بدء التنفيذ .. النساء للنساء فقط

[ابو عزام]

الحين تعرفون كيف الدوام بالمحلات التجاريه ؟

الفتره الاولى : من الساعه 8.30 الصباح الى الساعه 12 الظهر

الفترة الثانية : من الساعه 4 المساء الى الساعه 10 بالليل




ذكرني بهالقرار محل جدتي

الله يرحم جدتي ويسكنها الجنه

كانت فاتحه محل جنب البيت


وكل شي فيه

من الزنوباااااات الله يكرمكم الى الشامبو الاحمر القزاز

وكان عليه سوق خيالي يوم اتخيله الحين
حتى اننا كنا صغار وعيال الديره
كل واحد يجي مع امه يتميلح عشان جدتي تعطيه ريال

علماً بان السوق التجاري يبعد عن ديرتنا عشره كيلو فقط

اسئل الله ان يرحمها ويسكنها فسيح جناته وينقيها من الذنوب والخطايا كما ينقي الثوب الابيض من الدنس

[جامعية شيك]

المشاركة الأصلية كتبت بواسطة منذو مبطي

جامعية ..

على ما فهمت إن الأسواق مفتوحة .. واللي يبيع نساء

هذا شفته برا السعودية ..

أعتقد إن هالموضوع يحتاج مزيد نقاش ..

أشكر لك حضورك

نعم الاسواق مفتوحه بس البائعين فليبينيات اسلوبهم راقي واي استفسار يشرحون ويروجون
للسلعة بشكل معتدل <<< بالعربي مو مثل الباعه عندنا يطارد الوحدة الا تشتري
وبعد تساعدني على انتقاء اجود السلع واخذ راحتي لانها حرمة مثلي
والاسواق تكون مفتوحه لان فرضا واحد بيهدي زوجته حاجه يعني خلاص مايقدر يشتري
ولايدخل السوق
طيب لو قلنا سوق نسائي بس
انا ماشجع كل الاسواق تكون نسائية مغلقه لاني مرات اشتهي اروح السوق مع الاهل
طيب لو صار كذا مستحيل اشيل العباية لانه مدعاه للفتنه اتمشى بلبس فقط لا ثم لا
لانه ماأظمن اللي فوق السوق ابدا حتى لو حريم

الافضل (سوق مفتوح ولكن يحتوي ع اقسام نسائيه مغلقه)
هذه من وجهه نظري
وتحياتي لك منذو مبطي

[جامعية شيك]

المشاركة الأصلية كتبت بواسطة al-mha

انا اوويد بس مايكون المحل مسكر لانتعرفون شبابنا الشي المحل المسكر يدورون المستحيل عشان يعرفون وش وراه
فا مثل محلات ثياب العروس والملابس الداخليه والمكياج
يفصل يكوونون نساء ممكن اجنبيات مو شرط سعوديات
بس عشان هاذي اكثر محلات النساء تبي تاخذ راحتها فيها من اساله وقياس وما الى ذالك
يعني المحل مو شرط يسكرونه ويخلونه مضلل ومايدخل الا نساء
لا مجرد بس يشيلون البياعين الرجال ويستبدلونهم بنساء

انا معااااااااااااااااااااااااااااك وبقوة

[نوره | ~]

افا عليكم يا منذو مبطي و يا ابو خالد تشكون فيني ما هقيتها منكم والله

هذا وانا كل ردودي تهاجم الرجال و تدافع مع البنات وهذي اخرتها

الله يسامحكم بس

بيني و بينكم بس لا تعلمون احد انا ولد و متزوج ثنتين و مطلق ثنتين و عندي عشر طعشر فرخ

[هد آ و ة|~]

^^^


نوره يا حبني لك

[تكفيني الذكرى..]

يعطيك الف عافيه على طرح الموضوع أختي الله لايهينك أنا معك صراحه مؤيده لذا النظام

[درع الجزيرة]

أخوي شاعر رايق مساكـ الله بالخير أنا لست متشائم ولكن نريد أن نعرف الآلية المتبعة لتطبيق هذه المحال أنا مؤيد ان يكون هناكـ أسواق مو محلات ولكن لابد ان يكون هناكـ أخطاء في البداية وهذا شئ طبيعي ولكن يجب ان يتعلموا من الأخطاء وأنا اشوف في القرى مايسمى بسوق الجمعة أو الخميس وهناكـ بسطات مو محلات والبائعات نساء كبار عجائز الله يحفظهن بالإيمان ويحفظهن من كل شيطان ولكن المشكلة في الشباب وحتى الشياب بعضهم يضايقونهم ولايدرون إن ماأخرجهم الا الحاجة وأنا بصراحة إذا ذهبت لأحد هذه الأسواق لشراء السمن أو الإقط لو تقول ب200 ريال تستاهلها إذا كان مو مغشوش

وموضوع رائع أخوي منذو مبطي وتشكر عليه ورقم العضوية كم حدكـ فيه وإذا معزم خذ رقم عضويتي وأزودكـ


خارج الموضوع

شئ ودي اقوله واحس إن الأبيات تفي بالغرض

إنَّــــا لَـَنفْــــرَحُ بالأيَّــــــامِ نقْـطَعُهـــا *** وكُلُّ يومٍ مضَى يُدْنِي مِنَ الأَجَلِ

فاعمَلْ لنَفْسِكَ قبْلَ الموتِ مُجْتَهِدَاً *** فإنَّما الرِّبْحُ والخُسْرانُ فِي العَمَلِ

[نوره | ~]

منذو مبطي انا لما اقول مجتمعنا ذكوري فانا صادقه مليون بالميه لا تنكر خلك واضح و صريح

يا عمي حتى مستلزماتنا رجال اللي يبيعونها مو مجتمع ذكوري المشكله مافي اي سبب يمنع بيع النساء للمستلزمات النسائية

بلاضافة الى ان كل مجالات التوظيف خصصت للرجال ومن وقت قريب فتحت بعض المجالات لتوظيف النساء لكن ما توظفن والسبب اعراف قاهرة بالية

وهذا سبب قولي ان مجتمعنا ذكوري و سلامتك

[نوره | ~]

خلاص سكروا على الموضوع اتفقنا انو 95 % مؤيد و 5 % معارض و الكثرة تغلب القلة
و الأسباب الإيجابية أكثر من السلبية
اجل عن اذنكم ابروح اصدر قرار بامر التنفيذ فورا للمجلس البلدي على طرد جميع العاملين في الأسواق النسائية و استبدالهم بعاملات و غلق المحلات

[معاني ورد]

: أنا مأيده لنورة ورأيي من رايها
احنا مجتمع متناقض بحاجات كثيرة وهالموضوع من أبسطها يعني بالله اللي رافض عمل المرأة عشان راح ينعدم حياءها ومن هالكلام.... طيب كيف راح يكون شكل المرأة لو تطلب حاجات معينة من بائع ذكر...أنا عن نفسي أكره وبشده اني أروح أشتري بعض الحاجات عشان هالشئ ... حتى برا اللي ماعندهم لا إسلام ولا شئ المرأة اللي تبيع هالحاجات الخاصة ويكون لها مكان خاص بعد !!
احنا مجتمع يكره التغيير ومتخوف منه حتى لو كان الأمر فيه ايجابيات أو فيه مصالح وخصوصا مصالح للمرأة لأنها مهمشه ولو ماطالبت بحقوقها بنظل نعطي الناس الحكاية الوهمية وهي كيف انه المرأة السعودية ملكة وماشاء الله كل طلباتها مجابة وماخذه حقوقها بالكامل!