[ مذاكرة جماعية ] : موضوع مميــز ܟ♥ ( التجمع النهائي للترجمة الابداعية / د.أحمد حليمه - الثلاثاء 26-7-1437 ( فترة اولى من 4.15 الى 6.15) ♥ܟ

[Doremi]

حجز مؤقت ثاني ..

علشان الي عندهم استفسارات أو اضافات على هالماده يكتبونها ما يرتبطون فيني ..

خلاص الردين الي حجزتها تكفيني الي يبي شيء يقول

-----


خلاص خلصت البطاريه..
اليوم إن شاء الله أكمل المحاضرات الثلاث الباقي الي من جد مجهوله وتمارينها في وادي ثاني.

[hora]

كفيتي وفيتي دورمي الي كتبتي راح يكون مرجع لنا وقت الاختبار
وكارزما مشاء الله عليها ماقصرررت
ربي يفتحها عليكم من اوسع ابوابه
المحاضرات الاخيره الاربع تلحس العقل شوي قريتها عسريع

دوورت ومالقيت كوزات للماده اقلها يثبت شي من الي قريته

[Doremi]

المشاركة الأصلية كتبت بواسطة hora

كفيتي وفيتي دورمي الي كتبتي راح يكون مرجع لنا وقت الاختبار
وكارزما مشاء الله عليها ماقصرررت
ربي يفتحها عليكم من اوسع ابوابه
المحاضرات الاخيره الاربع تلحس العقل شوي قريتها عسريع

دوورت ومالقيت كوزات للماده اقلها يثبت شي من الي قريته

آميين يارب، وياك
ايه فيها حوسه بس بإذن الله مع المراجعه ترسخ

إلا موجوده الكويزات بالصفحه الأولى حطيت رابط ( http://www.ckfu.org/vb/12645259-post4.html )

كارزما برضو أضافت روابط لكويزات بالصفحات الي راحت ..


موفقه يارب

[كارزما]

.
.

حور ياعيني بتلاقينها :

هنا

+
هنا ... وهنا





.
.







ماهازا يا حليمة !!!!
اقسم بالله أول مره احس باحساس الطفل اذا قالوا له اهله
سرت كبير دبر نفسك هههههههههه



.. طيب بيدبر نفسه بس بعد بيتعاقب وينجلد لان مايدري ابوه وش براسه !!!








.
.

الي ختموا وتابعوا المحاضرات مو كأن حليمة يشقح أشياء كثيييرة ؟؟؟
الاشياء المشقوحه ههههههه جاب منها باختباراته ؟؟

[كارزما]

.
.



الله لو حليمة يشوف ترجمة محتواه





وان الفهيم سارت فاطمة
يستاهل

[Doremi]

ههههههههههههههه حلو التشبيه حق دبر نفسك

أنا لاحظت والله كان يجيب أسئله مدري كيف كان يطاوعه قلبه..
وتتدرج، روحي لأسئلته الترم الي راح والي قبله تحصلينها أسهل بكثير..
واليوم يقول ما بيجيب نصوص من برا .. ويوم سألته عن شايلوك ( الي خياراته مب في المحتوى )
أجل الموضوع ، معناها ما أتوقع أنه ناوي يرفع مستوى صعوبة الأسئله بالدرجه الي متخيلينها..
الحين هو مبسوط يوم حلينا ( ربنا غاضب علينا ) ! ما أبغى أقول اني متفائله علشان ما أنحسكم
بس تفاءلوا انتوا هههههههه

[كارزما]

.
.

بروح اشوف تحجيرك مالحقت عليه هههههه
الي لاحظته انه يوضح الحل الصحيح بالمحاضرات
يعني باين مره وين الصح مدري ليه هالتهويل ؟؟
اليوم قريت هالرد له باحد الدفعات :

اول شي قال الاختبار قسمين نظري وتطبيقي

النظري بيكون تعاريف وبعض النقاط الي شرحتها

اما تطبيقي لازم اشوف مدى استيعابكم وقدرتكم على الترجمة

بعدها سألته عن سؤال الواجب الثاني السؤال الثاني
الي كان عن
كان يوما ملتهبا كطفل نالت منه الحمى ,, قلت له انت اثناء الشرح وضحت ان الاختيار الثاني هو الصح واستدليت بكلمه ولما اخترناها بالواجب طلع الحل غلط

قال فعلا بس الواجب هو الاصح ولا وضح اكثر

بعدها قلت له الاختيارات متشابه وكلها اقرب للصحيح من خلال الامثله
فقال عندك مثلا الشعر لازم تترجميه كشعر مو نثر تختاري شي يكون فيه ابداع خالي من الاخطاء اقرب للواقع

كمان قلت مثال تبع الطبيعه الام غاضبه قلت له صار نقاش بيننا احنا الاعضاء بس انا ومجموعه من الزملاء اخترنا ربنا غاضب علينا قال صح هذا هو الاختيار الصح حسب ماحثنا عليه الاسلام ومالنا دخل بمعتقدات الغرب

وكمان قال نختار الاجابة الي معروفه بيننا كمسلمين وواضحه المعنى وفيها ابداع خاليه من الاخطاء

حاولت اجيب امثله اكثر قال خلاص يكفي انا وضحت لك عشان والله كسرتي خاطري

وعمري ماسويتها من يوم بدأت ادرسكم
وكمان قال جوالي مفتوح خلال الساعات المكتبيه اي شي يصعب عليكم اتصلو وانا اشرح لكم

.
.

ومدري انا قريت اوسمعته بمحاضرة يقول هو رافض يحل
علشان هذي هي نماذج الاختبار

[lady77]

الله يوفقكم ويسعدكم دوريمي وكارزما

حبيت التجمع مرررره ساعدني في المذاكره ..ربي يوفقكم باعلى الدرجات ياااارب

[Dusk]

الله يعافيكم بالمحاضره الثانيه ترجمة silly sooth مكتوب بالملزمه انها الحقيقه البسيطه وبالمنتدى فيه بنات كاتبن ترجمتها انها الصراحه المطلقه وين الاصح الله يرضى عليكم يارب

[Doremi]

المشاركة الأصلية كتبت بواسطة Dusk

الله يعافيكم بالمحاضره الثانيه ترجمة silly sooth مكتوب بالملزمه انها الحقيقه البسيطه وبالمنتدى فيه بنات كاتبن ترجمتها انها الصراحه المطلقه وين الاصح الله يرضى عليكم يارب

هذي محلوله من ضمن الأسئله الي تأكدوا منها من الدكتور نفسه..
حلها الحقيقة المطلقة

يمكن لأن ماعندنا مصطلح شائع اسمه "الحقيقة البسيطه" بس "الحقيقة المطلقة" وارد..

المشاركة الأصلية كتبت بواسطة lady77

الله يوفقكم ويسعدكم دوريمي وكارزما

حبيت التجمع مرررره ساعدني في المذاكره ..ربي يوفقكم باعلى الدرجات ياااارب

آمييين يارب ويااك يا lady77 ..
موفقه