كل مايخص ماده الرياضيات "

[سيدة الأسئلهـ]

:o2:


صح صح برافو عليك

[خالد حمد]

الله يجزاك الف خير ولله ماعرف وش اقولك كلمات الشكر ماتوفيك حقك

لانك انسانة كبيرة بفكرك وسمو اخلاقك .

اشكررررررررررررررررررك ياختي

واتمنى اني اقدر ارد لو شي بسيط من اللى تقدمينه لنا

شكرااااااااااااااااااااا يابرفسورة الرياضيات

[سيدة الأسئلهـ]

العفو أخوي تكفيني دعواتك

[كتكوته88]

اختي مشالله شرحك رائع نبي بعدين نجمعه بملف ورد بيساعدنا كثير شرايك

[z7 z7]

اخواني .. محآضره رقـم 7 ..

التمآرين حقتهآ رقم .. 1 + 3 + 4

يكون فيه عدد بأول السؤال .. هل نقسم العدد او نحل عادي ؟؟ مثل ما شرح لنآ ..؟

[MeeShaa]

من وين نزل لكم المحتوى للمحاضره السابعه انا مو عندي .. ولا ماده نزل لها عندي

[سيدة الأسئلهـ]

كتكوتة: براحتك حبيبتي اذا تبين سوي


زحزح: ماعرفت اي تمارين تقصد ياليت لو تكتبها هنا


ميشا: كلنا مانزل لنا محتوى المحاضرة السابعة انا عندي لين السادسة

[z7 z7]

سيدة لبى قلبك الدكتور مو بالمحاضره 7 عطانا واجبات نحلها ..؟

هذي الي ابيها

وبكتبها لك

2س تربيع + 12 س + 15

6س تربيع - س15

2أ تكعيب + أ تربيع -15 أ

الارقام إلي باول المعادله وش نسوي فيها ؟

الدكتور ما جاب لنا مثال مثلها ..

[سيدة الأسئلهـ]

في خطا مطبعي بالمعادلة الأولى الحد الثاني 13 مو 12

يعني صار شكلها كذا: 2س تربيع + 13 س + 15

إلا اتوقع انه جاب وحلها عادي تحلها بطريقة المقص

يعني تبحث عن عددين حاصل ضربهما الحد الثالث وحاصل جمعهما الحد الاوسط

هنا العددين هما: 3 و 5

بعدين تسوي عملية المقص مثل هالصورة




والحين لو كان معامل السبن تربيع = 1 كان انتهى الحل كذا

بس هنا معامل السين تربيع = 2

إذن عشان نتأكد انو حاصل جمع العددين = الحد الأوسط

نضرب بشكل عكسي في الصورة يعني 2س ضرب 5 = 10 س
ونفس الشي 3 ضرب س = 3 س

نجمع النواتج: 10 س + 3س = 13 س وهو الحد الأوسط


ملاحظة: هالحركة نسويها لما نبي نتأكد ان حاصل جمع العددين = الحد الأوسط

أما المسألة الثانية والثالثة بتلقى حلها بصفحة 14 بنفس هالموضوع

واذا بغيت تحل أي مسألة بعملية المقص تستخدم هالطريقة:


عندنا بعملية المقص حالتين:

أولاً: أن تكون إشارة الحد الثالث موجبة:

طريقة الحل في هذي الحالة:

1- نبحث عن عددين حاصل ضربهما = الحد الثالث
وحاصل جمعهما = الحد الأوسط

2- نجعل إشارة هذين العدين بنفس إشارة الحد الأوسط

بشرط

أن يكون معامل السين تربيع = 1
مثل هذي المعادلة: س2 +س + 42 س

أما لو كان معامل السين تربيع عدد غير الواحد
فتكون الطريقة كالتالي:

نبحث عن عددين حاصل ضربهما = الحد الثالث

ثم نتأكد اذا كان حاصل جمعهما = الحد الأوسط

بضرب كل حد ومايقابله أفقياً ثم جمع الناتجين


ثانياً: أن تكون إشارة الحد الثالث سالبة:

طريقة الحل في هالحالة:

1- نبحث عن عددين حاصل ضربهما = الحد الثالث
وحاصل طرحهما = الحد الأوسط

2- نجعل إشارتيهما مختلفة ويجب أن تكون
إشارة العدد الأكبر نفس إشارة الحد الأوسط

بشرط

أن يكون معامل السين تربيع = 1
مثل هذي المعادلة: س2 +س - 42 س

أما لو كان معامل السين تربيع عدد غير الواحد
فتكون الطريقة كالتالي:


نبحث عن عددين حاصل ضربهما = الحد الثالث

ثم نتأكد اذا كان حاصل طرحهما = الحد الأوسط

بضرب كل حد ومايقابله أفقياً ثم طرح الناتجين


وتقدر تطبق هالطريقة بالمثال اللي حليته الحين

وشوف اذا بتضبط معك أو لأ

[ǺĽ ẕeeห]

برافو عليك يا سيده

بارك الله فيك "

<<< متاابعه لك بشكل مستمر "

شرح وتواجد وحضور قمه في الروعه يعطيك ربي الف عافيه "