[ اللغة الانجليزية ] : المقبولين لغه انجليزيه ... حياكم second year E students

[عسولة الشرقية]

بالنسبه للي شكروني


نكا نكا اقولهم العفو واحرجتوني وما سويت الا الواجب


واذا فيه اي سؤال فوته ما شفته بليز


اكتبولي اياه مره ثانيه



موفقين حبايبي

[غلا العتبان]

thanks alot

[عسولة الشرقية]

اومير اني ارجع


كان فيه نقاش بموضوع اللغه الانجليزيه وطلباتك لهلقسم


عن الدكاتره


وفيه كلمه انكتبت الظاهر انها من غدوشه ان ما خاب ظني



قلتي ان لغتك حلوة بس ما تبين نسرين علشانك ما تبين وحده تتقعدلك


والا اتطلع الغلط فيك


يا قلبي فهمتي علينا غلط


احنا مو قصدنا ان نسرين الا اتطلع الاغلاط بالطالبه



لكن تعرفين بعض الاستاذات


اذا شافوك مثلا غلطتي 4 اغلاط تحسبلك اياها 3



نسرين لا غلطتي 4 يعني غلطتي 4 تاخذين الي تستحقين


مستحيل اكثر ومستحيل اقل



لكن مو معناته انها تتقعد للطالبه الا انتي غلط نووووو هي ابدا مو كذا ولا ما كان مدحناها لكم


هي فقط حقانيه لدرجه مؤلمه خخخخخ


بالعكس اصلا بعض الدكاتره من كثر اوراق الطالبات يقرون ويشوفون الاغلاط ويكتبون الدرجه فوق


بدون ما تدرين وين غلطك


اما نسرين لا عند كل غلط تحط خط والربع او النص الي راح عليك


بعد اذا ما صححتلك الكلمه


يعني حتى اذا شفتي ورقتك ما تقدرين تقولين شي لان بتشوفين غلطك واضح وضوح السما


وبعدين هي صحيح تعطي الوحده الدرجه المناسبه لها (مستحيل اتزود او اتنقص)


لكن تقدرون تتفقون معها تعطيكم بونس اخر السمستر على نشاط اتسوونه


بس اتفقوا معها من الاول


بالعكس ما عندها مانع ابدا


صحيح هالنشاط بيضغطها لان مو بس انتوا الي اتدرس


لكن مع ذلك اترحب باي شي يساعد الطالبه دام هي نفسها تبي تشتغل وتجتهد علشان اتحسن مستواها



في النهايه يا قلبي


انا ادري انك اخذتي بدريه ولا اقولك غيري رايك فيها


هي زينه وحبوبه


لكن حبيت اوضح النقطه الي فهمتيها غلط عن د. نسرين


طبعا الكلام لك وللجميع اكيد فيه غيرك عنده نفس سؤالك بالضبببببببببببببط



فموفقين حبايبي

[هـ م ـس الروح]

[align=center]
القواعد :: أحمد إبراهيم ولا سارة الموسى ؟؟!أفضل بالشرح وكل شئ؟؟
[/align]

[عسولة الشرقية]

همس بتقتليني


ع الاقل كان شيكتي الصفحات الي قبل علشان تعرفين الجواب



عموما ساره شرحها مرتب ومختصر ومفيد


والدكتور بعد زين


لكن يحب المشاركه جدا جدا جدا


والمشاركه بتكون صعبه معه لان المايك بيكون زززززززززززحمه فظيعه


البنات يبون يلحقون يجاوبون على الي يعرفونه قبل لا يستقعد وينادي بالاسماء


عموما حتى لو جاوبتي غلط عادي عنده بس عن نفسي احس احرااااج


وما يصير اتجاوبين مره بالترم وتحطين رجل على رجل


لازم اتشاركين اكثر من مره


وكل ما حفظ اسمك كل ما كان ازين


لكن العمليه معه جدا صعبه



احس ساره اهون خاصه انها قدامك وتعرف مستواك على طوووول مو زي الدكتور من ورا شاشه ما يدري انتي مين



وبعدين ماراح تطلعين من عند ساره الا وانتي فاهمه باذن الله


اولا من اسلوبها ثانيا من الهدوء الي بالفصل غير عن الازعااااااااااااااج بالشبكه



اتمنى اني افدتك

[نغم]

عسووووووله مشكوررره حبيبتي جد

بس حبيت اسأل انه احنا الحين لغه انجليزيه يعني لما نتخرج ما نكون ادب انجليزي ؟؟؟؟

بصراحه انا ابي ادب لانه احس بالشغل وكذا احسن وكمان انا فكرت انو هذا السمستر بيكون قراءه وكتابه وكذا وعالسمستر الثاني او السنه الجايه مناخذ المواد الادبيه
فا بليز حبيبتي تجاوبيني احنا شنو الحين ومشكوووووره


ومبرووووك موااااه

[sara2010]

[align=center]
يااااااااااااااااااعمري عسوووله والله انتي تعبتي معاانا كثيييييير الله يجزيك الــــــــــــــف خيـــــــــــــــــــــــر ويحقق امانيك انا عن نفسي اخترت بدرية بس متردده بينها وبين نسرين لان الماده ذي مثل ماقلتي مهمه انا راح استخير والله اللي كاتبه فيه الخير
[/align]

[عسولة الشرقية]

حبيبتي انتوا غير عننا


لكن الي شفته بالخطه الدراسيه حقتكم بموقع الجامعه



انكم بتاخذون مواد ادبيه بس بالمستويات الجايه مو اللحين



مادري عاد اذا بيغيرون ولا لا


لكن اغلب الظن 99% انه بيكون فيه ادب


لان القسم ما تحول لغه that's 4 sure

[ساره !]

بنات ممكن سؤال كم معدلاتكم بالاجليزي؟؟

[عسولة الشرقية]

المشاركة الأصلية كتبت بواسطة sara2010

[align=center]
يااااااااااااااااااعمري عسوووله والله انتي تعبتي معاانا كثيييييير الله يجزيك الــــــــــــــف خيـــــــــــــــــــــــر ويحقق امانيك انا عن نفسي اخترت بدرية بس متردده بينها وبين نسرين لان الماده ذي مثل ماقلتي مهمه انا راح استخير والله اللي كاتبه فيه الخير
[/align]

كلهم زينين ومتمكنين فزي ما قلتي استخيري والي يطلع ان شاء الله خيره