"قياس" يبدأ التسجيل لاختبار القدرات العامة للجامعيين وكفايات "الإنجليزية"

[غيم تايه]

&&

لا تتراجعين ادخلي الاختبار وتوكلي على الله ،، وبعدها راح ترغبين في دخول اختبار ثاني وثالث ورابع ..

وبتكون بالخبرة السابقة ، ركزي بس في اسئلة الذكاء ، بيجيبلك اسئلة ذكاء طيور الاسود ،، وتغريد الفيله

من هالخرابيط ( مع احترامي لهم ) ، انتي رايحه تتفسحين ، وبتختبرين ، جت درجة حلوه اهلا وسهلا ما جت

درجة حلوه ، اخذنا فكرة عنها والجو العام ، والاختبار الثاني بعد ثلاثة اشهر ،، ندخله بكل اريحيه لانه عارفين

طريقة الاختبار السابقة ،، ولو جبتي درجة حلوه خلاص الاختبار الثاني تدخلينه بمعنويات عاليه جدا ، لأنك

إذا حصلتي على درجة عاليه ، فهذا المأمول ما حصلتي عليها ، فالدرجة الأولى حلوه وما فيها مشكلة ..

لا تخافي ،، ولا ترتبكي ولا تشيلي في خاطرك ،، سهالات ،، وبتجيبين في 70 وما فوق وهذا بحد ذاته حلو

جدا جدا في عالم القدرات .. يالله اطردي الخوف والكسل ولابد من تكثيف الاطلاع ، كلها ايام معدودة وترتاحين

لكن بتشعرين بعدين بإحساس غريب جدا ،، وهو أول خطوة للماجستير قطعتيها .. واذكرك .. والله انه كنا

مجموعة من طلاب وطالبات نختبر ، والحمدلله كلنا الآن ندرس ماجستير إلا من رفض لظروفه .. متفائل كثير

موفقه يارب ..

[يآرب وفقني]

^

وربي ياخيي حسيت بدفعه معنويه .. الله يوفقك يارب

بس حلوه طيور الاسود وتغريد الفيله ، قصدك تناظر لفظي صح

الله يسهل يارب ، انا هاليومين والقولون موتمام يوم الثلاثاء مدري وش يصير

[غيم تايه]

&&

والله انها جت الاسود تطير ،، عاد تناظر لفظي او غيره ،، كلك نظر .. والقولون بيكون تمام التمام ..

اعاني من نفس الشيء ، لكن لا تنسي بعد ،، لا تروحين الاختبار وانتي جائعة ،، عليك بشي خفيف

مفطح مثلا .. لانه بتاخذي وقت طويل في الاختبار .. وفي القاعه اطلبي شاهي .. وماء

الشاهي ما اظن يعطونك لكن الماء بيوصلك لعندك // موفقه ان شاء الله .

[يآرب وفقني]

^

طيب مآعندهم صب واي

لا والله مابي لاشاهي ولامفطح

خل ادخل الاختبار وبعدها اتكي في آقرب كوفي

دعواتك لي

[master2012]

المشاركة الأصلية كتبت بواسطة يآرب وفقني

..

الله يجزاك خييير ..

انا سجلت بس الى الان بين اروح اختبر والا لا ، الفظي مو مخوفني كثر الكمي
انا ادبي واحس لاوقفت على مسائل اطول ويبغالي وقت ..
جدآ محتاره وضايق صدري من الكمي


مآستر وش آخبارك اجل ماسجلتي ، شكلي بسوي مثلك وبسحب عليهم هالشهر
المذاكره يبغالها فضاوه وآنا النفسيه عندي موتمام

انا أجلت اختباري ظروفي ما سمحت أني اختبر بهالفتره + أداوم ومافيه وقت مذاكره + ان الكفايات مؤ موجوده بالدمام فليش استعجل والتقديم على الجامعه شهر 3 يعني بعد 8 شهور
امر الله من سعه

[غيم تايه]

يالله بكره الأختبار شدوا حيلكم يا اهل القياس ،، نبي نسمع عنكم الاخبار الحلوه .. موفقين يارب

[يآرب وفقني]

^

انا الثلاثاء دعواتك

الله يستر

[غيم تايه]

^^

والكفايات متى ؟!

[يآرب وفقني]

^

الكفايات ماحطوا عندنا بالشرقيه ..
بخليها ان شاء الله بعدين ، هم ماراح يفتحون بعد شهرين ؟


.

[غيم تايه]

التسجيل بعد شهرين ،، او ثلاثة اشهر .. بكره الكفايات ان شاء الله ،، والثلاثاء قدرات ،،
الله يسهل أموركم وويسرها ويوفق الجميع ...