[ المناقشات ] : || لأصحاب المستوى الـ 6 & 7 & 8 أحلى جدول إختبارات ||

[Dr. Diamond]

المشاركة الأصلية كتبت بواسطة أبـــو راشـــد

تم التسجيل :
القانون التجاري
إدارة المعرفة
مبادىء التوريد
النظم المتكاملة للمؤسسات
ألاخلاق ألاسلامية وأداب المهنة
----------------
والمرفق هو ان شالله اللي بمشي عليه حسب نصيحتك في المستويات القادمة

لا تشغل بالك يابو راشد ، فلو تلاحظ كيف خطتك مشيتها بنفس خطة الجامعة بنسبة 90% وبكذا تكون في الإتجاه الصحيح.
حتى لاحظ كيف جمعت لك أربعة مقررات من مستوى واحد بنفس الترم الذي يخصها ؛ حتى إذا حصل أي تغيير لاسمح الله في جدول الإختبارات بأحد السنوات القادمة تكون أنت ماشي بنفس خطة الجامعة بشكل قريب للغاية إن شاء الله.

أخيرا أتمنى لك التوفيق في خطاك يابو راشد

[lookme]

مشكور اخوي بس انا مصممه على اضافه اداره مشاريع وتاجيل اداره معرفه اقنعني لانهم قالوا الدكتور اسئله سهله وفرصه ارفع المعدل

[أم مجودي]

يادكتور تكفى تكفى باقي لي27 مادة على التخرج ماعندي مشكله اضيف ترم تاسع بس ماابغى سنه وش رايگ اقدر ولالا وربي منحاسه

[أم مجودي]

[img]صومواديرة[موادي/img]

[أم مجودي]

طبعا الترم هدا سجلت18 ساعه وتبقى لي هاذي المواد ادري رح تقولي وضعگ صعبببببب بس ايش اسوي الظروف اللي سوت فيني كذا الا كنت رح ابطل بس رح اكافح حتى اتخررج

[Dr. Diamond]

المشاركة الأصلية كتبت بواسطة lookme

مشكور اخوي بس انا مصممه على اضافه اداره مشاريع وتاجيل اداره معرفه اقنعني لانهم قالوا الدكتور اسئله سهله وفرصه ارفع المعدل

أولاً:
أنا ضمنت لك 5مواد من المستوى الثامن في نفس الترم الخاص بالمستوى الثامن منها 4مواد تحمل معدل 3ساعات ، عشان تكوني معانا في " الدفعة النارية " بمنتدى المستوى الثامن وتشاركين مع الجميع في الكويزات والملخصات في آخر ترم إن شاء الله واللي بتحتاجين فيه تحقيق أعلى الدرجات لضمان رفع المعدل إن شاء الله

ثانياً:
أنا خليت لك مقرر " إدارة المعرفة " في ترم المستوى السادس عشان تفتكي منها الحين دامها بنفس ترمها
وبعد ماتفتكين من كركبة هالترم السادس روحي شوفي كيف وضع المواد في المستوى السابع والثامن مخلي لك كل مابين مقرر ومقرر يوم إلى 3أيام
وبكذا بتبدعين في الترمين الأخيرين أقصد السابع والثامن وتقدرين تحققين فيها إن شاء الله +A إلى B على الأقل بإذن الله

على العموم القرار بإيدك ولا أجبرك بشيء وكلن على هواه وعسى الله ييسر أمورك يا lookme

[Dr. Diamond]

المشاركة الأصلية كتبت بواسطة أم مجودي

يادكتور تكفى تكفى باقي لي27 مادة على التخرج ماعندي مشكله اضيف ترم تاسع بس ماابغى سنه وش رايگ اقدر ولالا وربي منحاسه

المشاركة الأصلية كتبت بواسطة أم مجودي

طبعا الترم هدا سجلت18 ساعه وتبقى لي هاذي المواد ادري رح تقولي وضعگ صعبببببب بس ايش اسوي الظروف اللي سوت فيني كذا الا كنت رح ابطل بس رح اكافح حتى اتخررج

يا أم مجودي قولة تكفى يبي لها شدة حزام

ومهنا صعب إن شاء الله بس يبي لها شغل ، وبإذن الله قبل ما أنام الليلة أبزينها لك باللي أقدر عليه

برب

[Dr. Diamond]

المشاركة الأصلية كتبت بواسطة أم مجودي

[img]صومواديرة[موادي/img]

السلام عليكم ورحمة الله وبركاته يا أم جودي

وضعك مو صعب إلا آل صعب

بس شوفي لا تقولين ليش وإلا كيف أختبر بإختبارات ورا بعض في كل ترم زي إختبار 4 مواد ورا بعض
لأن عندك 5مواد يوم إختبارها في اليوم الـ4 ، وعندك 4مواد إختبارها باليوم الـ6 ، وعندك 3مواد إختبارها في اليوم الـ7 ، فهذي مشكلتك وسويت اللي علي

طيب قبل ما أبدأ لك لازم تعرفين عدة نقاط مهمة وركزي معي:

أولاً/ مجموع ساعات المواد الباقية عليك هي 77ساعة

ثانياً/ بيسمحون لك أول ترمين السادس والسابع إنك تنزلين فقط 18ساعة كحد أقصى من كل ترم (معناتها بتخلصين 36ساعة) ، لكن في حالة إنك خلصت مجموع الأترام 85ساعة بعد المستوى السادس في هذه الحالة تقدرين تزيدين على الـ18ساعة في الترم السابع.

ثالثاً/ بيبقى لك من الـ77ساعة بعد مانخصم منها الـ 36ساعة حقت مجموع الترم السادس والسابع = 41ساعة ؛ السؤال كيف بتوزعينها على الترمين الأخيرين الثامن والتاسع؟

رابعاً/ الجامعة ماتسمح لك في الترم الأخير أي التاسع إنك تنزلين أكثر من 22ساعة ، وبصفة إن الي بقى عليك بعد الترم السادس والسابع فقط 41ساعة ؛ فمعناته لازم تدرسين في الترم الثامن 19ساعة عشان يبقى لك 22ساعة

خامساً/ هل يمكنني إني أنزل 19ساعة في الترم الثامن؟ مو أكيد إلا أكيدين بعد لأن من شروطها إنه لازم تكوني مخلصة 85ساعة ، وإن شاء الله لا خلصت الترم السادس أو السابع تكوني معدية الـ85ساعة ، وبتقدرين تنزلين الـ19ساعة

بخصوص تفاصيل الحد الأقصى من ساعات الترم الأخير والتي هي فقط 22ساعة ، لقيت لك رابط كانوا يتناقشون فيه طلبة منتدى المستوى الثامن على هذا الرابط:
http://www.ckfu.org/vb/t550826-2.html


(( السؤال الأهم الحين ))
س/ هل فيه أمل بأنك تقدرين تتخرجين من المستوى التاسع حسب قوانين الجامعة؟
جـ/ أبشرك والحمد لله لقيت الخطة الأنسب لك وبأسهل الطرق الي قدرت أجمعها لك ، بعد ما إستفسرت عن جميع المواد من ناحية الصعوبة والسهولة ، عشان أشوف أيهم أنسب المواد لحظة تتالي إختباراتها ورا بعض

تلقين في الأسفل ملفين مرفقة ، الأولى رسم الخطة والثانية الأرقام المرجعية لمواد المستوى الـ6 والـ7 والـ8 أما باقي المستويات المتشعترة فتجدينها في الملف الأول باللون الأصفر

وأنصحك نصيحة هامة ، إنه من الترم السابع إهتمي بالمذاكرة قبل الإختبارات بفترة وياحبذا من أول الترم ؛ لأن الترم السادس مافيه مواد ورا بعض ، لكن من الترم السابع حتى الترم التاسع بيبدأ فيه إختبارات أفلام الأكشن

وأعتذر على التأخير وعسى الله ييسر أمورك يا أم جودي وتفرحين أهلك بأفضل النتائج عن قريب

[أم مجودي]

ياروح شيخ الله يوفقگ ويرزقك من حيث لاتحتسب
والله ماانساك من دعواتي
اللي فهمته الترم السابع اسجل مواد باللون الاصفر والثامن والتاسع اي لون

[Dr. Diamond]

المشاركة الأصلية كتبت بواسطة أم مجودي

ياروح شيخ الله يوفقگ ويرزقك من حيث لاتحتسب
والله ماانساك من دعواتي
اللي فهمته الترم السابع اسجل مواد باللون الاصفر والثامن والتاسع اي لون

السلام عليكم يا أم جودي

الصفحة الأولى هو عبارة عن مقرراتك الباقية عليك والي عددها 27 مقرر.

أما الصفحة الثانية فهي المطلوبة وهو ترتيب جداول الأترام الي بتدرسينها من الترم السادس إلى الترم التاسع.

بخصوص المقررات الي تحمل اللون الأصفر ، فهي فقط عشان تبين لك المقررات المتأخرة قبل مقررات المستوى السادس.

يعني الترم هذا لازم تنزلين المقررات الموجودة في الجدول الأول والي يحمل اللون الأحمر كما يلي:
# السلوك التنظيمي
# إدارة الأعمال الدولية
# نظم المعلومات الإدارية
# أساسيات المحاسبة الإدارية
# تعاقد وتفاوض
# القانون التجاري

والجدول الي بعده ويحمل اللون الأزرق هو جدول الترم الي يليه....وهكذا

وبالتوفيق لك إن شاء الله