[ موضوع عام ] تجمع طلاب المستوى الثاني - ادارة اعمال

[إنْتِهَاكْة حَرفْ]

_



لاني ابغى احول انا بعد المستوى الثاني ولازم معدل عالي وعشان كذا تهزأت
قبل اختبار الرياضيات بيوم رحت الرياض عشان ملكه اخوي وما راجعت عشان كذا جبت العيد وحملت هالماده
وانا مخلصه الماده من زمااااااان مع المدرسه طبيعي يعني احتاج مراجعه ولا راح انسى بعض الاشياء
وبالاخير يقول انا ما ذاكرت , والسهر واحتجاجي على وقت الملكه ذا وش اسمه
اهمال مني انا من وجهه نظر ابوي
دام انا مهمله ويشوف اني ما اذاكر وانه يدفع علي فلوس عالفاضي ليه ما اسحب اوراقي

[اهلاوي ملكي]

المشاركة الأصلية كتبت بواسطة cherry blossom

السلام عليكم والف مبروك اخوتي واخواتي وانشاء الله تكون النتائج مرضية للجميع وعندي استفسار لما ادخل عشان اسجل المقررات اختار الترم الاول ولكن تطلعلي رسالة)please setup the default campus and location for the student academic program: %1 from uoda customizationممكن احد يساعدني جربت ثلاث متصفحات وتطلعلي نفس الرسالة وش اسوي شكرا لكم

بالانقليزي يقولوا الدكان مقفل راجعونا صباح الاثنين وانتي الله يهديك تبي تفزرين الباب وتهدين الجدار بثلاث مصفحات وش ذا الحماس اللي على غير سنع ! :s_45: لاحقه خير هدي السرعة امامك تحويله

[سطام اللعنزي]

المشاركة الأصلية كتبت بواسطة اهلاوي ملكي

بالانقليزي يقولوا الدكان مقفل راجعونا صباح الاثنين وانتي الله يهديك تبي تفزرين الباب وتهدين الجدار بثلاث مصفحات وش ذا الحماس اللي على غير سنع ! :s_45: لاحقه خير هدي السرعة امامك تحويله

حلوه اهلاوي

[اهلاوي ملكي]

المشاركة الأصلية كتبت بواسطة إنْتِهَاكْة حَرفْ

_



لاني ابغى احول انا بعد المستوى الثاني ولازم معدل عالي وعشان كذا تهزأت
قبل اختبار الرياضيات بيوم رحت الرياض عشان ملكه اخوي وما راجعت عشان كذا جبت العيد وحملت هالماده
وانا مخلصه الماده من زمااااااان مع المدرسه طبيعي يعني احتاج مراجعه ولا راح انسى بعض الاشياء
وبالاخير يقول انا ما ذاكرت , والسهر واحتجاجي على وقت الملكه ذا وش اسمه
اهمال مني انا من وجهه نظر ابوي
دام انا مهمله ويشوف اني ما اذاكر وانه يدفع علي فلوس عالفاضي ليه ما اسحب اوراقي

والله يابنت الحلال هذه مشكلة شوي محرجة ماودي اقول شي بس عاد ماحلت لهم الملكة الا وقت الاختبارات يعني الدنيا ماهي طايرة .. عموما قدامك حلين لا ثالث لهم ام انك تسحبين على ام ام الجامعة بلا جامعة بلا قرف وطري عمرك وفليها او انك تعوذين من شياطين الانس والجن وتقول اللي صار امر ومكتوب وتحطي الاخفاق في المادة تحت رجليك وتصعدي على هذه العثرة وتكملي بحماس مع نفس مجموعتك الحية والنشطة والحي يحييك
الاختيار الاول من شغل ابليس والمتضرر الوحيد انتي لن تعاقبي اخوك او ابوك وانما في حقيقة الامر تعاقبي نفسك
اما الخيار الثاني فهو خيار العقل والحكمة ان لاتتركي مجال للتعثر او الاحباط واجعلي من الضعف قوة وانطلقي ولا تلتفتي خلفك بل واصلي

[سطام اللعنزي]

المشاركة الأصلية كتبت بواسطة اهلاوي ملكي

انا اليوم زعلان ومرعوب
تلقفت ورحت اشيك على درجاتي مع اني عارفها وحافظها يعني بس اذية
لكن لقيتهم حاطيني في الانقلش اف الله يروحهم طيب ليه اف وانا ماختبرت مع انهم وعدوني اختبر المادة مع المعتذرين
بدء الفار يلعب بعبي لايكون زحلقوني وافدعوا فيني وحملوني المادة المشكلة ماحددوا لي موعد للاختبار قالوا روح وحنا نرسلك رسالة .. والله مادري وش السالفة لكن اتحدى دكتور كباريتي اذا مااخذ اقل شي a لويكتب الانقليزي بالصيني حرام والله احمل مادة متمكن فيها بقوة بسبب تبديل جدول وماهي اي مادة 5 ساعات يعني نص المقرر
قتلني الانتظار واحترت في امري معدلي الان خفس وصار 3 بدون الانقلش هل يحق لي اخذ مواد الخطة 17 ساعة + 5 ساعات الانقليزي = 22 ساعة في حالة بنطوا في وكرشوني وماختبروني
يعني لازم اضع اسوء الاحتمالات ... بليز هلب .. ضاقت بي الوسيعه واللي عنده فكرة اكيدة يخفف علي هالحمل اللي شايله ومضيق صدري والله بهالحركة طيروا النوم من جفوني وعسى بس مارحت طعام جحوش

اخوي اهلاوي وكل امرك لله هو قريب ==== واتركي الشكوك ترى لا تودي ولا تجيب
افضل علم ليه ما تلجا لربك هو يجيب ==== ادعى وانا اخوك وربك هو عليم ويجيب
بعد الفرح ضاق خاطري وانا الان كئيب ==== بسبب همك تحسبني انام وانت كئيب
اسف اهلاوي بس اتوقع وانا اخوك انه لازم يجي لك حرف f لان العملية الكترونية واضحة لا تضيق صدرك وانا اخوك واحمد ربك واتوقع ان العميد مستحيل يتراجع بكلمته
الله يوفقك وانا اخوك
اخوي اهلاوي مشكلتي ما ارد الا بقصيد === والعلم الله انها واضحه من مضمونها

[صَعب]

المشاركة الأصلية كتبت بواسطة اهلاوي ملكي

انا اليوم زعلان ومرعوب
تلقفت ورحت اشيك على درجاتي مع اني عارفها وحافظها يعني بس اذية
لكن لقيتهم حاطيني في الانقلش اف الله يروحهم طيب ليه اف وانا ماختبرت مع انهم وعدوني اختبر المادة مع المعتذرين
بدء الفار يلعب بعبي لايكون زحلقوني وافدعوا فيني وحملوني المادة المشكلة ماحددوا لي موعد للاختبار قالوا روح وحنا نرسلك رسالة .. والله مادري وش السالفة لكن اتحدى دكتور كباريتي اذا مااخذ اقل شي a لويكتب الانقليزي بالصيني حرام والله احمل مادة متمكن فيها بقوة بسبب تبديل جدول وماهي اي مادة 5 ساعات يعني نص المقرر
قتلني الانتظار واحترت في امري معدلي الان خفس وصار 3 بدون الانقلش هل يحق لي اخذ مواد الخطة 17 ساعة + 5 ساعات الانقليزي = 22 ساعة في حالة بنطوا في وكرشوني وماختبروني
يعني لازم اضع اسوء الاحتمالات ... بليز هلب .. ضاقت بي الوسيعه واللي عنده فكرة اكيدة يخفف علي هالحمل اللي شايله ومضيق صدري والله بهالحركة طيروا النوم من جفوني وعسى بس مارحت طعام جحوش

إن شآء الله إنها خيّره اهلاوي ،، صدمني خبر إن الإختبار فاتك وأنت صباح يوم الإختبار مسوي مراجعه لبعض الأسئله والعالم في حوسة بالتجمع والكل متوتر و على أعصابه !!

على كل حال حليت أطمنك وأقولك ريحك راسك طالما قالوا بيخلونك تختبر في الإعاده مع المعتذرين والـ f مو مقياس من عدمه إنه ما راح يختبروك وإنهم يصرفونك لأسباب كثير ، أولها وأهمها إنه أنت ما قدمت عذر وهذي لها إجراء معالجه خاص فيهم .. أهم شي تتابع معهم بإستمرار حتى لا تسقط سهواً من قوائم المعتذرين .. بالنسبه لمعدلك يسمح لك تاخذ المواد كلها حق مستوى 2 + الانقلش لو نزل لأن الحد الأقصى هو 23 ساعه ..

آلمني خبر إن الإختبار فاتك كثير خصوصاً إنه الانقلش لأهميته .. تمنياتي لك بالتوفيق والرضى التام عن قريب بإذن الله تعالىٰ ..

المشاركة الأصلية كتبت بواسطة جمانة النبيه

^

كأن قرأت في مادة هدية :|

أختار اي مادة أبي يعني ؟ حتى لو ساعاتها كثيرة ؟

هديه .. هذي جديده جمانه ما مرت علينا !!

وين قريتي الكلام ذا ؟

.

المشاركة الأصلية كتبت بواسطة hsh

لو سمحتوا .. اقدر اسويلي جدولي الخاص بحيث يستوفي الحد الادنى للساعات 12 ساعه..
ولا لازم اخد نفس مواد السمستر الثاني واضيف عليها؟؟

لاني سويتلي هذا الجدول للسنتين اذا الله احيانا.. واتمنى اقدر امشي عليه ؟

السمستر الثاني:
رياضيات
محاسبه1
تسويق
مباديء ادارة
(12 ساعه)

السمستر الثالث:
اقتصاد جزئي
محاسبة2
اخلاقيات العمل
النظام الاجتماعي في الاسلام
عقيدة واخلاق
(13 ساعه)

السمستر الرابع:
اقتصاد كلي
احصاء للادارة
النظام الاقتصادي في الاسلام
النظام السياسي في الاسلام
مهارات كتابة
(12 ساعه)

السمستر الخامس:
مباديء ادارة
طرق البحث
القانون التجاري
مهارات ادارية
(12 ساعه)


وهل اقدر اخذ اقل من 12 ساعه؟؟ مثلا 10 ساعات بيكون افضل

تقدرين أكيد ، بس على كذا يبيلك ست سنوات تخلصين الجامعه ..!

المشاركة الأصلية كتبت بواسطة سماهر.

طيب انا حملت الرياضيات اقدر اخذه مع باقي المواد ومعدلي 3 ؟

تقدري تاخذينها سماهر ، ولكن إحسبي حسابك إنك ما راح تقدري تسجلي الرياضيات للادارة ، لأنه يحتاج مبادئ الرياضيات ك متطلب أولي ..

المشاركة الأصلية كتبت بواسطة aneen alro7

يعطيكم العافيه جميعا
انا طالع لي gba=2,922 بعدين 2,920
ايهو يكون المعدل فيهم
ومسموح لي اني امشى مع الجدول المرسوم من قبل الجامعه اولا؟؟
ولكم جزيل الشكررررررررر

ما فيه فرق كبير بين الرقمين أنين ومثل ما قالولك شيلي الصفر الثالث بعد الفاصله ..
نعم معدلك يسمح لك حالياً تسجلي مواد السمستر الثاني كامله حسب خطة الجامعة ، لكن لازم تعرفي ان كل سمستر يخضع لمعدل الطالب اللي هو حصل بالدرجة الأولى

[نوف العنزي--]

هاي يسعد صباحكم اخر يوم بدخل الملتقى لظروف صارت لي امس المهم اذا صرتو في المستوى الرابع لي باك

[اهلاوي ملكي]

المشاركة الأصلية كتبت بواسطة سطام اللعنزي

اخوي اهلاوي وكل امرك لله هو قريب ==== واتركي الشكوك ترى لا تودي ولا تجيب
افضل علم ليه ما تلجا لربك هو يجيب ==== ادعى وانا اخوك وربك هو عليم ويجيب
بعد الفرح ضاق خاطري وانا الان كئيب ==== بسبب همك تحسبني انام وانت كئيب
اسف اهلاوي بس اتوقع وانا اخوك انه لازم يجي لك حرف f لان العملية الكترونية واضحة لا تضيق صدرك وانا اخوك واحمد ربك واتوقع ان العميد مستحيل يتراجع بكلمته
الله يوفقك وانا اخوك
اخوي اهلاوي مشكلتي ما ارد الا بقصيد === والعلم الله انها واضحه من مضمونها

صح لسانك اخوي سطام لاخلى ولا عدم
ريحتني الله يريح بالك انا شفت المروحه ال f اللعينة وقامت رجلي تصافق في بعضها
اوجست خيفه وماقدرت اتحملها الصدر ضايق وانا خوك قلت اطلعها وارتاح ولا انا ثقتي بالله مالها حدود بس هذا من
شغل ملعون الجدف ابليس الخسيس هو وراء كل فتنة وفزع ومصيبة

[اهلاوي ملكي]

شكرا صعب اذا النظام يسمحلي ب 22 ساعة اجل الهم طاح وتكسر
الاثنين باذن اللي اذا فتحوا دخلت وتقضيت وترست السلة ماني مخليلهم شي على الرفوف .. اجل اموري بالسليم والحمد لله .. كذا زال الخطر

[moony_dal3]

المشاركة الأصلية كتبت بواسطة cherry blossom

السلام عليكم والف مبروك اخوتي واخواتي وانشاء الله تكون النتائج مرضية للجميع وعندي استفسار لما ادخل عشان اسجل المقررات اختار الترم الاول ولكن تطلعلي رسالة)please setup the default campus and location for the student academic program: %1 from uoda customizationممكن احد يساعدني جربت ثلاث متصفحات وتطلعلي نفس الرسالة وش اسوي شكرا لكم

لان التسجيل بيفتح يوم الاثنين 😊