فصل الثقافة عن الإعلام في وزارتين .. والبت بقيادة المرأة للسيارة .. وأقسام للشرطة والمرور النسائي

[Mnal]

اول كانت دراسه البنت عيب

بلاه هذا منطق شعب يبحث عن التطور والرقي.

[القادم أحلا]

لا ياختي همس اكيد انك سمعتي عن مشاكل سيارات الاجرة اللي في البلاوي
عاد كيف لو ساقت المراة

[هـمـس التميمي]

المشاركة الأصلية كتبت بواسطة مجموعهــ أنسانــ

لا حاجه لقياده النساء السيارات في السعوديه
لا يصح ان اتخرج بدون محرم فكيف تخرجين لوحدك بدون محرم
والحكمه هي الفتن التي ستظهر سيكثر الخطف والتحرش وخلافه لذا خوفاً
على سلامه المرأه ان لا تقود فربما تحبون القياده لكن هو شر لكم قال الله تعالى :
[ وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون ]

يعني الوحده لاطلعت بمحرم ماراح يصيب بها شئ؟

بهالزمن واتكلم من تجربه شخصيه

لازم تكون مواقفها زي الرجال

عشان تصد اي شئ يضرها

ولا تصير حاجتها عند احد

يعني لو صارت بين رجال ماحد يمس شعرها منها

اما اللي تبي شئ ثاني اكيد راح تلقاه

[Mnal]

وذا عن الاختلاط

ليش مايمنعونه بالمستشفيات بالمطارات بالاسواق

ولا الشي اللي يبغونه يصير بس.

[شــــوق]

تصبحوووووووووووووووووون على خير

اقول بس
عطوني خبر اذا وافقوا على قيادة المراءة ,, لاني بقول لابوي يشتري لي مايباخ

[واحد ماله مكرر]

المشاركة الأصلية كتبت بواسطة همس التميمي

ناس وصلت للقمر وتمشّت به

واحنا يا الله رحمتك

محدودين بكل شئ

ونزعل لاقالو من الدول المتخلفه

اش قد كلامك حلوووو


بس ملاحظة


سبب تخلفنا ليس قيادة المرأه او أزمه السكن او او الخ ...


المشكلة عندنا بالفكر والتعليم


وهذه مشكلة معقدة


يعنى فرق لما تشاهدين دكتور اجنبي ودكتور سعودي مع العلم انهم دارسين نفس التخصص وبنفس الجامعة

[هـمـس التميمي]

المشاركة الأصلية كتبت بواسطة mnal

وذا عن الاختلاط

ليش مايمنعونه بالمستشفيات بالمطارات بالاسواق

ولا الشي اللي يبغونه يصير بس.

وانتي الصادقه

المفروض الحريم بديره والرجال بديره

والمتزوجين يسوون بينهم جسر وبه تفتيش

وسين وجيم عشان يتاكدون اذا هم ازواج او لا

[Lion Heart]

المشاركة الأصلية كتبت بواسطة mnal

اول كانت دراسه البنت عيب

بلاه هذا منطق شعب يبحث عن التطور والرقي.

اشوفك شاده حيلك هل انتي سعوديه ولامتجنسه

[هـدوء الليل]

هناك عدت فروق مابين سواقت الحريم والرجال فيما لو ان الحريم ساقوا عندنا
وقلت خلني اسوي مقارنه مابينهم وصراحه طلعت بنتايج حلوه :
- مشاوير
الرجال الى: الدوام + البيت + البقاله + استراحة الشباب .
مشاوير الحريم: الكوفيره + المشغل + السوق + عزاء + عرس + حرمه والد.



- الاغراض المتواجده دائما في السياره :
في سيارة الشباب : شماغ على كرسي + عقال + مناديل معفنه+ قطف دخان ..
سياره الحريم :نقاب + طرحه + مناديل كلها روج + علك نستكه +كعب مكسور+ مجلة سيدتي.



- في تكاية الكرسي :
سيارة الشباب: اشرطة + بكت دخان + ولاعه + نشره+ مسواك + ورقة بلوت .
سيارة الحريم : روج+ كحل + حلاوه نعناع + مثبت شعر+ + مشط مليانه شعر + شباصات.



شنطة السياره :
سيارة الشباب: اوراق وكتب الجامعه + علبة فيري منكبه + معسله + ثياب من اخر طلعت بر .
سيارة الحريم: قاروره مقري فيها + مزيل عرق + فازلين + مرطب+ حبل غسيل +




السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه معاضد يوو تقولين كانها زوجها يغرف فلوس من بير؟




- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه موية لقاح!!



- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .




- اثناء السياقه :
الشباب : مّبعد الكرسي لين اخره كانه منسدح وهو يسوق .
الحريم : ملزقة مقربة الكرسي لين اخره كانها سواق لموزين.



اثناء الانتظار عند اشارة المرور:
الشباب : يلعب بخشمه ويحك حالة حال اول مايقوم من النوم.
البنات : تصلح شعرها.



- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه.
الحريم : متشعبطه في الدركسون بشكل كانه طوق نجات.



- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنات : تعلق عالبوري , وتقول: سارا حبيبتي وش اخبارك




- اثناء كتابه المخالفه :
الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها .
البنات : بلييز الله يخليك لأهلك لا تعطيني مخالفه بليز بليز,, وهي تناقز .





- اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره



- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟, وين العجره بس؟
الحريم : ياحكييييييييييير يا حكييييير ماتشوف زين , رح ياجعل ريح تنشبك في لمبه انشالله.



- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يلعن ام حياة الشقا وين اروح انا الحين ,روحي دربك خضر ؟



- اثناء السياقه واحد البزران يصيح :
الشباب : كل تبن ويالله انطم لا اوقف وامسطك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه ؟

والله مانباها

[Mnal]

انا اتكلم من تجربه

يعني والله ارتحنا وحنا نسوق اعتمدنا على انفسنا نقضي حاجاتنا بروحنا
ماننتظر رحمه اخو ولاسائق .
يعني بدول الخليج نرتاح وهني بلدنا يضيقون علينا والله حاله.