[ المناقشات ] : إنطباعك قبل و (بعد) الإختبار النهائي لمقرر مهارات التعلم والتفكير

[Leena Mak]

ايوالله حسبي الله ونعم الوكيل مدري ايش كان يحس فيه وهو يحط الأسئلة !! غير كذا انا مو عارفة ليه لزوم التعقيدات ع شيء مايستاهل أنحولت وانا اغلب الصفحات حق الأسئلة يعني عنده قدرة تشبيك الأسئلة في بعض مدري كيف تجي المهم إنّو شتتني ما عاد عرفت اجاوب زي الناس ،،يعني لو الكتاب صغير نقول مو عارف يطّلع الأسئلة او ان الأسئلة ما تكفي سبعين سؤال ،لكن الكتاب ايش كبره كان يمديه يوزع الأسئلة بشكل أحسن وأوضح اوفف استغفرالله بس💔

[*V E L V E T]

المشاركة الأصلية كتبت بواسطة safaa saleh

كتبت له بتويتر بعد الاختبار (الله فوق) , عطاني بلوك! في شي يزعل من اللي قلته؟؟

الماده حلوه و سهله ليش التشتيت ذا ضليت ربع ساعه م حليت من قوة اللخمه.. شوي اقول لا سهل و شوي لا صعب, شنو هذا ما فهمت ؟.. لخبطني والله حيييل .. نبي معدل و درجات حلووه ما ندور النجاح على حفه.. مافي وضوح من البدايه.. انا من اللي كلموه من زمااان على تويتر و قلت له انو يساعدنا و يلغى موضوع اختيار الاجابه الصحيحه ع اكثر من خيار من المتعدد و رفض و ابى.. بالنهايه نكتشف من ثلاث ايام يضع الاسئله على انه عارف اعتراض ابناءه الطلاب و الطالبات و العقليات لا تتساوى في الحفظ و الفهم و اسلوبه جدا لا يليق ب دكتور و ايضا يكتب بتويتر انو نص الاسئله من الواجبات و الفصلي الفجر؟؟ و على تويتر!!! ليش . ناس تدري و ناس ما تدري! .. المفروض نهاية كل محاضره مباشره يقول اي دكتور اللي عنده وخلاص يثبت ع كلامه ,, و اي مساعده منه ع بريد الطالب يتم الارسال
ع العموم تم الارسال ..

الي على راسه بطحه يحسس عليها
عارف انه غلطان وما يبي يتفاهم !
مو بس في تويتر بلك حتى الواتس بلك

[Omar001]

المشاركة الأصلية كتبت بواسطة academic ali

على طاري قول الدكتور ان فيه طلاب مايعرفوه...عادي لا يستغرب...

والله اليوم واحد قاعد جنبي انه مايدري ويش الإختبار الي عليه هههههههه

تبي الجد المفروض الي نعطيه اهتمام الي اتعبو ولخصو لنا وعطونا المنهج على طبق من ذهب
هؤلاء مفروض نعرفهم ونطق لم التحيه

[المها1]

المشاركة الأصلية كتبت بواسطة Omar001

تبي الجد المفروض الي نعطيه اهتمام الي اتعبو ولخصو لنا وعطونا المنهج على طبق من ذهب
هؤلاء مفروض نعرفهم ونطق لم التحيه

آيه والله صدقت ي عساهم للجنه يارب
الله يسعدهم دنيا و اخره

[lamishan]

والله الاختبار جميل صح ممعقد بس كان سهل بشكل مو طبيعي الصراحه يشكر ع الاسئلة ب النهاية البعض يبي الاختبار يجيه بطبق من ذهب ويبون اسئلة الاختبار وانتهى الموضوع ونسى انه يتعلم وقاعد يدرس ف على قد الشيء الي تبيه لازم تتعب شوي على نفسك ..........الاختبار كله كان من الاختبار الفصلي والوجبات وخمس اسئلة من الكتاب والاسئلة الي من الكتاب بسيطة واجوبتها مباشرة........العتب على الاختتبار في هل اجاباتنا تنقبل حتى لو كان فيه خطا واحد ولا لا هنا العتب فقط ..

[amjad_alz]

الله يسامحه وبس كان عندي اصعب من الرياضيات

[h.s.q999]

المشاركة الأصلية كتبت بواسطة بنت ابوها 333

خلاص تعبت


حبيبتي روحي شفي اراى الطلاب السنه الماضيه فختبار مهارات التعلم >>>كاان تاافه وسهل >>لان الدكتور غغير


حبيبتي انا مستوى 3 السنه الماضيه درسني دكتور م=كان يسهل الماده فوق مهي سهله صالح مقعد الماده فوق انها سهله




ورحي بعد افتحي المحتوى الي ندرسه وشفي الاختبار الي اختبارناه الممحتوى يجنن وسهل بس الاختبار ععكس ذالك اجوبه متشابها ودقيقه


الزبده انا مشكلتي مع 2 الاجوبه


والشي الثاني الي قلتيه

انتي مستوى ثالث كيف اختبرتي مهارات تعلم 😨حاملتها ؟

[عمر الجبيري]

بعد التحية وخالص التقدير لمشاهد الموضوع

نقدر للدكتور الفاضل إهتمامه بالمادة عموماً وحرصه أن نكون على إطلاع تام بمحتواها ولعله نسي أن غالبيتنا موظفين ولا نجد الفرصة الكاملة لقراءة الملخص ناهيك عن الكتاب كامل وأننا إلتحقنا بالجامعة على النظام الإلكتروني ( عن بعد ) لإرتباطنا بمهام ومسئوليات لاتقل أهمية عن مهنته الموقرة .

الدكتور الفاضل
عرض الإختبار بهذه الطريقة التي تجعل المنتسب في حيرة من الإجابة لا تخدم المتلقي ولا المسيرة التعليمية والهدف من الاختبار هو الاستزادة والفائدة من المحتوى العام .

ولقد لمسنا أن هناك تعمد تشويش على الطالب في طلب حل أكثر من فقرة بدل الواحدة علماً بأن جميع المواد السابقة كانت بسلاسة ومرونه مما جعلنا نتعمق في القراءة حتى بعد أداء الإمتحان .

ندرك تماماً ان لك الحرية المطلقة في طريقة عرض الأسئلة ولكن ليست بهذه الطريقة التي أشعرتنا أن احد ينافسك على مقعدك بالجامعة .

تقديري لك وللطلبة جميعاً

[الخطاف الأسود]

ما اقول الا حسبي الله ونعم الوكيل .. البعض منا يعمل باليوم 12 ساعة وغير هذا عنده اللتزامات مع عائلته اولاده لا اعلم لماذا قبل الاختبار بيوم يأتينا تنبيه من الجامعة بخصوص الاجابات بانها ستكون مفتوحه كما حدث بالامس .. اتمنى من الجامعة ان تقف مع الطلاب لانهم لم يتكبدوا عناء الدراسة والانتساب للجامعة لأجل ان يتم معاملتهم بهذه الطريقه المجحفه من وجه نظري المتواضعه ..

اتمنى ان يكون هناك وقفه صادقه من الدكتور والجامعة ولجنة الاختبارات .

وشكرا

[sweet_leena2004]

السلام عليكم
بالنسبة للإختبار جد الله يصلحه ويهديه للدكتور اسلوب تشتيت وتشكيك والله اسوء اختبار مر علي وحرام تضيع درجاتنا هباءا منثورا
بس انا عندي سؤال بسيط ايش المواد اللي يدرسها الدكتور غير مهارات التعلم هذا السؤال راودني وانا بقاعة الامتحان