دعوه للتفاؤل☺♥•تقويم الفصل الثاني+الخطه الدراسيه+طريقة تسجيل المواد بالبنر☺♥•

[فيصل القصيم]

يسلموووووو أختي

[شط الخبر]

بارك الله فيك اختي


نقطه اشرتي اليها وكانت هادفه


اخواني واخواتي

اوصي نفسي واوصيكم نرتب امورنا من بدري

ونتابع المحاضرات وامورها اول باول


لان زي ما انتم شايفين .... بعضنا على اعصابه ومتخوف من النتائج حقة الترم الاول

كل هذا بسب اهمالنا وعدم متابعتنا للمواد من بدري


الله يوفقنا واياكم لكل خير .


:)

[ظل الورد]

تونا خالصين من الاختبارات القلق ويجينا جدول عشر مواااااااااد
ليش طيب كثيرررر

لا وجدول الاختبارات اخس منه تخيلوا 3 مواد نختبرهم في يوم واحد وش هالظلم
مبادئ علم اجتماع وانجليزي كتابه والتذوق الادبي

يعني لازم احذف ماده منهم ولو بختار ماده من الانجليزي مالي الا الكتابه
علشان هي اللي مع المادتين

وشوفوا الجدول في قسم المستوى الثاني

شكرا ياغدووو >>>> معصبه

[فيني ونة]

الله يعطيك العافية لاهنتي
تسلم ادياتك يعثثثثل

[مانسيتك !]

وش سالفة النحو التطبيقي 2 واللغة الانجليزية 2


يعني مفتكينا منها

[صباالظهران]

جزاك الله خير

[totayah]

مشكورة اختي يعطيك الف عافية
بس التقويم مو راضي يفتح معي

[مجتهد99]

السلام عليكم ورحمه الله وبركاته ،،،،

اخواني اخواتي دفعه المسيره الخضراء لاحظت اختلاف البعض في تسجيل المقرارات للمستوى الثاني وهذا شي طبيعي ولكن هناك معلومات لزم تعرفها بالاول قبل التسجيل علشان يكون قرار اختيارك سليم ميه بالميه ان شاء الله

الاول / لزم تعرف استحاله ان نكون جميعاً نفس الجدول هذا مستحيل ولكن نقدر نكون اغلب المواد مع بعض باختلاف ماده او اثنين وهذا بحد ذاته شي ايجابي

فمثلا جدول اختبار المستوى الثاني فيه تعارض بين مبادىء الاجتماع واللغه الانجليزيه كتابه

فنصيحتي لاهل االانجليزي ياخذو انجليزي كتابه كونه تخصصهم والشي الثاني والاهم يساعد في التقويه والاستعداد لمواد التخصص السنه الجايه ان شاء الله ، اما سرب الاجتماع ياخذ ماده الاجتماع كونها من تخصصهم

اما اقسام كليه الاداب الاخرى مثل اللغه العربيه وغيرها الخيار لهم فالي شاطر بالانجليزي ياخذ انجليزي والي مايحب الانجليزي ياخذ اجتماع ويخفف عليه من ضغط مادتين انجليزي بفصل واحد يعني كلن حسب ظروفه

ثاني شي /لاحظت البعض يتكلم عن الحذف وكانه حذف نهائي

وهذه معلومه غلط يجب ان يعرف الجميع مواد المستوى الاول والثاني كلها اجباري ، والي مااخذته اليوم بترجع تاخذه بكره ولا راح تتخرج قبل ماتاخذ كل مواد المستوى الاول والثاني وتعديها بنجاح بمشيئه الله

يعني الموضوع مش حذف مثل مايتصور البعض وهو مجرد تاجيل لا اقل ولا اكثر

ثالث شي / وهاذي نقطه مهمه

حاول تخلص موادك اول باول ومستوى بمستوى ولا تلخبط نفسك
لان يااخوان الموضوع الان تشوفونه بسيط ولكن المستوى الثالث ومافوق بيكون عندك اختلافات كثيره وتضارب بايام الاختبارات

فمثلا الي يحمل ماده النحو1 ( الله يستر ) يحاول يسجلها بالمستوى هذا
والناجح بكل المواد انصحه يسجل كل مواد المستوى الثاني ويخلص منها

وعلى فكره ممكن توصل المستوى الثامن وتتاخر ترمين على التخرج بسبب تاجيل المواد لانك تارك ماده من المستوى الاول وماده من المستوى الثاني وماده من المستوى الرابع وهكذا

وقد تجد ان المواد الثلاث كلها في يوم اختبار واحد ولا تقدر تاخذهم الا منفصلين

فحط هالنقطه في بالك من الحين واستعد لها

ولا تتوقع الجامعه تغيير جدولها علشانك فالعدد كبير جداً ماشاء الله والتغيير بايام الاختبارات نادر جداً الا اذا كان لجميع الطلاب والطالبات ماهو لشخص واحد

فلا تغفلو عن هالنقطه

رابع شي / مواد مرتبطه ببعض

عندك مواد مرتبطه ببعضها البعض حاول تخلصها وتسجلها مثل نحو1 ماتقدر تاخذ نحو2 الا بعد انهاء هذه الماده وهكذا

وايضا بمستوى ثالث بتلقى مواد مرتبطه بالي قبلها ماتقدر تسجلها لما تخلص الي قبلها بالمستوى الثاني وهكذا

اي ماده تتركها اعرف انها رايح تتحكم بجدولك المستويات القادمه

فالجامعه بشكل عام وعاده تفترض النجاح وتحط جدولها على اساس الكل يمشي على الخطه ولكن تضع لك خيار التسجيل من اجل تدير عمليه تسجيلك وتخرجك بنفسك في حاله حملك لاي ماده
وبنفس الوقت الخطا انت الي تتحمله وليس الجامعه

اخيرا اتمنى التوفيق والنجاح يارب للجميع

اخوكم ماريوت
( منقول من اخوكم ماريوت)
واتمنى ان يكون فيه الرد الشافي على اسئلتكم
مع الشكر الجزيل لاختنا الغالية غادة الشمري التي لن نفيها حقها

[النجم اللامع]

تسلم الانامل يالغاليه فعلا كنا بحاجة هالموضوع لأن فيه رد ع كثير من التساؤلات
الله يسعدك ويوفقك ياعمري

[مجهوووولة]

جزاك الله خير...بالتووووفيق