ممكن مساعده . جزاكم الله خير

[يآهملالي..~]

انا بعد سمعت من كل محاضره شوي.. بعدين ق ف ل ت هـ ـا
إلا محاضره مقدمه في التربيه الخاصه حبيّت اسلوبه وكملتها ..
.
.
والحين صدعت :$

[حـلـم]

السلام عليكم ورحمه الله وبركاته

نزلت محاضرات المستوي الاول

انا دخلت بلاك بورد بس ما نزلتلي المواد

[رين]

انا الحمدلله طلع لي الرقم السري والبريد
لكن لما ابي اسجل على نظام البانر تطلعلي الصفحه غلط

[كلي غموض]

هلا وغلا والله
ايــــه نزلت اربع مواد

اللي هي التحرير العربي 3 محاضرات

والصحه واللياقه برضو 3 محاضرات

ومبادئ التربيه 3 محاضرات

ومقدمه في التربيه الخاصه 3 محاضرات

بس يقولون ان هالمحاضرات حقت العام الماضي مو هالعام

والله اعلم

اتمنى اني افدتك

[كلي غموض]

حلم قلبو انتي سجلتي المواد ؟

[fatemah ali]

خواتي لا تستعجلون لأن احنا العام كنا مثلكم حايسين عمرنا

لكن لازم تصير هالحوسة بالبداية لكن مع الأيام بتنتظمون وكل شي يترتب

ان شاء الله

وبالنسبة للمحاضرات اصبروا شوي على مايضبطون البلاك لأنه يكون مفعل عند البعض

ويحلون المشكلة قريب وتابعوا المحاضرات أول بأول

الله يوفقكم

[سعوود]

السلام عليكم
ممكن تشرحون لي كيف انزل الجدول؟؟
والله أني متوهق
سؤال ممتاااااز
ننتظر الاجابه عليه

[كلي غموض]

انا مافتحت الا محاضره التحرير العربي

والله ياهي طووويله ضاق صدري وقفلتها :d1:

مدري وشلون بذآآآكر

[كلي غموض]

يعني اليوم بتنزل محاضرات غير اللي منزلينها ؟

[ذهب صـــــآفي]

المشاركة الأصلية كتبت بواسطة وساموووه

اذا نفس الدكاتره اللي قبل نفس المحاضرات ما تتغير واذا دكاتره جدد راح تكون محاضراتهم غير وجديده لأن يختلف كل دكتور وشرحه واللي لسى جدد وتوهم متخرجين نصيحه يذاكرون اول باول عشان يقدرون يحولون انتظام

هلا وسامووه الدكاترة اللي ماتغيروا لقيت لهم محاضرات مسجلة خاصة الدكتور عبدالعزيز الحليبي وحدة من محاضراته من عام 2009 ..

أما الدكاترة الجدد مثل دكتور الانجليزي والاحصاء مالقيت لهم محاضرات مسجلة ..

مشكوره ياقلبي على الافادة ..

المشاركة الأصلية كتبت بواسطة الفهيدية

ياهلا ياذهب صافي ..

اولا بلا خوف وكسل :s9:والامر والله مايستاهل الحوسه والخوف ترى الامر بسييييييييييييط جدا ..


اجاباتي لاسئلتك ....وحكم اني مستوى ثالث يعني اعرف اشياء كثيره والحمد لله ..

لما تفتح نظام البانر راح تشوف محاضرات مباشره ومحاضرات مسجله انت افتح ( محاضرات مسجله ))
راح تشوف الدكتور جالس يشرح وانت وشطارتك والجديه الي فيك ...

بالنسبه للمباشره مافي الا قليل يمكن مره او مرتين بالسنه وماهي ظروريه انك تحظر تعرف ليه ؟؟؟
لانه ماراح يفتح الا بعد طلعه الروح من كثر الزحمه والي موجودين ويحظرون مايقصرون كل شي يخبرونه فيه وش قال الدكتور وش طلب والخ .. ماعليكي الا اتابع هنا الموقع اول باول واقرا الاسئله والاجابات وبكذا تكون عندك خلفيه عن كل شي ....

بالنسبه الي تقول محاضرات من الترم الي راح غريبه واول مره اسمع بس بتاكد واخبرك ان شالله وانت كمان استفسر ....

بالنسبه للمحاضرات الجديده كل يوم سبت تنزل محاضرات وانت كمان تابع اول باول ...


وبلاش كسل والنووووووووووووووووووووم ...


الاجتهاد عنوانااااا :150::111:


تحياتي

هلا وغلا حبيبتي .. صراحه أتفائل لما أشوفكم يالمستويات الثانية أحس فيه أمل بالحياة وفيه أمل اننا ننجح ونمشي


بخصوص المحاضرات يعني المحاضرات المسجلة كلها داخلة معانا هالسنة حتى القديمة .!!


وفيه كلمة قلتيها استغربت منها معقولة مافيه محاضرات مباشرة الا مرتين بالسنة صراحه أحسن كذا علشان لانضطر نلاحق ورى المحاضرات علشان نحضرها ..


بس سؤال ثاني هل يقدر يعرف الدكتور اذا كان شفنا محاضراته أو لا .؟ وهل يهمه .؟

لأني أعرف وحدة كانت انتساب في جامعة ثانية تقول لازم نحمل المحاضرات علشان يحسبون لنا الدكاترة حضور ..


شكلي زهقتك بكثر الأسئلة مشكورة ياعسل الله يكتب لك الأجر ..

المشاركة الأصلية كتبت بواسطة للجروح أرواح

ياعسل المحاضرات اللي نازله لنا ال3 مواد هذي السنه هذي تبعنـآ

أنا عن نفسي حاولت أقاااوم أوسمع اول محاضره التحرير العربي وللأسف طفشت وقفلتها خخخخخخخ

بحملهم ملزمات وادرسهم افضل مااحب اسمع كثير خخخخخخخخخ

بس التحرير العربي ذكر مراجع كثيره وش السواة أشتريها كلها والا اطنش لما تجي الامتحانات واشوف وش

يرسي عليه...

وعلى فكره ابسألك سمعتي باالحوسه اللي صايره يقولون فيه محاضرات مباشره لازم نحضرهـآ

:d1::d1: والله مدري وش السالفه ولا لي خلق

هلا حبيبتي مافهمت صراحه ايش تقصدين ان علينا 3 مواد بس ندرسها يمكن تقصدين مستوى غير مستوانا .؟

من ناحية المراجع اللي ذكرها التحرير العربي أنا بعد معاك ماشاء الله وش كثر المراجع مدري نشتريها كلها ولا وش السالفة ..


وياليت اللي يعرفون وش المراجع اللي المفروض نشتريها يساعدونا ..

أما المحاضرات المباشرة مدري ياقلبي أنا ماسمعت شي حتى جروب البنات اللي بالماسنجر مو راضيين يضيفوني معاهم :d1: ولا كان استفدت كثير ..


مشكورة ياعسل

المشاركة الأصلية كتبت بواسطة وساموووه

:g15:

المشاركة الأصلية كتبت بواسطة صخر جلمود

:nono:

المشاركة الأصلية كتبت بواسطة يآهملالي..~

انا بعد سمعت من كل محاضره شوي.. بعدين ق ف ل ت هـ ـا
إلا محاضره مقدمه في التربيه الخاصه حبيّت اسلوبه وكملتها ..
.
.
والحين صدعت :$

أنا من الصبح أبغى أسوي نفسي مجتهدة سمعت المحاضرات شوي وطفشت قلت أقوم أرتب البيت أبرك لي << من أولها :s3: