[ استفسار ] انطباعاتكم عن اختبار نظرية المنظمات ،، مع رسالة للجامعة والدكتور حيرش

[أبومالك بوقرصين]

حسبي الله ونعم الوكيل

[sro0orah]

حسبي الله عليهم ونعم الوكيل على هالماده ومن ينخشش تواريخ قبايل امهم وش دخلنا يعنين نحفظ نظريه لفلان فجاه يشطح كماقال وفلان وفلان ايدوه خير قطة استراحه عشرسن نفر بنظريه ولاشي الله لايوفقهم .. حشي مو اوادم صراصير توالد كل ثانيه عجزت اجمع كلما اقول حفظت وميزت اكتشف خبصت .. الله يعمي بصيرتهم عن اخطائنا ويوفقنا ولايضيع لنا تعب .. كيف بندرس ادارة تغيرر حق بكرا وش بنختمها فيه ؟؟

[اللامي]

ذاكرت له اربع نماذج سابقه ومافي فايدة لعب الاسئلة

هذه الدكتور يتحدى مع الطلاب

وتناسى ان اغلبنا موظفين وعاطلين ومشغولين مع اعيالنا واعمالنا وفوق ذلك ندرس بدراهم

رسالتي للدكتور التحدي هذا يادكتور خله مع المنتظمين وليس مع المنتسبين

ماقول الا الله يصلحك ويهديك

[حلـ....ـم]

أسئله مباشره مافيها لف ولا دوران لكن مشكلة الماده دسمه كمية معلومات وعلماء تفر المخ فر

نقول الحمدلله ونركز على اختبار بكرى

موفقين يارب.

[غواية الفرح]

انا ذاكرتها قبل يوم الاختبار وصابتني فلونزا وحالتي حاااله وطلعت من الاختبار وع المستشفى :(

بصراحه الاسئلة مب صعبة..
بس في كم سؤال حست فيهم يمكن ٥ اسئلة..

توقعتها اصعب من كذا

بالتوفيق للجميع

[faty313]

الله لا يوفقه من دكتور هذا اذا كان دكتور ويسلط عليه من يتقصده مثله

[alsfaa7.sy]

الحمد الله كان الاختبار واضح بدون لف ودوران الله يعطيه العافية للدكتور على هل الاسئلة الحلوة

[نُـوْوتْ]

الإختبار حلو ومباشر .. بس صرنا نخاف نقول حلو عشان ماتهجمون علينا

والله ماذاكرت زين بس أشوفه سهل .. موفقين أجمعين وحظ أوفر للي ماحالفه الحظ

[Eman-888]

ترا شككتوني ف نفسي الاسئله سهله عندي يمكن ٣ اسأله غلط مع اني بس ذاكرت
من ملخص فهد الحجاز اللي فيه النقاط المهمه ونماذج الاسئله
الاربعه وتابعت ف التجمع مع الاعضاء الله يوفقهم ويجزاهم الجنه اسألتهم
والنقاط المهمه انا نموذجي a اخاف بعض النماذج صعبه زي حركته يوم
اختبار ادارة العمليات جاني نموذج e وكان اصعب نموذج وحملتها

[ميرامار]

مذاكره من المحتوى والاسئله وجبت العيد