اللي متوهق ومو فاهم بالمحاسبه شي تعالووووو نذاكر أهم المعلومات خطوهـ بخطوهـ

[M!ss Messo]

المشاركة الأصلية كتبت بواسطة تيوبلس

طيب اذا كان عندنا مبلغ 60000 فرضا ونبي نسوي خصم 5% او 10%

كيف الطريقة


وشكرا لكم

أهلن أهلن

بسيطه مرره

اذا نبي خصم 5%

نضرب 60000 في 5 والناتج نقسمه على ميه
يعني 60000 * 5 = 300000 / 100 = 3000

نفس الطرقه اذا نبي خصم 10%
نضرب 60000 في 10 والناتج نقسمهـ على 100
يعني 60000 * 10 = 600000 /100 = 6000


اتمنى تكون وضحت لك

حيااك الله

[FaisalB]

المشاركة الأصلية كتبت بواسطة m!ss messo

أخي العزيز السؤال مو واضح بصرااحهـ
لكن بجاوب على جزء أو بالاصح توضيح

رصيد حساب المبيعاات بطبيعته داااااائن
ورصيد حساب المشتريات بطبيعتهـ مدييييين

هو يقول وين يظهر .. بقولك في الجانب الدائن لان الحساب بطبيعته داائن

أما بالنسبه للارقام بصرااحهـ ماوضحلي وش المطلووب

ياليت لو تقولي من وين هذه المسأله علشان نطلع عليها كامله

بالتوفيق

الله يعافيك
هذا السؤال من ملخص ابو موزه المحاضره 14 الصفحه 250

اذا فاهمته ياليت تشرحينه
الله يجعل يدينك ماتمسها النار

[M!ss Messo]

المشاركة الأصلية كتبت بواسطة خالد ال هادي

لحقتكمـ معــ اني ماشيـــ 180 في آخر محاضرهـ

الله يخليك لعين ترجيك يآآرب

ولايكون باقي وآجد لان المخ وقف خلالالاص

إنت مخك وقف انا شو اقول
أنا الحين احس اني ماااحس إني احس
بصدق تو افهم اللي كاتبته سيدة الاسئله هههههههههههـ

باقي اربع محاضرات
إن شاء الله يارب تهوون

لهنا كانت مذاكرتي فإعذرووني اذا تأخرت شويتين في الباقي لاني احتاج لوقت علشان بشوفلكم وش المهم في كل جزئيه

[M!ss Messo]

المشاركة الأصلية كتبت بواسطة faisalb

الله يعافيك
هذا السؤال من ملخص ابو موزه المحاضره 14 الصفحه 250

اذا فاهمته ياليت تشرحينه
الله يجعل يدينك ماتمسها النار

ماشاء الله عليك ماشي مليووون

لسهـ حنا تونا بالعاشرهـ ماوصلنا لها

كنت اتمنى أفيدكـ بس اذا كنت موجود لما نوصلها وفهمتهاا بشرحهاا علشان الكل يستفيد

بالتوفيق

[aboodi]

يعطيك العافيه

[خالد ال هادي]

Take your time
اختصري وآآآآجد
والشعب يقلون المحاضرهـ الاخيرهـ مهمه حيييييل

يعني عطينا الزبدهـ لاهنتيـــ يآبنتــ طيبه

[M!ss Messo]

طيب نكمل شويتييين وبعدين نرجع للاستفسارات

قائمة الدخل كمرحله تمهيديه لاعدادها يتم إعداد مايعرف بالحسابات الختاميهـ وهي متمثله في كل من حساب المتاجره وحساب الارباح والخسائر
وعادة مايتم دمج الحسابين الاخيرين معا ويعرف بحساب ملخص الدخل

يعني ملخص الدخل = حساب المتاجره + حساب الارباح والخسائر
:
:
:

إقفــــــــــــال الحساااااااااابات

اخذنا قبل انو في نهاية كل تره او دورة تشغيل نقفل الحسابات بعد تجميعها ورصدها علشان نبدأ من جديد في الدوره او الفتره المقبلهـ

يتحقق ذلك بجعل ارصدة الحسابات ذات الارصدهـ المدينه دائنهـ
وجعل ارصدة الحسابات ذات الارصده الدائنه مدينه

* مانقدر نحدد مخزون اخر الفتره الا عن طرق الجرد في نهاية الفتره المحاسبيه
* ملخص الدخل : يعتبر خطوهـ تمهيديه لقائمة الدخل لتحديد ( الخسائر والارباح)
* حسابات الاصول لا يتم قفلها في نهاية الفترهـ
* مخزورن آخر المده : هي بضاعه ممتلكهـ لدى المنشأه متوقع بيعها في السنهـ القادمهـ

طييب نجي لقيد عملية اقفل الحسابات

1/ اذا بنقفل حساب رصيدهـ مدين نكتب
من حـ/ ملخص الدخل
إلى حـ/ الحسابات ذات الارصدهـ المدينه << راح للجهه اليسار .. نذكر النقطهـ اللي ذكرناها (يتحقق ذلك بجعل ارصدة الحسابات ذات الارصدهـ المدينه دائنهـ .. وجعل ارصدة الحسابات ذات الارصده الدائنه مدينه)

2/ واذا بنقفل حساب رصيده دائن نكتب كذا
من حـ/ الحسابات ذات الارصدهـ الدائنهـ
إلى حـ/ ملخص الدخل

3/ اثبات مخزون آخر الفترهـ .. تسجيل القيد يكون كذا
من حـ/ مخزون آخر الفترهـ
إلى حـ/ ملخص الدخل


...............................

طيب اذا بنقفل رصيد حـ/ ملخص الدخل كيف راح نسجل القيد ؟؟

يقولكم فيه حالتين ::
1/ إذا كان الرصيد يمثل ارباح راح نحطه باليمين
يعني
من حـ/ ملخص الدخل
إلى حـ/ رأس المال


2/ إذا كان الرصيد يمثل خسائر يتم خصمهـ
يعني
من حـ/ راس المال
إلى حـ/ ملخص الدخل
:
:
:
اترككم شوي مع هالمعلومات وبننتقل لقائمة الدخل

BrB

[M!ss Messo]

المشاركة الأصلية كتبت بواسطة خالد ال هادي

Take your time
اختصري وآآآآجد
والشعب يقلون المحاضرهـ الاخيرهـ مهمه حيييييل

يعني عطينا الزبدهـ لاهنتيـــ يآبنتــ طيبه

والله يااخوي على قد مااقدر أحاول اسرع في فهم المعلومه علشان اوصلها لكم بالطريقه الصح والمبسطهـ

الله يسهل يارب

[M!ss Messo]

قائمة الدخل

::
تهدف قائمة الدخل الى قياس صافي دخل المنشأه في نهاية فترة زمنيه معينه وتحديد ما غذا كان ربحا او خساره

يتم على مرحلتين ..
أ/ مرحلة تحديد مجمل الربح أو الخساره
يتم من خلال حساب المتاجره وراح نشوفه كيف .. ويكون من هالقاعدهـ
مجمل الربح (أو الخساره) = صافي المبيعات - تكلفة البضاعهـ المباعهـ

ب/ مرحلة تحديد صافي الربح والخساه
يتم من خلال حساب الارباح والخسائر .. ويكون بهالقاعدهـ
صافي الربح (أو الخساره) = مجمل الربح (أو الخساره ) + الايرادات - المصروفات التشغيليهـ


* ملخص الدخل = مجمل الربح أو الخسارهـ - صافي الربح أو الخسارهـ
* حساب المتاجره = حساب الارباح والخسائر

افتحو ملخص ابو موزه صـ 14 وراح تشوفو كيف شكل هالحسااب
هالحساب مثل مو ملاحظين فيه كل العمليات اللي صارت بسنه كامله


BrB ومدري اذا بيكون لي بااك

[M!ss Messo]

:
:
:
تبون الصدق أنا مثل ماقلتلكم في بداية الموضوع اني ذاكرت للمحاضرهـ العاشره
الحين صدق عقلي وقف ومو قادره استوعب
انا راح افتح المحاضرات الاربع الاخيره واحضرها مع الدكتور لاني ماراح افهم الا كذا

اللي متابع معي يسوي نفس الشي لان المحاضرات الاخيره مهمه وعملياتها كثيره
وش نسوي لازم نستحمل البربره شوي

وبعدين نرجع نحط المهم لان العمليات كثيره في قائمة الدخل وتهت فيهاا
:
:
:
بالتوفيق للجميع واذا عندكم أسأله في الجزئيهـ السابقهـ انا حاضرهـ