[ اسئلة اختبارات ] : تقديم شكوى عبر الخدمات الطلابية لمادة نظم المعلوات الإدارية (يد الله مع الجماعة)

[وايليه]

المشاركة الأصلية كتبت بواسطة hura

الشرح لايناسب المادة والكمية الهائلة من المعلومات التي تحتويها

واضافة الي ذالك تغير ببعض المصطلحات من الانشطة المساندة وكتابتها انشطة ثانوية مما سبب اللبس
ذكر امثلة لم يتطرق لها بالشرح ولا بالمحتوي

صحيح ان المحتوي تم ترجمته من الانجلش للعربي لكن الترجمه بكل عناوين المحتوي متشابهة

وما اقول الا اللهم اجرني بمصيبتي واخلف لي خيرا منها

وشي ثاني حابة اذكره مع اني وربي صحت قهر على تعبي بس كلام بقلبي يقرقع وبقولة

موتي وموت وتقولون احنا طلاب انتساب لازم يراعون اجل حتي شهادتنا ماراح يعترفون فيها بسبب المراعاة اللي قاعدين نطالب فيها والدراسة هي دراسة مالها معني ثاني

واللي يبكي اكثر لما احد يكتب ماجاب من اسالة الاعوام الحين محتوي وواجبات وتاركينهم على جنب ونذاكر من اسئلة الاعوام

اسئلة الاعوام للاطلاع وللمراجعة لتثبيت المعلومات

لاتزعلون ولا تاخذون بخاطركم من كلامي تقبلو من اخت تبي لكم الخير

سامحوني

بقولك شي انا ماذاكرت اسئلة الاعوام الا 2 الظهر يعني ساعة اعتقد ماتفيد كله ذاكرت من المتحوى بس ماجبت نتيجه كانت صعبه جدا

[ام مؤمل1]

تم ارسال الشكوى

[قمر البر]

تم

[وايليه]

تم الرفع الشكوى
وشكرا لصاحبة الموضوع شكر خاص

[bin Hamad]

تم رفع الشكوى

[الساهر 2013]

بسم الله الرحمن الرحيم

كل الكلام اللي انذكر على عيني وراسي .... ولكن

الطالب الجامعي لازم يكون عنده مهارات البحث, يعني حتى لو جاب من غير المقرر المفروض ما احد يزعل ويشتكي والدكتور صحيح ما يشرح يقرا من الشرايح, وهو مسهلها انه كان يقول الاسئله من الشرايح فقط والشرايح كانت من 65 الى 70 صفحه

طيب لو طالبكم بمراجع 300 او 400 صفحه وش كان سويتو

اللي ودي اقوله انك انت ليش داخل انتساب ؟ علشان تاخذ شهاده تنفعك في عملك وتترقى ؟ او علشان تستفيد علميا ومعرفيا ؟

اذا كان علشان تنفعك في عملك رح اشتك واكتب في تويتر

واذا كان علشان تستفيد وتتثقف فا الاسئله كانت من ضمن المقرر الموجود بين يديك

اما انك تجي اخر يوم او يومين وتذاكر وتبي تلم بكل المقرر فا اسمح لي اقول لك هذا بالثانوي مش بالجامعه


غير ان وزارة التعليم العالي تطالب الجامعات وخصوصا الانتساب او cbt ان الاسئله ما تكون مباشره لفحص فهم الطالب او الطالبه


هذي وجهة نظري .... فان كانت صواب فمن الله وان كانت خطأ فمن نفسي والشيطان


وصلى الله وبارك ع سيدنا محمد وعلى آله وصحبه وسلم تسليماً كثيرا

[مــرــريــم]

المشاركة الأصلية كتبت بواسطة لمُت نفِسٌيَ

معليش بس بقول شي بضميري
هذا مو تعليم !
يعني اذا الاسئلة مهيب سهلة يعتبر ما يصلح لتعليم
أو يرفع عليه شكوى !

أنا متضرر مثلكم ، لكن لا تخلوننا كأننا ( اطفال ) أو نبي ( نظام الدف ) ،
أنت تدفع فلوس صح لكن عشان تحصل ( شهادة في أحدى مستويات التعليم )
مو تدفع فلوس عشان تدف والاسئلة اللي ماتعجبك تشتكي عليها ..

أخيراً ،
هو حق مشروع لك تقدم شكوى وماراح أحد يعترض عليك ..
لكن قبلها حكم عقلك وضميرك وأسأل نفسك :
( هل الدكتور اضاف سؤال خارج المقرر المعتمد من الجامعة ) ؟
وبالتوفيق للجميع !

الحق ينقال ماجاب شي من غير المنهج + المنهج دسم جدا وكثيره معلوماته الي ماركز بس حفظ ماراح يعدي
يحتاج حفظ مع تركيز وفهم + والله مافتحت الماده الا قبل يوم من الامتحان مع يوم الامتحان اعتمدت على ملخص الخرائط وفيه ملخص قبله اسأله كله وحسيته كثير ودسم ماقدرت اكمله واخذت مخلص الخرائط الذهنيه واحس انى استوعبت اكثر + مااقول انى طلعت مستانسه لا بالعكس بس مالومه الوم نفسي عشان مافتحتها من بدري غير كذا اهم شي انه ماجاب شي من برا المنهج ابدا فليش نتظلم ونرفع ؟؟ عشانه ماشرح زين
طيب الهجهوج اول ترم كنت متابعه معه محاضره محاضره ومركزه واخرتها اسألتها كلها نسخ وكوبي من دكتور ثاني وضايف عليها وكلكم مستانسين وتدعون له ليييييه ؟؟ انا طلعت ادعي عليه لاني ماهتميت بالاسأله اهتميت لشرحه !!! وهذا دكتورنا نفسه بس انه الفرق هنا كله دش مو زي ماده الهجهوج تعتمد على الفهم ولا كان يفهم ولا احد اعترض ولا اشتكى وهذا عشانه مافيه اسأله سابقه له طرتوا بالعجه وبتشتكون !!!

الحق حق وادري كثير بيزعل بس شي بخاطري ولازم اقوله من البارح وانا اقرا وساكته لحد يشوتنى

[mahrah1]

تم رفع لشكوى

[مــرــريــم]

المشاركة الأصلية كتبت بواسطة الساهر 2013

بسم الله الرحمن الرحيم

كل الكلام اللي انذكر على عيني وراسي .... ولكن

الطالب الجامعي لازم يكون عنده مهارات البحث, يعني حتى لو جاب من غير المقرر المفروض ما احد يزعل ويشتكي والدكتور صحيح ما يشرح يقرا من الشرايح, وهو مسهلها انه كان يقول الاسئله من الشرايح فقط والشرايح كانت من 65 الى 70 صفحه

طيب لو طالبكم بمراجع 300 او 400 صفحه وش كان سويتو

اللي ودي اقوله انك انت ليش داخل انتساب ؟ علشان تاخذ شهاده تنفعك في عملك وتترقى ؟ او علشان تستفيد علميا ومعرفيا ؟

اذا كان علشان تنفعك في عملك رح اشتك واكتب في تويتر

واذا كان علشان تستفيد وتتثقف فا الاسئله كانت من ضمن المقرر الموجود بين يديك

اما انك تجي اخر يوم او يومين وتذاكر وتبي تلم بكل المقرر فا اسمح لي اقول لك هذا بالثانوي مش بالجامعه


غير ان وزارة التعليم العالي تطالب الجامعات وخصوصا الانتساب او cbt ان الاسئله ما تكون مباشره لفحص فهم الطالب او الطالبه


هذي وجهة نظري .... فان كانت صواب فمن الله وان كانت خطأ فمن نفسي والشيطان


وصلى الله وبارك ع سيدنا محمد وعلى آله وصحبه وسلم تسليماً كثيرا

+1

[2lham]

بلب بلب بلب
تم رفع الشكوى

وكل الشكر لصاحب الموضوع
الله يجزاك خير ويوفقك يارب