[ جميع الأقسام ] التحويلْ !

[Fair]

بنات جزاكم الله خير ()
انا في الاداب كيف احول التربية ؟
ايش المعدل المطلوب ؟
وش الإجراءت اللازمه
الله يسعد اللي بترد علي :(

[رَبآبْ]

لازم 25 ساعه دارسه
والتربيه ماحولو الا اللي معدلاتهم 4 ونص وفوق
انا اربعه وفاصلتي اقل كم من النص وماحولوني

مازلت انتظر

[رَبآبْ]

تاخذين ورقة تحويل من الكليه وتعبينها وتودينها الجامعه قسم الرجال
ومكتوب فيها شنو تودين لهم

[Fair]

من وين اخذها
اي مبنى وكم رقم الغرقه

[رَبآبْ]

١٠٣
القبول والتسجيل
اللي قبال الدرج فوق
مادري كم رقم الغرفة بالضبط

[مايا سعود]

انا بحول من كلية العلوم والاداب للاقسام العلميه بالقصيم ..الرس
لكلية العلوم والاداب بالاحساء

متى يبدا التحويل بنقل الترم الثاني
كيف الطريقه ساعدوني
والله تعبت ومليت من هالسالفه من منتدى لمنتدى
الله يوفقكم ساعدوووني

[مايا سعود]

ابي اعرف شنو اقسام عندكم
لحولت احتمال اغير تخصصي
يعني كل قسم وكم معدل يبي لو بحول من اعداد علوم طبيعيه

بس اهم شئ الكليه بالاحساء كم تبي معدل حتى تقبلني

[Yoki]

المشاركة الأصلية كتبت بواسطة مايا سعود

انا بحول من كلية العلوم والاداب للاقسام العلميه بالقصيم ..الرس
لكلية العلوم والاداب بالاحساء

متى يبدا التحويل بنقل الترم الثاني
كيف الطريقه ساعدوني
والله تعبت ومليت من هالسالفه من منتدى لمنتدى
الله يوفقكم ساعدوووني

المشاركة الأصلية كتبت بواسطة مايا سعود

ابي اعرف شنو اقسام عندكم
لحولت احتمال اغير تخصصي
يعني كل قسم وكم معدل يبي لو بحول من اعداد علوم طبيعيه

بس اهم شئ الكليه بالاحساء كم تبي معدل حتى تقبلني

احنا عندنا كلية العلوم (كل اقسامها علمي ) ما أعرف شهادتهم تربوية أو لأ . .
كلية الاداب ( أقسامها أدبي ) شهادة غير تربوية.
كلية التربية ( اقسامها أدبي ) شهادة تربوية.

إذا تبين كلية العلوم , أقسامها : رياضيات , كيمياء , فيزياء و احياء .
أفضل شيء انك تتصلين تستفسرين منهم عن الاقسام المتاحة حاليا و ايش المطلوب منك للتحويل ,
هذي ارقامهم : http://www.kfu.edu.sa/ar/Colleges/Sc...Section_4.aspx


و إذا قصدك كلية الآداب , أقسامها : اللغة الانجليزية (لازم اختبار قبول) ’ اللغة العربية ’ علم الاجتماع والخدمة الاجتماعية (لازم اختبار قبول )
’ الدراسات الاسلامية ’ التاريخ ’ الجغرافيا و النظم الجغرافية . والقسم الجديد : الاتصال و تقنية الاعلام .
ارقام كلية الآداب للاستفسار : http://www.kfu.edu.sa/ar/Colleges/ar...ContactUs.aspx


و فيه كلية التربية أقسامها : التربية الخاصة , رياض الاطفال , التربية الفنية < مو متأكدة أذا سكروا أحد الاقسام أو راح يسكرونه ... البنات عطوني معلومات مختلفة .
أرقام كلية التربية : http://www.kfu.edu.sa/ar/Colleges/Ed...ContactUS.aspx


+ مقتبس من شروط التحويل :

لمجلس الكلية أن يسمح بقبول تحويل الطالب للجامعة من جامعة أخرى وفقاً للضوابط التالية:
أ) أن يكون قد أمضى فصلين دراسيين على الأقل في الجامعة التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة.
ب) أن لا يكون منقطعاً عن الدراسة من الكلية التي يرغب التحويل منها.
جـ) أن لا يقل معدله التراكمي عند التحويل عن (3.0) من (5.0) أو ما يعادلها لكليات الجامعة و (3.75) من (5.0) للكليات الصحية.
د) أن يدرس الطالب في جامعة الملك فيصل مالا يقل عن 50% من متطلبات التخرج ولمجلس الكلية الاستثناء من ذلك.
هـ) أن يتقدم الطالب بطلب التحويل قبل بدء الفصل الدراسي الذي يرغب التحويل إليه بخمسة أسابيع على الأقل.
و) أية شروط أخرى يحددها مجلس الكلية.

رابط شروط التحويل كاملة : http://www.kfu.edu.sa/ar/deans/admis.../transfer.aspx

إن شاء الله أفدتك , بالتوفيق ^_^

[مايا سعود]

شكرا الله يجزاك خير
ويوفقكك ��

[moon_night]

كلية الاداره الغو التحويل لها صار نظامها يتبع السنه التحضيريه
انا قدمت تحويل وقالو هيك يعني تقبل بس اللي تو مخلصين ثانوي فقط ..