(((((((((( الدفعة النارية ))))))))) گلمة شگر توجهها لمن .. 💖

[غرام القلب]

المشاركة الأصلية كتبت بواسطة همة نحو القمه

تصدقون كنت افكر

حفيد = د جيكل

من جدك ؟؟؟..

[ابومشاعل]

للجميع بدون استثناء

لا حرمكم الله الاجر ، و فرج كرباتكم مثل ما فرجتوا كرباتنا سواء بحل الاختبارات او الملخصات او الشروحات

كنتم اخوان و اكثر من الاخوان

نلقاكم في جنان الرحمن

[fooooz]

الشكر أولاً لله الذي انعم علينا غلى ان وصلنا لهذا المستوى وان شاء الله نستمر

ثانياً أشكر جميع من بذل اي مجهود ولو بسيط بداية من المستوى الاول حتى الان

الاسماء كثيرة جداً فلهم كل الشكر والتقدير والعرفان

[ميلاد دمعي]

بيض الله وجهك سعيدان وعليان

[غيووووم]

كل الشكروالتقدير والامتنان لكل القلوب الرائعة اللي غمرتنا بطيبها ونقاءها

اللي أفادت و ساعدت وقدمت مافي وسعها لتصل بنا لأخر المشوار

ولتحقيق الحلم اللي بديناه صغير وكبر بتواجدهم ودعمهم لنا ...


الشكرالأول لبسبوستي الخضرا

ياجعل الخضار بدربك والنجاح يرافقك ويرزقك على قد نيتك الطيبة إذا الكل منبهر ببسبوسة اللي بالملتقى

كيف عاد باللي يعرفها ومصاحبها بالملتقى وخارج الملتقى

الله يكملك بكل ماهو جميل ويحبب فيك خلقه ويسخرك للخير ويسخرلك الخير وأهله ،،،،

أنت نص النجاح يابسبوسة إلا أنت النجاح كله الله يسعدك على جهدك ووقفاتك معنا اللي ميزت قسم إدارة

الأعمال بكل المقايس عن باقي الأقسام الثانية فكثر الله خيرك والله يجعل ماقدمتيه خير لك بالدنيا والأخرة يارب




نجي لحفيد الملوك الحاضر الغايب اللي بصمته موجودة بكل خطوة خطيناها بكل المراحل الدراسية

الله يكتب له الأجر ويرفع مقامه بالدنيا والأخرة ويجعل ماقدمه لنا من الحسنات العظام اللي تفرحه

عند المليك المقتدر

و أبان اللي ماقصر معنا بتوضيح وشرح ودعم وتسهيل ،، الله يسعدك يا أبان ويعطيك حتى يرضيك يارب

نجي لسعيدان ومعاند وبرلمنت وأحن واحد و ميمي و نسومتي ودندن وجنوني العسل وسنيورتي ووردة الحجاز

واستوعب وعروب وكبرياء أنثى و أبو رضا و فهد و أستاذ حلمي ....

والناس اللي مافيه مثلها اثنين والكثير الكثير اللي مانقدر نحصرهم ونعجز عن ذكر كل وقفاتهم ومساعداتهم لنا

..... ربي يسعدكم سعادة مالها حد ولا قياس ساعدتونا وفرحتونا وضحكتونا وخليتوا للدراسة معاكم طعم ثاني ....

شكرا من الأعماق و كلمات الشكر تقف قاصرة وعاجزة في أن تفيكم حقكم

وكثر الله خيركم والله يفرحكم برؤية وجهه الكريم ويزيدكم رفعة وتشريف وعلو بالدنيا والأخرة ويجعل ماقدمتوه بميزان

حسناتكم يا أروع إخوة وأعظم دفعة ،، والله يجمعنا جميعا بالفردوس الأعلى بحوله وقوته ومشيئته يارب

[Mesfer_111]

السلام عليكم ورحمة الله وبركاته
الحمدلله كما ينبغي لجلال وجهه وعظيم سلطانه
من لايشكر الناس لايشكر الله
شكر وتقدير وإخاء ومودة لكل من ساهم ولو بأقل القليل في هذا المنتدى وأخص بالشكر والعرفان لأعضاء هذه الدفعة التي لم تتوانى عن خدمتنا بكل ما أوتيت من علم نسأل الله العظيم أن يجعل ماقاموا به في موازين حسناتهم.
لانستطيع جزاؤكم فأي شئ نحاول القيام به فلن يوفيكم حقكم ولكن لكم منا الدعوات بظهر الغيب كما كنا ندعوا لكم في الأعوام السابقة فسنظل ندعوا لكم دوماً.
وفقنا وإياكم الله لما فيه الخير والصلاح
هذه أول مشاركة لي ولم أستطع أن أغادر هذا المنتدى قبل أن أكتب هذه الكلمات البسيطة في حق من يستحقونها.

[شموخ امراءه]

يارب يااارب وفق كل من ساعدنا بمعلومات وافادنا بملخصات ماقصرتو جزاكم الله خير
وللجميع وللدفعه الناريه خاصه يارب توفقنا وانا ادعي الان اذن الفجر بالجبيل:)

[ميلاد دمعي]

احب اقدم شكري لكل من وقف معانا مع العلم اني في المستوي السابع لكن وجدت تجاوب ومساعده من جميع

الطلاب والطالبات ..

اسال الله ان يوفقكم ويجزززاكم كل خير علي كل ماقدمتوه لنا سواء اعضاء او مشرفين او مراقبين او اي

واحد ساعدنا


ششكرا لكم من القلب ولا تنسسونا ترا حنا زملاء لكم منتقلين للمستوي الثامن ونحتاج دعمكم ومساعدتكم


ولكم جزيل الشكر

[أبو فهد1]

مشكور للجميع وماأبي أحدد أسماء عشان ماأنسى أحد .

لكل من ساعدنا بالملخصات والكويزات والأختبارات القديمة من أول مرحلة حتى وصولنا لهذا المستوى .

يارب يوفقكم مشرفين وأعضاء ..

[نسيم الصبا]

المشاركة الأصلية كتبت بواسطة همة نحو القمه

تصدقون كنت افكر

حفيد = د جيكل

يخلق من الشبه أربعين
سبحان الله تذكرت آصف بن برخيا كان معنا المستوى الأول،قبل اسجل في المنتدى،مانسيت ملخصه تبع القانون كيف سهل علي وقتها
كنت حايسه مع الكتاب لأني مااعرف ألخص،يوم دخلت على ملفه الشخصي لقيته يشبه كثير حفيد الملوك،بس اخر مشاركاته انه انسحب وانقبل في بعثه برا..