هنا نستقبل استفساراتكم عن كلية الطب بالأحساء

[baby heart]

هلا بنات

انا رحت اليوم

الصورة اللي يبونها مقاس 3*4

بس خذوا مني مقاس 4* 6

والشهادة وحسن السيرة وصورة من بطاقة العائلة

ماخذوا الملف العلاقي

عطونا كشف طبي وورق تعهدات

اول شي نسوي كشف طبي بعدين نسوي مقابلة شخصية في كلية الطب


قالوا لنا نسوي الكشف الطبي في مستشفى الملك فهد

ورحنا وبعد حوسة قالوا لنا في اللجنة الصحية اللي يم مستشفى الملك فهد

ودخلنا وقالوا لنا مو هنا في مستشفى الجامعة

وآآآآآآآه من العذاب

رجعنا للجامعة وحسنا

وتعرفون شنو قالوا




قالوا مو عندنا في مستشفى الملك فهد بس مو اليوم بكرة


شفتواااا القهر

:bngo12::bngo12:

[مزون الشوق]

في سنه تحضيريه؟ ابي جوااب أكيد:praying:

[اورجوان]

في سنه تحضيريه؟ ابي جوااب أكيد

شككتوني بمعلوماتي !!

وش قصدك اختي بالسنة التحضيرية ؟؟ :mh19:

انا الي اعرفه ان السنة التحضيرية الي في الطب هي سنة اولى و يدرسون فيها المواد العلمية الثلاثة و انجليزي مكثف و ان الي ما يجب معدل 3 من 5 يحولونه من الطب الى قسم ثاني , و كل ما اذكر هذي المعلومة , يظلون الاشخاص يسألون اذا كان فيه سنة تحضيرية او لا !!

اذا كان مقصود بالسنة التحضيرية شيء أخر فياليت تذكرين اختي المقصود بالضبط علشان افهم سؤالك

[**ليــــــــان*]

طيب انا بسال سؤال

الحين الناس دائما تقولي الله يساعدك على الدراسة وصعبة ومادري شنو

طيب الي يذاكر اول باول اليوم بيومه يروح عنه رعب الدراسة او لا ؟؟؟

وشنو هي الطريقة الامثل لمذاكرة مناهج الطب من البداية عشان تكون النفسية مرتاحة ومبسوطة ؟

[أنوار العلم]

طيب الي يذاكر اول باول اليوم بيومه يروح عنه رعب الدراسة او لا ؟؟؟

أصلا ما تلحقين تذاكرين المواد يومياً >> هذا الكلام من وحده توها مخلصة سنة أولى
الله يكون بالعون

[اورجوان]

:hiat:

معكم اورجوان <<<<<<<< راعية الفزعة

انا كتبت نبذة موجزة عن سنة اولى في بدياة صفحات الموضوع لكن رداً على اسئلتك

الحين الناس دائما تقولي الله يساعدك على الدراسة وصعبة ومادري شنو

الدراسة صعبة و لكن كل صعب يسهل

طيب الي يذاكر اول باول اليوم بيومه يروح عنه رعب الدراسة او لا ؟؟؟

بالنسبة للإنجليزي تقريبا نصف مواده الاسئلة خارجية و من ناحية المواد العلمية تحتاج بذل مجهود و يكون في علمك , ان سنة ثانية اصعب بكثير من سنة اولى <<<< لدرجة الموت <<< أخوفكم , لكن انتي كل الي تقدرين تسوينه يا اختي انك تذاكرين اول بأول و مثل ما ذكرت الاخت ان احتمال ما تقدرين تخلصين الجزئية لكن انا اقول لك ذاكري بكل وقت , في طريق الجامعة , في الجامعة بأوقات الفراغ الخ و ان شاء الله راح تنجحين بتفوق اذا جديتي و شديتي على حالك و ذاكرتي كويس

وشنو هي الطريقة الامثل لمذاكرة مناهج الطب من البداية عشان تكون النفسية مرتاحة ومبسوطة ؟

انك تذاكرين أول بأول قدر استطاعتك و ما تاخذين الامور باستهتار و تسيب و انك ما تفكرين بغير المستقبل و تخلين وقت الجد جد و وقت الراحة نص راحة علشان يمديكي تذاكرين و تنجحين بدرجات حلوة

الله يسهل عليكم و يعينا ع السنة الجاية

دعواتكم

[بنوته حساويه]

ياجماعة الخير شلون على مقابلة الطب بنات بالحساااا
بصراحه تعبت الكل يقول حاجه
بنات يقولون لهم بعد الكشف
وبنات يقولون الاربعاء
وبنات يقولون اخر شيئ بكره الاثنين

شو السالفه

متى المقابله
انا الكشف بقى فحص الدم اللي بمستشفى الملك فهد
يعني مابعد يكمل
اروح بكره يسوون لي المقابله او لا

[توفي1990]

تعبت وانا اعيد كلامي >>>>>> امزح

المقابله مايسوونها الا اذا عبيتي الورقه كلها

يعني بعد ماتطلع نتايج التحاليل

والي يقول آخر يوم للمقابله بكره

اشاااااااااااعه

[طكمنت]

يعطيكم العافية جميعا

أنا عندي سؤال يدور دوران في راسي
في السنة الاولى هل نحن ملتزمين بكتب معينة في E و Bio و Chem و Phy
أو نكون نذاكر بشكل همجي نشتري الكتاب الي يعجبنا

ياريت أجد لي جواب

* على فكرة أنا بدرس طب أسنان بإذن الله فهل تفرق السنة الأولى بين طب الأسنان و الطب ؟؟

و شكرا

[اورجوان]

في السنة الاولى هل نحن ملتزمين بكتب معينة في E و Bio و Chem و Phy

تقريبا نعم

لان احيان الدكاترة انفسهم يقولون هذا الكتاب طالبته الجامعه و لكن حنا نفيدكم و نقول لكم ممكن تفتحون كتاب اخر باسم .... راح يفيدكم و هكذا

أو نكون نذاكر بشكل همجي نشتري الكتاب الي يعجبنا

لا طبعا لو كذا ما كان حد ذاكر شي

* على فكرة أنا بدرس طب أسنان بإذن الله فهل تفرق السنة الأولى بين طب الأسنان و الطب ؟؟

اول سنة يمكن مش كبير الفرق و لكن بعدين اكيد المجالات مختلفه فالطب طب عام سبع سنوات و طب الاسنان تخصص