مستوى ثاني -ادارة اعمال- الجدول

[عفريتهـ ملسونهـ]

اهاااا فهمت وانا بعد سمعت تاريخ 6 يبتدي التسجيل وينتهي 9 وانا راح اسافر شكلي راح اسجل بالسفر هههههههههههههههه

[فهد العبدلي]

نصيحه يا اخوان..

اللي معدله يسمح يحاول يأخذ اقصى حد مسموح فيه من الساعات..

وبرضه يركز على مواد 3 ساعات لانها ترفع من المعدل..

[طموووحه]

معقوله يكون ث ايام بس !!؟
اني وي موفقين اجمعيييين لذاااك اليوم قد قررنا ونا مابي ابعد كثير عنكم مع اني ماتعمقت بالمنتدى الا اخر الايام وايام الاختبارات لكن الي شفت شجعني اني اكون معكم دوم بدون ذكر اسماء من الى كل الي كان مكتوب عنده مستوى اول.. الله يوفقنا جميع سواء كنا بنفس الاختيار او دونه

[وقتي]

انا بمشي على الخطة الموضوعه من الجامعه ,, لأني بديت اؤمن بمنهجية الجامعه بصراحه وبأسلوبها وحرفيتها ومتأكد انها لم تضع الجدول والمستويات بها الطريقه عبث ,,
الحين ببساطة لو تمشي على خطة الجامعه راح توصل في النهاية لتخرج بأذن الله في الوقت المحدد..
لكن موب شرط تاخذ كل المواد المقرره في كل مستوى ممكن تستثنى مادة ولا مادتين وتحط في بالك توزعهم بتساوي في مشوارك الأكاديمي بالجامعه على كذا مستوى ,, انا ضد اني اخذ ماده من المستوى الفلاني وخلي مادة بين ايديني طيب ليه؟
ممكن في حالة وحده بس اذا تبي تستثني الأنجليزي من المستوى الثاني ,, اذاً خذ مادة دسمة من المستوى الثالث مثلاً بحيث تحط الأنجليزي مكانها في المرحلة القادمه عشان لا تضغط نفسك بما أن الانجليزي من الأساس ممكن يكون في صعوبه عندك ..
على العموم انا لو الود ودي على قولت محمد عبدوه باخذ كل مواد اسمستر هذا ,,
بس ما اعتقد مع طبيعة عملي الي ان فيه بيمديني لذلك ماراح أضغط نفسي زيادة وأمر الله من سعه ,,
لكن انا حسمت امري بعد توكلي على الله سبحانه ,,
وباخذ جميع مواد المستوى الثاني ماعدا ,,, مادة الصحة والياقة يعني راح يكون عندي 17 ساعة ان شاء الله
وصحة ولياقة مثل ماقلت بشوف لها دبره بعدين يمكن في المستوى العطرطعش مثلا ..
وصلي اللهم على نبينا وحبيبنا محمد

[ابو وليد 2020]

ياليت احد يفيدنا بشكل قاطع هل نقدر نسجل مواد المستوى الثاتي كلها ونمشي ع الخطه

قبل لااتهور واسجل الخطه المجنونه االي في راسي اللي حتى مصطفى ما تطري ع باله

[7ayat]

صباح الخير يعطيكم العافيه جميعا
عزيزتي صدى جدولك جداً رائع بمشي عليه بإذن الله بس حابه استفسر متى التسجيل وكيف
و متى التسديد وهالحوسه لان ماابي يفوتني شئ
والله ييسر للجميع ان شاء الله

[كنق الافالون]

الحين اقدر اسجل المواد ولا إلى الأآن مافتح .... وإذا مو الحين متى بيفتحون تسجيل المواد

جاوبوني ارجوكم

[Mila]

طيب انا مقدمه طلب معادلة مواد .. وراح اخذ رياضيات واقتصاد ومحاسبه وصحه

وش تنصحوني فيه اخذ مواد من ثالث او كيف ؟

مادري وش السالفه

[Nony..]

انا كنت مقرره أخذ جميع المواد
بس بما انو النظام ما يسمح ب 19 ساعه
راح احذف الانجليزي لأنو ورى مبادئ الاقتصاد الكلي وما ودي اضغط ع نفسي
يعني موادي بإذن الله راح تكون ( مبادئ الرياضيات 2 - مبادئ المحاسبة 2 - مبادئ الاقتصاد الكلي - تقنية المعلومات 1- العقيدة - الصحة واللياقة )
وطبعا بعد النتائج لازم نقرر ونتاكد مره ثانيه
والله يوفق الجميع ويسهل علينا يارب

[Zrofa]

انا ودي احذف مبادئ الاقتصاد الكلي وتقنيه المعلومات عشان يكون في وقت للمذاكرة ولا شرايكم ��