 |
|
||||||
| E7 English Literature Students level seven Forum |
 |
|
|
أدوات الموضوع |
2016- 5- 21
|
#121 |
|
مميزه لقسم اللغه الانجليزيه المستوى السادس
|
رد: Hello , it’s me .!!
بسم الله الرحمن الرحيم
الموضوع رائع ولفت نظري لأشياء كثير ماكان عندي أي خلفية عنها بالنسبه لي الموضوع معكوس لدي خبرات وظيفية بدأت بالتدريج ووصلت لمناصب ادارية بناء على خبرتي فقط دون شهاده جامعيه وقرار اكمال دراستي جاء متاخر جدا .. لأسباب كثيرة ومن بين الاسباب كنت اقول بما اني موظفه ليه اكمل؟ مع السنوات تغير تفكيري كثيراً وقررت اكمل دراستي مع المحافظه على وظيفتي وماكان عندي اي ميول الا اللغة الانجليزية لانها افضل الموجود بالنسبه لي .. كل سنه اطلع على شيئ جديد بحياتي ويختلف تفكيري ونظرتي للمواضيع وبالتالي يختلف قراري .. الي افكر فيه الحين يختلف تماما عن تفكيري قبل سنه او سنتين وهكذا .. عندي حاليا خطه معينه اسعى جاهده لتحقيقها .. هي اني اطبق تدريس اللغه بطريقه وتقنيه واسلوب مختلف تماماً عن اسلوب التلقين والحفظ والجهد الي غالباً يبذله أي طالب .. في مخيلتي المدرسه الي راح اتوظف فيها وشعارها واسمها هالشيئ كله بخيالي لاكن باذن الله وبقدرة الله متيقنه من تحقيقها.. الماستر + الدكتوراه من فتره قريبه تحمست كثير اني اكمله في مجال التنميه الذاتيه لانه اكثر قسم يستهويني لتطوير اسلوب التدريس وفي حال كان هالقسم غير مدرج في قائمة المواد الي ممكن ادرسها في الماستر بعيد عن قسمي فا مايمثل عندي أي مشكله لان المهم عندي ادرس في مجال التنميه الذاتيه حتى لو كان دورات فقط اسعى للفائدة اكثر من شهادة الماستر أو الدكتوراه .المجال هذا راح يصقلني في كل جوانب حياتي سواء حققت حلمي ( المدرسه ) أو اشتغلت في مجال مختلف |
|
|
2016- 5- 21
|
#122 | ||
|
متميز بالمستوى 7 E
|
رد: Hello , it’s me .!!
كارزما الموضوع كان اختياري .. في الجامعه طيبه ولا عبدالعزيز ، بس حلو الانحراف
واما القسم الثاني شطحه كبيره ( اثاره وتشويق ) هه بس بعد هذا من ردماد اقتباس:
اقتباس:
دبلوم الشبكات= اذا كنت تبي مرتب جميل ومقبول ولا تهوى الحاسب وراكب راسك الا تبي حاسب .. ادخل دبلوم الشبكات .. لانها اوضح وفيه جوانب مهمه تطبق نفس ما هي ( هي تتطور ) ولكن يظل الناس يحتاجونك حتى وانت فقط بالبيسك حق التخصص يعني اما هل فيه حاسب 6 شهور .. مافيه شهادات دراسيه يعني .. فيه شهادات مثل شهادة التوفل والايلتس يعني شهادة اثبات للمعرفة يعني .. وهي جميلة وهي التي يعني يبونها من الشركات يعني تروح تختبار مثل القياس مده كم ساعه ثم تطلع ويعطونك عليها شهاده دوليه مثلا شهادات سيسكو ( حول الشبكه ) 3 شهادات تاخذه = يتطاقون عليك الشركات طبعا تقدر تتعلمها من اليوتيوب ما يحتاج تروح لمعهد .. بعد ما تتعلم تروح لاي معهد عنده هذا الاختبار تدفع مبلغ ممكن يجي 500 او 1000 مدري علشان تدخل اختبار واحد (الزبده على نوعية الشهاده ) شهادات مايكرسوفت (لها شبكات + برمجه ) شهادات الجافا ، شهادات في قواعد البيانات او لغات البرمجه سي .. مثلا اذا كان معك دبلوم شبكات .. < هذي الشهاده لن تفيدك بشكل كبير الا وانت داعمه بشهادات سيسكو اللي تثبت انك فاهم في هذا المجال يعني فيه شيء يطلبونه بعض الشركات لو انك فقط اداري .علشان يتاكدون ان ايقونة العمل فيك xd اللي هي شهادة كامبردج في مهاارت تقنية المعلومات ( فيه 3 شهور اعتقد بيسك ، وفيه متقدمه 6 شهور ) هذي اختبار عن فهمك ( كيف تستخدم المتصفح اعتقد وكيف تستخدم الكمبيوتر + كيف تستخدم الاكسل + الورد (برامج المكتبيه) ) .. طبعا هو اختبار مدته كم ساعه وتطلع على انك اخذت الشهادة بمعدل 6 شهور اذا كان اختبارك على المتقدم ، هذي اصلا تتوقع اي شركه انك فاهمها .. بس اذا جبتها (ارتاحت قلوبهم انك فاهم ) .. يعني هي مفيده نوعا ما ، |
||
|
التعديل الأخير تم بواسطة حماااده ; 2016- 5- 21 الساعة 11:35 AM |
|||
|
|
|
2016- 5- 21
|
#123 |
|
متميز بالمستوى 7 E
|
رد: Hello , it’s me .!!
http://free4arab.com/
هذا موقع مصاريه خاصه وعرب .. يشرحون جميع الشهادات اللي ذكرتها فوق عن الكمبيوتر طبعا قبل ما تدرس مع المقاطع .. تعرف ( وش اصدار الاختبار ) لان فيها اختبارات قديمه لها شروح وتحدثت بعد التغير فلازم تدرس من الجديد طبعا :> وفيه اغلب شهادات الكمبيوتر وهذي قناتهم باليوتيوب https://www.youtube.com/user/Nourelhoda2011/playlists ------------------------ https://www.coursera.org/ وهذا موقع اجنبي يعلمك في اي مجال يعني مو الكمبيوتر بس .. حتى كيف تاكل يشرح لك .. ويعطيك احيانا نبذه بسيطه واحيانا شي متقدم واحيانا يخربط فوق راسك . ( ومجانيه ) ويعطيك عليها شهادات ولكن ما اعتقد انها يعني ينظر لها في السعودية .. بس اقصد تطوير مهارات .. وانا متاكد مستقبلا بتكون لها اهمية شهاداتها هو موقع مشهور واعتقد الجميع يعرفه بس للتذكير فيه وهو تطبيق بالجوال بعد |
|
التعديل الأخير تم بواسطة حماااده ; 2016- 5- 21 الساعة 11:48 AM |
|
|
|
|
2016- 5- 21
|
#124 |
|
أكـاديـمـي
|
رد: Hello , it’s me .!!
.
غدير لانمانع المجاملاات اطلااااقا   . lمو مجاملة ولله يا كارزما  حتى امس كنت استشهد بكلامتس في احد المناقشات .gif "(269)")  وترى هو كله راي :> .. يعني ما تميله انفسكم افعلوه .. وهو كذلك !! كفيت ووفيت استاذ حمادة جدا واضحة الفكرة الان . |
|
التعديل الأخير تم بواسطة Ghadeer H ; 2016- 5- 21 الساعة 04:28 PM |
|
|
|
|
2016- 5- 21
|
#125 | |||
|
مشرفة سابقة
|
رد: Hello , it’s me .!!
اقتباس:
الله ، أحسن من الشمس أخاف يحترق ولا يغبر كنك تدرين اني باقي مخي مغلف نفسه ومو راضي يخش جو العطله من جد دماغنا أولى  اقتباس:
أنا أخذت دبلوم شبكات في سنتين ونص .gif "(107)") مفروض سنتين والغلط منهم  علشان كذا أكره المراكز في المدن الصغيره حتى شرح مافيه، تطبيق عملي مافيه..للأمانه ما عجبني كدراسه ، أول سنه كلها كنت أحضر والسماعات في اذني أو أشغل حلقات أتفرج لها على جوالي، لأنهم يعلموني كيف أمسك الماوس وكيف انشئ ملف !! أنا أحب صيانة الحاسب الآلي ، توقعت الشبكات قريبه منه بس كانت شوي ممله فجلست أستهبل وألعب لين تخرجت.. المهم أنه طلع مهم، بعد ما تخرجت اكتشفت هالشيء.. يمديك تاخذينه مسائي في بعض المراكز علشان ما يضيع وقتك .. اقتباس:
دراستي للدبلوم كانت أبو كلب فما أتوقع أفلح آخذ سيسكو.. بس خساره ليتني حصلت هالشرح المفصل لشهادات الحاسب من زمان كان اختصر حاجات كثير  بالنسبه لأيقونة العمل.. كلامك صح بس عند الحريم تفاجأت بشيء آخر.. يعتمد عالمديره، أذكر وظيفه كنت مقدمه عليها ونادوني للمقابله ، هذيك الليله رحت أقرأ عن هالمديره واشوف لو حصلت شيء يفيدني في الانطباع الأول<-- واضح فضاوه طلع أم الشباب ما توظف إلا البنات الي أشكالهم تدل أن حالتهم الماديه صعبه ! مايهم لا شهاده ولا شخصيه ولا ثقه ولا مظهر .. يقال لك أعمل معروف وأوظف المحتاجين. هنا أنا سحبت وماحضرت المقابله من أساسها.. الشيء الي تجهله هالمديره أن الي عندهم مشاكل ماديه مب بالضروره جاهلات ومايعرفون يلبسون زين أو ماعندعم ثقه عاليه بأنفسهم.. يعني الحرمه جالسه توظف ناس ممكن تكون جاهله فعلا ً، ممكن حالتهم الماديه كويسه بس هم كذا جاهلات وغير مباليات بالمظهر الخارجي. وبالتالي الحرمه عندها مفهوم أنا أجهله وما أبي أحكم عليها فخليتها تكمل مشروعها الخيري .. بالأساس ما كنت متشجعه لأن مكانها بعيد .. --------- نوره ، عجبني كلامك كثييييييييييييير   الله يوفقك وييسر لك، جد أميل لهالأسلوب ، يعطيك رضى ذاتي .. |
|||
|
التعديل الأخير تم بواسطة Doremi ; 2016- 5- 21 الساعة 06:28 PM |
||||
|
|
|
2016- 5- 22
|
#126 |
|
أكـاديـمـي
|
رد: Hello , it’s me .!!
" دردشتكم جميلة , يعطيكم العافية ومن باب المشاركة .. سأدلوا بدلوي :) في 1-الكفاءة 2-الوظيفة 3- التعليم الذاتي أولاً : الكفاءة بالنسبة لتخصص اللغة الأنجليزية معروف أنه يعتمد بشكل كبير جداً على ( التعليم والتطوير الذاتي) لذلك مافيه ذاك الفرق الكبير بين المنتظم والمنتسب في هالتخصص بالتحديد .. أنا قريب و مطلع على الأوضاع أقول لكم لازالت المخرجات بشكل عام ضعيفة جداً جداً .. لذلك لاتستنقصون من شهادتكم .. ومسئلة أن الأسئلة مكرره والدراسة " أسهل " لانها بدون ألتزام يومي, هذي فرصة و (حظ) لنا لتحقيق أعلى المعدلات .. وفيه شيء أجمل من أنك تتخرج بمعدل رائع وكفاءة عالية ؟ - الأغلبية الكاسحة هم الي يتخرجون بكفاءة ضعيفة .. وهم الي يثبطون من همم الآخرين .. وأووه ياكثر الي كانت هممهم كالجبال وأنهدت لا لشيء .. فقط تأثر وأستماع للمثبطين اليائسين أنفذوا منهم بجلودكم
|
|
|
|
2016- 5- 22
|
#127 |
|
أكـاديـمـي
|
رد: Hello , it’s me .!!
"
نجي لموضوع الوظيفة .. وبنقل لكم كلام شخص يشتغل في الموار البشرية لأحد الشركات الكبرى , يقول لي بالنسبة لخريجي اللغة والمتمكنين منها " ندورهم بشمعة " وأننا مانهتم لموضوع الأنتساب أو الأنتظام الفيصل في الموضوع عندنا -> المقابلة الشخصية .. ويقول أنهم قبل فترة بسيطة مقدمين عرض لمترجم للعقود والمعاملات بـ 19 الف راتب شهري ورفض العرض .. يقول أنا مطلع على شهادته الجامعية -> منتسب من جامعة الملك عبدالعزيز , طبعاً خريج قديم وله فترة يشتغل في الشركات يعني مدعوم بالخبرة ’ طيب وش الي بوصل له ؟ المعدل العالي هو مفتاح القبول المبدئي .. الكفاءة والتمكن هي الي بتفتح لك كل الأبواب , الي في يدنا الحين نضمن المعدل العالي .. الجميل في اللغة أن تطويرها ماهو مرتبط بفترة معينة .. تقدر تجيب معدل ممتاز مثلاً , وتشتغل على نفسك بعد الجامعة بالطريقة الي تحب وخلال المدة الي تناسبك .. ولايزال المفتاح الأول في يدك . |
|
|
|
2016- 5- 22
|
#128 |
|
أكـاديـمـي
|
رد: Hello , it’s me .!!
سؤال للجميع ,,, يعني بما انكم تبارك الله فاهمين بالخبرات والشهادات وكذا
.gif "(204)") معاهد اللغة الكبيرة يعني مثل وول ستريت و امثالها . غالبا كيف تكون اشتراطاتهم والاشياء اللي يركزون عليها في المتقدمين على وظايف عندهم ؟؟ في حال انهم يوضفون اشخاص من غير اهل اللغة الاصليين سؤال يتردد كثير هالفترة و شخصيا ما عندي علم في هالاشياء |
|
|
|
2016- 5- 22
|
#129 |
|
أكـاديـمـي
|
رد: Hello , it’s me .!!
" نجي للتعليم الذاتي اللغة الانجليزية بحر ماله آخر , لازلت أتذكر كلام أحد المعلمين يقول لو أجلس شهر بدون قراءة صحف أو متابعة برامج باللغة الأنجليزية تضيع مني عشرات الكلمات .. الحل الوحيد لتحريك هذه الألة الضخمة بكل سلاسة يكمن في جعل اللغة " أسلوب حياة " يعني تمارسها بشكل يومي بدون ماتشعر .. والممارسة ماتعني الحديث مع اي شخص , القراءة والأستماع ممارسة فيه Input و output أقراء لتتقن الكتابة .. أستمع لتتمكن من الحديث وللوصل لمرحلة دمج اللغة في الحياة اليومية , بكل بساطة الممارسة تكون في شيء نميل له .. أنا شخص أحب الأفلام والمسلسلات , من فترة أتابعها بدمج اللغتين العربية والأنجليزية هنا أستمتعت بالفلم .. أستمعت .. قرأت كلمات كثير جديدة , حنا محسودين في هالوقت الي صارت الوسائل تنهمر علينا من كل حدب وصوب .. يعني عشان نحدد الشي الي نحبه ماعادت مسئلة صعبة .. تابعوا ردود الأجانب في الأنستغرام .. تويتر في البداية بيكون الموضوع غثيث ويحتاج لترجمة الكثير من الكلمات .. لو تستمرون أشهر بسيطة بس بتنصدمون بعدين من سهولة الأدراك الي وصلتوا له ! تعلم اللغة تراكمي .. الشيء الي نحاول نفهمه بصعوبه اليوم بعد 6 أشهر بيكون شي تافه للغاية وهالشيء لو ترجعون سنتين للوراء وتتذكرون بعض الي كنا ندرسه بتجدون كثيييير من القواعد والكلمات الي كنا نحاول فهمها بصعوبة واليوم تلقائياً صارت تافهة ! أرجع للوسائل المتاحة .. أفلام .. يوتيوب .. تويتر .. أنستقرام .. سنابشات .. منتديات أعتقد من كثرها وصلنا لمرحلة أن الشخص يقدر يكون مبتعث لأي دولة وهو جالس في غرفته ! تذكروا الأجيال السابقة الي تعلمت اللغة بدون هالوسائل !!
ومعها على طريقة أحدهم نقول كفاية دلع  |
|
|
|
2016- 5- 22
|
#130 | |
|
مميزة مستوى 8 E
|
رد: Hello , it’s me .!!
اقتباس:
. . جمممميل يارمآد حتى القناعات الي وصلت لها ممكن المحبطين يستغلونها في التحطيم أكثثثر لكن ماعليك اول الدرب خطوة ودايما خلي قناعاتك بمثابة الشراراة الي تخلي شعلتك تتوهج وتنور من جديد كل ماجاهاشي عابر وحاول يطفيها ربي يتولك مرادك ويريح بالك . . النوري انتي كممممية جمممممال ودايما انتي عكس التيار أو نقول سابقه عصرك ربي يخقق لك مرادك ويعطيك أضعاف ماتتنين يااارب + ماستر الhr مدري اذا هذا الي تبينه  الظاهر مو موجود بالجامعات السعودية والا ؟؟!!! بس أشوف فيه برامج ماستر بجامعة الملك عبدالعزيز تماشي طموحك . . + النوري انتي لك اهتمام بالبرمجة العصبية أظن ومهارات النجاح ياليت تفيدينا بتجاربك وخبرتك بها الجانب 
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
