[ المناقشات ] : شهادة الثانوية رجعت بعد الضياع

[وردة الحجاز]

هلا والله ،،، ما نسيناك ،،،

ايه والله صبر جميل والله المستعان ،، والحمد لله انك لقيتها ،،
وان شاء الله ربي يعوضك ،،،

[Kadi li]

هيا الحمدلله دام رجعت ..ما ادري ايش قصة الشهادات الثانوية اللي تضيع ..مو انت لحالك اعتقد 3 او 4 من زميلاتي المقربات ضاعت شهاداتهم الثانوية ..شكلها زعلت من الشهادة الجامعية :d

[فضيل]

المشاركة الأصلية كتبت بواسطة حكاية طمووح

فضيل اسم غني عن التعريف وفقك الله

والرجااء عدم مقاطعتنا

واخبارنا اين اتجهت بعد التخرج وبتجاربك الدراسيه او الوظيفيه

شكراً والله على اطراءك، والله ودي اشارك معكم لكن كيف اشارك وانا ما أشوف المحاضرات ههه، من ناحية اخباركم عن بعد التخرج ابشروا خصوصاً بعد الثانوية ما لقيوها. على فكرة قدمت على جدارة وكل شوي يطلعون اعلان وادخل عليه ويقولون " لم تعمل اختبار له" حتى فيه وظائف صحية غير التعليمية. بس حتى الصحية لها اختبار صحي والتعليمية لها اختبار المعلمين. وانا ما اختبرت الا قدرات الجامعيين.

المشاركة الأصلية كتبت بواسطة دجاج كنتاكي

اتمنى لك التوفيق بحياتك

شكرا لك، وانتي اول مره اشوف الاسم هذا مووووفقة

المشاركة الأصلية كتبت بواسطة Najd111

مبروك اخوي فضيل .. الله يوفقك ويسهل أمرك ، صراحة أنا من المتابعين لمواضيعك واسمك غني عن التعريف ..

تسلمين على الشكر والدعاء وانا كنت اجتهد في مواضيعي بكل تركيز وامانه وهي حلال لكم والله يوفقكم

المشاركة الأصلية كتبت بواسطة ابوفجر2012

ابشرك مضيعينها علي ههههههههههه. ولهم 3شهور وبشوف وش تاليتها معاهم. هههه

والله وش اقولك، شكلهم حسدونا نتوظف بدري او نكمل ماستر بدري وقالوا نأخرهم سنة ( الله يعين ) كذا نحن العرب تعاملنا

المشاركة الأصلية كتبت بواسطة hayat

الله يرفع قدرك أخوي فضيل بارك الله فيك الجميع هنا فيهم الخير والبركة وأسمك غني عن التعريف
اسأل الله أن يسهل أمرك ويعينك ويرزقك من حيث لا تحتسب كل شي رح يجي بوقته بإذن الله لكن المهم انك ماتوقف ولا تتكاسل والأهم انك تتوكل على الله ..
موفق لكل خير

تسلمين، والله تعرفين احنا الدفعة الأولى كنا مندفعين و لأن مافيه جامعات جينا للانتساب على اساس نعوضها في الدرجات. المهم حاولت اساعد قدر المستطاع لأني درست انجليزي من زمان في امريكا ، قلت لازم اساعد أكثر. ماقصرتوافي ردودكم كلها زادتني تصميم عالمواصلة مهما كان. افكر اروح على حسابي برا والتحق بالبعثة رغم سني الكبيرنسبياً . الله يعين

المشاركة الأصلية كتبت بواسطة ليت الحلم يتحقق

مبروووك اخوي فضيل رجوع شهادتك بالسلامه..
ونتمنى منك ومن الدفعات السابقه الا تحرمونا من مواضيعكم
وخبراتكم فلا تتخيل فرحتي عندما اجد موضوع لاحدكم فقد كنتم
ومازلتم مثالاً رائعاً لنا..
وقد ساعدتنا مواضيعكم كثيراً منذ بداية دراستنا حتى الان..
نتمنى لكم التوفييييق في حياتكم العلمية والعملية ...
لكم ودي واحترامي خريجين وخريجات..

والله كلامك اسعدني، يعني باقي ناس يشوفون مشاركاتنا ويمدحونا. والله انا طبعي كذا حتى لو اصير دكتور لازم افرغ وقت لتقوية الطلاب
وعلى فكرة الجامعة سهلة بس يبغا لها متابعةوشوية لغة. موفقة ، واصلي التعليم الحين الوظايف مافيه خصوصا الانتساب لازم ماستر حتى لو معنوية تفيد.

المشاركة الأصلية كتبت بواسطة Kadi li

هيا الحمدلله دام رجعت ..ما ادري ايش قصة الشهادات الثانوية اللي تضيع ..مو انت لحالك اعتقد 3 او 4 من زميلاتي المقربات ضاعت شهاداتهم الثانوية ..شكلها زعلت من الشهادة الجامعية :d

ايوا الحمدلله. لو فيه ترتيب ماكان حصل اللي حصل. مفروض يبنون مباني زيادة للانتساب مو بس اخذ فلوس ويمنونا بالوظايف وفي الواقع مافيه شي

[فضيل]

المشاركة الأصلية كتبت بواسطة وردة الحجاز

هلا والله ،،، ما نسيناك ،،،

ايه والله صبر جميل والله المستعان ،، والحمد لله انك لقيتها ،،
وان شاء الله ربي يعوضك ،،،

اهلا ورده وآسف ما رديت عليك معهم غير متعمد.

شكراً على تذكرنا بس احنا بعد الجامعة هذي منسيين لا وظايف ولا شي، من تجربة مو كلام ناس( ماحصلنا وظايف)

مع اني موظف سابق لكن مافيها تقدم وراتب ما يواكب المتطلبات.

المهم مثل ماقلتي صبر جميل والله المستعان على ما يصفون. والحمدلله جتني الشهادة الثانوي لأني سمعت ان في بعض الجامعات خصوصا الخارجية يطلبون حتى الثانوي.

والله يعوضنا خير. وشدي حيلك اتمنى لك اعلى المراتب والشهادات.

[سـّـوِيرآڽ]

عليك السلام والرحمه

اررررحب فضيل باشا

الله يبشرك بجناته يا رجل

وقرة عينك .. سبحان الله بعد كل هالوقت رجعت لك

فضل من الله وحده



انا بنت خالتي ضيعوا لها حسن السيره والسلوك حقت الثانويه

مو الشهاده اهون شويات ورفعنا طلب وننتظر الرد عاد







هااااااااه وش مخططاتك الحاليه ؟؟!!

انا عن نفسي محتاره وش ابدأ فيه

هل آخذ تربوي والا ماجستير والا ارجع لوظيفتي

وخاصه اني قريت اننا الانتساب الماجستير لنا غير مسهله امور الالتحاق فيه


و ما ندري وش مخبيه لنا الايام ^_^

[فضيل]

ارررحبي انتي سويراااان، والحمدلله رجعت وشكرا على دعاءك الكريم الله يبشر الجميع بالجنة.

وعلى فكرة ذكرتيني بشهادة حسن السيرة والسلوك هههههههههه رغم انهم ارسلو الثانوية بملف اللا ان السيرة واسلوك مانتبهت لها ههههه

والله انا الحين نقلت من شقتي لشقة جديدة ارتحت فيها وكل يوماشتري حاجة واركبها وآخر شي غسالة صحووون ههههههه

المهم اشغلتني عن المستقبل وحتى آيكيا لفيتها و حتى مطعمهم ههههههه

مشكلة العفش خصوصا اللي يغير نفس حالتي هههه

اشغلني عن الدراسة وكل والوظيفة

المهم افكر في الدراسة برا مع ان العمر كبير شوي واخاف يضحكون علي برا لو درست في الجامعة ههههههههه

اما مشكلتك انتي بعد اسوأ لأنك بنت الله يعينك

لكن الهمة تسوي الهوايل، كملي ماستر تمحي غبار الانتساب ( كما يقال) ههههههههههه

بالتوفيق

[سـّـوِيرآڽ]

الله يجعله منزل مبارك وتحفه ملائكة الرحمن ويبعد عنكم شياطين الانس والجن

= بوكيه ورد للشقه الجديده


وووو حسن السيره عساك تلقاها معها مدبسه ياااااااااارب وتفتك من المشاوير



اما يضحكون وما يضحكون ياااا رجال العلم ماله عمر

اللي يسمعك يقول طاق ال50 .. اعتبر نفسك ابوهم ياخي

>> بتكحلها عمتها هههههه



لا والله بعيد عن المزح اذا عندك مقدره والحماس موجود .. توكل على الله

لا يردك الا الجوازات يا خيتك



+ عجبتني مقولة غبار الانتساب ههههههه

الله يقدم لنا اللي فيه خير وصلاح لنا

ما ندري وين الخيره فيه




الله يسعدك ويوفقك

ولا اوصيك استمرررر بالطلات ع الملتقى

حافظك الرحمن

[حيـاة]

متميزين يا أول دفعة ماشاء الله عليكم واجهتوا كل الصعوبات من البداية وتعلمنا منكم كيف نتفاداها
محد كبير على العلم يافضيل كلنا تأخرنا بدخول الجامعة ومع ذلك مصرين بإذن الله نكمل ماستر ودكتوراه إذا ربي كتب
وعلى فكره في الخارج ماعندهم نظامنا اللي يضحكون على الكبار في السن بالعكس منفتحين جداً ويساعدون ويشجعون الجميع ..
مع اني شخصياً اشتغل في جامعة وعندنا طالبة أعطي عمرها 40 سنه تدرس هي وبنتها انتظام في البكالوريوس أول مره شفتها كنت احسبها موظفة طلعت طالبة ماشاء الله لاقوة إلا بالله !!

عجبتني عبارة (لكن الهمة تسوي الهوايل، كملي ماستر تمحي غبار الانتساب)

الله يقدم اللي فيه الخير

[نوريانا]

السلام عليكم
الف الف مبروووووووك الله يوفقك ويسر لك امرك
اخ فضيل

[حفيدة شاعر]

ماشا الله مبروك الشهاده والشقه والعفش الجديد

يالله وش مستعجل عليه ماتدري يمكن خيره لك هالتاخير

مثل خيره يوم تاخرت في تغيير رقم جوالك

عسى الله ييسر امرك وامركل خريج ويفرجها عليكم