[ اسئلة اختبارات ] : &&&انطباعكم وارائكم لاختبار الاستماع والتحدث الموافق 2-3-1436&&&

[SA-almutairi]

الاختبار حلو وسهل بس العيب في رداءة الصوت والتضجر اللي صار بالقاعه

[مصطفى سمنودي]

المشاركة الأصلية كتبت بواسطة كارزما

.

.



لازم بكل تجمع يطلع فرقع لوز يقول حنا طيبين وامورنا بخير
ونشكر وزارة التعليم ممثلة في محدثكم او محدثتكم :d


.

.


عطوني ثالث معروض اقدمه
سدحت معروضي حسيت اني اسولف مع النظام حشى
ومعروض طالب انقليزي وابي ثالث

^

انتي تشتكين والا تبين قطعة أرض

[Tahani88]

حسبي الله ونعم الوكيل ..
ألحين الدكتور جاه لحميه فجأه والا وش السالفه ؟ وقت المحاضرات صوته واضح ونفهم كل كلمه يقولها ويوم جا الاختبار فجأه انكتم وصار يتكلم من خشمه ولاندري وش يقول والسماعه حدث ولا حرج والله ماذكرت الا سماعات العروس اول اذا جو ينادون عائلة فلان الفلاني صدى ويطلع فجأه صوت الجوال اذا قرب من السماعه ! خير ان شاء الله ليه هالاستهتار هذا وش حنا ندفع فلوس عليه ! ألحين هم ماياخذون الا مدارس مبناها حكومي وفي كل مدرسه لاب للحاسب ورى مايدخلونا فيه ويعطون كل واحد سماعه ويريحونا من ذا الحوسه اللي تصير كل ماجت عندنا ذا الماده ! لعنبو بليسهم اذا احد فتح ورقته ولاحرك الكرسي والا عطس تلخبطت كل معلوماتي ولعد ادري وين انا فيه ! صراحه شي يفقع القلب قسم بالله مذاكرين وشادين حيلنا وحالتنا حاله وفي النهايه هذا اللي نلقاه ! حسبي على الظالم وبسسسس

[Natural]

شي يقهر صراحه نذاكر وانتساب واخرتها تسجيلهم خياس وكل ماتجي ذا الماده نفكر بالتسجيل ليش مايعطون كل وحده جهاز وهدست وخلصنا مو حاله

[amani_d]

طلعت من القاعه والصداع مافارقني للحين حسبي الله اصعب امتحان يمر علي وركزت من قلب الصوت عالي مزعج ولا فهمت شي منو سماعاتهم رديئه او شكلو التسجيل من عندهم أي كلام القطعه عندي كل خياراتها تخمين والله يستر

[نرجسيه لووول]

تقولون بالع نفيخه المفروض يحطون له زيت بحلقه عشان تفك الصدا من صوته الله يسامحه خرب علينا جونا مدري هو مسلم ولا مومسلم

[هانت ياجروحي]

الفضفضه هنا ماتنفع
كل واحد يحط شكوى بالخدمات الطلابية
لو عطونا كل واحد ١٠ درجات كثر خيرهم ،، دفعه بلاء عن الفريدان وجامعته

[الدوسيه]

هههههههههههههههههههههه ياويل حالي
و الله الحال من بعضه من قوة ماركزت في الصوت جاني صداع
و مابغى اي وحدة تتنفس عشان لاتضيع علومي
منجد الصوت كان سيء حاولت بقدر المستطاع استوعب ماقدرت يادوب كم كلمة
الله المستعان و يكون في العون و يعوضنا بالخير ..

[SALEH ALOTAIBI]

توني شكيت شكوى في الخدمات الطلابية وهذا نصها:

"رداءة التسجيل حيث أنني لم أتمكن من فهم مايقال وبناءاً عليه فقد قمت بحل الاختبارات بجهودي الشخصية دون الاستناد على ماجاء في التسجيل الصوتي."

[1yoyo111]

وين اكتب الشكوى في ايقونه ملاحظات الاختبار ولا في غيرها أسعفوني وربي مانمت من القهر اقل شي يعوضونا درجات