هنا نستقبل استفساراتكم عن كلية التمريض بالدمام

[؟؟؟؟]

:praying:بنااااااااااات مساعدة بليييييييز
قالوا لازم نسجل جداولنا لان اخر يوم هو الاثنين الساعه الـ 6 مساء
وانا للحين ما ادرين متى ينزل الجدول واصلا ما اعرف وين بالضبط يعني مضيعة بليييز
اللي شافت الجدول تقولي وين بكرا لازم اسجله في البانر

[الليمونة الحلوه]

مرحبا ..

بليز اللي تعرف تخبرنا متى ينزل الجدول .. وهل احنا ناخده من مكان او شي او هم بيوزعوه علينا ؟؟

وعندي استفسار ..

أنا بتأخر يوم عشان بروح أطلع بطاقة أحوال ..

إيش الإجراءت اللي لازم اسويها ووين اروح عشان يسمحو لي ؟؟

ويعطيكم العافيه ..

[لمــــــــار]

انا بعد فتحت على نظام البانر

بس لما جيت لتسجيل المواد توقفت

مافهمت له عدل

ياريت لو تشرحي لينا خيتوو اللي تعرفيه

الجدول كاني شفته اليوم معلق على لوحه الاعلانات

بس مدري ويش نسوي

كيف نعرف وهالخرابيط

احسه معقد النظام شويتين

:c8:

تحيااااتي

[أنوار الكوثر]

ساااااااااااااااااعدوووووونا

[ابلة عطيات]

يا جماعة اني سمعت خبر و اريد اتأكد
صحيح اني عودا فتحوا باب التسجيل
الرجاء بسرعة جاوبني

[¤§©¤ ريم ¤©§¤]

السلام عليكم

بنات التمريض المستجدات

سامحوني تأخرت عليكم كثير

بس بسبب ظروف انشغالي في بداية الدراسة

المهم

انا شابكة اليوم ان شاء الله وراح اجاوبكم على اسئلتكم

بالنسبة للتسجيل ونظام البنر

عزيزاتي عندكم بكرة يوم الأثنين لقاء بعميد الكلية في كلية التمريض

يسوي لكم ترحيب وتعريف بالكلية

ولمه يخلص طبعاً الدكتورات بكلمونكم وبيشرحون لكم كل شي يتعلق بالتمريض

وبعدين راح يقسمونكم على شعبتين ويعطونكم ارقام السي آر ان وانتبهوا كل وحدة تاخذ ارقام قروبها

واذا رجعتوا البيت سجلوا جدولكم بكل سهولة

وبالنسبة لطريقة تسجيل المواد راح تكون كالتالي :

تدخلين على نظام البنر تحطين رقمج الجامعي والباسوورد

وراح تفتح لج صفحة

راح تلقون مكتوب فيها


--------------------------------------------------------------------------------

مرحبًا, فلانة فلان الفلاني , في نظام معلومات الطلاب وأعضاء هيئة التدريس في جامعة الملك فيصل!آخر تسجيل للدخول على النظام في 23 رمضان , 1429 الساعة 10:15 ب.ظ.

بعدين خيارين

المعلومات الشخصية
تحديث العناوين، وأرقام الهاتف والبريد الاكتروني ... إلخ.
الطلاب والمكافأت المالية
القبول، التسجيل، عرض سجلات الطالب، والمكافأت المالية


اختاروا الثاني الي اهو الطلاب والمكآفات المالية

بعدين راح تطلع لكم صفحة ثانية مكتوب فيها

--------------------------------------------------------------------------------

التسجيل
التسجيل، الحذف والإضافة، الجدول الدراسي، إشعار التسجيل، والرسوم المالية
سجلات الطالب
عرض الإيقافات، النتائج النهائية، السجل الأكاديمي، الحساب المالي، دليل المقررات، والجدول الدراسي

اختاروا التسجيل

وبعدين راح تطلع صفحة ثانية

فيها خيارات واهي :

--------------------------------------------------------------------------------

اختيار الفصل الدراسي
التسجيل/الحذف والإضافة
الجدول الاسبوعي
جدول الطالب الدراسي
احتساب رسوم التسجيل
حالة التسجيل

اختاروا الأختيار الثاني التسجيل الحذف والإضافة

الحين تطلع لكم صفحة مكتوب فيها اختيار فصل دراسي

وفي يمها قائمة اختاروا منها الفصل الأول 1429/1430

وبعدين ضغطوا على تنفيذ

الحين راح تطلع لكم صفحة

في نهايتها مكتوب ورقة عمل إضافة المقررات

وتحتها مكتوب أدخل أرقام / الرقم المرجعي للشعبة (CRNs)

تحت هالكلمة في مربعات صغار في كل مربع تحطون رقم من ارقام السي آر ان الي عطوكم اياها

تحطونها كاملة بدون لا تنسون ولا شي يعني في كل مربع رقم

وبعد ماتدخلون كل الأرقام وتتأكدون تختارون تنفيذ

نجي الحين للخطوة الأخيرة راح تطلع لكم نفس الصفحة

وفيها اسماء المواد الي انتوا سجلتوها

و يمكن راح تلقون تحت خانة العملية قائمة مكتوب فيها خيارات

تلقون يمكن خيار لا يوجد دوروا لو لقيتوا خيار تسجيل ويب أختاروه علشان تأكدون التسجيل

ونفس الشي لبقية المواد سووا نفس الحركة عند كل مادة اختاروا تسجيل ويب

وبعدين من تحت اختاروا مرة ثانية تنفيذ

ولو واجهتوا اي اخطاء في التسجيل

طبعوا الصفحة هاذي وجيبوا الورقة للدكتورة ميرفت في الكلية

واهيه بتشوف لكم الوضع

وهذا كل الي عليكم تسوونه انتبهوا لازم كل موادكم تسجلونها

الله يوفقكم ولو بغيتوا اي شي انا موجودة سواء أهني او في الجامعة

وسوري لو تأخرت في الرد بس مثل ما انتوا عارفين انشغلت في بداية الدراسة

بالتوووووفيق للجميع ولو بغيتوا شي انا هالأسبوع كله شابكة والي يبيني في الجامعة يلقاني

:)

[الليمونة الحلوه]

وعليكم السلام والرحمه ..

مسموحه وشدعوه ..

أنا أول شي ماعرفت .. بعدين جا أخوي وساعدني .. وأنتي ماقصرتي ..

يعطيج ألف عافيه .. ماقصرتي ..

الحين أنا خلصت كل اللي قلتي عنه .. وشفت الجدول .. خلاص مافي شي ثاني لازم نسويه ؟؟

ومشكوووووره مررررره ..

[إيلاف]

مرحبا الليمونة الحلوة ..

الحين أنا خلصت كل اللي قلتي عنه .. وشفت الجدول .. خلاص مافي شي ثاني لازم نسويه ؟؟

بما انك سجلتي كل المواد .. وتأكدتي من تسجيلها ..

خلاص انتهت مهمتك ..

وراح تداوموا اليوم .. وأتوقع تبدوا دراسة ..

بالتوفيق يارب ..

[¤§©¤ ريم ¤©§¤]

خلاص حبيبتي ماعندج شي تسوينه

بس روحي الجامعة

واعتقد شفتوا كلاساتكم الي راح تدرسون فيها

بس يمكن تبدون محاضرات او تاخذون فكرة عن المحاضرات

بالتوفيق يارب

[ايمو]

ســــــــــــلام

اهلا فيكم ..

أخذنا محاضره وحده هذا الاسبوع وكانت لا بأس منها

بس لأني مااعرف احد صاير الجو موب مريح كثير

يعني دومنا فاضيين مدري وين اجلس ههههههههه

عموما .. حبيت أسأل

وين القى محاضرات الدكاتره والاستاذات ؟؟ حتى يكون اسرع شوي وأستوعب

بصراحه دخلت علينا دكتوره اجنبيه مااعرفها .. قعدت تتكلم انجلش من جد مافهمت شي

الله يعطيك العافيه

سلام