اكتب عشر حقائق عن نفسك ! ♥ ,

[جرحني بسكآت]

1/ يعجبني الهدوء بشكل عام وانسانه هاديه لكن اوقات
انقلب الى اكبر مزعجه واصير احب الازعاج

2/ اعشق ترتييييل القران بصوت عالي

3/ اسرتي وكرامتي عندي اهم شيء

4/ عصبيه بدرجه كبيره حيل واحيان اصير
اجرح بكلامي من غير ماانتبه وهذا الشيء اللي مااحبه

5/ اكثر شيء اكذب فيه هو مشاعري مستحيل اعترف فيها
لو كنت مكشوفه مكشوفه اظل انكر والحقيقه مااعرف اعبر عنها


6/ اسامح بسرعه لكن ماانسى

7/ احب الصباح والحيوانات ومااحب اللحم والربيان


8/ رسميه حيل وجديه والعواطف مستحيل اخليها تسيطر ع قراراتي

9/ طموحه حيل واذا حطيت هدف لازم اوصله

10/ احب اجلس واتكلم مع الناس العفويين وتلقائي مني
ادخل معهم جو من غير مااحس

وبس هذا اللي طلع وياي

وموضوع حلوو وربي يعطيكي العافيه
وشكرا للي نبهوني

[Daniah..~]

..




ياهالموضوع عآج بالإنستقرام عج
يصير أنسخ من الإنستقرام بوسي ومآتهوشيني ؟! عجزتن أكتب ياخي
لأني الصدز مدري وش أنا خوذي وخلي

دوتس

= مآيلزم اسمي الصدزي

= إنسانة مسالمة تسايس الجدران وبالعروس ارقص واسايس المنصه من الحياء <~ صدقوا عاد أنتم

=عصبية جداً وحرارتي ماله دواء بس ماعليكم وعد اتعدل إن شاء الله

= وانا صغيرة كنت أتمنى أصير شغالة عشان أسافر مثلها بنت الحمار ماهنا ديرة ماتطبها وتاخذ قروش واجد ،
كبرت وليتي ماتمنيت وحافظة خرايط الجغرافيا أحسن لي

= صديقاتي ملح الدنيا عندي .. أعطيهم أكثر مما آخذ

= حساسة جداً جداً .. وأخاف الصراخ العالي واللي يتهاوشون اشوفهم من بعيد وقلبي يدق سامري بس بنفس الوقت مستمتعه بالهوشه > ابليس مب ادميه

= كل فتاة بأبيها معجبة .. وأنا أبوي جنتي بهالدنيا ماأبي يجيه شي
وأميمتي الله لايخلينا منها ، تهمني تستانس قبل مااستانس أنا

= جامعية من زماااان من سبع سنين او اكثر ، وانطوى قيدي ورجعت للهم من جديد ..
وعسى الله يعجل بي بس ويجين عريس الغفله يهج بي ويرجع لأهله ينساني بالنمسا ولا بقريح اهم شي يدبر لي محل

= أحب وش أحب !! والله مدري وش احب ،
احب كل ابوش واحب الزيتون وصوت الساقي وموضي الشمراني ادري مافيه ترابط بس مدري وش اقول

= مانيب واثقة من نفسي ابد ، وودي بس ثقة هالعالم كله تصير فيني كان امداني اخذت جائزة نوبل هكالساعة

= كنت كاتبة ، وكنت رسامه ، وضاعت علومي كل ابوها للأسف

تيقا هيه بوسي آند لطفي

[حفيد الملوك]

ههههههههههههههههههههههههه

قضيت نصف ساعه ممتعه من وقتي في تصفح هذا الموضوع

لكل من شارك في هذا الموضوع :
اذا كنت قد استغرقت اكثر من 5 دقائق في كتابة تلك الحقائق عن نفسك ( يشمل ذلك التفكير + توضيح ما كتبته عن نفسك )

فأنت ترغب الى لفت الانظار إليك والصراخ باعلى صوتك " أنا موجود "

نظرية غبية يتم استغلالها في مقابلات التوظيف وتؤتي ثمارها
في تحليل شخصية المتقدم لشغل الوظيفة
تحياتي واحترامي للجميع بدون استثناء

[maryam_h_ a]

موضوع جميل

يس ماعرفت وش اكتب عن نفسي

[tµ£!p]

يعطييك الف عافيه ..

ولي عوده باذن الله ..


بوسي يسلموو ع التنبيه ..

[أحــتاج قربــك]

1/ لما ارتاح لشخص لو ما اعرفة ممكن اقولة اشياء ماقلتها حتى لاقرب الناس لي
2/ غيورة ع الناس اللي احبهم بجنون
3/ حبي لهم ممكن يتحول لحب تملك
4/ ممكن اسامح مرة بس لوتكرر الغلط
ما اسامح ولا انسى وممكن اكرة حتى ولايبان علي
5/ لما اقتنع بفكرة مستحيل اتخلى عنها حتى لوكان الكل ضدي
6/ انتمي لقناعات ومتمسكة بها مجتمعي نفسة ما يأيدها
7/اذا انخدعت بشخص ممكن اواجهة بكذبتة وبعدها احذفة من حياتي ولا كانة كان موجوده من قبل
8/ وفاة ابووي قست قلبي
9/ احب وقت الفجر
10/ ممكن اتحمل كثير بس يمكن باي لحظة انفجر واكسر اي شي قدامي

[мάђяά ♥]

..



امممم اشكر كل من ارسل لي تنبيه ع الموضوع

بس انا انسانه بطبعي متحفظه و ما احب اتكلم عن نفسي
لاني وبكل صراحه ماعرف وافضل اللي يعرفني يوصفني بنظره

موضوع جمميل وممتع