تجميع لكل المواضيع الخاصه بفترة الاختبارات

[حمد المجد]

[تبكيني الذكري]

كثير يلخبط
صعـــب

[Fawaz Alsubaei]

حسبنا الله ونعم الوكيل عليه.

[راعي الطيب]

المشاركة الأصلية كتبت بواسطة جامعة الفيصل

معلش لاحد يزعل مني ,,

المحاضرات متوفرة .. صوت وصورة وكتابة ,, ما ناقص الا يجيبون مدرس في كل بيت يقعد يردد المحاضرات..!
المناقشات متوفرة ..

الملتقى هذا فيه كل تجارب وخبرات زملائنا وزميلاتنا الحاليين والقداما ..!!

اش ناقص يا اخوان ..

والله ما ناقص الا الواحد ياخذ موضوع الدراسة بنوع من الجديه شويه ..

وهذا اسمه اختبار ..

يعني توقعو فيه كل شي داخل محتوى المنهج ..

والدكتور ماجاب شي من خارج المنهج ..

والله احس انكم مكبرين السالفه حبتين ..!

..

انسوا اختبار اليوم ,, وخلونا نشد حيلنا في الي جاي ..

وانا اتوقع ان العقيدة الاسلامية اسهل مادة ..

تحياتي تسبق كلماتي ..

وبالتوفيق للجميع

الله لا يجيب الزعل بيننا فقاعدتنا رأيك صواب يحتمل الخطأ

ورأيي خطأ يحتمل الصواب .....


جميع الطلاب والطالبات واعيين ومدركين وعلى مسوى عالي

النظام وفر لنا المحاضرات بل وادخل الدكاترة الاجلاء الي عقر دارنا

ونحن نصغي الي المحاضرات صبح مساء ...

ولكن لماذا الدهاء ...

المسلم واضح وصريح في كلامه وافعاله لايغمر ولا يهمز

سؤال يتم طرحه في الاختبار ينبغى ان يكون صريح وكذلك الاختيارات

نحن وان كنا كبار في السن الا اننا على اعتبارنا في المستوى الاول

نعتبر حدثاء عهد بالمواد والاختبارات ولن نركن الي هذا الامر ولكن

لاينبغى ان يبرز كائن من كان عضلاته علينا كأن يقوم بالتعجيز في الاختبارات

(( وفوق كل ذي علم عليم )) (( وما أؤتيتم من العلم الا قليلا ))

الهدف هو ايصال المعلومة والحمد لله ديننا سهل يقبله العقل و المنطق

ولكن هناك مسائل ذات اشكالية لايدركها الكثير ممن يوصفون بالعلماء

بل وان عمر رضي الله عنه كان يسأل الصحابة عن سورة الفتح ولم يجبه

الا ابن عباس مع ان نعي رسولنا عليه السلام كان جلي ....

الشاهد اننا نريد الابتعاد قدر المستطاع عن التعجيز في المسألة

وان لا نحيد عن الهدف الاساسي وان نكون مرغبين لا منفرين

[عبودي999]

مساء الخير


اول شي الي حالفهم الحظ وحلو صح بالتوفيق

والي ماحالفهم الحظ اقولهم من كل قلبي الله يوفقكم في الاختبارات الجايه ويعوضكم خير



اختبار العقيده من وجهت نظري متنوع من صعب الى وسط الى سهل جدا


واشوف ان الدكتور جزه الله خير ماقصر وجهت نظر

واقول للي مو راضين وزعلانين انتظرو شوي وشوفو الاختبارات الجايه والله ان تقولون يالبى اختبار العقيده ودكتورها

وباقي هذا اول اختبار

باقي 7 مقررات والوعد قدام

وراح تذكرون كلامي

لذلك حرام عليكم الي يسب والي يقول مودكتور ومدري ويش كلام ماله داعي


ارجو تقبل وجهت النظر بصدر رحب

وبالتوفيق

[Qublan]

اذا كانت الصور حقيقية وبسبب التضجر من الاسئلة فـ انا اقول ( عيييييييييييييييب )

والله عيب

الاسئلة لم تخرج عن المحتوى

واذا حصل مراوغة واختبار للذكاء في واحد من الاسئلة فـ ماله داعي كل هالتضجر بسبب سؤال واحد

مع العلم ان هذا السؤال مر علي وجاوبته وانا ماذاكرت .. مجرد قراءة فقط .. قرأته في محتوى الاخ هتان وجاوبت عليه ولله الحمد

ليش كل هالتضجر ؟؟

[بندر السديس]

والله ياخوان انا عن نفسي شفت الاسئلة معقولة جداً

[طالب دراسات اسلامية]

اذا هذي اصعب اسئله اجل بقية المواد بتكون مويه
اي صعبه بالعكس سهله جدا اتمنى ان كل الاسئله بهذه السهوله << مجرد رأي

[هنو الجبيل]

الحمد الله ع كل حاااااال

والله يستر من الباااااقي

بالتوفيق للجميع

[رورو1]

الله يوفق الجميع ~