سجل حضورك اليومي بكتابة بيت من الشعر

[حمودي القمر]

المشاركة الأصلية كتبت بواسطة فيونكه..

مشكووور بختاره خلاااص مدامه سهل واذا على المستقبل ماهمني اصلا
ادرس وانا مابي

مشكوور مره ثانيه

ولو يالغلا العفو هذا واجبنا نصيحه مني لا تدخليه ما ودي يضيع مستقبلك وتقعدين بالبيت كم سنه

وبث

[فيونكه..]

سجلت خلااااااااااص

[حمودي القمر]

مع ان ما ودي انك تدخليه بس خلاص الله يوفقكـ وانشاء الله تلاقين فيه فرص عمل وتذكري الخيره في ما اختاره الله سبحان وتعالى ربي يوفقك ووفق الجميع

[فيونكه..]

مشكوور حمودي

[حمودي القمر]

المشاركة الأصلية كتبت بواسطة فيونكه..

مشكوور حمودي

العفو يا فيونكهـ هذا واجبنا

[حمودي القمر]

قصيدة ياغريب الدار لخالد الفيصل
غريب الدار

غريب الدار ومناي التسلي

اسلي خاطري عن حب خلي

سمعت الشور من قاصر معرفه

يحسب البعد عن داره يسلي

اسافر عنه من ديره لديره

عساي اسلاه لكن ماحصل لي

اهوجس فيه وانسى انّي نسيته

وافكر في ليال قد مضن لي

انا لاجيت ابانساه التوى بي

خياله وانهمر دمعي يهلي

واشوفه واقف من دون دمعي

حبيب القلب في عيني يهلي

دعاني ياغريب الدار عود

ترى مالك محل الا محلي

مكانك في عيوني ياعيوني

وقلبي من غرامك مايملي


الرد على قصيده خالد الفيصل
ياغريب الدار من دارك لفيت

أنقل الأشواق واحمل لك سلام

كل روض وكل طعس وكل بيت

أرسلوا معنا سواليف وكلام

من روايح زاهر الروض انتشيت

والخزامى والنفل ريحه غرام

والفجر مع سارحاته لك مشيت

نسمته والطير وظبي العدام

كلهم لك حلفوني لو حكيت

أحلف ان الشوق جا حدَ الهيام

والصديق يقول والله ما نسيت

والقريب يقول سلواكم حرام

كل نظرة حب منها لك خذيت

ومضة تشعل دياجير الظلام

صوت دقات الخوافق لى طريت

مثل حبات المطر فوق الخيام


منقووول

[حمودي القمر]

يارب قدرني علي الحب ورضاه
... ولا انحرم منه علي طول يارب

دامه يبي قربي وانا قربه أبغاه
... حبيبي اللي همه رضاي والحب

يكفي خذا عقلي وخذا الروح وياه
... يوم التقينا بلا مواعيد بالدرب

والقلب من كثر الفرح فز وحياه
... نبض الحياه الي سكن داخل القلب

اذا الخطا اقول العيب عداه
... واقول مايقصد ولا كان له ذنب

لو يبتعد مااحب بعده ولا انساه
... وأبقي أفكر به وبالمره أتعب

يفرح الي جاني وأنا افرح بلقياه
... وأذكر بدايتنا أنا كنت معجب

لولاه ماعشت الهنا يوم لولاه
... من جد حبيته وعن جد ينحب

[حمودي القمر]

ودعتك وقلبي معاك .. ولاقدرت أودعه
ابسألك لو مارجعت .. وشلون أنا برجعه
مادامك أكثر من يغيب .. ولا تركت إلا حبيب
ان طالت الرحله عليه .. أكثر مسافاتك معه

منت الأخير منت الأخير .. اللي نسوا قبلك كثير
لكنك الخل الوحيد .. اللي خذاها من سعه
ماكن لك دمع وعيون .. الا جفيتك يزعلون
ياما سهرت بخاطري .. تنثر شتاتك وأجمعه

واللي يبي الفرقى خلاص .. يلقى سبب لأجل الخلاص
لو مايخونه أي حبيب .. يقوى هواه ويمنعه
أنا عذرتك بالرحيل .. والحمل من دونك ثقيل
ودعتك وقلبي معك .. قلبك متى بأودعه


اهداااء خاااص

[حمودي القمر]

إحساس

إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال


من جد اهدااء خاااااااااااص

[فيونكه..]

المشاركة الأصلية كتبت بواسطة حمودي القمر

إحساس

إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال


من جد اهدااء خاااااااااااص

روووووووعـــــه