[ جميع التخصصات ] : ضعي قانون .. في الكلية ؟!

[سنكرس]

انا انظمتي حلووة ,,

1-السمآآح بادخال انواع المأكولات والمشروبات ... من غير منع ...
2-بأمر من سموي =وضع مضلات من الباب الازرق الى الجسر "اللي بالساحة" لان الشمس اصقعتناااااا ...
3-فتح باب "الموظفات" واللي يبي يطلع منه يطلع ... وشدعوووة كلنا "بشر" خلق الله ...


وبسسسسسسس

[[ عبرات ]]

ههههههههههه
بنات يالبى قلوووبكم والله ضحكتووووني

اهم شي قطع يد السارقة

[نووفه]

1_ الباب مفتوح على طول
2_ جوال بوكام ممنوع على الكل (موظفه او طالبه )
3_ فصل من الكليه مافيه للي معدلاتهم نازله
4_ مراعاة الاسئله للطالبات ووضع تلخيصات للماحضره والاستغناء عن الكتب
5_ارسال درجات الاختبارات بالبانر بااقصى سرعه
امممممم بخاطري اشياءات كثيره بس ذا تقريبا اهم شي

[سمو كبريآء *]

لو سرت عميد اوووووووووول شي راح اسويه اققققفل الكلية واكتب عليها

( غير صالحة للإستخدام تحتاج قوانين وإعادة تأهيل من جميع الجوانب )






لا جد جد ممم خليني اكتب كم شي افضفض فيها مع اني مصرة على الاغلاق ترى

1- جلددددد وفصصصل كل طالبة جايه تشبك وتلوع كبود خلق الله
2- كل نظام يطبق على الطالبات يطبق على المنسوبات من الادارة منوع الجوال بكاميرا والقصير للكل ..الخ
3- الباب مفتوح على طول لان الي بتسوي بلوة بتسويها لو من فوق السور
4- الغااااء نظام الحرمان بسبب الغيابات لان كل بنت تعرف مصلحة نفسها
5- اي مسؤولة تسأل عن شي من قبل الطالبات وتقول ما ادري تنبيه اول مرة وبعدين طررد << متعقدة
6- شفتوا الكافتريا الي هي مكان الطاولات والكراسي بوسط الكلية هي على شكل دائري وفيها عامود كبير
بالوسط راح افرغه واحط بابا واخليه مكتبي عشان اراقب الكل مو يتخرجون بنات وهم مايعرفون اسم ولا شكل العميدة


وبس

[kla9c2]

موضوع خطييييييييييييير وعلى الجرح
كل القوانين الي بخاطري قلتوها
بصراحه انتو مشروع عميده ناجح
وبالتوفيق

[~نبع الوفاء~]

انا بالنسبه لي من كل بحر قطره يعني قوانيني الاصح خخخ لانها شامله من كل بنت والا وش رايكم
من كل طالبه عجبتني نقطه ونقاط قطره وقطرات
----------------------------

- من العميده : Don't be sad

وبالنسبة للموظفات فأنا اسبوعيا راح اجمع شكاوي الطالبات وافصفصها خميس وجمعه ويوم السبت
ياويلهم وياسواد ليلهم اللي ازعجوا بناتي << عاشت العميده

اي موظفه تقلل من احترام الطالبة راح تاخذ انذار أول واذا تكرر فصل بدون كلام مستحيل يقعدون لأنهم يمثلوني ويمثلون الجامعه كواجهه وكذا يعني أهم شي نفصلهم هههههههههههههههههههه << تحسون العميده حاقده لا بالعكس نظاميه
وبالنسبة للزي راح يكون رسمي والله يانكم بتطلعون كشوخيات يابنات
واللي راح تخالف راح تلبس تيشيرت مطبوع عليه جبنه كرافت

ههههههههه عجبتني جبنة كرافت

ومن العميده : فرفشه

1\ طرد الشذات طرداً مبرحاً لأنهمـ لوعو ابو جبودنا

اقلا فصلهم سيمستر واحد كان يتأدبون
بدل لايحطون بالتهم ع التنوره طالعين فيها ممنوع جينز

2\ عقاب كل بوية يحلق شعرها بالموس وتقرع ع الأخر عشان تمثل الدور زين

لا اوافقك الرأي احسها وحشيه ههههه
باللين وانا ماجو باللين عقاب بس مش بوحشيه

4\ قطع يد اي سارقة تسرق

صج هدول الي يبي لهم قطع كبار والمفروض عندهم وعي كافي من هالناحيه
وراااااااادع
ومن العميده :ريـ الفلـآم


1 إلى مكتب الصرف .. تنزيل المكافئـات بأنتظـآم وعديم تأخير المكافئه وتجميعهـا وتقديم بعض الشهور وتأخير شهور اخرى .. ومن يخالف ذالك .. يكوى على علبـآهـ

2 إلـى مكتب التوجيه والآرشـاد .. فتح البوابه الساعه 11 كل يوم .. ومن يخالف ذلك بنوديهـ للمصحهـ <~ تدري ان المديرهـ مريضهـ نفسياً

المفروض دائما مفتوحه

ومن العميدةً: دبلوـومآآسيهَ


البنت الي تحمل الماده بعد يومين ترجع تختبر نفس الماده بدون اعاده هع

والله وانتي صادقه يتعبونا ليه حنا فاهمين مايحتاج نعيدها
بس المشكله مانذاكر

يجيبون لنا سيارات صغيره ودرج متحركُمن سابع المستحيلات طبعا هههه

ههههههههه دبلوماسيه صرنا بمجمع مو بكليه ههههههههههههه

ومن العميده : علك نوفه


مراعاة الاسئله للطالبات ووضع تلخيصات للماحضره والاستغناء عن الكتب
ومن العميده : سمو كبرياء
الغااااء نظام الحرمان بسبب الغيابات لان كل بنت تعرف مصلحة نفسها

ومن عميدة الكليه: نبع الوفاء


المكافأه حق لكل طالبه لمدة 4 سنوات دراستها وان زادت بسبب الرسوب وقتها تمنع
وش له يمنعونها للي معدلهم نازل يعني هم موب بشر
مابيشترون فيها كتب واغراض للجامعه حالهم حال غيرهم من البنات

[النظره الخجوله]

هههااااااااااااااااااااااااي
كل القوانين اللي سدحتوها هنا خاطري فيها

[why not]

لو خلوني عميده بسكر باب مكتبي واحط رجل على رجل واجلس اتقهوى واوسع صدري وفنجال رايح وفنجال جاي وحلا رايح وشوكليت جاي وكل يوم اطلب فطور من مطعم شكل وخلو كفترياتكم المعفنه تنفعكم >>اووم النذاله
واجيب صديقاتي عندي بالمكتب ونسولف ونفلها واجلس على الكرسي الدوار واخليهم يدفوني
والبنات كيفهم تنزل مكفائتكم ما تنزل وش دخاني يمسكونكم الامن مايمسكونكم تحضرون ماتحضرون
تلبسون ماتلبسون جعلكم تجون ببجايمكم موشغـــــــــــــــــــــــــلي
بوسع صدري فاااضيتلكم انا بعد
بس مانيب ناسيتكم يابنات الملتقى بتوسطلكم بس اذا فضيت عاد

[جغرافيا الدوسري]

المشاركة الأصلية كتبت بواسطة ريـ الفلا ـم

عميدة كلية الآداب ( ريـ الفلـآم ) ~

على جميع الجهـآت المختصه تطبيق جميع القوانين ادنـآهـ ومن خـآلف ذالك سوف نتطبق العقـآب المنـآسب له

1 إلى مكتب الصرف .. تنزيل المكافئـات بأنتظـآم وعديم تأخير المكافئه وتجميعهـا وتقديم بعض الشهور وتأخير شهور اخرى .. ومن يخالف ذالك .. يكوى على علبـآهـ

2 إلـى مكتب التوجيه والآرشـاد .. فتح البوابه الساعه 11 كل يوم .. ومن يخالف ذلك بنوديهـ للمصحهـ <~ تدري ان المديرهـ مريضهـ نفسياً

3 إلـى حقين الصنـآديق .. توسيع اللوكرات ويحطونهـآ قريبه من الآقسـآم او اي مكـآن ثـآني لـآن مكانهـا غلط وتوسيع ممرات اللوكرات وخلو عندكم امـآنهـ شششوي وغيرو الأقفـآل عشـآن ما نفتح لوكرات بعض بالغلط هع .. ومن يخالف ذلك ينسجن باللوكر البيج عشـآن تعرف ان الضيق بالقبر <~ تعذيب يعني هع

4 إلـى المسؤولين عن الكفتيريـا .. فيه ريحه مخيسه عند الفطاير دورو للريحه يمكن فيه شي معفن هنـاك .. و ياليت تراعونـآ بالأسعار شوي حرام عليكم يلي تسوونهـ .. ومن يخالف ذاك يدور للريحه الخايسه واذا طلع فطيرهـ معفه ياكلهـا <~ بتسممه هع

وسلـآمتكم

والله ضحكت بأعلى صوت وانا قاعده بروحي واهم شي يكوى علباه وتسجنينه في الدرج البيج طيب في الدرج الرمادي ارحموا من في الارض

[جغرافيا الدوسري]

اما العميده جغرافيا الدوسري فهي مندبله كبدها من ذا المسخره في الكليه لذلك اصدرت قوانين صارمه على الكل إلا
( الدوسريات ) بكيفهم
اولاً : تغلق جميع الاقسام القديمه في الكليه ما عدا الانجلش والدراسات بسبب الحاجه الماسه لهم
ثانياً : الكليه 3 سنوات وتتخرج البنت ولا فيه مواد عااااامه
ثالثاً : جميع الموظفات يخضعون لاختبار اللباقه سنوياً والي تجيب اقول من المعدل بواحد برااااا
رابعاً: الزي موحد البلوزه ابيض والتنوره سوداء و قصات الشعر الي بوي ولا قصه مخالفه الاداب الاسلاميه برا الكليه لين يطول شعرها
خامساً : الدخول بالبصمه والبنت ماتطلع قبل 12 إلا بولي امر
سادساً : الي تاخذ انذارين تطلع برا لانها مو جايه تدرس والقبول في الكليه للكل مافيه نسبه معينه لان الكل له حق يدرس

وترا ما عندي وقت الي مايعجبني اسلوبها من البنات وا الموظفات والله ما افكر الا في الطرد فقط تروح بيت ابوها وتسوي الي يعجبها

أصلح عميده ؟؟؟؟