة

(( واذا احتجتوا لاي خدمة فانا حاضر )):150: