بعيداً عن الفلسفة والتعقيد الزآئد ~

[عَبيرْ ♥]

.
,
.

اييي والله انتي نفس حالتي :| محد خلاني دبا غير حبوب الحديد لما وصل وزني وااو رميت كل علاجاتي :( .. امجاد

من جد ! .., انا قلت اذا قالوأ فيني نقص حديد بقول لهم يقولون لي وش أعوضه به من الخضروآت ..,,

مع اني ما أحب الخضآر كثير آكله غصب ..., بس ياللا ولا اني اخذ شيء يفتح الشهيه ..,

.
,
.


قولوآ لي متى آخر موعد لحل الواجبات والمنآقشآت ..,

النآس يقولون شيء والجدول يقول شيء ..,

أبغى تآريخ أكيد مهوب ترللي

.
,
.

[عَبيرْ ♥]

.
,
.

الممرضة تآخذ ضغطي وتطالع في يدي تشوف المخشين تسألني هذآ من وشو !

أنآ بلّمت مآدريت وش أقول .., قلت اذا قلت لهآ مدري صحيت من النوم ولقيتها فيني بتقول مجنونه

وقلت لهآ كذآ .., قآمت تضحك ..

طيب هذآ الصدق وش دخلني أنآ ..,

يمكن الجنّي الأزرق بالليل وهو يآخذ جولة في أرجآء المكآن يمشي ويوزّع تمخيشآت


.
,
.

[عَبيرْ ♥]

بنآت إشتريت ذي المآسكرآ الشفآفة أو المآئية ..,,

أوّل مرة بجربهآ ويآرب تطلع حلوه وتعطيني نتيجة ..,

[عَبيرْ ♥]

.
,
.

استغفرالله ياربي بس ..,

الدنيا مطر وأجواء تفتح النفس وانا محبوسة في البيت ..

يعني ماتزين الاجواء الا اذا ماطلعت ياربي لك الحمد

.
,
.

طبعاً من يوم حن صغار اذا جآ مطر امي تطفي التلفزيون واذا حد مشغل اغاني تهآوشة ..,

الموهم كبرنآ طبعاً على ذا الطبع ..,,

اذا به مطر مستحيل اسمع أغاني وعلى طول اطفي التلفزيون ..,

انا مدري وش الحكمه بس تعرفون اللي يصير فيه طبع وخلاص دائما يسوّيه

هذآ أنآ ..,,

أمي تقول ( الواحد يقوم يستغفر ويدعي ربي أبرك له من ذي الشياطين )

امي تسمي اي شيء يلهي الانسآن شيطآن حتى المرآية

فـ كنت استتغرب اذا كنت في مكان وجا مطر ورعد وبرق والتلفزيون يشتغل .. لا وعلى اغاني احيانا

تشوفوني احوس ادوّر الريموت والباقين عادي عندهم ..,

انصدمت

انا على بالي انه طبع في كل البشر

الموهم ان فيني ضيقة صدر وقسم ودّي أنط من أقرب سطح

.
,
.

[عَبيرْ ♥]

.
,
.

طبعاً انا مضروب فيني المثل في العنآد كمآ هو معروف عنّي

لدرجة ان فيه نآس يقولون انّي أجيب الضغط من قوّة عنآدي ..,

رآسي يآبس وكثير آخذ النآس على قد عقولهم وأسكت ..,

بالمختصر المفيد مهوب شرط اذا قلت ( ايوه صح ) يعني اقتنعت ..,

لا هذآ دليل عن مرارتني انقعت وأبغى الشخص يسكت ..,,

وأكره حد ينصحني وأكره أنصح حد يـــــــــــــــــــآآآآآآ الهي ..,,

أحس بشياطين تبدأ تنطنط فوق رآسي وقدآم عيوني ..,,

ربّي خلّقني كذا ما أتقبل نصيحة حد .., يآخي تركيبة مخّي كذآ أنآ حرّة ..,

أنقلب وحش اذا حد نصحني أعصّب ويبدأ بركآن يطلع من رآسي

مستحيل أنصح شخص عآقل أحس انها نكته ! ! ! !

سلآمآت طيب وش فآيدة الكورة اللي في رآسة .. يشغّلهآ شوي ..,

ممكن أنصح المراهقين والاطفآل وحتى ذآ مآ أعتبرة نصح أعتبرة ( سياسة )

وبس ..,

.
,
.

[عَبيرْ ♥]

.
,
.

أكره النفآق وأكره أسوّي شيء غصبن عنّي ..,

ايه يسمونهآ [ الأنآنية ] الجميلة .., والله دآمني ما أرضيت نفسي كيف بـرضي النآس ..,

أهم شيء أنآ أكون مقتنعه بالشيء اللي أسوّيه ..,

بالمختصر المفيد مستحيل أجآمل وأسوّي شيء على حسآب نفسي ..,

لاتقولون الدنيآ كذآ ..,

لآ الدنيآ ميهب كذآ ..,, عقول البشر تبرمجت على أشيآء مدري من وين جآيبينهآ ..,

ومستحيل أتحمّس أكون معطآءة مع نآس بيجلسون يطعنون بظهري من ورآي مهمآ سوّيت لهم ..,

لحد يقول لي [ كل شيء عند ربّي ] .., معليش حن بشر وأوآدم نحس وننجرح ونآخذ موقف ..,

مهوب جمآد متحيمر ..,,

.
,
.

[عَبيرْ ♥]

ورشة تصوير دسمة قآدمة إستعدوآ

[عَبيرْ ♥]

.
,
.

القلّة حيآ مآتضحكني ..,,

وأقسم بالله أستحقر لأبعد درجة النآس اللي كلآمهم بذيء وقلّة حيآ وأستحقر اللي يعطونهم جوّهم ويضحكون معهم ..,

مستحيل أضحك في وجه إنسآن كلآمه بذيء وسوآلفه قلّة حيآ ومستحيل أعطيه جوّه .., والكلام لكلآ الجنسين سواءا بنات أو شبآب .,

أحآول ما أقولكم اني مآ أحآول .., أجلس أنبّش عن شيء [ يسبب الضحك ] يمكن البلآ فيني ..,

لأني أشوف الأغلبية يضحكون ..,

لكن الحمدلله يآرب على نعمة العقل .., غيري اللي فيهم بلآ مهوب أنآ ..,

تربّيت على إن لسآني والفآظي تكون نظيفة ,,

مآنيب ملآك منزّه عن الخطأ .. عآدي أسب وأشتم اذا عصّبت بس أعرف وش أقول ووش مآ أقول ..,

فـ شكرا بحجم الكون لأغلى أم وأب في الكون على البيئه المميزة اللي عيشتوني في وسطهآ ..,,

.
,
.

[عَبيرْ ♥]

درس جديد ~

إبدعوآ في تصوير الإنعكآسآت دآخل القطرآت ~

[عَبيرْ ♥]

.
,
.

مساءكم فلم رعب على توب موفي ..,,

أكآد أجزم اني ذي الفترة تشبّعت أفلآم رعب بسم الله على قلبي

وش أسوّي عشقي الأبدي أفلآم الرعب تعيشني جو وتجيب لي السعآدة القلببة والذهنية ..,

مع ان كثير نآس يقولون شكلي مايهيء اني أحب الشر والرعب

مسآكين يشوفون الوجه البريء مآقد شآفوآ الوجه الثآني ..,

.
,
.


فيني كئآبة من يوم جيت للريآض عيّت نفسي تحبّه هو وغبآره ..,

حتى كرهت أطلع من الحفلة اللي تصير في عبآيتي كلهآ تصير ترآب من تحت ..,

يآخسآرة الغسيل والاهتمام فيهآ وتفصيلهآ بمبآلغ وقدرهآ ..,

ليه مايخترعون قمآش عبايات خاص للرياض مايمسك الترآب ..,

أنآ إنسآنه موسوسة مآ أحب نقطة ترآب وحدة في عبآيتي ..,

يآزين الشرقية زينآه بس ويآزين بسسنآ الجميلة زينآه ..,

من أسباب كئآبتي هو اني عايشه بدون بسس .., أحس اني فآقدة شيء مهم في حيآتي ..,

لو أجلس أقول اني أعشقهآ من الحين لين بكرة مآعبّرت ولا حتى عن ربع حبّي لهآ

أحسها هي سبب السعآدة كلهآ اللي في الكون

أكرة النآس الموسوسين منهآ من نآحية الأمرآض .,,

عآدي حد يقول لي انه يخاف منهآ ويكرههآ ..,

بس لحد يقول ( تجيب الأمرآض ) ..,

أنآ عشت جنبهآ في أسوأ حالاتهآ وفي أمرآضهآ وتتنفس بوجهي بعد .. <- كنت مجننه أمي مسكينه

والحمدلله رب العآلمين مآفيني الا العآفية ..,

لا وأزيدكم من الشعر بيت بعد .., حن بسسنآ موهب شيرازيه ويآي ودلع ودآخل البيت ونطعّمهآ ومن هالخرآبيط ..,,

بسسنآ سيآمية نربيهآ في الحوش وتدخل البيت وتطلع الحوش وتروح وتجي عآدي الوضع ..,


والله لو تحبسون نفسكم في صندوق معقم 100 في الميه وربي كآتب انه يجي فيكم بلآ بيجيكم بلآ ..,

أكره الدلع الزآيد وأكره النآس اللي يخآفون على صحتهم لدرجة الجنون

وأقسم بالله من شوقي لهآ صرت اذا شفت بسّه في الشآرع والا في حدايق أنجنن وأجلس الاحقهآ أبغآهآ توقف لي <-- الله لايبلاكم ..,

بس مشكلتي قلبي الرقيق لايحتمل يصير فيهآ شيء ..,

اذا صار فيهآ شيء شوي ويجيني انهيآر عصبي .., مآ أتحمّل أشوف الحيوآنآت تتأذي ..,

بس الأوآدم عآدي مآ أتأثر مدري ليش .., باسثنآء ( الغآلين علي قلبي ) طبعاً .,,

.


مآقد بديت أذآكر مآبآقي الا اسبوعين تهيء تهيء ولا طبعت لي شيء ..,

أتفرج في الطآبعة وتتفرج فيني .. تقول لي ( ايوه يآست عبير متى ان شاءالله نآويه تطبعين ) وأسوّي نفسي مآسمعتهآ

.
,
.

ياللا خلاص روحوآ بخلّص الشغله اللي في يدي