[ الفيزياء ] : تجمع بنات الفيزياء لجميع المستويات

[فيزيائية طموحة]

ملخص اليوم :

اليوم بس محاضرة وحدة رياضيات 3 نظري اختبرنا بأول 10 دقايق من المحاضرة هو صحيح ان الأسئلة سهلة والوقت يكفيها وزيادة
بس المدرج كان فوضى شوي كل مرة بنت تسأل والدكتورة تجاوب ماأدري شلون في البداية حسيت اني مو قادرة أحل شي بس الحمد لله حليت وخلصت في الوقت المطلوب
بعد الإختبار أخذنا محاضرة وكانت ممتعة لأن الدكتورة دايما تخلينا نفكر في الشي قبل لاتقوله
وبعدين قعدت فاضية ساعة بعدين رحت قاعة الأميرة جواهر عشان الحملة اللي مسوينها وكان برنامجهم جدا رائع

عندي الحين واجب حديثة نسوي ورقة عمل عن تجربة مايكلسون الله يعين

[ياآارب]

مستوى ثالث ..
وش اخذتو بالبصريات اليوم ؟ وعسى حددت المرجع ؟

[*Diamond*]

سوري ودي اساعدك بس انا ما اخذها بس اسالك واشوف

[منتهىى]

بنات ممكن تساعدوني عندي واجب بالاللكترونيات

[غلآكمـ]

المشاركة الأصلية كتبت بواسطة منتهىى

بنات ممكن تساعدوني عندي واجب بالاللكترونيات

تو ارسلت الحل للدكتوره

انا استعنت بالله ثم بـ هالرابطين . .

الاول و الثاني

و حليت

بالتوفيق

[فيزيائية طموحة]

ملخص اليوم :

اليوم ماعندي الا محاضرة حديثة ساعتين وكانت المحاضرة حلوة بس زي ماقالت الدكتورة المنهج مترابط ولازم نكون مذاكرين هاذي مشكلتي اني ماذاكرت امس يبيلي عشان أتأدب
قعدت على البحث اللي طلبته واخذ مني وقت طويل بس حسيت انه نفعني شوي في المشاركة واصلا المنهج صاير كأنه تاريخ وفيه أشياء خيالية حتى الدكتورة مو مستوعبتها
ووحدة من البنات ماشاء الله عليها عطتنا فكرة حلوة للنشاط اللي تبيه الدكتورة ان كل مجموعة تسوي مجلة عن الفيزياء الحديثة وكلنا وافقنا عليها
بس تفاجأنا لما الدكتورة قالت بتعطينا المحاضرات اللي عندها وننقلها منها وفيه شي مافهمته عليها يخص هالموضوع
على العموم قالت بتخلي هالفكرة في راسها عشان اذا الدكتورة قالت شي جديد يخص هالموضوع تتكلم البنت وهي مطمنة ان البنات موافقين عليها
وحتى الدكتورة احسها محتارة في توزيع الدرجات وعلى ايش تخليها بالضبط كل محاضرة تقول شي يالله إن شاء الله نوصل لشي يكون في صالح الجميع

بعدين قعدت فاضية ورحت أشوف التسجيل اللي مسوينه نادي ديم وايش برامجهم وكذا بصراحة افكارهم حلوة ماشاء الله عليهم

ورحت اشوف اعلانات قسمنا الجميل لقيت اعلان عن فتح شعبة اضافية لمعمل الأطياف والنووية اللي يوم الإثنين حق اللي عندهم تعارض 1
وتخيلوا الوقت اللي حاطينه من 13:30 إلى 16:20 أنا في البداية تخرعت فكرت انه للكل بس سألت عنه قالوا بس اللي عندهم تعارض هذا اذا فتحت المعامل

الله يخليهم يفتحون المعامل قريب
و لا تنسون واجب الحديثة والكلام مو بس للعضوات حتى الزائرات بعد

[فيزيائية طموحة]

منتهى

كان ودي أساعدك بس ما أخذنا طريقته العام لأن اللي درسنا دكتور

إن شاء الله تكونين استفدتي من الروابط اللي حطتهم غلاكم

[منتهىى]

يسلمو ماقصرتو بنات

غلاكمـ , فيزيائيه طموحه

انا حليته بس اللي لخبطني الجدول احس مافهمت منه شي خفت اتلخبط

بس دخلت اكثر من موقع افادتني وتاكدت زياده من موقعك يا غلاكم

والحمد لله ان شاء الله خير

اللحين اجهزه وارسله

[♥..ЙAИa]

http://www.ckfu.org/vb/4565335-post2970.html
منتهى الحل هنا .. ولو مو فاهمه شي لا يردك الا كيبوردك

[غلآكمـ]

فيزيائيه طموحه

اليوم ماعندي الا محاضرة حديثة ساعتين وكانت المحاضرة حلوة بس زي ماقالت الدكتورة المنهج مترابط ولازم نكون مذاكرين

يسس صدقتي و الله
بس شفتي لما قالت الدكتوره ان نسبية اينشتاين احتمال كبير تكون خطا و هي متحطمه نوعا ما ، ،
كنت بقول لها ان علماء ( مركز ابحاث علميه ) في النمسا
اكتشفوا ان سرعة الضوء خطا <<

هو حلو التطور بالعلم بس توقيت غلط !!

استغفر الله ، ،

خفت انها تتأزم . . بس لاجابت طاريه و ورتنا اللي سواه مدري اللي قاله العالم اليمني بقولها عنه . . بس يبي لي اقرا اكثر عن هالموضوع و اتاكد من فهمي الكامل للموضوع

اصلا المنهج صاير كأنه تاريخ وفيه أشياء خيالية حتى الدكتورة مو مستوعبتها

< تكره التاريخ
و مثل ماقلتي للحين الماده ممتعه . .

ووحدة من البنات ماشاء الله عليها عطتنا فكرة حلوة للنشاط اللي تبيه الدكتورة ان كل مجموعة تسوي مجلة عن الفيزياء الحديثة وكلنا وافقنا عليها

فكرهـ
ماشاء الله ، ، ماجات في بالي ابد

بس تفاجأنا لما الدكتورة قالت بتعطينا المحاضرات اللي عندها وننقلها منها وفيه شي مافهمته

اللي فهمته انها بتقسمنا مجموعات . .
و كل محاضره نروح لها و ننقل المحاضره . . و نرتبها و من ثم نصورها . .

اذا نفس اللي فهمته اتمنى يكون الكلام يكتب بالكمبيوتر و ليس خط يد مهما كان جمال الخط

وحتى الدكتورة احسها محتارة في توزيع الدرجات وعلى ايش تخليها بالضبط كل محاضرة تقول شي يالله إن شاء الله نوصل لشي يكون في صالح الجميع

يااارب

بعدين قعدت فاضية ورحت أشوف التسجيل اللي مسوينه نادي ديم وايش برامجهم وكذا بصراحة افكارهم حلوة ماشاء الله عليهم

بهالوقت كان عندي محاضره كهرومغناطيسيه مع دكتوره هند . .
في محاضرتنا الاولى < < ازززززمه من اليوم لـ بكره

ازمه لان متأخرين بالمنهههج بشششكل مو طبيعي
و طلبت منا كتاب انجليزي
و الححمدلله مشينا مع شرحها ، ،
و كانت محاضره خفيفه و حلوه

و بعدها كان عندي نظام اقتصادي في الاسلام . . و كان بعد المحاضره الاولى . . <
محاضره جججججميله جداا . . بمعنى اصح خفيفه لطيفه

و قال الدكتور . . بيحدد لنا جزء نحفظه او بيحدد سور . .
و ماقصرو البنات قالو يبون سورة او سورتين بس
قال بيحدد ، ، و بيرد لنا خبر اليوم . .
كل بنت بيقولها تقول للبنات اللي تعرفهم
و طبعا ماشاء الله علي تبارك الله ، ، ما اعرف احد بالنظام الاقتصادي

و على ماتجرأت و قلت لاخوي و حالتي حاله المغرب

طبعا كل هذا لانه سعودي <

و في النهايه قال بنت كلمته قبل و بتقول للبنات المحاضره الجايه . .
و مشغول و عنده صوت صغار و ازعاج <

ورحت اشوف اعلانات قسمنا الجميل لقيت اعلان عن فتح شعبة اضافية لمعمل الأطياف والنووية اللي يوم الإثنين حق اللي عندهم تعارض 1
وتخيلوا الوقت اللي حاطينه من 13:30 إلى 16:20 أنا في البداية تخرعت فكرت انه للكل بس سألت عنه قالوا بس اللي عندهم تعارض هذا اذا فتحت المعامل

الله

حلللللمي اطلع من الجامعه 5
احساااس جميل تحسين انك جد بنت جامعيه <

جربت الخروج الساعه 4 العام ، ، و كان احسسساس حلو مع الشتاء

و لا تنسون واجب الحديثة والكلام مو بس للعضوات حتى الزائرات بعد

لا لا ابشششرك مانسيته هالمره <
الحححمدلله . .

بخصوص الدكتوره لما قالت تبي تبدل وقت المحاضره مع الكهرومغناطيسية . .

تم الرفض من قبل بنات الكهرو عشان التعارض . .

فيه بنات عندهم محاضرات ثانيه . .