بعيداً عن الفلسفة والتعقيد الزآئد ~

[عَبيرْ ♥]

.
,
.

مهوب وقت استهبآل الطآبعة أبدا أبدا

جتها حالة التنآحة وعيّت تطبع لي :(

ناقصه أنآ أشيل همّهآ بعد وياللا ياعبير اسهري سهرة مصآرعه مع إصلآح الطآبعة

الله يعين

[عَبيرْ ♥]

أنقذوني :(

[「☹❞مشكلةَ ]: طبعتي المسكونة بتجيب لي الجلطة ..,

[عَبيرْ ♥]

مآفيه أنحس من حظي من أمس لليوم وأستآهل أنآ جزآي وأقل من جزآي ..,

<-- خلي التأجيل دائما ينفعك ..,

أمس يوم استقعدت للطبآعه وببدأ أطبع جتهآ الحآلة المعوّقة طآبعتي

وتنّحت وعيت تطبع كذا فجأه جهازي قال مهوب متعرّف عليهآ

بغيت أموت .., وتعالي ياعبير حوسي فيهآ لين نطّت عروق مخي

ورحت كبّرت المخدة ونمت من القهر ..,

صحت اليوم وشبكت اللاب توب الثاني وقام يطلب باسوورد للأوفيس O_o لآ مستحيل ..,

وأقفله واحذفه في الدرج ..,,

يوم فقدت الأمل قلت برسله إيميل لزوجي يطبع لي مبدئيا الاشياء الضرورية :(

دخلت الهوتميل النحس جعله المآغص واختفت ايقونة المرفقات O_O

ورحت الياهو علّق وجته كل العلل جعله العلّه من قلب ..,

وفي الاخير رسيت على الجي ميل :(

ياقلبي الجميل لاتحزن غداً أجمل ..,

بآقي أطبع شهآدآت الحضور توني أتذكرهآ ..,,

.
,
.

[عَبيرْ ♥]

من اللي قآل ان المحآسبة صعبة !

أصلاً مرررررة مررررة سهلة ماشاءالله خآصّة للنآس العبآقرة اللي عندهم مخ مثل مخّي ..,

عآدي أبكي

[عَبيرْ ♥]

.
,
.
فيني تحطيم ذآتي أعوذبالله من المحآسبة مدري وشفيني عيا مخي تماما يستوعب شيء

أحس الاشياء مرة كثير ودش ومتلخبطة ومتداخلة في بعض ومالهآ أول ولا آخر ..,,

الله يعين يارب وتنتفح نفسي للمذآكرة وينفتح مخي لاستيعاب المعلومات ويكون الاختبار سهل واسئلة مبآشرة ..,

فيه مصطلحات كثير كثير تحسّون ان الواحد يتنّح قدآمهآ هذا غير القوانين ماشااءلله ما اكثرهآ ..,

الله يعين ..,

[عَبيرْ ♥]

بمآ إني جبت العيد والأعيآد في المحآسبة ( 2 ) اليوم ..,,

وأصلاً مآنيب فآضية ولآ عندي وقت أكتب تدوينة ..,,

لكن بمآ إن القريحة الكتآبية موجودة فـ خلّوني أكتب علشآن الكلآم يطلع من أعمآق أعمآق قلبي ..,

حلآة الكلآم بعفويتة بعيد عن الصفصفة والفلسفة الزآيدة ..,

الموهم نرجع لمحور حديثنآ ..,,

نبذة عن إختبآر المحآسبة اليوم ..,,

أوّل شيء 50 سؤآل في ( ساعتين ) مسآئل حسآبية .., شيء من المعجزآت والمستحيلآت للعقول البشرية الطبيعية ..,

ثآني شيء مآشآءالله تبآرك الله كل سؤآل قصّة من قصص شهبندر التجآر على غفلة ..,,

[ في العآم الفلآني كآن فيه منشأة اشترت سيآرة والا خذت فلوس من بنك والا كآن فيه عميل من عملآءهآ خسر ..,,,
والقيمة الدفترية حقتهآ ومصروف الدخل .., وأهم شيء وشو قيد التسوية .., والا أقولكم أبغى قيد الإقفآل للشركة .. ]

وتستمر الحكآية الجميلة

الوقت لحآلة يسبب توتّر وضغط نفسي .., بمآ معنآه إن حتى اللي مذآكر وصآم المآدة صمّ الوقت الضيق كفيل بإنه يوتره

ويخلي المعلومآت اللي في رآسه تطير ويتلخبط ويحل خطأ ..,

والنآس أطبآع .., انا مثلا لازم أكلّم نفسي وأتشآور معهآ وأنآ أحل .., والله من جدّي .., علشآن كذآ أنآ بطيئة ..,

أنآ إنسآنة مآ أعرف أحل الحسآب الا اذا تكلّمت [ بصوت وآطي ] مآنيب مجنونة ترون
.., بس هو طبعي في الفهم ..,

لو يجربّون يحطّون لي بسطة ويخلوّني لحآلي في غرفة ويعطوني 3 سآعآت شوفوآ كيف الحل النموذجي بس

نجي الحين لحضرة العمدة أقصد الدكتور الموقّر .., هل يآترآ من الصعوبة العلمية والإنسآنية إنك تحط أسئلة [ سهلة ] ومبآشرة ..,

وتكسب دعآوي جميلة من قلوب ملآيين الطلّآب اللي يختبررون ! ! ! !

عمر تعقيد الأسئلة مآدلّت على مدى ذكآء وشطآرة الدكتور .., بالعكس تماماً

لو اني أدرّس بدوّر وأنبّش عن أبسط الأسآليب والاسئلة بحطهآ بشكل مبآشر وبلمّح لطلآبي عن الاشياء اللي بجيبهآ ..,

وش حن مآخذين من الدنيآ ..,,

العبقري بيطلع عبقري والغبي بيجلس غبي لو تعطيه ايش مآتعطيه ..,,

فلذلك إرحموآ من في الأرض يرحمكم من في السمآء ..,,

وكلآمي مهوب بس للدكآترة حتى المدرّسين والمدّرسآت .., حبّبوآ طلآبكم في الدرآسة مهوب تكرهونهم فيهآ وفيكم بعد ..,,

.
,
.
فيه شيء فآقع مرآرتي وبقولة من ضمن موضوعي

الحين اللي تدخل الاختبآر ولآ هيب جآيبه معهآ ( آلة حآسبة ) سواءا رياضيات والا محآسبة ..,

طيّب اذا هو من الذكآء الخآرق اللي انتي متوقعته انك مراح تحتاجينهآ .., لاتطلبين المرآقبة آله حآسبة .., !

مهوب مآلي شغل .. الا أنآ حرّة ولي شغل .., لأنه شيء ينرفز ..,

ليه جآيّه الاختبآر طيّب ومامعك آلة حآسبة والمآدة كلهآ حساب في حسآب ..,

شيء طبيعي ولا وحدة تبغى تستغني عن آلتهآ دام 99 % من الاسئلة حسآب !

ترون مآفيه شيء إسمه ( إيثآر ) في الاختبآرات ..,

انا أهم شيء عندي نفسي ثم نفسي <– إيه أنآنية

.
,
.

ياللا بس خلصنآ ..,, نروح نسيّر على الإقتصآد الكلّي ..,,

دعوآتكم

[عَبيرْ ♥]

.
,
.
اسبوع متعب

مخّي صار يرقص قانقام ستايل من القلق اللي فيه ..,,

ياللا هآنت بآقي اسبوع الله يعدّيه على خير ويكتب أجرنآ وتوفيقنآ

أحس الجآمعة حآقدة علينآ مدري ليش ..,, !

بصرآحه شيء فوق الطآقّة يوم السبت كآن محآسبة ومآ أمدآنآ نآخذ نفس الا والاثنين اقتصآد

ومن بكرة اللي هو الثلاثاء اليوم انقلش .. مخّي أحسّه في سبآق مرآثون

صآر لي موقف في اختبآر الاقتصآد .., طلعنآ من البيت بدري ..,

قلت مآنيب رايحة الاختبآر أبغى أشتري عصير <- وقت الدلع أنآ ووجهي

بعد ماشريت العصير بدت السيارة تدخّن ويطلع منهآ دخّآن ..,

جلست أضحك قلت انفقعت مرآرتهآ مسكينه .., <- كل شيء يضحّكهآ ..,

ودقّينآهآ كعّآبي للاختبآر تخيّلوآ شكلي في الشآرع بآورآقي تهيء تهيء يآحيآة الشقى ومن زين الجو العليل بعد

توبة آخذ أكثر من 5 موآد مآخذة 7 موآد أنآ ووجهي أستآهل

خلآص وأخيراً وبعد طول انتظآر بعترف بالحقيقة .., أنآ إنسآنة أبطىء من البطيئة بعد ..,

كل شيء يدّل على ذلك .., صدق ابوي يوم قآل ( أنتي مآيعة )

في أكلي سلحفآة في القآعة آخر وحدة أطلع بطيئة في الكتآبة وفي شغل البيت سلحفآة ..,

الموهم انيء بطيئة بشكل غير طبيعي

اصلا انا خلقة مآ أحب النآس المرتبشين يعني اللي فيهم رجّة .., بس شيء طالع من ارادتي هذآ البرود اللي فيني ..,

مع ان دمّي حآر يعني عصبّية .., واللي يشوفني وأنآ معصّبة يبصم بالمليون انهآ مو نفس الشخصية الحقيقية لي

مآ أحب أعصّب لأن حتى أنآ أصير أنكر نفسي ..,,

ياللا الحمدلله اختبار التقنية يوم الخميس على الاقل اتنفس شوي اليوم

اشتقت أطلع اتمشى وأروح السوق واتقهوى

.
,
.

[عَبيرْ ♥]

.
,
.
اسبوع متعب

مخّي صار يرقص قانقام ستايل من القلق اللي فيه ..,,

ياللا هآنت بآقي اسبوع الله يعدّيه على خير ويكتب أجرنآ وتوفيقنآ

أحس الجآمعة حآقدة علينآ مدري ليش ..,, !

بصرآحه شيء فوق الطآقّة يوم السبت كآن محآسبة ومآ أمدآنآ نآخذ نفس الا والاثنين اقتصآد

ومن بكرة اللي هو الثلاثاء اليوم انقلش .. مخّي أحسّه في سبآق مرآثون

صآر لي موقف في اختبآر الاقتصآد .., طلعنآ من البيت بدري ..,

قلت مآنيب رايحة الاختبآر أبغى أشتري عصير <- وقت الدلع أنآ ووجهي

بعد ماشريت العصير بدت السيارة تدخّن ويطلع منهآ دخّآن ..,

جلست أضحك قلت انفقعت مرآرتهآ مسكينه .., <- كل شيء يضحّكهآ ..,

ودقّينآهآ كعّآبي للاختبآر تخيّلوآ شكلي في الشآرع بآورآقي تهيء تهيء يآحيآة الشقى ومن زين الجو العليل بعد

توبة آخذ أكثر من 5 موآد مآخذة 7 موآد أنآ ووجهي أستآهل

خلآص وأخيراً وبعد طول انتظآر بعترف بالحقيقة .., أنآ إنسآنة أبطىء من البطيئة بعد ..,

كل شيء يدّل على ذلك .., صدق ابوي يوم قآل ( أنتي مآيعة )

في أكلي سلحفآة في القآعة آخر وحدة أطلع بطيئة في الكتآبة وفي شغل البيت سلحفآة ..,

الموهم انيء بطيئة بشكل غير طبيعي

اصلا انا خلقة مآ أحب النآس المرتبشين يعني اللي فيهم رجّة .., بس شيء طالع من ارادتي هذآ البرود اللي فيني ..,

مع ان دمّي حآر يعني عصبّية .., واللي يشوفني وأنآ معصّبة يبصم بالمليون انهآ مو نفس الشخصية الحقيقية لي

مآ أحب أعصّب لأن حتى أنآ أصير أنكر نفسي ..,,

ياللا الحمدلله اختبار التقنية يوم الخميس على الاقل اتنفس شوي اليوم

اشتقت أطلع اتمشى وأروح السوق واتقهوى

.
,
.

[عَبيرْ ♥]

.
,
.
عندي مذآكرة تقنية وعندي كذآ شغلة أحس انهآ هم على قلبي أبغى أخلّصهآ ..

لي سآعة أشآور نفسي أذآكر أول شيء والا أخلص الأشغآل اللي علي

قررت أخلّص الاشغال واتفرغ للمذآكرة .., لاني اذا ذاكرت أول شيء بجلس شايله هم

ومانيب عآرفه أركّز فـ أحسن حل اخلص الاشغآل قبل للمذآكرة ..,

[عَبيرْ ♥]

أنآ مشكلتي مآ أحب أخلّي شيء في خآطري ..,

يعني اذا فيه كلآم في نفسي لازم أقوله والا يمكن ينجلط مخّي ..,

مهوب معنآته اني وقحة ومآ أعرف أجآمل .., الا أجآمل في أمور معيّنه ..,

بس بشكل عآم اذا في خآطري كلام مايهنأ لي بآل الا لحد ما أقوله ..,

.
,
.

مآعلينآ ..,, من الكلام اللي فوق نرجع لمحور حديثنآ ..,

بالنسبة لأختبآر التقنية ..,

صعب وسهل .., كثير ناس قالوآ صعب وكثير قالوآ سهل ..,

وأنآ من ضمن اللي قلت صعب ودعيت على الدكتور في الاختبآر ..,

وأيضاً أنآ من النآس اللي أقول ( لكل مجتهد نصيب ) ..,

مو مشكلة لكل مجتهد نصيب عآدي محد يختلف على ذآ الكلآم ..,

بس فيه شيء إسمه مرآعآة ..,

فيه شيء إسمه إنسآنية .,,

فيه شيء إسمه تبسيط ..,,

مثل ماسبق وكتبت في اختبآر المحآسبة ..,

الانتسآب او التعليم عن بعد وش معنآته ..,, ! ! !

يعني البني آدم هذآ اللي جا وسجّل في الجامعه تعليم عن بعد هل يعني انه انسآن فآضي ! والا عنده ظروف ومشآغل في حيآته ..,

أنآ أتكّلم عن الاغلبية ..,

عنده أمور مهمّة كثير غير عن الدرآسة ..,

فمن أبسط حقوقة ومن أبسط شيء ممكن الدكاترة يسوونه انهم يرآعون في الاسئله ومراح ينقص منهم ضلع لو عطونآ أسئله شبيهه لأسئلة الأعوآم السآبقة ..,

وإذآ يعني نفس الاسئله مهوب على الاقل قرينآهآ واطّلعنآ على المآدة ..,, ! ! ! هذآ مايصنفونه من ضمن الاهتمام ! ..,,

خلّصنآ من ذي النقطة ..,,

نجي لاختبآر التقنية تحديداً ..,

التقنية مآدة تآفهه وسهله .., واسهّل من انه يجي عليهآ اختبآر معقّد لأبعد درجة ..,

أصلا من الذكآء .. المفروض ان الاختبآر يجي في اشياء منطقية وعملية في حياتنآ ..,

اشياء نسوّيهآ ونستخدم التقنية فيهآ .., مهوب أشيآء صاروخية وجوّية ..,

أكره أحط أملي في ان الاختبآر بيكون سهله ويطلع أصعب من الصعب ..,

على العموم الله كريم وان شاءالله يارب انه بقدرة قآدر الكل يآخذ امتيآز فيهآ ..

دلع ..,,