[ مذاكرة جماعية ] : درب a+بإذن الله ..مادة المقال..

[منى*]

احد يتبرع ويشرح block organization
مافهمت طريقتها كيف

[Another day]

المشاركة الأصلية كتبت بواسطة وفاءٍ للعلم

هو لانه قال بالعربي بس شكله يقصد انواع المقدمه ،،،، ف القطعه ،، طيب بسالك هده كلها الاسترايجيات للمقال الي يمكن يجيبها ،، ؟ في انواع للخاتمه شلون نعرفها الي هي التنبؤ؟ وبعد في المباشره الثالثه هو قال جمله ،، تتكلم عن السموك وسال كم بودي برجراف فيها ،، انا مااعرف كيف اطلع من الجمله البودي لان الي اعرف بس ف البرحراف او القطعه ياليت توضحين لي كيف نستخرج البودي من االجمله

صباح الورد..انا سبق وشرحت بموضوع ثاني وراح اسوي هنا كوبي لكلامي,, وشرحي ترا عادي وان شاءالله اعرف اوصل لك المعلومه

[Another day]

مادة المقال لها خطوات معينه لازم تتبعونها عشان تفهمون
قبل كل شي خلوا ببالكم ان الاجانب المقال عندهم مايتغير يتبعون نفس الخطوات يعني لو الدكتور يجيب لكم عشرين الف مقال راح تلاحظون انه نفس الاسلوب مايتغير فلا تهتمون اذا جاب قطعه م المحتوى او من برا اهم شي افهموا الطريقة وبعدها ماراح يهمكم شلون القطعه طويله او قصيره او او ...
اقسام المقال الرئيسيه ثلاث مثل ما كلكم عارفين المقدمه - والبودي-والخاتمه
وكل قسم تركزون عليه مثلا المقدمه
من المقدمه اطلع ال thesis وهي دايم تلقونها باخر المقدمه ومنها راح تستفيدون كذا شغله
راح تلقون فيها الTopic و main idea , وهي عباره عن كلمة تكون موجوده بالجمله وتلقونها مكرره كذا مره
ومن ال thesis راح تعرفون عدد براجرافات البودي وطبعا راح يتم ذكر العدد بعدة طرق منها اما انه يذكر بالthesis عدد فيقول three -four او انه يعدد بالاسماء وانتوا تعدون طبعا يقول الاسم ويحط فاصله لين يجي ع الاخير ويكتب and وبكذا تكونون عرفتوا العدد في حالة جاكم سؤال وسأل عن عدد البراجرافات حقت البودي وانتبهوا ممكن يجيب السؤال بطريقة ثانيه ويسأل كم عدد البراجرافات بشكل عام اللي بالمقال فتعد البودي بالاضافه للمقدمه والخاتمه واذا حدد البراجرافات حقت البودي هنا تعدهم او اذا حط لك جملة الthesis فقط تقدر بمعرفتك السابقه تكتشف كم عددهم وطبعا فيه درس عن الthesis وشلون تعرف اذا هي جمله قويه او لا وفيه بعد استفاده ثانيه من الthesis نقدر نعرف نوعية المقال منها فمثلا
اذا جت الthesis <<<chronological orderc يعني تجي ترتيب زمني شلون تعرفون ؟ راح تلقونها تبدأ ب begingويجي خلال الجمله though
وممكن تجي comparision/contrast يعني مقارنه وهنا راح تلقون كلمات تدلكم مثل -although في البدايه ويجي خلال الجمله ,it is still
النوعين اللي ذكرتهم نسميهم ال pattern of organization وممكن يحط جمله ويسأل عن نوعها
وطبعا لاتنسون انواع المقدمه اللي هي Funnel وهي عباره عن عن جمله او جملتين بشكل عام يركز عليهم وبعدها يبدا يشحها بشكل ضيق
وDramatic ,interesting,or funny story هنا يبدأ يتكلم عن شغله تثير اهتمام القارئ باسلوب يجذب الانتباه
وSurprising statistic يبدأ فيه أما [اسئلة أو حقائق مثل المقدمه اللي تتكلم عن ضغط الدم وامراض القلب
وHistorical background وهنا سهل تكتشفونه من التاريخ بس انتبهوا مو تاريخ يوم وشهر يجيكم تفتكرون انه من هالنوع لا يكون التاريخ سنه
هذا تقريبا كل اللي اتذكره عن المقدمه وان شاءالله اشرح البودي انا كتبت باسلوب عادي وماحبيت اتفلسف عشان الكل يفهم

[Another day]

نجي لل Body
هنا طبعا المكان اللي فيه راح يكون فيه جمل وكلام يدعم ال thesis يعني الكلام اللي انقال فيها وراح يكون ععد البودي قلنا نكتشفه من الthesis ,,راح يجي لنا تعريف كلمه اللي هي logical division وهذي معناتها انك تجيب الجملة thesis وتقسمها الى subtopics وكل برجراف بودي يتكلم عن وحده منهم ويشرحها وطبعا ممكن يجي البودي واحد بس ,وممكن يجي اكثر من واحد وفي حالة اكثر من واحد لازم تستخدم ادوات الربط Transition signal وهي انواع ركزوا عليها ممكن يجب الكلمه ويقول لك هي من اي نوع وممكن العكس وانا متاكده من هالشي والله اعلم
وممكن تعرف الmain idea في البودي تلقاها اول جمله امممم وشنو بعد؟!!! اتوقع هذا كل شي عن البودي

[Another day]

والحين الخاتمه The conclusion
هنا تحفظون تعريفها وهي طبعا تكون ملخص لل thesis وفيها تلاقون تعليق ع الموضوع المطروح والخاتمة تلاقونها تحتوي على بعض الكلمات اللي تدل عليها مثل (in conclusion-in summary-in reif-in short-indeed)
والخاتمة لازم تكون ملخص للمقال كله في نقطه او نقطتين اساسية ويجب انها ماتجيب فقره جديده او فكره جديده غير اللي انذكر بالمقال
نجي لانواع الخاتمه راح تلقون كذا كلمة وكل كلمه تدل على نوع احفظوها تسهل لكم الطريقه نبدأ
طبعا هو بالمحتوى كاتب انها طرق للي يبي يكتب مقال اذا بغيت تكتب نوع معين اش الكلمات اللي تكون فيه بس احتمال بالاختبار يجيب القطعه ويقول لك الخاتمه من اي نوع وهنا تكون عارف الكلمات ومنها تقدر تميز
1- make a prediction (تنبأ)
وتجي فيها كلمة مثل we have seen وخلال الجمله تجي will be
2-suggest or consequeuces
وتجي فيها بالبداية To sum up وخلال الجمله As aresult
3-suggest asolution,make arecommendation or call for action
وهنا تبدأالجمله بIt is aclear that theويجي خلال الجمله we must demand
3-Quete on authority طبعا هنا راح تلاقون فيه اقتباس لمقولة او مثل
مثل لو يقول As Horace mann argued in his.....
امممم اتوقع هذا كل شي عن الخاتمه

[Another day]

المشاركة الأصلية كتبت بواسطة nk3son

ياليت احد يفهمنا a dependent clause و an independent clause

الجملتين فيه طريقه تقدر تميز بها كل وحده عن الثانيه
مثلا an independent clause هذي الجمله هنا تكون جمله مفيده وتفهمها وتتكون لك من فعل وفاعل ومفعول به
بينما a dependent clause هذي عاد جمله مالها معنى ومعناها مايتم الا اذا اضفناها للan independent clause
وعشان تتعرف عليها دائما تلاقيها تبدأ بكلمات ربط (Subordinators)يعني كلمات معينه تقدر تتعرف عليها منها مثل
when-while-if-that or who
وطبعا راح تلاقي للكلمات هذي جدول بالمحاضره التاسعه لازم تحفظها

[Another day]

المشاركة الأصلية كتبت بواسطة nk3son

ومتى نستخدم punctuated ننتتظر الرد

احنا اخذنا ال colon : وهذي لازم تحفظ تعريفها ومن تعريفها راح تعرف انها تجي لما ابي أعدد شي

[وفاءٍ للعلم]

مشكووووووره انذر دي واخيرا وصلت المعلومه وفالك الاي بلاس يارب

[Another day]

المشاركة الأصلية كتبت بواسطة منى*

احد يتبرع ويشرح block organization
مافهمت طريقتها كيف

احنا أخذنا نوعين من المقالات نطبق عليها ال Block organization

واحد يتكلم عن ال Causes and effects
وجاب لنا قطعه اسمها Shyness
وهذا النوع من المقالات ال block organization حقه بيكون عباره عن اربع انواع اللي هو الجدول a-b-c-d
قبل كل شي احفظي الكلمات اللي تدل على كل من cause و effect

cause structure words:
the first reason-the next cause-because

Effect structure words':
the first effect -as aresult-consequently

وأحفظي شكل الجداول الاربعه اللي بالمحاضره

وراح تحتاجين الthesis وتعرفين مكانها باخر المقدمه ومنها راح تعرفين النوع منها لان راح ينذكر كلمه من اللي موجوده ومنها راح تعرفين اذا راح يتكلم عن Effect او cause
وبعدها دوري ع البرجراف transition وراح تعرفينه بيكون فيه وحده م الثنتين أما because او as
وبكذا ابدي اكتبي بورقه اذا كان سبب وعددي واذا لقيتي ال transition اكتبيه وراح يتضح لك شكل الجدول


نجي للنوع الثاني من المقال واللي هو عباره عن مقارنه Comparision and contrast
وهنا مافيه جداول فقط يسرد لك similarity وبعدها ال difference
وطبعا على حسب المقال اذا جاكم المقال طويل معناته انه راح يكون هناك برجراف يوصل بين الاختلافات والتساوي اسمه مثل مانعرف transition اما اذا كان المقال قصير بمعنى مجرد مقدمه وبودي واحديشرح الاختلاف والثاني يشرح الsimelarity وخاتمه فهنا مولازم وجوده
وأخذنا مثال على هالنوع مقال اسمه Japan and the Nnited States Different but alike

وهنا بمجرد ماقرينا العنوان عرفنا نوع المقال انه راح يكون مقارنه وبكذا تستحضرون الشكل الخاص بنوعية الblock
واذا ماعرفتوا من العنوان روحوا لل Thesis وراح تلقون فيها كلمة تدل على نوعية المقال وهنا كان موجود كلمة opposite اللي تعني عكس واللي معناها اختلاف
وطبعا كل النوعين المذكوره من المقالات لها مقدمه وبودي وخاتمه ...وسلامتكم

[Another day]

المشاركة الأصلية كتبت بواسطة وفاءٍ للعلم

مشكووووووره انذر دي واخيرا وصلت المعلومه وفالك الاي بلاس يارب

العفو حبيبتي وفال الجميع يا رب