انطباعكم عن اختبار مبادئ الاحصاء,,,

[mshal]

طبيعي الاختبار بيكون صعب اذا دكتور الماده نفسه صعب علينا مذاكرة الماده صدقوني كان ممكن تكون الماده سهله من البدايه سواءء محاضرات او اختبار ولكن دكتور عن دكتور يفرق بعض الدكاتره يسهلون الماده ويوصلون النتيجه والمطلوب والهدف بابسط الطرق ماهو لازم يعقد الامور على الطلبه . عموما كنا نطمع اننا نحصل على درجات عاليه وهذا طموحنا وحاولنا ولكن الحين نبي السلامه والنجاح . اتمنى التوفيق لكم وتعدون جميعكم باذن الله وفيه خبر بالنهايه ان شاءالله انه يونسكم وقبل لااقوله لاتحطون بذمتي شيء سمعت ان الدكتور النجار مع انه يصعب الاختبار الانه مايقصر بالنتايج ويحاول انه يعدي كثير من الطلبه في الاحصاء مع انه ماهو هذا طموحنا لكن الحمدلله على كل حال والجود من الموجود الاغلبيه على حسب ماسمعت ٦٠ درجه وهذا كلام الاعوام السابقه

[احلاكم]

عفوووا مع كااان بس ناقصني درجة وحدة فقط بس ما دفوووني لكن الله كتب والحمدلله ع كل حال وهالمرة ان شاءالله بتعدي

[BrEsTeG]

جونا المستوى الثالث يشاركوننا العزاء في مادة احصد الطالب

موفقين جميعاً

[العضيد1]

إذن، صدقيني يا أحلاكم أنهم دفوك بخمس درجات أو أكثر. لأن مستحيل تبقى عليك درجة ويرسبونك في الإحصاء خاصة.
تذكري إجاباتك يوم ترسبين، وبتعرفين كم دفوك.

[غيداآء]

الحمدلله على كل حال والامتحان كان مابين السهل والصعب منوع ماكان على صعوبه وبس

وعلى فكره اسئلة الامتحان من تمارين الكتاب بالضبط

[احلاكم]

[العضيد1]

هاه يا أحلاكم؟ عرفت أنهم دفوك. لكن خلاص.
إلا وين الآنسة صفاء؟ من يومين أو أكثر مختفية. الله يستر. كانت خايفة من الإحصاء. الله يجيب العواقب سليمة.

[احلاكم]

يلااااااا أخليكم واذهب للمستوى الثالث علينا علم الاجتماع الطبي والله يوفق الجميع

[YA 7 YA]

المشاركة الأصلية كتبت بواسطة mshal

طبيعي الاختبار بيكون صعب اذا دكتور الماده نفسه صعب علينا مذاكرة الماده صدقوني كان ممكن تكون الماده سهله من البدايه سواءء محاضرات او اختبار ولكن دكتور عن دكتور يفرق بعض الدكاتره يسهلون الماده ويوصلون النتيجه والمطلوب والهدف بابسط الطرق ماهو لازم يعقد الامور على الطلبه . عموما كنا نطمع اننا نحصل على درجات عاليه وهذا طموحنا وحاولنا ولكن الحين نبي السلامه والنجاح . اتمنى التوفيق لكم وتعدون جميعكم باذن الله وفيه خبر بالنهايه ان شاءالله انه يونسكم وقبل لااقوله لاتحطون بذمتي شيء سمعت ان الدكتور النجار مع انه يصعب الاختبار الانه مايقصر بالنتايج ويحاول انه يعدي كثير من الطلبه في الاحصاء مع انه ماهو هذا طموحنا لكن الحمدلله على كل حال والجود من الموجود الاغلبيه على حسب ماسمعت ٦٠ درجه وهذا كلام الاعوام السابقه

يا اخوان لا تنجرفون خلف الشائعات

التصحيح الكتروني وش دخل النجار

تخيلوا عدد الي يختبرون بالمملكة كم بيقعد يرصد درجات لو كان له دخل بالموضوع

اساتذة التعليم عن بعد مهمتهم وضع المناقشات والواجبات والقاء المحاضرات المسلجة والمباشرة هنا ينتهي عملهم

لا اقصد تحطيمكم لكن ماحب الاشاعات

[العضيد1]

المشاركة الأصلية كتبت بواسطة احلاكم

يلااااااا أخليكم واذهب للمستوى الثالث علينا علم الاجتماع الطبي والله يوفق الجميع

ما شاء الله. وطبي بعد؟
يعني الاجتماع وش يسوي في الطب؟ الطب والأطباء ماشين من أروع ما يكون. مرضى ويعالجهم أطباء.
وش فيه غير الطبي والاقتصادي والسياسي والتربوي والنفسي والأسري؟
ما فيه علم الاجتماع الزراعي والعسكري وعلم اجتماع المطافي؟.
الله لا يوفقك يا فريديكو. شاف ما فيه طريقة يصير تطبيقي إلا بأن يقحم هذا العلم النظري في علوم تطبيقية.