ضع سؤالك عن الانتساب وراح تلقى جوابك

[ALZ3EM]

عندي مشكله او بمعنى اخر طلب ( امور اوراق واثباتات خاصه بالعمل مطلوبه مني لاني منتسب) , فمادري من يقدر يفيدن بها , ياليت ايميل احد من الدكاترهـ او في ادارة الجامعه علشان اراسله :)

[_a7sas mjno0on_]

يفييدونك الشباب انشالله والله ماعندي خلفيه آبد آبد .... موفق آخوي

[KHUBRANI]

اذا تقصد اوراق اثبات حظور الاختبارات بعد الاختبار بأسبوع راح يتفعل الرابط هذا اللي اسمه
اثبات اختبار
من خدمات الطالب " هذا على ذمة اللي سبقونا بالترم الفائت"

[to0ot--]

يارب احد يجاوبني :(

[*مريم*]

المشاركة الأصلية كتبت بواسطة to0ot--

السلام عليكم

تكفون جاوبوني

انا ادرس انتساب تربيه خاصه وابي انسحب واخذ شهادتي كيف اروح لهم ولا هم يرسلونها عن طريق البريد؟

ساعدوني تكفون

هم يرسلون لكـ بس مآني عآرفه الطريقه كيف وآنتي رآسليهم ودقي عليهم

[دنفش]

[align=center]
السلام عليكم ورحمة الله وبركاته

عندي سؤالين ../

بالنسبه لمادة ادارة الاعمال شنو المجال اللي تفيدني فيه هالماده بعد التخرج ان شاء الله... وهي قائمه على الرياضيات او معاملات واوراق لاني مو عارفه عن هالماده اي شي غير ان اسمها ادارة اعمال :)
اتمنى تفيدوني

ومادة الدراسات الاسلاميه شنو فيها وعن شنو تتكلم انا ودي انتسب لهالتخصص بس ماني عارفه عن شنو يتكلم ونفس الفكره بعد ما نتخرج باذن الله وين احصل لي مكان يستقبل هالتخصص.؟؟

جزاكم الله خير مسبقا عالمجهود الرائع ... والله يعطيكم العافيه ويعلمكم ما ينفعكم وينفعكم بما علمكم..

وبالتوفيق للجميع....
[/align]

[سليمان السبيعي]

السلام عليكم ورحمة الله وبركاته

أخواني أنا شاب أود الإنتساب إلى جامعة الملك فيصل ولديه بعض الإستفسارات أود منكم الإجابة عليها بأسرع وقت ممكن :
1- أنا خريج سنة 1417-1418هـ فهل تقبل الجامعة خريجي هذه السنة ؟
2- ما هي التحصصات المتاحة للمنتسبين ؟
3- هل نتائج السنة التحضيرية تؤثر على إحتيارك للتخصص ؟
4- هل يحق لي الإحتبار في الرياض أم يجب التوجه إلى مقر الجامعة بالأحساء وهل هي لمدة معينة أم لجميع السنوات الأربع ؟
5- ما الفرق بين الإنتساب العادي والمطور ؟

[H '']

المشاركة الأصلية كتبت بواسطة سليمان السبيعي

السلام عليكم ورحمة الله وبركاته

وعليكم السلام اخوي سليمان ..


أخواني أنا شاب أود الإنتساب إلى جامعة الملك فيصل ولديه بعض الإستفسارات أود منكم الإجابة عليها بأسرع وقت ممكن :
1- أنا خريج سنة 1417-1418هـ فهل تقبل الجامعة خريجي هذه السنة ؟
ايه اخوي تقبل هالسنه ..

2- ما هي التحصصات المتاحة للمنتسبين ؟
اداره اعمال - انجليزي - تاريخ - جغرافيا - تربيه خاصه - دراسات اسلاميه - علم اجتماع ... وعلى ماسمعت ان هالسنه بيفتحون تخصصات جديده ..

3- هل نتائج السنة التحضيرية تؤثر على إحتيارك للتخصص ؟
لا ماتؤثر بس شد حيلك ..

4- هل يحق لي الإحتبار في الرياض أم يجب التوجه إلى مقر الجامعة بالأحساء وهل هي لمدة معينة أم لجميع السنوات الأربع ؟
لا اخوي تختبر بـ مكانك في الرياض لجميع السنوات ..

5- ما الفرق بين الإنتساب العادي والمطور ؟و
والله الانتساب المطور راحه نفسيه كل شي بالنت المحاضرات كلها تشوفها عن طريق النت و كل شي بعد ماتسجل انشاءالله راح تعرف ..

موفق يارب

[سليمان السبيعي]

المشاركة الأصلية كتبت بواسطة h ''

موفق يارب

الله يعطيك العافية اخوي متى يبدأ التسجيل هالسنة وكيف طريقة التسجيل

[H '']

المشاركة الأصلية كتبت بواسطة سليمان السبيعي

الله يعطيك العافية اخوي متى يبدأ التسجيل هالسنة وكيف طريقة التسجيل

يبدء التسجيل بـ الانتساب بـ تاريخ 15 - 8

وطريقته عن طريق النت .