[ اسئلة اختبارات ] : تصوير اسئلة الادب الامريكي 1437 الفصل الثاني

[fasoooool]

انا راجعت حلي مع 4 اشخاص اللي نزلوا حلهم

3 منهم ضمنت معاهم 20 فقره صح مع اخذ بالاعتبار ان فيه من 8 الى 11 فقره نسيت وش حليتها

اما الرابع فضمنت معاه 23 فقره صح مع اخذ بالاعتبار ان فيه من 8 الى 11 فقره نسيت وش حليتها

دعواتكم تكفووووووووووووووووووووووووووون

والله ماجاني النوم من القلق من هذي الماده

[taghreed.Alotaibi]

اللهم لك الحمد والشكر اولاً و اخيرًا
شكرًا للي صور الاسئلة وشكرًا للي حلهم
عدا اخر يوم واخر اختبار على خير و الله يعوضنا اجمعين
كان فيه اشياء و احداث ممتعه ممكن انك تسألنا عنها يادكتور، بحكم ان هالمادة ادب مو فلسفه
تطرق لأشياء كثيييير مايشرحها ويقول ارجعوا لها واقروها بأنفسكم ...
هذا غير طبعاً كلامه بالمحاضرة المباشرة اللي خلانا نثق ثقه عمياء بإنه فعلاً راح يجيب اللي يقوله
عموماً الله يفرحنا بالدرجات الزينه ونعدي هالماده على خير بإذنه تعالى
و مبروك مقدمًا للكل ، دفعة جميلة بكل من فيها

....

نصيحة لـ من بعدنا :
- المقرر مايكفيه دراسه سريعه أو يوم وليله ، محتاج جهد و وقت طول و صبر
- طالبوا الدكتور بإرفاق النصوص الأصلية اللي راح تدرسونها ( قصة - رواية - مسرحية )
لاننا بصراحة تهنا واحنا نحاول نجمع من هنا وهناك ونبحث عن النص الاصلي عشان تتضح الصورة و نفهم عدل، اغلب القصص و الروايات تختلف بالاحداث من موقع لآخر و الدكتور يسأل عن الاحداث بدقة
سواء بأدب الاطفال أو الامريكي ..
- لا تعتمدون على كلام الدكتور اسمعوا من أذن وطلعوه من الأذن الثانية..
- الدكتور راعي شطحات ، لذلك ذاكروا بتركيييييز و يستحسن تدرسون المادة أول بأول


الله يوفقنا وياكم

[فيينا]

فيه سؤال ماعجبني مو لانه صعب ؟؟ لا لانو سؤال غير لائق لطلاب جامعين حتى لو كانت من الرواية نفسها ؟؟


السؤال ؟؟

مين اللي قال مياو ، لهاك ؟

انا اخترت توم سوير ، لاني احب كارتون توم سوير ومتابعته كل حلقاته زين ، وتذكرت توم لما سوى الحركة لهاك !!!!

والا الروايه مادري اذا كانت فيها او لا ؟؟
واخترت توم سوير


لكن معليش هالسؤال ممكن ينجح طالب او يرسبه مايتخرج ، يعني يعيد ترم كامل ، علشان توم قال لهاك مياو !!!!!!!


وش هالسؤال اللي حتى مايناسب طلاب ابتدائي !!!



لكن راحت عادت مابااليد حيله الحمد الله على كل حال

[استغفر الله00]

انا عندي تقريبا 14 سؤال صح و البقيه ناسيه وش اخترت بينهم
عموما حسبي الله عليه مع ذا الصبح

[المحبه الى الله]

حسبي الله عليه فرق عن اساله الاعوام السابقه فرق كثير تغير طريقته180درجه والله اقلب الورقه اخاف اني مضيعه اسم الماده دخلت على الفريدان بتويتر ماشفت احد شكا الدكتور ارسلوله ع تويتر سوو هاشتاق للماده صراحه اساله لف ودوران

[المعيده ساره]

احس بغبنه في قلبي مي مخليتني انام ماغير اقلب بجوالي في القسم اطلع وادخل اشوف يمكن نزلوا اجابات جديده مثل اجاباتي او ممكن يقول الفريدان يالله الكل ناجح بالادب ومافيه رسوب عشانكم خريجين واخر ماده ،،،،تعبت جدا

[عشق السراب]

ماعرفت انام للحين بسبته
الله يحرم عيونه النوم

[منتسب شبابي]

التحلطم ماينفع ضروري نسوي شكوة محترمه وارفاق جميع الاسئله الي من خارج المحتوى او الي ماله جواب بالخيارات وارفع في ايقونه التظلمات اذا الكل شكى اتوقع الكل ينجح سبق وصارت في ماده اسمها ماليه في قسم ثاني ونجحوا رغم ان الاغلب لم يحل اي فقره وشكرا لكم .

[totayah]

ابدا ما توقعت يكون آخر يوم اختبار في مشوارنا الجامعي كذا
تنكد الجميع بسبب مادة كان المفروض تكون أحلى من كذا بكثير كان فيه إمكانية الأسئلة تكون صعبه مثل ما احنا متعودين ونحل .. لكن طريقة الأسئلة أمس مافهمت كيف وضعها
الحمدلله حليت ولكن برفع تظلم من القهر اللي سببه الدكتور لدفعتنا الله يسامحه بس ..

تمنيت اصحى القاكم كلكم مبسوطين لكن الله يوفقنا جميع وبإذن الله متخرجين .

[كوكونت]

وين الواحد يجيه نوم وهو حلمه اللي ينتظره تحطم مع أسئلة الأدب