[ استفسار ] انطباعكم عن اختبار مادة الصوتيات والنظام الصوتي الفصل الاول 1438 هـ

[قصيمية يابوي]

حسبي الله
يارب اعدي هالماده :(

[reem30]

المشاركة الأصلية كتبت بواسطة me...

بالبدايه الشكر ثم الشكر ل الدكتور جد موزع الاسئله بشكل جميل يستحق شهاداته اللي اخذها الاختبار جميل جدا بحيث انو تضمن نجاحك ..💕💕💕


اما سالفه الاسئله صعبه فهذاظلم لنفسك انك كصاحب لغه وظللم لدكتور جد انا اشوف تعليقات سلبيه واحيانا تجرح فانت شف وش مقصر فيه كل انسان عنده ملكه الحفظ بس يفرق التوقيت

يعني الوقت اللي تحتاجه بالحفظ يفرق عن غيرك وهنا انت طالب انتساب عليك المسؤليه مرتين فخلك قدها والا التخصص هذا ما يناسبك ... اما الملخصات والكوزات سواء طلاب وطالبات وقروبات التلجرام جهد جبار يشكرون عليه وما قصرو

لكن البحث عن المعلومه في وقت الامتحان هذا جد بحد ذاته اهمال ... ما قصرو اللي بالملتقى حطو كل ماده وفكره عنه وكل شي تبيه طب وتخير ويعيدون ويكررون المواد لازم تذاكرونها قبل زي امتحان اليوم المحتوى غثيث بس الاسئله تفتح النفس

بالنهايه اعطي كل ذي حق حقه والنجاح فالكم ... نشوفكم بامتحان المقال.

كلام سهيل ماننكر الجهود الجباره في الملتقى من الطلاب جزاهم الله كل خير.....بعد الله هالجهود هي الي رفعت من تسهيل واستيعاب المواد وفقكم الله جميعا...

[@mishmish]

الحمد لله وفيه احد الاعضاء مدري حتى اي دفعه قريت له رد كان كاتب قصه الملك فيلر وولده والله انها رسخت بمخي بشكل ليته كمل الباقيات كلها هههههههههه المهم الله يسعده وين ماكان وبعتمد طريقه القصص في المذاكره لان ثاني ماده اقرا قصه كتبها احد الطلاب ومانسيت القصه والمعلومات ابد طريقه ناجحه جداااا

[@mishmish]

للدفعه اللي ورانا نصيحه ذاكروا بدري احفظوا الجداول صم وارسموها كم مره لين تعتادونها ولادخلتوا لامتحان ارسموها بمسوده
والمذاكره خلوها بورقه وقلم مع الكتابه تثبت المعلومات اكثر واكثر وفالكم التوفيق

[kholoud09]

الاسئلة نوعا ما واضحة مقارنة باسئلة الاعوام السابقة للامانة الاختيارات واضحة اكثر .. كنت متوقعة اصعب من كذا بكثير .. وفيه كم شخص علق على محتوى الدكتور مو مرتب ومعهم حق بهالشي في بعض النقاط رجعت لمحاضرات مدخل اللغويات وانا اخذتها في مستوى ثالث
اما مسالة انه مافي مساعدة والكل يفكر بنفسه فاتمنى تعذروا غيركم وتقدروا ظروفهم ولما تكون تشتغل شغلين وتدرس عن بعد الموضوع مرهق والوقت ضيق وفي كثير هنا ماقصروا وكتبوا مراجع ومواضيع لاتنكروا جهودهم .. بالتوفيق للجميع


Sent from my iPhone using ملتقى فيصل

[دفء الغروب]

المشاركة الأصلية كتبت بواسطة %حوور%

ليش هالكلام الجارح المادة هاذي بالذات كان التفاعل فيها كبير كان التفاعل من الجميع تحية لدفء الغروب كان لها الفضل بعد الله في فهم المادة ولايهون البقية
شكلك مادخلت تجمع المادة فية مقاطع تعليمية وشروحات وملخصات وكويزات واسئله الاعوام الماضية ابد ابد ماقصروا واصلا متكرمين علينا لانهم مو مجبورين على هالشي واذا ماحليت في الاختبار التقصير منك انت
شكرا لكم جميعا نلقاكم في تجمع المقال

ربي يسعدك

[نيف1]

المشاركة الأصلية كتبت بواسطة reem30

لاتضع اعذارا تبرر فيها فشلك بل اسعى الى النجاح

الفشل اني احملها واكتب مثل هالكلام
بس ان شاءالله بحول الله وقوته بعديها
يعني لست بفاشل ولا وضعت اعذار للفشل
بل اسعى للنجاح ههههه قلت لكم الفلاسفه كثير

[دفء الغروب]

كلنا تساعدنا وبالاخص انا ماقصرت معكم والتقصير منكم مو منا وذا تابع الى اللغويات لو مافهمت اللغويات ماتفهم الصوتيات معوض

[أقوى شيء]

مادة الصوتيات من اسهل المواد هذا المستوى

والاسئلة كانت واضحة ولكن تحتاج الى تركيز
وفيه اسئلة جدا سهلة يضمن بها الطالب النجاح


اتمنى التوفيق للجميييييع

[نيف1]

المشاركة الأصلية كتبت بواسطة chocolate08a

اخوي الطلبه غير مجبرين يعطونك اسئلة او يشرحون لك
من عمل هالشيء من نفسه تطوعاً فيشكر عليه
أما من اكتفى به لنفسه فما سوى غلط و فيه من يجتهد من نفسه و ما عنده وقت يدخل الملتقى او يشتته
و ان كان حاب انه يشارك الاخرين فرحته بعد الاختبار فما فيه اي مانع يكتب ارائه عن الاختبار
و لا انه ما يكتب الا اذا كان شرح او ارفق اي شي من اللي تعلمه ف هو ليس ملزم

نجاح الشخص أو فشله لنفسه و منه هو وحده
ليس للاخرين سوى مشاركته اذا رغب .



انا من الناس اللي استفدت من شروحات الطلاب في التجمع ما قصروا و اعطوا ماعندهم (( رغم انهم غير مجبرين ))
الماده متفق انها صعبه و ليست سهله
من درسها بشكل صحيح و فهمها راح يحل صح
و من ريح مخه و ينتظر مساعده من غيره اكيد راح تصعب عليه

مااجبرت احد يشرح او الزمته او قلت له لا تعبر عن فرحتك مدري من وين فهمتي هالكلام الغريب_المشكله انك بتعدين هالماده الصعبه وهذا ااغرب
بس لابد تراعي الناس الثانيه وشعورها السالفه ماهي انانيه وفلسفه وكتابة كلمتين بمجرد رد وبس
قلت ينفعنا وينفع نفسه لان الطالب ادا يشرح لأحد بالموقع او خارجه فهو يسترجع اللي يذاكره فهو مستفيد بالنهايه الانانيه والفلسفه الزايده ماهي طيبه
للمعلوميه انا بعدي الماده ان شاء الله يعني مو محتاج لأحد بشيء لا بشرح ولا غيره
بس فيه ناس محتاجه والطالب لما يشرح لطالب اكثر فهم من الدكتور نفسه لأنه يعرف مستوى الناس اللي قاعد يشرح لهم فيخاطبهم بعقل متقارب ويوصل الشرح بسرعه
وش يمنع انجح واساعد الاخرين بالنجاح هذا شيء نادر تحصل احد يفكر هالتفكير
اللي نجح نقوله بالتوفيق واللي خايف منها نقوله الله يعديها عليك ويوفقك