[ اسئلة اختبارات ] : && انطباعكم عن اختبار التلاوة والتجويد ليوم 25-2-1435..

[احلا بنيه]

الحمدلله الاختباااار يجنن

بس بتااكد من سؤاال اللي هو كلمه القهااار المد كم حركه

انا حطيتهاا 6 حركات لانها مد لاازم بس مو متاكده

يارب انا صح :d

[بدورالله يوفقها]

الحمدالله زين

[بيان باراس]

الاختبار يجنن يجنن اللهم لك الحمد كما ينبغي لوجهك و عظيم سلطانك

تركت الماده و انا مستوى ثاني خوفا منها لاني ماحب التجويد و لا افهمه حسبالي صعب بس الحمد لله ماعندي غير خطا واحد و اهبل ...

اللي هو كان اختيار الكلمه يا لازم كلمي مخفف او كلمي مثقل...و احترت فيها كثير..
نساني الشيطان حسبي عليه انو الكلمي المخفف ما جاء في القران في غير موضعين "ءالئن وقد كنتم تستعجلون " و " ءالئن و قد عصيت قبل "
وبالتالي الاجابه كانت لسوالين كلمي مثقل .

الحمد لله .

اللي يبغى يجتاز الماده بتفوق لا تحفظ الامثله افهم كيف تطبق الحكم ع الكلمه..و بيسهل عليك الاختبار كثيرا..

عموما الاختبارت تقريبا اكثره وش الحكم في كذا..


اذا احد صور الاسئلة ينزلها نقدر نحلها عشان اللي حاب يتطمن ..

بالتوفيق للجميع

[بن جازع]

المشاركة الأصلية كتبت بواسطة ~هدوء انثى~

الاسئله لذلذه عكس المتوقع "


والله اني متسنده على يماني وأحل ^_^
الشكر الله ثم الدكتور
ثم شرح أخونا ابن الجازع على تبسيطه للأحكام
جزاك الله الف خير"

امين
والحمدلله الاسئله كانت جميله وسهله
وجزاكم الله خيرا جميعا
استفدنا الكثير منكم
وما قدمنا الا القليل

تحياتي للجميع
واتمنى من بعض الاخوه
احترام الماده لتعلقها بكلام الرحمان

دمتم سالمين

[بيان باراس]

الحمد كما ينبغي لوجهه و عظيم سلطانه
الاختبار رائع

عندي خطأ واحد كان فيني نووم و عندي فتره اولى..صدعت..

اللي هو في كلمه كان جوابها مد لازم كلمي مثقل .. وانا احترت ادري انو الفرق بينهم الشده في المثقل و غير مشدد في المخفف و مع كذا فقدت المعلومه المهمه جدا جدا جدا جدا ..
انو الكلمي المخفف ماورد في القراءن الكريم غير في موضعين فقط " ءالئن و قد كنتم به تستعجلون " و " ءالئن و قد عصيت من قبل " ومعناه اي كلمه غيرهم وكان حكمها مد لازم كلمي راح تكون مثقل مش مخفف ...


للطلبة الترم الجاي...تسهيلا لكم افهموا كيف تعرفوا الحكم في الكلمه افضل من انكم تحفظون اسئله..

طريقة حلي ..اغطي الاجوبه و اقرا السوال..
و اكتب عنده كذا ..مثلا..

" عزيز حكيم " ؟ اكتب عندها ( تنوين + ح = اظهار حلقي ) و اختار الاجابه الصحيحه ..

بالنسبه لاحكام النون الساكنه و التنوين و الميم الساكنه ( احفظوا حروف كل منهم ) و التطبيق جدا سهل..
اذا ..
ن + (اي حرف ) = نحدد الحكم
تنوين + ( اي حرف ) = نحدد الحكم
م + (اي حرف ) = ونحدد الحكم
---------------------------
- ن ساكنه او تنوين + حرف ادغام في كلمه وحده = اظهار مطلق.
- الادغام يجي في كلمتين .
- الاظهار ممكن في كلمه او كلمتين .
---------------------------
الحكم دائما يطبق ع النون الساكنه او التنوين او الميم الساكنه مش ع الحرف اللي بعدها !
ففي خيارات الدكتور لو بتختاروا الاجابه لما يقول كيف نطبق الحكم ..

- في الاظهار بنوعيه الحلقي و الشفوي بنقول ( اظهار النون او الميم الساكنة او التنوين عند حرف " ونسمي الحرف اللي بعده .
- في الاخفاء بنوعيه الحقيقي و الشفوي بنقول ( اخفاء النون او الميم الساكنة او التنوين عند حرف " ونسمي الحرف اللي بعده " اخفاء "ونكتب نوعه" .
- في الادغام بنوعيه الادغام و الادغام المتماثلين الصغيرين بنقول ( ادغام النون او الميم الساكنة او التنوين في حرف " ونسمي الحرف اللي بعده" .

لاحظوا الفرق بين الاخفاء و الادغام .. الاخفاء بنقول عند حرف اما الادغام بنقول في حرف .
----------------------------
وبالنسبه للمدود...
نشوف الكلمه..اذا فيها همز او سكون ..
اذا همز..معناه يا
- واجب متصل ( اذا كانت الهمزه بعد حرف المد و كانت في كلمه و احده ) او
- جائز منفصل ( اذا كانت الهمزه بعد حرف المد و كانت في كلمه منفصله معها ) او
- بدل ( اذا كانت الهمزه قبل حرف المد )

اما اذا كان سكون .. معناه يا
- جائز عارض للسكون
- لازم ( الدكتور مايحط في الخيارات الاثنين مع بعض العارض و اللازم يعني اذا كان المد بسبب السكون بتعرف عطول انه عارض للسكون لان الاجوبه الباقيه كانت مد بسبب الهمز )
اما اذا حددت انه لازم ( فيحط الدكتور هل هو مخفف او مثقل .. والكلمي المخفف ماعنده غير موضعين..و الحرفي راجعوه في محاضره 13 سهل بس ماابغى اكتب شي غير واضح )

--------------------
- العارض للسكون = دائما ( تجوز فيه 2 - 4 - 6 حركات ) .
- اللازم = ايش ماكان نوعه بمجرد ماتقروا لازم عطول 6 حركات .
- الحروف المقطعه "كم عسل نقص" = 6 حركات .
- الحروف المقطعه " حي طهر " = 2 حركه مثل الطبيعي .
------------------
حروف اللين = الواو و الياء اذا كان ماقبلهم مفتوح مثل "بيت "
حروف المد = الالف ماقبله مفتوح / الواو ماقبله مضموم / الياء ماقبلها مكسور .
-----------------
انواع القراءات ...
تحقيق : اذا كان اشد تاني من الترتيل و تكون في مقام التعليم .
ترتيل : اذا بتاني و تطبيق الاحكام .
تدوير : اذا متوسط بمراعاة الاحكام .
حدر : اذا سريع و محافظ ع الاحكام.
---------------
حق الحرف : صفات لازمه.
مستحق الحرف : صفات عرضيه.
---------------
لام شمسية : طب ثم صل رحما تفز ضف ذا نعم *** دع سوء ضن زر شريفا للكرم .
لام قمرية : ابغ حجك و خف عقيمه.
----------------
لازم نشد ع اي حروف من الاظهار الشفوي : الواو و الفاء
----------------

بالتوفيق للجميع

يارب لك الحمد الشكر درجتي ظهرت 99 A+

[maha.kurdi]

الحمد لله كانت اسئلة روعه اللهم لك الحمد عقبال الباقي يكون كدا يارب

[amalflower]

الله يسعد الدكتور في الدارين مثل ما اسعدنا ويجزاه خير الجزاء
:)

[أملها في الله]

الأسأله جدا سهلة ان شاء الله امتياز

[Jumanjiee]

3- إذا جاء بعد حرف المد حرف ساكن سكوناً أصليا أو ( حرف مشدد) فيجب المد ست حركات ويسمى المـد اللازم مثل : الضالين ، لآم ،ميمْ ، ليحاجوكم، بضارين ، أتحاجّوننا ، دابّة ، كافّة، تضارّ ، حاجّ ، حاجّوك، تحاجّون، الضالّون،مضارّ ،ءامّين ، حاجّه‘ ، أتحاجّونّي ، ءآلذّكرين، صادْ ، شاقّوا ، الدوابّ ،خاصّة ، الحاجّ ، كافّة ، ءالان ، ءآللّه ، والجآنّ ، تشاقّون، برآدّي ، كآفْ ، عيْنْ ، العآدّين، سينْ ، رآدّوه ، لرآدّك ، والصآفّات ، الصآفّون، تأمرونّي، حآفّين يتحآجّون، قافْ ،يحآجّون. الظانّين. مدهامّتان، يتمآسّا ، يحآدّون ، بضآرّهم، يوآدّون، حآدّ ، يشاقّ، تضآرّوهن ، الحاقّة ، الطامّة ، الصآخّة، تحآضّون ، ضالّاً ، نون.

[حزين220]

حسبي الله ونعم الوكيل

جبت العيد بدري ماادري وش يبي ذا الدكتور