سبب تأخر اعلان النتائج (رد الدكتور الفريدان) ولكم الحكم

[ابو فهد1111]

معذورين الله يعطيهم العافيه

[أم مشعل]

I agree with him

[mo7ammo]

الله يعطيك العافية

كلام الدكتور اشوف انه منطقي ، لكن السؤال ليه ما يبدون التصحيح اول باول مو يخلون التصحيح كله بعد ما تنتهي الاختبارات

[دكتور نت]

هذي مشكلتنا عاطفيين و بسرعه نطير بالعجه ..
يعني ما صدقنا انه يرد الا و الجميع على طول معذورين و فعلاً و مدري ايش .. و انتم ما غير مطامر ورا اي موضوع يجيب سيرة النتيجة غير على ان كل الجامعات طلعت نتايجهم و هم اذا ما هم بعدد طلاب فيصل فيكونوا اكثر. .
عارف كلامي لا يقدم و لا يؤخر بس بصراحه ما ينضحك علي بمعسول الكلام و كان ودي بس لما قال لك كذا ... انك قلت له طيب ليه الفصل الأول ما تتأخر كذا ؟ اذا كان عشان انه بعده فصل دراسي و تسجيل مواد تطلعونها بسرعه .. و الا ما فيه تدقيق ؟! و الا عدد الطلبة الفصل الأول يكون أقل ؟!! و ياليت لو يتعاملوا مع النتائج للفصل الثاني معاملة الفصل الأول .
ياليت اللي يراسله و يقول له نفس الكلام اللي قاله لصاحب الموضوع يقول له الكلام اللي قلته ..

[سفير المشاعر]

الامر بسيط وان شاء الله الكل ناجح


تفضلوا حياكم الله على القهوة

[baroud]

المشاركة الأصلية كتبت بواسطة maljahmi

معليش اخي عادل الي اشوفه عدد مراكز الاختبارات اقل من العدد الي ذكره الدكتور عبدالله يمكن بين 30الي 45 مركز فقط
ثانيا من جامعتنا هي افضل من الجامعات كلها إلا ظهور النتائج هي مشكلتنا متأخرة دوما والحل سهل يجعلون التصحيح بين مناطق المملكة هذا الافضل

والله يوفق الجميع

المعذرة منك أخوي ، أخالفك تماماً حيث عدد مراكز الرياض
لوحدها يزيد عن العدد الي أنت ذكرته!! لكن ما أخالفك أن
الدكتور الفريدان يحب المبالغة قليلاً

[alhamdss]

وقت النتائج بالنسبه لعدد الطلاب مقبول جدا.. الله يوفق الجميع

[عادل بن عبدالله]

الشكر موصول لكل من شارك ولكل من دعى لي له مني دعوه بظهر الغيب

لا شك انه يوجد تقصير من الجامعة بخصوص تأخر موعد النتائج ولكن يجب أن نلتمس لأخينا المسلم ولو سبعين عذرا فالتعليم عن بعد هو جزء من جامعة كبيرة وعريقة ولها عمادات كثيرة وأقسام متعددة وقد يكون السبب هو ضعف دعم الجامعة لعمادة التعليم عن بعد من ناحية الترم الصيفي أو آلات التصحيح أو حتى توفير الكوادر العاملة في هذا الشأن والأسباب كثيرة والأكيد أنها تخفى علينا..

يجب أن نتحلى بقليل من الصبر ... ولولا الأخطاء والتجارب السابقة لما تطور الناس وتقدموا بأي مجال...

[ابو اياس]

اعتقد ان تجاوب الفريدان مع الطلاب وسعة باله شيء مذهل

ما شاء الله تبارك الرحمن على صبره

اشوف كثير من الاسئلة التي تطرح عليه مكررة ومعروفة الاجابات

ومع ذالك كل يوم اجد تجاوب من هذا الشخص

اقول الله يوسع على الدكتور الفريدان

[Mr.FahaD]

المشاركة الأصلية كتبت بواسطة reem.93

والله من ناحية معه حق ومن ناحية اخرى لا .. مافيها اي اشكال لو تتصحح بمركز بالمدينة ..

يعني مثلاً يجمعون اوراق الشرقية ويصححونها بالجامعه حقت فيصل ويجمعون اوراق الرياض ويصححونها بمركز بالرياض وترسل لهم النتائج يعني عشان اسرع .

فيه اكثر من طريقة .. احنا فلوسنا اللي ندفعها لكل ترم ربعها تروح رواتب للدكاترة وثلاث ارباع وين تروح ؟

لازم تروح بتطوير السيرفرات والتصحيح احنا الحين بعصر السرررعه .. ولاتقنية استخدمتها الجامعه بالشكل الصحيح ولاتقنية ولا وسيلة اتصال مناسبة ولا شيء .. مع العلم اني حابة الجامعه ذي بس ما احسهم يجتهدون للأفضل .

قرارات تجي عشوائية وبدون دراسة وبدون تبريرات .



الله يصبر قلوبنا والله العام كنا مانتحمل شيء بهالفترة اذكر واحد كتب لنا طلعت النتايج وهي ماطلعت .. يمين بالله تحسّبت عليه من قلبي يعني احنا متوترين ونلعب بأعصاب بعض ؟

فأنا اشوف الفريدان جالس يطبطب علينا بس وماراح يسوي ولاتقنية حق هالتصحيح واتمنى من كل قلبي يكون كلامي مش صحيح يعني

اولاً انت في جامعه حكومية والفلوس تروح لوزارة المالية وثانياً ان كان تفكيرك كذا ترا فيه مواقع تبيع شهايد بلاش وتوصل لك بعشر دقايق اما انك تسولف فلوسي وفلوسي مادرت عنك الجامعه ومستعده تقطها بوجهك لانها جامعه حكومية ومو انت الي تصرف عليها تصرف عليها وزارة المالية ولها ميزانية سنوية




الله يعين الجامعه على ذي الاشكال الي مادري منين تفكر قال ايش فلوسي ياعممممي طير دافع ميتين ريال مسوي زحمه والجامعه ميزانيتها بالمليارات من وزارة المالية