؛¤ّ,¸¸,ّ¤؛°`°¤ صـوره و نـقـاش ¤°`°؛¤ّ,¸¸,ّ¤؛ - [ التعصب الجاهلي ] ص25 -

[₪ حـكـاية روح|~]

المشاركة الأصلية كتبت بواسطة abu ali55

بأختصار هياط كذاب بأسم الكرم + تخلف

ابوك يالكرم اللي النعمه تنرمي بالزبايل اكرمك الله ... يالله انك لا تبلانا بالفقر بسبب هالكفر بالنعمه

أترك التعليق لباقي الاخوان والاخوات لأني انقهر من الهياط الزياد اللي يسوونه ربعنا بأسم الكرم وأكرام الضيف ..

والله من جد الحال يقهر ولا يسر

يرضون الناس ويغضبون الله بـ هالاسراف بالاكل

[₪ حـكـاية روح|~]

المشاركة الأصلية كتبت بواسطة ~ luna

ثــم لـتألسئلن يومئذ عن آالنـعيم /

يآرب احفظها من الزوآآآآل . .

ناااااااااس مو لاقينهااا ويدورنها دوارة من الزبايل > الله يكرمكم
وناس ×

امييين .. يارب انك تديمها نعمه وتكفيها شر الزوال

اسعدني تواجدك وتعليقك .. كوني بالقرب

[₪ حـكـاية روح|~]

الله يجزاك خير ملاك
بصراحة الواحد ينقهر من ها المناظر
ومثل ما قالوا ابوعلي وتشتيتي
ااااااااااهيااااط

ويجزاك بمثله ..

دائما اقول لأهلي يااا زين بعض الزبارى شوفوا إذا جاهم ضيوف دجاج سمك محشي

خفايف اللهم لك الحمد نعمه مب لازم ذبيحه

احنى لا ماصار بالموضوع ذبيحه ما ننبسط

عااد الحين الحمد لله خفو شوي
بصراحه الي بالصور كفرااان بالنعم نااس في مجاعة وفقر واحنا هنا نبذخ
بالله كيف كانوا قبل 40 سنه هذولي الي يرمون النعمه؟؟؟
ما يحمدون ربهم

اي والله .. ما يحمدون ربهم ويهجدون
الا يكفروون بهـالنعم .. وليتهم ياكلونه والا يعطون حد معهم
الا يحطونه لـ الضيف واذا ما اكله .. كتوه بالزباله وانتم بكرامه

وعلى ايش الي يهايطون يبون يدخلون موسوعة قنتس
اسم انه دخل الموسوعه ما يخاف بكره ربي يدخله في العذاب
شوربة ما ادري ايش في جده
وكبست لحم في القصيم

هذولي يهونون .. لانهم بعد ما يخلصون الاكل يتوزع ع الناس الموجوده

بس انتي قولي اللي يذبح خروف كامل ويطبخه لجل 3 انفار .. واذا ما اكلوه

مسكه و ع الزباله

وَآتِ ذَا الْقُرْبَىٰ حَقَّهُ وَالْمِسْكِينَ وَابْنَ السَّبِيلِ وَلَا تُبَذِّرْ تَبْذِيرًا (26)

إِنَّ الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ لِرَبِّهِ كَفُورًا (27)

وَإِمَّا تُعْرِضَنَّ عَنْهُمُ ابْتِغَاءَ رَحْمَةٍ مِنْ رَبِّكَ تَرْجُوهَا فَقُلْ لَهُمْ قَوْلًا مَيْسُورًا (28)

وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا (29)

إِنَّ رَبَّكَ يَبْسُطُ الرِّزْقَ لِمَنْ يَشَاءُ وَيَقْدِرُ ۚ إِنَّهُ كَانَ بِعِبَادِهِ خَبِيرًا بَصِيرًا (30)

وَلَا تَقْتُلُوا أَوْلَادَكُمْ خَشْيَةَ إِمْلَاقٍ ۖ نَحْنُ نَرْزُقُهُمْ وَإِيَّاكُمْ ۚ إِنَّ قَتْلَهُمْ كَانَ خِطْئًا كَبِيرًا (31)

سورة الاسراء

صدق الله العظيم ~

اووصا سبحانه بعدم التبذير واعطاء القريب والمحتاج ..

بس للاسف اشوف ناس كثير عندهم يكبون الاكل ولا يعطونه احد

اعرف بنات كان ابوهم تاجر ثم خسر (الله يغفر له ويرحمه توفى)
إلا ان البنات لم يتحملوا ولم يتقبلوا حياتهم الجديده
ضلوا يأخذون من هنا ومن هناك حتى يلبسوا اغلى الماركات واعلاها سعر

لاحول ولا قوة الا بالله .. الله يرحمه .
فعلا هذا الغلط .. ان البنت تتعود ع الاسراف وبعدين
لاصار شي .. ما تقدر تتأقلم مع الوضع الجديد اللي يحدها لـ الامساك والصرف بطريقه معقوله

ووحده كانت تسولف معي بكل فشخره
تقول والله ثم والله ان ما عمري كررت بلوزه علي في الدوام اللهم لك الحمد زوجي دائما يروح لصين
ع شان تجارته ويجب لنا والله ملابس بناتي من كثرها قصرت عليهم وهي باقي باوراقها
(هي من نفس قبيلتي لكن زوجها من قبيلة ثانيه وتتأفف إذا احد ذكر قبيلتها )

ياكرهي لـ هالنوعيه

عاد مسكينه طاحة فيني ما عندي حركات نص كم
مرة قلت لها ليش يوم تزوجتي فلان نسيتي اصلتس
ولما جات تتكلم عن لبسها
قلت لها هذا الشيء ما فيه فخر وش يعني اذا كررتي لبسك
هذا اسراف وبكره اذا فلس زوجك وش بتسوين ؟؟؟
ضامنه الدنيا؟؟

مثلي .. ما احب هالنوعيه من البشر اللي يحبون المبالغه ع غير سنع
وحده من اللي نعرفهم الله يستر عليها ... حالتها الماديه مو مره .. وتروح وتسلف من امة محمد
واهم شي تطلع بالشكل المطلوب من البذخ والكشخه ..

الحمد لله إذا كنا بنعمه لكن مش معناة اننا نعود انفسنا على شيء غلط بكرة ما تقدرين تفطمين نفسك
لا ومعودة بناتك بعد
وش بيضمن لك بكرة بتتزوج مين وبتعيش مع مين ؟؟
هذا شيء زايد عن حده وشيء مش عقلاني وربي نهانا عنه مب عيب ان الوحده تكرر لبسها ويعني وين تودين الالباس؟؟

اي والله كلامك سليم 100% .. ومو زين الواحد يتعود ع الاسراف

بعدين ذكرت لها قصت البنات الي سبق ذكرتها
بالشكر تدوم النعم وبكفرها تمحق

يارب لك الحمد والشكر ع جميع نعمك

[₪ حـكـاية روح|~]

شكر اخت ملاك ... الموضوع والصورة في الوقت المناسب

العفو .. اسعدني تواجدك

عيب عليكم يا اخوان وشفيكم ما تحترمون عاداتنا وسلومنا ولا تقدرون مواجيب الرياجيل

هذا كــــــرم يا اخوان كــــرم

كيف تقولون تبذيـــــــر واســـــــراف

الكرم اللي كذا مانبيه

من عرفنا انفسنا وحنا نناقش هالقضية في الاعياد والزواجات ومن تالي صارت حتى في مراسيم العزاء الله لا يقدر على احد مكروه. وللاسف ما انحلت هذه الازمة وبالعكس زادت وعلى فكرة المناظر معظمها من حفلات مزايين الابل هذي الظاهرة اللي ما سوت فينا خير من صارت ارتفع سعر الخرفان والابل حتى كبدة الحاشي طق صحنها 12 ريال في بعض المدن .
بالاضافة الى تفشي ظاهرة العنصرية القبلية وليس هنا مجالها .

بس والله حرام ..
ليه مانوقف وقفه صادقه .. رجال وحريم .. ونخلي من عاداتنا الكرم بدون اسراف
ليه ننقل علوم وحركات من سبقونا ..
ونقول كرم .. وعادات وتقاليد
وفعلا .. المزاين مامنها فايده .. وكل ما اخذنه من الموضوع هو تعصب قبلي لا اكثر
وراح اخلي له نقاش لحاله

فعلاً فيه خلط كبير بين مفهوم الكرم والاسراف والتبذير وهذا يدل على ضيق الافق عند الكثير من ابناء الشعب، صحيح ان الدين امرنا بالكرم وحثنا عليه حيث ان الرسول صلى الله عليه وآله وسلم قال عن حاتم الطائي ( لوكان مسلماً لترحمنا عليه ) وابراهيم عليه السلام عندما قدم اليه الملائكة وظن انهم ضيوف من ابناء البشر قدم اليهم عجل حنيذ وهذه كلها دلائل على الكرم ، لكن ان توضع النعمة ولا يوجد من يأكلها ويكون مصيرها " القاربج " فهذا تجاوز لحد الكرم و الدخول لدائرة الاسراف والتبذير.

حثنا ع الكرم .. بس بحدود .. يعني لا بخيل ولا مبذر ..
بالوسط ..

ولو جيت تنصح احد رد عليك بنفس الديباجه الموجودة اعلاه
عشان كذا كتبت ردي فوق بهذي الطريقة عشان اوفر عليكم الوقت لأن البعض يقراء اول سطرين وينط

هذا اللي حاصل لـ الاسف ..
كل ماجيت تكلم احد .. والا تقولهم حرام الاكل كثير
يقولك هذا طبعونا وهذي سلوومنا
لابد نكرم الضيف

طيب يعني ما ينفع اكرمه ع قده ..؟
والا لابد من الهياط

[ابونواف1]

شكراً ملاك ع الموضوع..


بالنسبه للتبذير المفرووض من يوم ورايح نعتمد ع البوفيه المفتوح..


حتى يكون الأكل نظيف ويمكن حفظه وتوزيعه ع الجيران والمحتاجين..


بس هذا مقترحي...

[الشاااامخ]

اهلين ملاك
والله الموضوع يؤخد بعين الاعتبار والمفروض يناقش على المنابر والامكان العامه
لان هالشي بتزايد الله المستعان ,,
وكثير ناس يتكلم عن التبذير وينصح الناس ولما تصير عنده مناسبه الا اخونا ناسي الكلام والنصايح ومسوي الهوايل
ويقول ياكلوا الناس من النعمه وتجلس وتنكب
ولا ياكلوا لحمي ويقلوا بخيل هاذي اهم نقطه يتحسس منها الناس ؟؟؟؟
مره اشكرك على الاختيار الاكثر من رايع وملامستك لامور اجتماعيه بغايه الاهميه..

[al-mha]

المناظر مئلمه صراحه
طيب دام الكرم واصل حده عندهم المفروض يكون الطيب وفعل الخير واصل حده ايضا
بمعني انك دامك اكرمت ضيوفك وجبتلهم الى يجملك قدامهم
الباقي من هلعزايم تجيب جمعيه خيريه تحطه بصحون مسنعه وتوزعهم على الفقراء
واذا مافى جمعيه خيريه الله لايهنك دامك فصرت عن ذراعك وجبت كل هلمفاطيح
بعد فسرها مرا ثانيه وجب صحون بلاستك وحطبها الاكل ووزعها على المحتاج بحيكم
استغرب من هلناس اقلها لاترمي النعمه بهلشكل
الف شكر على الصوره

[₪ حـكـاية روح|~]

المشاركة الأصلية كتبت بواسطة تشتيتي مركز

قبل امس يسولف علي الوالد يوم يحج .. ومن ضمن السالفه يقول شرينا الضحايا الوحده بريالين
شر البليه ما يضححححك الحين قوطي ببسي بريالين ..

الا ليت الشباب يعود يوماََ

[₪ حـكـاية روح|~]

المشاركة الأصلية كتبت بواسطة Abu ali55

^
^
^
^
ادبرت و ولت ايام الرخص ...

الناس تحسب كل ما ارتفع سعر الشي صار اكشخ ,,, طبعاً هاذي تأثيرات مرض الهياط الله يكفيكم شره ... والتجار حصلوا ناس مفهيه ما تقدر تثبت قوتها في السوق وانها هي القوه الشرائيه اللي تقدر تخدم التاجر وتضره ... ما استقووا ربعنا الا على المراعي ,,, ياليت يواصلون على البيبسي واي شي ثاني يرتفع بدون سبب مبرر عشان بأدبون التجار . حتى الهنود الحين تجي تغسل سيارتك وتعطيه عشره ريال يبي زياده واذا قلت له خلاص تكفي قالك كل شي بابا سعر فوق ... لاحول ولا قوة الا بالله

اي والله .. هذا اللي لاحظته .. يحسبون الغرض كل ماكان غالي كان احلى

ع قولت محمد عبده (الزين غالي لكن الازين اغلى)

والله مستعان .. ضنتي لو نقعد نقاطع ذا وذاك وذوولاك .. عز الله متنا جوع

التجار يرفعون السعر مع بعض .. لجل ماتحصل لك ماتاكل وتضظر ترجع تاخذ من اغراضهم

مانقول غير حسبي الله ونعم الوكيل

[₪ حـكـاية روح|~]

المشاركة الأصلية كتبت بواسطة دوحة غناء

مرة جاء واحد من اقارب امي شاب في العشرينات
مش اول مرة يدخل بيتنا وسبق ابوي ذبح له
واصر ابوي يذبح له مره ثانيه
حاولنا نقنع ابوي على الاقل يجيب جنب ولى نص تيس من المندي وبلاش التكاليف
خاصة ان ابوي سبق وذبح له
ابوي رفض ولي كملها امي الله يحفظهم
أصرت تطبخ في البيت
حاولنا فيهم طلبها واحد من اخواني ورااافضين تقول تبي المرقه
قلنا طيب ما تبون تعزمون احد حرام مين الي بياكل الذبيحه
دق ابوي على واحد من اقاربنا بينه وبين هذا الشاب موضوع
وقريبنا ما صدق ع شان يتناقش معه
ارجالنا ما يدرون عن السالفه بس احنا ندري وما تكلمنا ما لنا شغل سواليف ارجال بينهم ما نتدخل
المهم ان الولد عرف وسكت
ولما جاء بعد المغرب امي طبخت الذبيحه
والولد استأذن وقال زملائي طالعين الرياض عن اذنكم ما ابي اخرهم

قلت لامي بنطلع ودخليه يشوف الذبيحه على الاقل يستحي شوي
مين الي بياكلها؟؟
ولى يعزم اخوياه ويجون على العشاء حراااام
وهو مااا فكر
من جد فيه ناس ما تقدر

لو مكان اهلك .. اعطيه صحن الذبيحه معه

اجل تروح كذا

الله يهدي اهلنا .. بعض الاحيان عليهم تصرفات ما ادري كيف

يحسبون اللي يسوونه صح .. ولا يتقبلون حتى النقاش