[ الكيمياء ] : استفسار عن دكاترة الكيمياء

[نادرة الوجوود]

رايكم ب بدرية الحسين للنظام الاجتماعي؟؟

[fatoom.]

بنات شنو رايكم بأسامه عبدالحميد تفاضل وتكامل

[Tee]

المشاركة الأصلية كتبت بواسطة fatma111

بنات شرايكم بدكتورة مشاعل الخالدي للفيزيائية

نور افضل منها من حيث الدرجات

[fab]

بنات شرايكم ب دكتوره مديحه كمون ؟
كنت بسجل عند د.مشيره بس قفل :(

[Bashair al_zh]

بنات وش رايكم مادة تفاضل وتكامل مع د/منى كراطو!!

[fab]

بنات د.عائشه الوهيبي شرايكم فيها مالقيت عنها شي ؟

[SSnoura]

المشاركة الأصلية كتبت بواسطة ssnoura

السلام عليكم بنات حابة اسأل عن حصة المظفر كيمياء حيوية 1 اذا كويسه اظطريت اخذ معها لانها الوحيدة اللي تناسب جدولي :(

بليز احد يرد :(

[Chem Dodi]

السلام عليكم ..
هاذي أول مشاركة لي ومن العيار الثقيل هههههه
حابة اتكلم عن دكتورة مشيرة بالتحديد.
الرد هذا أخاطب فيه أي بنت (ما عندها تجربة مع الدكتورة) سجلت عندها وفي امكانية تاخذ عند غيرها وكمان الي مسجله عندها وما عندها فرصة تغير لأي سبب كان عشان تكون على بينة وتعرف كيف تمشي مع الدكتورة إن شاء الله . أنا سألت كذا بنت عنها جربوها عشان ما يكون الكلام من ناحية شخصية والله يقدرني أكون تكلمت بشكل وافي وما أكون ظلمت الدكتورة بشي .
دكتورة مشيرة من ناحية الشرح شرحها وااافي وتفصيلي ، تشرح لك كل المنهج وكل النقاط وشرحها مفهوم ما شاء الله ماا تفوت شي وتدخلين الاختبار سواء أعمال سنه أو نهائي وتقريبا ضامنة إن شاء الله إن كل شي مشروح لك وموضح لك . بالدرجات ما أقووول إنها تساااعد وتكب الدرجات ولكن تعطيك حقك ما تظلمك وإذا قدمتي لها مشاركة معينة تفيدك في حال احتجتي درجات وفي بنات لاحظوا إنها ساعدتهم بالنهائي كثير .
تجي ما شاء الله قبل وقتها بخمس دقايق وتاخذ وقتها كاامل إلى اخر دقيقه ههههه وطول المحاضرة شرحها متواااصل وكثيف جدا ( محاضراتها ثقيله ) أحس مبدأها إنه أنا عندي منهج مطلوب مني اشرحه كامل وخلاص تشرح بدون مراعاة إن الطالبات اكتفوا من معلومات محاضرة اليوم وكنا إذا قلنا لها خلاص وكذا وتعبنا تعصب ( ما تحب الدلع ، تبي بنات للعلم لا يسأمون من العلم هاها ) . إذا شافت الوقت قرب ينتهي وهي ما كملت لحد النقطة إلي تبي توقف عندها اليوم فالله المستعاااان تصير سريعة بالشرح ما تقدرين تلحقين معاها اذكر كنت اوصل لمرحلة أصدع واعصب واقعد طول اليوم معصبة بسبب هالشي . لو كان تسجيل المحاضرات مسموح بالكلية ما بحس بكذا لأن بكون ضامنه عندي شرحها اقدر ارجع له في حال كانت هناك نقطة ما كتبتها معاها وبركز عالفهم أكثر ( كانوا في بنات يسجلون بجوالاتهم حتى مرة كانت وحده جنبي تركز وتكتب معاها الي تلحق عليه وإذا ما قدرت تلحق وتكتب تحط نجمة ههههههه قزيتها هههههههه ) طبعا هالشي يأخذ الوقت والجهد ولكن حلو لأن كانت الدكتورة تسرع وانا بلحظتها أبي اكتب معاها وأفهم أستوعب فطبيعي بصدع وبتعب .
إلي سجلت عندها تكتب كل كلمة وبأول محاضرة بتقول لكم أصلا كل كلمة أقولها مهمه .
بخصوص طبعها أحيانا تكون حبوبة وغالبا معصبة أحس مو عاجبها حال المجتمع وتنظر للطالبات إنهم مستهترات دلوعات طبعا باستثناء الطالبة المجتهده والي درجاتها تمام معاها تحترمها وتعاملها كويس مررة . أسلوبها مو مررة وااو وإذا أحد سألها سؤال ما عجبها تحرج مررة أنا كنت اتحاشى أسألها ههههههه .

الدكتورة مو متطلبة كثير تذكر كم سؤال بالمحاضرة وتقول واجب وتحدد بعدين يوم لتجميع الواجبات وأحيانا كانت تذكر سؤال الواجب وتحله بنفس الوقت ههههههه ( من أجمل لحظات المحاضرة ) وببداية المحاضرات تكون تسأل عن المحاضرة السابقة وتحط درجات المشاركة وبعدين تبطل ، حلك للواجب لازم يكون كامل مو تسليك وتقدمين لها الواجب مرتب نظيف وهذا شي مقدور عليه .

أخذت معاها 3 مواد ونجحت الحمد لله بتقدير ممتاز الحمد لله ما شفت منها ظلم كل المطلوب منك هو التوكل على الله ثم الاجتهاد .

هذا تقريري عنها وحرصت إني أتكلم عن طريقتها أكثر من التركيز على ناحية مشاعري تجاهها أو احساسي أنا فقط .
فانتي شوفي هل أيجابيات الدكتورة هي الأمور الي تسعين لها باختيارك للدكاترة وسلبياتها ما راح تؤثر سلبا عليك ؟ إذا كذا فأنا انصحك تاخذين معاها بدون تردد والله يوفقك .
في بنات اعرفهم ما تقبلوا طريقة الدكتورة وأثر ذلك على درجاتهم وف بعض البنات مو من النوع العاطفي أو إلي يؤثر فيهم أسلوب الدكتور .
الدكتورة لو بيدي احسن مستواها في تقديم المادة ودي أنها تحرص وتحاول تخلي الطالبة تتقبل المادة خصوصا إن بعض المواد ثقيلة ودسمة ولما تكون نفسية الدكتورة مضبوطة وتحرص تحببك بالمنهج راح يوصل هالشعور للطالبة لأن طاقتها ايجابية بتكون .

وارجع أقول إلي هدفها منهج كامل ومفهوم + عدم ظلم بالدرجات + اختبار لا يخرج عن شرحها ، دون النظر لطريقة المعاملة والأسلوب وكل هالأشياء ( طبعا بعض البنات يتقبلون أسلوب الدكتورة ويحبونها هذا يختلف من وحده للثانية ، أنا ما كنت أحب أسلوبها ولكن أتقبلها جدا) فالدكتورة إن شاء الله راح تناسبك .

[al7an]

مسساء الخير ..بسألكم ..
كيف دكاترة الكيميا الكهربية ؟؟
د. أيمن زكي - د. عدنان منصور - د. مشاعل الخالدي

[Fatmah12]

السلام عليكم ورحمة الله وبركاته

بسال عن دكاترة الحركية
د نهاد العمير و د ايمن زكي و د جواهر الغامدي

وكيف المادة ؟ زي الفيزيائية ؟

وكمان كيمياء ضوئية

د فادي الاخرس و د نور الدين

هل المادة سهلة ؟

الله يوفقنا اجمعين