هل تم اعتمادنا في الترم الصيفي ؟؟؟

[مـعـزﯙفـه آلـحَنيـن]

طيب ضغطت تسجيل مبدئئ بس لسه باقى موجود المواد بالبانر يعنى ماأنحذف !

[الجــــ@ـارح]

المشاركة الأصلية كتبت بواسطة guy

الجارح .. معليش اخوي بس انا اقصد لما يكون { مسجل على الويب } يعني انت مسجل المادة بطريقة صحيحه ولما تكون العبارة { تسجيل مبدئي } ما راح تظهر لك في المواد في سجلك الأكاديمي .. انتبه من النقطه هذي وحاول تكون ( مسجل على الويب ) عشان تظهر لك الماده من بين مواد الترم الصيفي .. وجرب وشوف كلامي .. فوق هذا كله تظهر لك الرسوم المطلوبه عليك خلاف لما تكون العبارة تسجيل مبدئي ما يطلب منك النظام اي رسوم

اخوي اي شخص حط تحديث تسجيل مبدئي

مستحيل يرجع ويسجل على الويب

ثاني شي اخوي لو كان تسجيلي المبدئي ماهو صحيح

كان الغيت المواد من جدول التسجيل وصار عندي جميع المواد الشعبه مغلقه

التحديث هذا صار اليوم اخوي وان شاء الله تبقى المواد ثابته

اما ظهور الرسوم ماهو دليل ..لانك وقت تسجيل المقررات

وتكون نسبتك اقل من 2 وتصير الساعات المسموح لك 12 ساعه

وانت تسجل 18 ساعه رح يقبل منك النظام ويعطيك رسوم ال18 ساعه

وانت الرسوم المطلوبه منك فقط 12 ساعه

[GuY]

هي صح ما انحذفت .. بس لما تروحي على السجل الأكاديمي ما تظهر لك المادة اللي سجلتيها .. فـ لما تكون ( مسجل على الويب ) تظهر بالسجل الأكاديمي .. انا حاولت انبهكم لهالشي عشآنه صار معاي .. كنت ادور على ( تأكيد ) وما ظهر لي الا خيارين اللي هي حذف أو لا يوجد .. ومع المحاولات ظهرت لي عمليه جديده اللي هي ( تسجيل مبدئي ) وبمجرد ضغطت عليها تغيرت عبارة مسجل على الويب إلى عبارة تسجيل مبدئي ورجعت اتأكد من السجل الأكاديمي ما لقيتها بالمواد اللي سجلتها .. وعلى طوووووووول بسرعه حذفت المادة ( بسرعة هائله عشآن لا تروح علي ) وخليتها على مسجل على الويب وتأكدت من السجل الأكاديمي لقيتها موجوده وعليها رسوم

[مـعـزﯙفـه آلـحَنيـن]

يعني طارت راحت علينا بح مع السلآمه ودعتك ي الصيف

[GuY]

ههههههه لا ما راحت .. بس حاولوآ تدورون وقت الكل مشغول فيه عشآن لو حبيتوآ تحذفوآ المادة وترجعوآ تسجلوها من جديد ما تروح ويخطفها أحد
وبمجرد تنضاف لكم لا تغيرون أي شي في عملية التسجيل .. يا ليت الكل يخلها على { مسجل على الويب } وجنبها { لا يوجد } .. بكـــذآ تروحون على السجل الأكاديمي وبتلاقونها هناك تصارخ وتقول ( سددوآ رسوووووومي ) انتظروآ موعد السداد وسددوآ وانتوآ مطمـــــــنين

[مـعـزﯙفـه آلـحَنيـن]

قلبي مايتطمن ابدأ انها أحذفها وأسجل من جديد بخليها ع حالها يمكن في شى غلط او خلل وترجع زى ماكان

[الجــــ@ـارح]

المشاركة الأصلية كتبت بواسطة guy

هي صح ما انحذفت .. بس لما تروحي على السجل الأكاديمي ما تظهر لك المادة اللي سجلتيها .. فـ لما تكون ( مسجل على الويب ) تظهر بالسجل الأكاديمي .. انا حاولت انبهكم لهالشي عشآنه صار معاي .. كنت ادور على ( تأكيد ) وما ظهر لي الا خيارين اللي هي حذف أو لا يوجد .. ومع المحاولات ظهرت لي عمليه جديده اللي هي ( تسجيل مبدئي ) وبمجرد ضغطت عليها تغيرت عبارة مسجل على الويب إلى عبارة تسجيل مبدئي ورجعت اتأكد من السجل الأكاديمي ما لقيتها بالمواد اللي سجلتها .. وعلى طوووووووول بسرعه حذفت المادة ( بسرعة هائله عشآن لا تروح علي ) وخليتها على مسجل على الويب وتأكدت من السجل الأكاديمي لقيتها موجوده وعليها رسوم

اخوي عملية الحذف والاضافه في هذا الوقت

مستحيله ولو لثانيه وحده لانك بمجرد تحذف الماده فيه غيرك انتظار

على طول تقبل معه وتسكر عليك الشعبه لاحد يحذف شي ويتوهق

[GuY]

ههههه يا جماعة وربي حاس فيكم وهالموقف اللي انتوا فيه مر علي والله .. انآ ما ابيكم تحذفون ومثل ما قلت يالجارح الحذف هاليومين خطيـــــــــــــــــــــــر بمعنى الكلمـــــــة .. بس القصد لو صادف خيار للعملية غير تسجيل مبدئــي فـ ياليت تختارونــه .. ودي للكل بالخيــر بس انآ حكيت لكم ورطــه صارت علي وقلت انبهكم .. لأني سجلت مادتين بالأول وبعدين اضفت لها الثالثة .. من لقافتي الحلوهـ رحت على تسجيل مبدئي واخترتــه < اشوى كان على ماده وحده بس .. ولما ضغطت على حفظ التغييرات طلع جنبها ( تسجيل مبدئي ) قلت يا سلام الحين ضمنت التسجيل لهالمادة . ورحت للسجل الأكاديمي لقيت المادتين اللي ما سويت فيها شي موجودات والثالثه اللي تلقفت عليها ماهي فيه قمت اضرب في الجهاز واقول وش هاللقافه .. خليتها للظهر وقلت الناس مقيله ان شاء الله هالمادة ما تروح .. واحذف بسرعة واضيف بـ أسرع ورجعت لي ( الحمد لله ) وقلت توبه ما أتلقف من أول وجديد .. ورحت تأكدت من السجل الأكاديمي لقيت الثلاث كلها موجودات

[ومض]

< دخلت تدور احد حذف مادة قضايا عشان تسجلها

[مـعـزﯙفـه آلـحَنيـن]

يعني وشو أحذف و أسجل من جديد !