[ مذاكرة جماعية ] : كل م يخص اداره ماليه (1) يوم السبت تاريخ 17/7( هنا جميع الاستفسارات و الاسئله ب خصوص الاختبار ) ...

[لطموحي حكاية]

المشاركة الأصلية كتبت بواسطة maani123

الله يعطيكم العافيه ..
بالنسبة لي ذاكرت من ملخص طموح شايب الجزء العملي واضح وسهل وممتع .. الله يجزاه خير
النظري ركزت على اي كلمه ذكرها في المحاضرات المباشره + المراجعه ال 10 اسئله
باقي لي اسئلة الواجب اذا فيه احد عنده ياليت ينزلها لنا شاكره لكم :)

هنا تلقين أسئلة المراجعه والواجب محلوله و مشروحه

http://www.ckfu.org/vb/showthread.php?t=591262

[رضا 11]

لطموحي حكاية ... يعطيك العافية افهم من كلامك يا اختي ان نسب الاسهم مو معنا ؟؟؟

[ساره ال جابر]

اذا سمحتوا وين احصل الجداول كامله ؟ يعني في ملخص طموح شايب في جدول 3

مو موجوده نسبة 14 بالميه كيف اطلعها ؟؟

[N0000N]

المشاركة الأصلية كتبت بواسطة N0000N

يسعد صباحكم ومساكم

بنتعاون إن شاء الله في كتابة
حلول أسئلة المراجعة العشرة ( موجودة في المرفقات )
إللي كتبها لنا الدكتور مؤخراً << متعوب عليها الكلمة هاذي
وبكتب شرح للحل
مادورت في المواضيع
يمكن فيه أحد قبلي كتب الحلول

السؤال الأول
اقدمت شركة المرزوقي على الدخول في مشروع استثماري يدر عليها مبلغ 1000 ريال بعد سنتين من الان. فما هي القيمة الحالية لهذا المشروع اذا كان معدل الخصم 10 % ؟
أ‌- 826 ريال
ب‌- 1000 ريال
ت‌- 1400 ريال
ث‌- 650 ريال

خطوات الحل
القانون تقول

وش الرموز هاذي يانوووون أشرحها
القيمة الحالية = PV
هي المطلوب إيجادها في السؤال

التدفقات النقدية التي حصل عليها المستثمر = C
مثل ما أنتم شايفين في السؤال التدفقات
هي 1000 ربال

الرقم الموجود بين القوسين هذا رقم ثابت مايتغير خاص بالقانون = 1

معدل الخصم = r
مثل ما أنتم شايفين في السؤال معدل الخصم =10 %

مدة الإستثمار = t
مثل ما أنتم شايفين في السؤال مدة الإستثمار سنتين

كذا فصلنا لكم القانون الخاص بإستخراج
القيمة الحالية

نجي الحين للتطبيق
كولو يصحى معايا
مفيش حد ينام

يله نشغل الآلة الحاسبة
على المود العادي لا تغيرون شئ

نكتب المعادلة بالطريقة هاذي

طبعاً تعمدت ما أكتب الحل
علشان نشوف تطبيقكم للحل
من الإختيارات الأربعة الموجودة في السؤال

بيطلع لكم الحل على شكل كسر
نقوم بتغييره بضغطه على الزر الموجود قدامكم في لوحة مفاتيح الآلة الحاسبة
S<> D

مايك فري

نكمل شرح حل أسئلة التمارين العشرة

جاهزين ؟
طيب بما أن السؤال الثاني صعب على كثيرين
وخطواته كثيرة
بقولكم طريقة مختلفة لحل هذا السؤال
نسميها طريقة نوووون

السؤال الثاني

1- اقدمت شركة الفهاد على استثمار مبلغ 2000 ريال لمده سنتين بمعدل فائدة 10 %. فما هو المبلغ التي ستحصل عليه الشركة بعد سنتين اذا كانت الفائدة تدفع مرتين في العام
أ‌- 2431 ريال
ب‌- 4400 ريال
ت‌- 3000 ريال
ث‌- 2950 ريال

الحل بطريقة نوووون
تذكروها إذا شفتوا في السؤال هاذي الجملة
تُدفع الفائدة مرتين في السنة أو ثلاث أو حتى عشر أو ألف مرة في السنة
بختصر عليكم اللفه الطويلة
بخطوة وحده
بس قبلها بوضح ليه هذا كتبناه كذا
وليه هذا كتبناه كذا
علشان
الواحد ما يدرعم وبس ما يدري وش السالفة

أول شئ السؤال يقول الشركة أستثمرت مبلغ 2000 ريال لمدة سنتين
بمعدل فائدة 10 %
إلى هنا ماعندنا مشكلة متعودين على الكلام هذا
بعدين يقول السؤال أن الفائدة تُدفع مرتين في السنة الواحدة
وهذا الكلام ماتعودنا عليه أو يمكن أنا بس إللي ماتعودت عليه

طيب نبدأ الخطوات تجميع مقادير الطبخة وبعدين طبخها

نحتاج مبلغ االإستثمار = 2000 ريال
نحتاج معدل الفائدة = 10 %
نحتاج مدة الإستثمار = 2 ستوات
نحتاج عدد مرات الفائدة في كامل مدة الإستثمار = 4 مرات
( لأنه السؤال يقول الفائدة تدفع مرتين في السنة الواحدة يعني في السنتين 4 مرات )

مصحصحين معاي ولا طارت الفكره

الحين بعد ما جمعنا المقادير

بكل بساطة نكتب المعادلة هاذي
وعلموني كم تطلع النتيجة

طبعاً معطيات المعادلة من أرقام منين جبتها ؟
هي إللي قبل شوي سميناها مقادير الطبخة
ولونها باللون الأحمر هناك وهنا في المعادلة علشان تعرفونها بسهولة

طبقوا الحل وحلوا السؤال بعد تطبيقكم
وعطوني رائكم
في الطبخة
بكل صراحة

[أبوشوق]

ياجماعية الخير فيه لخبطه صايره معي

الحين

(75000-163000) / 67000 = 1.3 مرة

ولو نحسبها بالالة الحاسبة الناتج

0.76- وكذا رقم ..


الي ملخبطني وشلون يقول الناتج 1.3 !!!

[سارة محمد1433]

الناتج 2431.012
يعني الإجابة رقم أ
يعطيك العافية نون

[زاحفه]

ياجماعه الدكتور ركز ع مسائل المتعلقه بالقيمه الزمنيه للنقود يقول مهمه

وين بأي محاضرة هذي

[ســــارةة]

المشاركة الأصلية كتبت بواسطة زاحفه

ياجماعه الدكتور ركز ع مسائل المتعلقه بالقيمه الزمنيه للنقود يقول مهمه

وين بأي محاضرة هذي

فالمحاضرة الثانية والثالثة ....
بالتوفيق ...

[لطموحي حكاية]

المشاركة الأصلية كتبت بواسطة رضا 11

لطموحي حكاية ... يعطيك العافية افهم من كلامك يا اختي ان نسب الاسهم مو معنا ؟؟؟

ذاكر اللي نزلته وبس والباقي محذوف

[بدر الذيابي]

بالنسبه لاسئلة المراجعه العشره فيه اسئله ما ادري من وين الدكتور اخذها اللي هي 4 و 5 و 7
الله يستر احس ان الدكتور بيلخبطنا لاني ما لقيت لها اجوبه في الملخص ولا المحتوى