[ النظام الأفتراضي ] : انطباعكم قبل و بعد الاختبار النهائي لماده العقيده الاسلاميه

[Dr. nsroon]

المشاركة الأصلية كتبت بواسطة رب اغفر لوالدي

يا اعضاء المنتدى
الظاهر انكم اعتمدتم على المذكره الموجوده بالمكتبه فقط نصف المنهج غير موجود فيها عشان كذا انتم تقولون الاسئله من خارج المنهج وليست موجوده بالملزمه

ما شفت الملزمة اللي بالمكتبة وكلامي ما اقلل فيه من جهود الطالبات
ولكن اخطاء الطلاب بالتلخيص لا يتحمله الدكتور ابدًا

الطلاب مطالبين بمذاكرة المحتوى + المحاضرات بلا نقصان او زيادة
واهمال مذاكرة شيء عن اخر هو مسئولية الطالب نفسه


مع ذلك بحرضكم على الشكوى
سؤال مش واضح ممكن يجيب لكم درجه

[حــ شباصات ــرامي]

يسعد مساكم

من بعد الاختبار وانا كل شوي ادخل الملتقى واقول اكتب ولا ما اكتب اخر شي قلت يالله اكتب وشارك دايم نشارك بعض بالفرح والحزن

اليوم الصباح صحيت واشوف الدنيه

قمت اراجع واتفاعل مع الجميع واقول ختامها مسك

رحت الجامعة ووجهي بيتشقق من الابتسامه

دخلت القاعه وانا اقول للجميع ما عليكم اليوم الاختبار الاخير وبنطلع كلنا مبسوطين

وصلت ورقة الاختبار وقريت الدعاء وفتحت الصفحه الاولى وكان نموذجي أ قالو اكتب بالورقة 1 قلنا ماشي

شفت اول سوال وانبهرت ايش القصه ايش في لا يكون مو المقرر حقي وداخل غلط

شوي اطالع الصفحه الاولى يا ولد في شي غلط متاكد هذه اسئلتنا يا رجل غير بدل

الاسئلة كانت كلها ملتويه وفيها لعب بالسوال لا وفوق هذا بعد الاجابات تخلي المخ يوووووووون

اعصر مخك يا حرامي حرك نفسك مافي شي راضي يطلع في تشتيت بالاجابات

جربت اعصر ما نفع جربت كل الطرق

يوم جانا الدكتور الله يجازيه الخير سئلناه عن بعض الاسئلة ويقول السوال دوابه تحته <<< لا يا شيخ هونتها علينا

طيب عارفين والله بس السؤال نفسه هو الي نتكلم عنه ويقول ان كل شي شرحه معاك شرحته بس الاسئلة بكل صراحه مختلفه بالاسلوب والطريقه كانها ماهي اسئلته لا شفنا مثلها بالفصلي ولا بالواجبات

يعني من جد دينا هذا يا جماعة الخير ما نعقده على نفسنا بالعكس دوره كمعلم انه يهون الدين مو يصعبه

(( ولو كنت فظا غليظ القلب لانفضو من حولك))

يعني بصراحه مدري ايش اقول لكن نسئل الله الواحد الاحد انه يعدينا من هالمادة والمواد الثانيه


يا عالم احنا جينا نحسن مستوانا العلمي والعملي جينا نطور من نفسنا ولو كنا نلعب ما ضفنا مسئولية التعليم فوق مسئولياتنا الي احنا فيها هذا اكبر دليل ان كل واحد دخل انتساب عنده طموح ويجاهد لتحسين مستواه المعيشي والعلمي


اسف اذا طولت بس هذه فضفضتي يمكن اسلوبي دايم مزوح واحب اخذ الشي ببساطه لان لو باخذها بجد عز الله مواعيد المستشفيات بتتكوم بالسيارة


على فكره لكل اخت موجوده معانا تحيه واحترام


ولو عندك شباصه ما تبينها جيبيها واكسبي اجر السنه ناشفه مافي شي


تحياتي واحترامي للجميع

[تــووتا الشـمري]

المشاركة الأصلية كتبت بواسطة د. نصرون

مع ذلك بحرضكم على الشكوى
سؤال مش واضح ممكن يجيب لكم درجه

جآري الشكوى

يوم جانا الدكتور الله يجازيه الخير سئلناه عن بعض الاسئلة ويقول السوال دوابه تحته <<< لا يا شيخ هونتها علينا

استغفر الله ، ياربي مدري اضحك ولآ ابكي

في شي استغربتة بالاسئلة ....لآحظتوا بعض الخيارات مكتوبة بخط صغير بنموذج ب
>> هو يلمح لشيء !
ولآعيوني انحولت

[Alkawthar]

المشاركة الأصلية كتبت بواسطة مريم 84

في سوال تكفون أحد يجاوبني عليه مولد النبي ايش جوابه وهل كان موجود بالملزمة

الجواب. في القرن الرابع

وموجود في الملزمه في موضوع البدعه

[alaythan]

الاسئلة زي الزفت
الله يستر

[ABO JORY]

المشاركة الأصلية كتبت بواسطة د. نصرون

ما شفت الملزمة اللي بالمكتبة وكلامي ما اقلل فيه من جهود الطالبات
ولكن اخطاء الطلاب بالتلخيص لا يتحمله الدكتور ابدًا

الطلاب مطالبين بمذاكرة المحتوى + المحاضرات بلا نقصان او زيادة
واهمال مذاكرة شيء عن اخر هو مسئولية الطالب نفسه


مع ذلك بحرضكم على الشكوى
سؤال مش واضح ممكن يجيب لكم درجه

معآك حق

والدكتور نظآميآ له الحق يحدد مستوى الأسئلة دآم أنهآ كلهآ من المنهج


بس كآن يقدر يعطينآ انطبآع مبدئي عن طريقة أسئلته عن طريق الوآجبآت والإختبآر الفصلي

ونحن بدورنآ نفهم طريقة الدكتور بوضع الأسئلة ونآخذ احتيآطآتنآ بالمذآكرة والتركيز

مو تكون أسئلته بالوآجب أسئلة أقل من سهله واختبآر فصلي جدآ جدآ سهل

ويجي الاختبآر النهآئي بطريقة مختافة تمآمآ ، وكأن الاختبآر موجهة للمتخصصين بالشريعة والاكثآر من خيآرآت الأجوبة المشتبهة لللإجآبة من ضمن الخيآرآت.

هذآ مآيعتب على الدكتور

[مريم 84]

شكرا حبيبتي

[مريم 84]

انا أكثر شيء مقهورة عليه الاسئله الي أ وب صح واختارهن ويقولون د جميع ماذكر الله يهديه الأربع اجاباءت كلها صح ليش تصعبها علينا أن شاءالله ننجح واذا ناقصنا شي بسيط يارب يتعاونون معانا الادارة أتمنى من جميع الطلاب إرسال ايميل عشان يجينا رد والله يبشرنا بنجاحنا

[سطام اللعنزي]

احس اني بعد الاختبار بتعين قاضي او مفتي
الان انتظر التعين دعوتكم لي بالتعيين في الرياض

[hsh]

ايش نقول ايش نخلي ؟؟ مافيني اكتب حرف والله حرام نحمل مادة سهله وبسيطة مثل العقيدة