بعيداً عن الفلسفة والتعقيد الزآئد ~

[عَبيرْ ♥]

.
,
.

يصير نآخذ بريك ونفس شوي من كرف البيت

البيوت المهجورة تعتبر أرتب وأنظف من بيتنآ في الفترة المآضية ( أيآم الاختبآرآت )

سبحآن الله مآقلت لكم ان دمي يحترق حرقآن حتى وأنآ جآلسه في مكآني

حتى ان وزني نزل مشكلة الأعصآب الحآرة

أبوي يسمّيني النحلة من كثر حركتي مستحيل أجلس ربع سآعة متوآصله بمكآن وآحد

وأكثر وحدة أفرفر بالبيت أطلع وأنزل حتى الدرج أطلعه أخطي درجه من الحمآس

شفتوآ ذآ كلّه .., مع اني أكسل مخلوقة على وجه الكره الأرضية

مدري عآد فسروهآ بكيفكم ..,

أحب نفسي وآجد ومستحيل أتعّب نفسي وأسوي شيء أكثر من طآقتي الا اذا كنت مجبرة

ودائما أقول ولنفسك عليك حق

لحد يصادقني

الموهم ..,

أمس تحلّمت حلم لمدة 4 ساعات .. طول الحلم أتهآوش ودمي محروق ومعصّبه ..,

مابقى بني آدم ماطلّعت حرتي فيه وكلهم يعصبوني ويزعلوني .. الخ

صحيت وأنآ متنرفزة ورآسي بينفجر من الصدآع

رجعت نمت ساعتين وتحلّمت حلم كل النآس فيه مآيحبّوني ..,

يآآآآآآآآآآآآآآآربي وش ذآ يعني يآ ما أتحلّم يآ أتحلّم أحلآم تجيب المرض

قمت وأنآ معصّبه ومن القهر ماتحرّكت من مكآني ساعتين

جزاءا وردعا لمخي الشرير

.
,
.

[عَبيرْ ♥]

.

السلآم عليكم ورحمة الله وبركآته .,
عآدي نآخذ بريك شوي من كرف البيت ونسولف مع مدوّنتي الجميلة
أحس هذرتي وآجد
عآدي بعد الكرف دائما هنآك مكافئآت ذآتيه … ننطلق ونفحّط في قسم الحلويآت في السوبرمآركت ونتأمل جمآل الشوكولاتآت
اذا دخلت قسم الحلويآت أصير كذآ بالضبط وأتخيّل العآلم وردي وفيه فرآشآت ملوّنه تطير ..,, <- فهمنآ
.
,
.
نجي لموضوع الـ غش في الأختبآرآت ..,,
أنآ مآنيب دآفورة ولا يعني اني تروني عآدي مرّه تصيب ومرّه أجيب الأعيآد مهوب عيد وآحد ..,
لكن لو تنطبق سآبع سمآء على الأرض مستحيل أغش ومستحيل أغشش ..,
زمآن كنت أشوف الـ غش ( جريمة ) بكل مآتعنيه الكلمة يعني كنت أشوفه كآرثه ..,
مع الوقت تغيّرت نظرتي .., كلن حر عآدي اللي ودّه يغش واللي ودّه يغشش وش دخلني في النآس ..,
لكن عندي مبدأ لا ولن يتزحزح من دآخل دمآغي الجميل ..,
دائما أحس اني اذا غشّيت ربي مهوب موفقني ..,, كيف ! ! !
يعني أحس لو إعتمدت على الغش في الحل ممكن أكون وآثقه ان حلّي صح وبجيب العلآمة الممتآزة .. الخ
لكن أتفاجأ وبقدرة قآدر بعلآمآت مخسوفة ..,
وممكن مآ أغش وأتوكّل على الله وأسوّي اللي علي وأحس اني جبت العيد لكن أتفاجأ بعلامآت تسعدني وهذآ توفيق من رب العآلمين ..,
.
,
.
سؤآلي : للي يبدعون ويبتكرون في أسآليب الغش .. مآشآءالله تبآرك الله هذآ دليل على ان عندكم كورة يسمونهآ المخ في رآسكم ..
طيب ! ليه ماتشغلونهآ في المذآكرة والحفظ ..,
سبحآن الله
.
,
.
ونشوفكم في مدوّنه أخرى

[عَبيرْ ♥]

إذآ روّقت بعد شوي بكتب رآيي في السيروم اللي شريته من لآنكون

[عَبيرْ ♥]

[align=center]
.
,
.




هلآ بنآت .,,

كيفكم أخبآركم ..,

هذي الفقرة جمآلية بنّوتية فقط

قبل إسبوع إشتريت من ( لآنكوم ) سيروم

Serum Lancome Genifique

بتكلّم عنّه بشكل شخصي مرآح أنسخ لكم كلآم من النت وأجي ألصقة هنآ .., لأني انسآنه ما أحب اتفلسف

وأجي بس أقول كلآم كأني أسمّعة تسميع ولا قد شفته بعيني أو لاحظته بشكل ملموس ..,

اللي أعرفه عنّه بقولة واللي شفته منّه بقوله وشوّية معلومآت..,,

صورتة



من دآخل



فوآئدة الأسآسية :

- تجديد خلآيآ البشرة .,

كيف يعني !

طبعا شيء طبيعي مع التقدّم في العمر نسبة مآدة الكولاجين في البشرة تقل ..,,

ولآزم يتم تعويضهآ خارجيا إمآ بالأكل أو فيتامينآت معيّنه وكريمآت فيهآ مادة كولاجين وفيه نآس أتوقّع يألجون للإبر ..,

اللي مايعرفون مآدة الكولاجين هي المآدة اللي من ضمن وظائفهآ المحآفظة على شبآب البشرة ..,,

السيروم هذآ يقولون انه يسوّي عمل الكولاجين .. يعني يخلي خلايا البشرة تقوم بوظائفهآ بشكل ممتآز وتتجدد وبالتآلي بعد فترة من استخدآمه يعطي البشرة شكل شبابي متجدد ..,

.
,
.


طريقة إستخدآمة

شكله من الدآخل مثل القطآرة كذآ



من الأعلى فيه شيء تضغطون عليه لسحب السيروم أو اخراجة



.
,
.


تجربتي الشخصية

لي ألحين أستخدمه تقريبا إسبوع .., مكتوب عليه 8 أسآبيع مدّة إستخدآمة ..,,

بس أنآ قلت بعطيكم انطبآع مبدئي عنّه من تجربتي له خلآل ذي الفترة ..,,

إستخدآمي له يكون فقط قبل النوم ( هو المفروض مرتين في اليوم ) بس أنآ مستخسرة إنه يخلص بدري .,

علشآن كذآ أستخدمه مرّة وحدة فقط في اليوم ..,,

بصرآحه تحّسنت بشرتي من نآحية أحسّهآ نظرة ومفتّحه يعني مآفيهآ شحوب ونعومة ..,

المنطقة اللي حول العين خف السوآد كثير عن قبل وانشدّت المنطقة وصار شكلهآ صحّي ..,


يعني بتعجبون في نفسكم وكل شيء بتجلسون تطلّون في المرآية تتأملون بشرتكم

ملآحظة مهمّة جداً :

السيروم مآيعآلج البثور ( الحبوب ) اللي في الوجه ولا يشيل الأثآر .. أنآ مدري اذا هي من ضمن فوائدة

أنآ نفسيآتي تأثر مبآشرة على وجهي من ناحية الحبوب وكذآ

يعني اذا عصّبت طلعت لي حبّه على طول

السيروم ماشآل البثور ولا الأثآر ( مدري اذا مع الاستمرار بيكون له مفعول عليها والا لا ) لكن أنآ أقولكم مبدئيا مالاحظت شيء ..,,

وفيه ميزه حلوة بعد تقدرون تحطّون قبل كريم الأسآس لأنه يشد البشرة ويخلي شكل الأساس حلو ومرّتب على الوجه ..,

وبس تقريباً هذآ انطبآعي عنّه ..,,

.
,
.








[/align]

[عَبيرْ ♥]

.
,
.

الحمد والشكر لك يآربي .., نجحت في كل الموآد ولله الحمد ..,

مع ان المحآسبة على الحآفة 60 بس باقي درجآتي حلوة ومعدّلي بعد رآضيه فيه ولله الحمد ..,

عقبآل الجميع بالنجآح الحلو ..,

.
,
.

[عَبيرْ ♥]

.
,
.

إشتقت لمدونتي ولهذرتي ولتصويري وكل شيء

حطّمت الرقم القيآسي في الغيآب لمدة إسبوعين ..,,

كل العآفيه اللي فيني طآرت .., نقول صبرِ جميل وبالله المستعآن ..,

فيه نوعية من البشر أنآ مدري من وين منبعهم بصرآحة ..,, الحمدلله يآربي على كل حآل .,

لي عودة بإذن الله ..,

وكل طآقة الحمآس اللي فيني بفجّرهآ تفجير مرّة وحدة

.
,
.

[عَبيرْ ♥]

.
,
.

بآآآك .,

عدنآ والعود أحمد ..,,

وحشتني مدونتي الجميلة ..,,

هذآ الويكند رحت للشرقية بصرآحه كنت محتآجة أغيّر جو

وكآن فيني شوق لهلي ..,,

انكرفت كرف واحترقت أعصآبي احترآقي ذآ الاسبوعين اللي فآتوآ ..,

الله لايردّهآ من أيآم ولا يردّهآ من تجربة ..,

عمركم شفتوآ وحدة تنزل 7 كيلوآ في اسبوعين من حرق الأعصآب ..,,

رحت الشرقية ودلّعت نفسي وطلعنآ وتمشينآ وانبسطنآ الحمدلله ..,

وكآن فيه يوم كذآ مميز وخآص فيني لحآلي ..,

طلعني أخوي وغدّآني برآ أنآ ويآه لحآلنآ وبعدها دخلني محل وقال اختاري اللي يعجبك هدّية منّي لك ..,

يآلبّى قلبه ..,,

وتوته توته خلصت الحتوتة ..,,

[عَبيرْ ♥]

سلآم قولاً من رب رحيم ..,,



أهلين وسهلين ومرحبتين بهالعينتين يآمدوّنتي الجميلة ..,,

.
,
.

فيه موآضيع كثير أحيآناً ودّي أكتبهآ وبالفعل أكتبهآ وأخلّصهآ وفي الأخير أتحسّف وأضغط زر ديليت ..,,


شيء غريب صح !


مع إنه من حقّي أعبّر عن مشآعري بالطول وبالعرض ولي الحرّية التآمة بكتآبة كل مآيجول في خآطري ..,


لكن في بعض الأحيآن إحترآماً منّي لأكثر من جآنب أكتفي بالكلام لنفسي ..,,

.
,
.

فيه شيء يرفع ضغطي في كثير من النآس ..,

اللي هو !

لآ تدققون وآجد في بعض العبآرآت ويشتغل عندكم عرق الفتآوي .., ( يجوز ومآيجوز )


مآيجوز تقول كذآ وحرام تقول كذآ .. هذآ اللفظ مايجوز تقوله وإنتبه تقوله ..,


مدري بصرآحة قد سمعتوآ بشيء إسمة ( النيّه ) اممممممم مآ أعتقد دآمكم كذآ ..,


ولاترسم أروآح حرآم ! ! !


يعني الحين مثلاً بحش في خلق الله وبسمع أغآني .., مآنيب عآرفه انه حرآم يعني ! ! !


أعتقد إن كل إنسآن حر نفسه مآله دآعي لحركآت الـ يعنني في النصح ..,,


كلن له ذنوبه وحسنآتة وهو أدرى بنفسه وأولاً وأخيراً شيء بينه وبين ربه


بالمختصر كذآ وبصريح العبآرة محد له شغل في حد إنشغلوآ بأنفسكم يآبشر واتركوآ الخلق للخآلق ..,,


المشكلة ان اللي ينصحون تلآقونهم من رآسهم لسآسهم بلآوي ومصآيب اللهم لآشمآته بس ..,


سبحآن الله هذي النوعية من البشر أحس من كثر ومن قوّة السوآد اللي في عقولهم وقلوبهم خلآص


صآروآ يشوفون كل شيء غلط وخطأ وهم الملآئكة المنزّهين ..,


يعني ألحين قبل فترة من الزمن بمآ إن عشقي الرسم ( رسم الإنمي ) شخصيآت من وحي خيآلي ..,


في وقت فرآغي أحب أرسم .., وقتهآ كآن وقت دوآم .., الموهم رسمت رسمة وخلصتهآ ..,


جتني وحدة وقالت لي { يوووه حرآم ترسمين أروآح إقطعي رآسهآ أو إرسميهآ بدون وجه }


بعض الأمور النقآش فيهآ عقيم فـ يكون السكوت أحسن خآصّه لبعض العقليآت يعني ..,


.,.وفي الأخير نقول الأمور الصغيرة والتآفهه هذي إشطبوهآ من حيآتكم


وإرتقوآ شوي بأفكآركم فيه أشيآء أهم انكم تركزون فيهآ وتحطّون الحشرية الزآيدة حقتكم فيهآ لعلّ


وعسى يعني تطلعون بفآيدة يرتجى منهآ ..,,

[عَبيرْ ♥]

[align=center]
.
,
.

يآ الهي كم أكرة النفآق ..,

الشيء اللي بقوله ألحين ما أبغى حد يجي يتفلسف على رآسي ..,

ولا أبغى أسمع نصح ونقد ولا خرآبيط فآضية ..,

شيء في خآطري وبقولة ..,

مفهوم وإلا مآفيه مفهوم !



.
,
,



أنآ إنسآنة مقتنعة قنآعة تآمة ولله الحمد إن الأشيآء الدينية بين العبد وربّه ..,

يعني مآله دآعي لـ حركة ( شوفوني أنآ وش أسوّي من أعمآل بطولية ) ..,

عآدي خلآص يآخي سو عملك الخيري وهذآ شيء بينك وبين ربك وأجرك مآشيء بإذن الله ..,


.
,
.


وش منآسبة الكلآم اللي فوق !

أنآ أقولكم وش منآسبته ..,

كل شيآطيني وعفاريتي تطلع إذآ أنآ أنتظر في إنتظآر المستشفى ..,,

يعني خلقة الأخلآق قآفلة من الإنتظآر ومن الفلم الهندي اللي يسوونه لنآ المستشفيآت مع إدآرتهم الغبية والفآشلة من الدرجة الأولى ..,

مآعلينآ ..,


وأنتوآ جآلسين تنتظرون ينادون إسمكم ..,,

تنط لكم وحدة من الجآلسآت وتشغّل التلفزيون وتحطّه على قنآة السعودية { الصلآة في الحرم } ..,

حلو !

مآعندي إعترآض ..,,

لكن تزوّد الصوت لدرجة ان اللي تجي تنآدي مآنقدر نسمع أسمآءنآ

هذآ وش يسمونه بالضبط ..,

أنتي مو في بيتك يآ أخت العرب أنتي في مكآن عآم ..,

هذآ الشيء تسوينه في بيتك لو ودّك تزودين الصوت لين يسمعه سآبع جآر بالطقآق شيء رآجع لك ..,

لكن رآعي شوي المكآن اللي أنتي موجودة فيه ..,

واذا مرّه ميته على الأجر عآدي تقدرين تجلسين تستغفرين بينك وبين نفسك طول دقايق الإنتظآر ..,

والا إمسكي المصحف وأجلسي إقري ..,

ترآ عآدي يعني فيه مليون ألف طريقة ..,,


.
,
.



يآشين بعض الطبآيع اللي مآلهآ موقع من الإعرآب ..,,








[/align]

[عَبيرْ ♥]

,‘

السلآم عليكم ورحمة الله وبركآته ..,,
جيتكم بيومي الجميل الخفيف اللطيف ..,,

,‘

ونقول بسم الله نبدأ

,‘

أبدأ يومي متى مآودّه يبدأ ..,
يعني أصحى على كيف مخّي الجميل .,,
مآ أعتمد على مؤقت ولآ شيء ..,
متى مآصحيت حيّآني الله ..,
بس من القرآدة وحظّي الشين صحيت السآعة
11 بس صوّرتهآ لكم 12 ونص ..,,
لأني وبدون فخر جلست أصآرع النوم غصبن عنّه يجيني بس عيّآ وأبى

ولآزم أشبك جوآلي لأنه يكون يحتضر ..,




وصليت الظهر ..,

الله يتقبّل منّي ..,



وأفرفر في البيت أطفّي أي كآئن اضاءة يشتغل ..,,

أكرة شيء عندي في الحيآة أشوف لمبة تشتغل وقت النهآر ..,



نطل طلّه خآطفة كذآ على الصآلة والمطبخ .,,

عندي أمل انهآ ممكن في يوم من الأيآم تترتب من نفسهآ عآدي ممكن ..,

مآفيه شيء مستحيل وش فايدة الجنّي الأزرق في الحيآة

الحمدلله أصلاً أنآ بطبعي ما أحب أنآم والمطبخ حوسة ..,



أطلّع الأشيآء المفرزنة وأي شيء أحتآجة من دجآج أو لحم .. الخ

وأحط موية في الغلآية ..,



أنآ من النآس اللي مآيطآوعني قلبي أبدأ معركة الطبخ قبل ترتيب البيت ..,

علشآن كذآ أنطلق لترتيب وتنظيف البيت وتلميع الأثآث من الغبآر الجميل



قبل فترة طآحت ستآرة الغرفة ..,

وبما إن حن شعب مايعوقنآ شيء ..,

إشتغلت مكينة المخ وتصبيرة لين نصلحهآ حطّيت قصدير ..,



أروح المطبخ وأغسّل اذا فيه موآعين من أمس ..,

وأرتّب الموآعين في الدروج ..,

مدري ليه مآ أعرف أطبخ ولا يجي لي نفس أطبخ ..,

اذا المطبخ حوسة والا فيه موآعين وصخة .., لازم كل شيء يلق لق ..,

عيوني متدلّعه تحب تشوف كل شيء جميل مثل مآهي جميلة



وسلقت صدور الدجآج ..,,

وقطّعت دجآج للشوربة ..,,



ورحت جلست على اللآب توب شوي ..,

أحآول أصمم هيدر للموضوع ..,

يوووووه إكتشفت انّي فقدت الذآكرة في التصميم

وصممت كذآ تصميم وكل شوي أغيّر رآيي

في الأخير رسيت على اللي تشوفونه فوق ..,

بمآ اني أميل للبسآطة .., وأؤمن بشدّة ان البسآطة سر الجمآل دآئما وأبداً



الموهم ملّيت ورحت أجهّز الشوربة ..,

أحب كل شيء فيهآ مفروم ..,

زمآن كنت اذا جيت أصب لي صحن شوربة لازم أشخله من كل شيء



وبديت أفتفت صدور الدجآج وسويت حشوة الفطآير و أكلة البريد ..,,



يدي تشتغل في مليون ألف شيء ..,

وهذآ سبب بطئي ..,

وأنآ أطبخ أغسّل الموآعين وأرتّبهآ .., مستحيل أرآكمهآ ..,



أنآ بطيئة اي نعم .., بس مب معنآته إن أعصآبي بآردة ..,

بس أنآ أكرة الربشة في الشغل وأكرة النآس المرتبشين ..,

واللي يقربعون وآجد وهم يشتغلون يسدّون نفسي ..,

أحب الركآدة ..,,

,‘

بعدهآ بديت أعجن للفطآير ..,,



وبعدهآ شرّف المسكين

مجرمين النآس سفّآحين ..,

أصلاً اللي يشوف عيونه البريئه مآيطآوعة قلبه يذبحه

أعتذرت منّه بالنيآبة عن كل النآس الشريرين

أجّلت شغله لبعد المغرب ..,,



وبديت ألف أكلة البريد ..,

ومن بآب إنّه { الله يعز النعمة } لاترمون الأطرآف حقت البريد ..,

اذا عندكم قطط غمسوهآ لهآ في حليب وعطوهآ ..,

أو اذا عندكم هآمستر عطوه يآكلهآ لأنه يحب طعمهآ <- يآقلبي الجميل لآتحزن

أو حطّوهآ في الفريزر وأي وقت حمصوهآ تجي مع السلطآت ومآ الى ذلك ..,



وبعدهآ نغمسهآ في بيض و ذآك الشيء



ونصف السمبوسة في الصينية علشآن ندخّلهآ الفرن .,,



ونجيب حقّت البخآر ونعبّيهآ موية ..,,

ونشغّلهآ في الصآلة ..,

فآيدتهآ ترطّب الجو شوي ..,

ماشآءلله على جفآف الريآض وغبآرة ..,

مآبآقي إلا تكّه ونتحوّل ضبّآن



وجهزّت الفطآير ..,

وسبحآآآآآآآآآن الله ..,

على حظّكم يوم جيت بوريكم السنآعة احترقت بغيت أنجلط ..,,

من أوّل رمضآن مآقد احترق لي شيء ..,

بس مآعليه دبّرتهآ .., أجل وش على بآلكم يروح تعبي على الفآضي



وبعدهآ جهّزت المويه والعصيرات والتمر والقشطة وحطيتها في الصآلة .,

طبعاً لآ أنآ ولآ زوجي نحب القهوة ..,, فلذلك مشطوبة شطباً تاماً من حيآتنآ

بإستثنآء اذا جو عندنآ ضيوف

أنآ مستحيل أشربهآ ولا حتى مجآملة ..,

مآتنبلع



آحآول أشطّب الموآعين بعدي أوّل بأوّل لأن بعد المغرب ببدأ أشتغل في اللحم

ولا ودّي أشوف شيء قدآم عيوني غيرة



وأنطلق آخذ لي شور منعش بعد الكرف وبعد ماتبخّرت بالطبخ ..,

أهم شيء في الحيآة ترطيب اليدين الجميلتين ونقول لهآ شكراً لأنهآ هي اللي تكرف

ولـ وجهي فقط أستخدم السيروم من لآنكوم { سبق وتكلمت عنّه للمهتمة تقدر تشوفه في مدوّنتي }

نصيحة لاتتعبون بشرآتكم بكثرة السنفرة والغسولآت ..,, ريحوهآ فترة من ذي البلآوي ..,



الله أكبر .. الله أكبر ..

أذّن وأفطرنآ ..,,

لآزم أنآ لي دبّة موية خآصة تكون دآفية .., مآ أشرب بآردة ولا حتى وسط ..,

لازم تكون دآفية .., مآ أعرف أشرب موية بآردة ..,



بعدهآ صلآة ..,,

وبعدين الفطور البسيط ..,,



وعن قرب ..,,

الشوربة ..,,



السمبوسة

والفطآير اللي جبت فيهآ العيد

وأكلة البريد ..,,



.‘

ونقش الموآعين قش لمسقط رآسهآ ..,

ونكسّر رآسهآ بالتنظيف

ونعيد مآسبق ذكرة ..,

علشآن نفّضي المكآن للّحم ..,

اللّحم لحآله كفيل بعمل فوضي بحد ذآته .., <-- أوخص يآ كفيل

وبعدهآ جلسة الشآهي والحليب بالشآهي والحلى ..,

مهوب شرط حلى يعني حلى عآدي { كيك الجلكسي يعتبر حلى }

وأهم شيء في تآريخ البشرية العبّورية

والإدمآن الأبدي اللذي لآ ولن أستغني عنه { حليب بالشآهي والنعنآع } <- مزآج أهل المريخ

ونطقطق قليلا على الجوال ونشوف أحوآل الرعّية اللي يهمنآ أمرهم فقط

والبآقي يشوفون حد يهتم لأمرهم يتفقّد أحوآلهم ..,

وأطير مثل الفرآشة للفريزر علشآن أفضّي مكآن للّحم ..,,

ونبدأ نتفآهم مع اللحم ..,

تخيّلوه آدمي مقطّعينه مهوب أهون من الخروف المسكين

جعل سعرة يوصل مليون ..,, علشآن مآعآد حد يشترية ولا يذبحه

ويخلّونه يعيش حيآته مسكين ..,

وش سوآ فيكم هو هآه وش ذنبه اذا جعتوآ رحتوآ تآكلونة

قلّة حيآ

طبعاً سآعدني زوجي ربي يسعدة ويعطيه العآفية ..,

المسألة يبغآلهآ فتل عضلآت يآبشوآت وأنآ لو حد يقول ( هفففف ) <-- عـ سآس نفخه يعني

كآن طحت من طولي

وأصلا طول الوقت وانا أطآلع في رآسه وأعتذر منّه وأشكي له حآلي ويشكي لي حآله

وبعد المعركة نظّفت المطبخ ..,

وبعدهآ طلعنآ السوق <-- وأنتي فيك حيل تطلعين السوق

أحب خوآتم لقلبي ..,

غنيمتي من السوق ..,

وجبنآ لنآ سحور معنآ من برآ من محبوب الجمآهير مآك ..,,

من يوم عرفت الصيآم وأنآ مآ أعترف بشيء إسمه سحور ..,

ما أتسحر ولا أحب أجلس على وجبة خصيصا إسمهآ سحور ..,

عآدي طول الليل وحن نآكل ماحبكت الحآبكة يكون فيه وجبة خآصة بالسحور ..,

اذا جعت قمت سويت لي أي شيء خفيف ..,

أهم شيء أشرب موية قبل ما يأذن وإنتهت السآلفة ..,

شبكت سكتم بكتم من لآبي على التلفزيون ..,,

ومن بكرة بيجون عندنآ ضيوف على الفطور وكتبت الأشيآء اللي بسوّيهآ علشآن ما أنسآهآ ..,

وحطيتها على الثلآجة ..,

وبعدهآ بديت أكتب لكم موضوعي الجميل ..,

.

,

.

وأتمنى إن يومي المتوآضع ينآل ولو شيء بسيط من رضآكم ..,

والأهم تكونون إستمتعتوآ معي

.

,

.

تم ‘