[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[رحال 2626]

سـلام والمضمـون شـووق ومحـبھ
من خاطري والله يسعد صباحكم
الوقـت هـب وسـااقـنا فــي مهـبھ
وأغيب وأرجـع والمشاعـر معااكـم"

[رحال 2626]

قالت فديتك قلت أنا كلي اْفْداك
أفداك يا صوتٍ رقيقٍ سريتك
تراك لو تِزْعِلْني أدوّر رضاك
يا خطوة المشتاق انا كم مشيتك
أنا مع العالم تراني بقاياك
لا تبيعني وانا بهم قد شريتك

[رحال 2626]

يحن قلبي للحبايب ويشتاق
والشوق يرسم طيفهم في منامي
أحبهم وأسهر مع الحب تواق
فيهم حديث النفس وأحلى كلامي
لويعرف المحبوب قدره بالأعماق
مايبتعد عن وصل خله ثواني

[رحال 2626]

من يهمه حضـوري يسعد الله صباحه
ومن لا يهمه حضوري مرحبا به هلا
وأنت يا اللي وجودك يلفت ﺎلأنتباه
من وجودك ياعساني يا ﺎلغلا ماخلا

[رحال 2626]

في قلب ملهوفك من آلشوق دآعي
تسوقه آلأفكـآر و آلشـوق يدعيـــه
و إن كآن ضآقت في لقآك آلمسآعي
يبقى خيـآلك شيّ مـآنيب نآسيـه

[رحال 2626]

رهبه أشواقي بصدري أوقدت راس الفتيل
وأشتعل قلب العنا من حر مابه وأنكويت

ماهقيت الشوق يقتلني وأنا أصلا قتيل
لين شفت الشوق فيني ثم من بعده دريت

أن مهما طال شوقي باقين شوقي طويل
ولو قضيت العمر باشواقي تراني ما أكتفيت

[رحال 2626]

أحبــك
فوووق هالدنيا .. وأسابق في مـداك ( حـروف )
وأعاند كل كلماتـي / وأضيـع بعـد أسبابـك !!

غلاتـي
لو هي الدنيا حديث ٍ يشفع لمشغـوف !
لا أقول العمر لـك " دنيـا "
وأنـا موجـود وأحيابـك !!

[رحال 2626]

غاب ضوّ الشمس و إزداد الظلام
و كل شمعه بالشوارع .. طافيه ..

إستعرت الصمت من فم الكلام
الحروف أحيان : ماهي كافيه ..

خطوتي صارت على حد الحُسام
من غدت كل الأماني : حافيه

ألف مرّه قلت لك : بُعدك حرام
كيف أدفا بلا كفوفٍ دافيه !

في غيابك كانت الفرحه حطام
و كانت إيدين المواجع وافيه ..

ردي لـ صبحي تغاريد الحمام
حاولي بشتّى الدروب الخافيه

و رتّبي لي دمعتين ..بلا ملام
ودي أبكيك بـ ليالي لافيه ..

أو خذيني للبعيييييد من الغمام
الرحيل أحيان : ديره شافيه !

ودّي أرحل ما يناسبني الزحام
و أسكن أنفاس الغيوم الصافيه ..

عمر هذا الحزن فيني ما ينام
و فرحتي نامت منام العافيه ..

ما يموت الشعر في صدري مدام
غيبتك وزن و حضورك قافيه ..

[رحال 2626]

أوله عليك وتحسب أني مجافيك
و أغيب عنك و تحسب أنه تغلي
ما هو غلا يا صاحبي يوم ماجيك
مالي بغيرك يابعد كل من لي
لا والذي سواك ما أحد يجاريك
و غلاك ماخلا لغيرك محلي
إن غبت بالوجد شوقي يناجيك
و إن جيت كل المشاعر تهلي

[رحال 2626]

يالصبح عطني من إشراقك تباشير
وخذ الهموم اللي على قلبي ترامت

سهران من البارح وحزني طوابير
وغيري من الناس نامت وقامت

تحياتي لجميع أعضاء هذا المنتدى الغالي الله يعينا ويوفقنا جميعاً على الأختبارات ونعدي على خير بدرجات مشرفه وأعتذر من الجميع أن حصل غلط أو تقصير أو أي شي من هذا القبيل راح أغيب فترة الأختبارات ولي رجعه بأذن الله ولا أستغني عن أي فرد من أعضاء هذا المنتدى أبد ولكم خالص الود والأحترام.