ڛڪر عٌيُوُنْڪ..*

[عاشقة H]

الحمدالله رب العالمين اليوم انحلت مشكله حسيتها من جد اصعب مشكله تمر ف الحياه هههههه


هالمشكله ذي نستني المذاكرة و حتى لو ذاكرت ماعندي تركيز تفكيري مره مشتت


و الحين احس بودي ابلع الملزمه من المذاكرة << قويه شوي مو ههههههعه


ف البداية و ف الاخير الحمدالله رب العالمين على كل شي

[عاشقة H]

ﺑﻌﺾ ﺍﻷﺻﺪﻗﺎﺀ ﺭِﻭﺍﻳﺔ ﺃﺧﺮﻯ ﻟﻤﻌﻨﻰ ﺍﻷﻫﻞ .. ♥ !

[عاشقة H]

لما تطلع من الاختبار مستانس و ينختم يومك بشي يعكر المزاج مو مشكله
بس لما يجي شخص يعاتبني لاني ما سويت الشي إلي يبيه
طيب ع الاقل قول يعطيك العافيه ما قصرتي تعبتي هالكم يوم
اختبارات و مرض و سهر و قلة نوم و مسؤلية و كل شي على راسي و ف النهاية انا مهمله انا ما اهتم انا اطنش انا انا انا انا كل شي اسويه مو عدل

لهدرجة انا ما يبين الشي إلي اسويه لهدرجة ما يبين التعب إلي اتعبه لهدرجة انت إلي تتعب و انا ما اتعب

في قلبي كلام شكثر
بس الله كريم

[عاشقة H]

الله يعين في هالحياه مو الكل يقدّر ويشوف وش حنا نسوي ووش مانسوي .. واحيان كل شي واضح بس يتجاهلون ويجحدون .. لكن عند ربي مايضيع شي , وسعي صدرك وتزين باذن الله -pearl- >> آريج سابقا ًً

شكرا على تقييمك و انا اقول وين البنت راحت ههههههههه
و صايره ما ادخل ع المدونة كثير بسبة الاختبارات نسيتها

صدقتي ولله كلامك عين العقل

[عاشقة H]

وحشتني المدونة
من قبل الاختبارات انشغلت كثير مره

طبعا انا ابتدت اختباراتي تاريخ 23
قبلها ب 3 ايام كان ل حمود طعيم حق سنه و نص
طبعا كان مخي مشتت جدا بين المسؤلية و بين الاختبارات و بين كيف ارتب وقتي اكثر عشان اكون عادله لطرفين
رحت معاه و طعمته و يوم ثاني حرارته ما رضت تنزل عن 38.5 قلت من التطعيم لان وحده منهم بتعبه و ذا الكلام قالته لي الممرضه
و رحت معاه المستفى و قلت لدكتور ان اهو كان امس له تطعيمة السنه ونص بس امس ما كان فيه شي بس ليوم مو راضيه تنزل حرارته عن 38.5 قالي استمري ع الدواء لان الولد مافيه شي

و اول اختبار كان ادارة عامه مستوى سادس اهي إلي بقت لي منه كنت مره خايفه منه لان كنت مشتته و كنت انا بداية مرض من الجو الجميل بس لحقت على نفسي بالبندول

و الحمدالله كان جميل و مقبول و الحمدالله عدا على خير و درجتي فيه راضيه عنها اتم الرضا
اما البحوووووووث هههه هذا بالنسبه لي شي ثاني جدا يعني درجتي فيه راضيه عنها و مو راضيه بس الحمدالله على التعب إلي تعبته
و امس كان لاختبار محاسبة ادارية بصراحه جدددددددا الاختبار جميل و يجيب السعادة صحيح عندي اخطاء على اشياء بايخه لان كنت متوتره قبل لا ادخل و ارجف و حلتي حاله بس نفس لشي راضيه عن حلي اتم الرضا

و باقيلي مادتين الجوده يوم الاحد و التغيير يوم الثلاثاء
وان شاء الله يكون ختامها مسك يارب بهالمادتين

احس إني اول مره اكتب كذا ف المدونة
بسس ضغوط طول هالفتره طلعتها الحين

تصبحون على خير

[عاشقة H]

الحممممممممدالله رب العالمين

ختام الاختبارات مسك

اختبار بسيط و جميل جدا

[عاشقة H]

ياربي متى بخلص من هالكوابيس
تعبت من هالحاله استغفر الله
انام بتعب و اقعد بتعب

رحمتك يارب

[عاشقة H]

الحمدالله رب العالمين

نجحت و باقيلي سنه و اتخرج

بس بصراحه عندي مادة المحاسبه الادارية علامتي فيها 75
و انا متأكدة من اجاباتي مع الاعضاء اجيب فيها 85
و رفعت تظلم ف إلي صار له كذا من قبل و رفع تظلم و عدلوها له يقيمني كان يعطيني امل انهم ممكن يعدلوها

[عاشقة H]

نَحنُ لا نُعاتِبْ إلا مَنْ يُهمّنَا أمْرهُ ♥:) !

من يهمني امره لا يهمه امري
اصبحت صفراً ع الشمال لا وجود لي ابداً

[عاشقة H]

من زمان عن المدونة
و للاسف رجعت لها بس ما ادري شقول بالضبط
بس ضغوطات الحياة احسها قاعدة تقضي علي تدريجي
اخلص من شي يصير شي
نص اليوم مرتاحه و نصه هم و كدر و كل شي
احس إني خلاص مو قادرة اتحمل
و بالذات لما يكون إلي معاك ما يفهمك ولا يقدر الموقف و على اقل شي عصبيه وووووو الخ
حاسه بكتمه مو طبيعيه لان متعودة اكتم بس احس الشي زاد عن حده
كتماني قاعد يرجع علي عكس

ف النهاية ما اقول غير الحمدالله رب العالمين مليون مره
وربي يفرجها على و على الجميع

فضفضة ما قبل النوم ههه
بااي