[ اللغة الانجليزية ] : New plan .. 3rd year level six

[عشق البنفسج]

المشاركة الأصلية كتبت بواسطة مجنونتها

مرحبا بنات

اول شي مبروك النجاح و الله يعوض اللي حملو مواد ..

بنآت بما انني السنة الجاية رح اكون سنه ثالثة بأذن الكريم ..

ابي كل وحده فيكم تكلمني عن المواد حق مستوى خامس ومستوى سادس

وتعطينا فكرة عن طبيعة المادة عشان نستغل العلطلة ونقرى ونحضر نفسنا للمواد الجديدة

مرحبتين الله يبارك فيك ومبروك لك بعد النجاح

مواد المستوى الخامس

مقال:مادة المقال مرة سهلة مقارنة بـ الكتابة2 رح تدرسوا فيها نوع واحد فقط وهو الارقيومنتتف
هذا النوع يعتمد على قضية مثلاً هل انتي ضد او مع ,,واذكري الأسباب اللي تدعم رأيك
ورح تاخذوا مراجعة عامة لأهم النقاط بكتابة المقال مثل الثيسس ستيتمنت ..والمادة محاضرة وحدة بالاسبوع

فنون المحادثة:هالمادة مرررة روعة وتهبل وتساعدك على تحسين لغتك ونطقك المادة مقسمة لكذا قسم بالبداية رح تاخذوا سيناريو كيف تلعبي دور يعطيك موقف ومعطيات وانتي عليك تتخيلي اش رح تسوي بمثل هالموقف ورح تمثلوه ,رح تاخذوا عن العروض وكيف تسوي برزنتيشن صحيح وشامل, ورح تاخذوا الديبيت يعني موقف او قضية تناقشي فيها بنت ثانية وكل وحدة تطرح رأيها باللي يدعم موقفها والمادة محاضرتين بالاسبوع والاختبار فيها شفهي ومقسم الى برزنتيشن +محادثة

الادب في القرن 17 : هالمادة اسهل من عصر النهضة اللغة بتكون اسهل بالقصائد والثيمز برضو
رح تاخذو شعر+دراما بالشعر درسنا قصائد عن المتافيزيقيا يعني عن حب الله والتعبد وكذا
اما الدراما درسنا مسرحية وحدة وهي she stops to conquer نوع المسرحية كوميدي والادوار والاحداث اللي فيها سهلة وبسيطة والمسرحية قصيرة برضو طبعاً هالمرة المادة محاضرة وحدة بس رح تدرسوا الشعر كبداية ولما تخلصوه تبدأو بالدراما

نشأة الرواية : درستها مع صلاح كان يعطينا تلاخيص ونذاكرها المادة شبيه بالدراما بس ان الرواية اطول شوي بالاحداث والثيمز يبي لها بس تركيز ومراجعة اول بأول المادة رح تاخذوا مقدمة عن نشأة الرواية متى نشأت والعوامل اللي أثرت فيها بعدين درسنا روايتين اللي هي
robinson crusoe&jane eyre
الروايتين حلوات ولهم افلام لو حابة تشاهديهم ^^

صوتيات: المادة مقسمة لجزئين فوناتكس& فونولجي المادة توسع للي درسناه بمادة مقدمة الى اللغويات بتدرسوا الاصوات ومخارجها كيف يتكون الصوت الجهاز الصوتي
انواع الاصوات بعدها بالفونولجي رح تدرسوا الاصوات كيف تتركب مع بعض
المادة حلوة يبي لها تدريب مستمر ومن حسناتها انها تحسن النطق + السبلنغ رح تقدروا تفرقوا بين الفاولز تبع الكتاب المقرر فيه سي دي في تدريبات مرة مفيدة ,,طبعاً محاضرتين بالاسبوع

نظرية الترجمة: هالمادة دسمة ويبي لها حفظ كلها نظريات وتعاريف وتعداد عن تعريف الترجمة وانواع الترجمة وبعض نظريات العلماء في الترجمة ,,محاضرة وحدة بالاسبوع ونصيحة احفظي اول بأول عشان لا يتراكم عليك الحفظ بالنهائي

الفكر والثقافة: هالمادة عبارة عن فلسفة رح تدرسوا الفلاسفة من قبل الميلاد اللي هم ارسطو وافلاطون وسقراط وفلسفاتهم وصولاً الى القرن الـ16 او 18 كل عالم وله فلسفاته الخاصة اخذنا تقريباً 20 فيلسوف او اكثر درست المادة مع د.لمياء المبارك ماكان فيه كتاب مقرر طبعاً المادة يبي لها جهد وتعتمد على تنظيم كل عالم ونظرياته يعني رتبي كل محاضرة اول ماتاخذيها عشان تسهل عليك المادة ومذاكرتها,,وبرضو محاضرة واحدة فقط بالاسبوع

المستوى السادس

ترجمة انواع النصوص:مررررة ممتعة المادة وتفيد بالفوكاب حلوة مرة وسهلة يبي لها بس تدريب رح تترجموا نصوص سياسية+اقتصادية وكم نص علمي كل محاضرة تترجموا نصين واحد من عربي الى انجلش وواحد من انجلش الى عربي ,,محاضرتين بالاسبوع المادة سهلة بس يبي لك تترجمي النصوص اللي مطلوبة أول بأول وحاولي تشاركي قدر الامكان عشان تتحسن ترجمتك

اللغويات التطبيقية:عن كيفية اكتساب اللغة كيف تكتسب اللغة الام واللغة الاجنبية طرق تدريس لغة ثانية ونظريات وطرق للتدريس يعني المادة حلوة نوعاً ما يبي لها دكتور يشرح ويساعد فهم+حفظ ,,محاضرتين بالاسبوع

علم الدلالة و المعاني:المادة قسمين سيمانتكس تدرسوا المعنى الظاهر للجمل ايش الفرق بين الجملة والقول انواع العلاقات بين المعاني مثل الترادف والتضاد وغيرها,,البراقماتكس المعنى اللي يقصده القائل او الخفي برضو انواعه وتعريفه مرة سهلة المادة فيها جزء حفظ وجزء براكتس
..محاضرة وحدة بالاسبوع

النحو والمرفولوجيا:المادة مقسمة برضو لجزئين المرفولوجيا رح تدرسوا بالضبط اللي اخذتوه باللغويات المورفيمز الباوند والفري وكم معلومة بسيطة اضافية ,,النحو اللي هو السينتاكس رح تاخذوا تحليل الجمل والعلاقات بين الكلمات بالجملة الوحدة المادة فيها جزء تعاريف وحفظ وجزء تدريب النحو هو اللي فيه صعوبة شوي ويبي له تدريب اكثر ,,ومحاضرة وحدة بالاسبوع برضو

الرواية الحديثة:نفس نشأة الرواية ندرس روايتين اهم الاحداث+الثيمز+الشخصيات
الروايتين هم Dubliners عبارة عن مجموعة قصصية درسنا منها 4 قصص
وهم ,The sisters,Eveline,Ivy Day in the committee room,The Dead
الرواية الثانية هي to the lighthouse

الشعر الانجليزي من رومانسي الى الحديث:رح تدرسوا 3 فترات او 3 عصورمن الزمن والشعر فيهم اول عصر العصر الرومانسي يتكلم عن الطبيعة والجمال وغير/العصر الفيكتوري عن القيم والاخلاق/العصر الحديث من ضمنه رح تدرسوا شعر الحروب اللي نشأ بالحرب العالمية
اسهل برضو من الشعر اللي قبل بس انه فيه قصائد اكثر لآنه رح تدرسوا شعر فقط ومقسم الى 3 عصور يعني يبي له مراجعة اول بأول,,ومحاضرة وحدة بس بالاسبوع



عامة سنة ثالث اسهل من سنة ثآني بالقسم وبديت اتعود اكثر ع المواد ودراستها خصوصاً المواد الادبية,,المواد اللي فيها صعوبة الفكر+نظرية الترجمة يبي لهم دكتورات متعاونات ويشرحوا بأمانة
ويبي لهم جهد اكثر ومراجعة أول بأول


وبس ..الله يوفقنا جميع

[مجنونتها]

مشكورة حبيبتي عشق واتمنى الكل يشآركني بتجربتة

[Princess Sara]

بنات
متى يبدا التسجيل للسنة الجاية ؟

[ρĬńҝ]

السلام عليكم
أخباراكم بنات ويا ألفيكاشن
بغيت استفسر عن رفع التظلم وين اروح و كيف
وهل راح علي الوقت لأني كنت افكر انه بعد من داوم

[Princess Sara]

بنات وين اقدر اشوف معدلاتي ؟

[S w e e t y]

هآيْ بَنآت أنآ من كلية الآدآب الحسسآ

أبغى أسألكمْ عن الدكتورآت والدكآترة للأنجلش عندكمْ وش رآيكمْ فيهم بشكل عآم ...تحسون يظلمون كثير ؟

خآصصه مآدة اللغويآت .. زينين اللي عندكم ..وإلآ مثل اللي عندنآآ

[شيطونه لطوف]

بنات منو خلص سنه ثانيه انقليزي ويبي يبيع كتبه بنص السعر يكلمني

[ام فطوم]

سلاااام بنات اذا ابتدى التسجيل المواااد بليز بلغونا هنااااااا

[yuuki]

المشاركة الأصلية كتبت بواسطة S w e e t y

هآيْ بَنآت أنآ من كلية الآدآب الحسسآ

أبغى أسألكمْ عن الدكتورآت والدكآترة للأنجلش عندكمْ وش رآيكمْ فيهم بشكل عآم ...تحسون يظلمون كثير ؟

خآصصه مآدة اللغويآت .. زينين اللي عندكم ..وإلآ مثل اللي عندنآآ

اذا انتي بالحساء ليه تسألين عنا تبين تحسدينا hehehehehehe

راح اقولك الظالمين بكل مكان LOL

[yuuki]

المشاركة الأصلية كتبت بواسطة ρĬńҝ

السلام عليكم
أخباراكم بنات ويا ألفيكاشن
بغيت استفسر عن رفع التظلم وين اروح و كيف
وهل راح علي الوقت لأني كنت افكر انه بعد من داوم

انا قد رفعت تظلم مرتين وكلهم رحت اوووول يوم بالدوام .. مدري اذا اتغير الوضع !