تكفوووون طلبتكم من يقدر يساعدني في مهارات البحث

[النك غير متاح]

هههههههههههههههههههههه لا بالله انجلدتي
يالله عن اذنك انا بسافر

[النك غير متاح]

الله يسعدك ودعائك يكفيني

[نبض الوجود]

يلا نشوف شرح اللي بعدو ونختار<<<<<<<<<<بجد ماتعطى وجه
الا على فكره مسكين اخوي محسن يقول بسرعه ردي انا مسافر آآآآسفه اخوي بجد عطلتك وانا اقول من اللي قاعد يصارخ بالشارع ويضرب هرنات <<بيب بيب ازعجنا أثاريه هالفقير انقطع قلبه وهو ينادي

[النك غير متاح]

جزاء المعروف خمسه كفوف

بس ولايهمك اخت عزيزه

[نجۅۅ♥ۅۅاڼـ,]

صباح الخير نبوووووووووضه

شايفه كيف دخلتلك حتى قبل ما افطر >>>>>>> ابغى احزنك علي ومنها تعزميني عالفطور



اول شي محسن يعطيك الف الف عاااافيه ماقصرت
صورتك واااضحة من غير ماتغير




شوفي نبض
بالنسبه للعينات:

اول خطوة عشان تفرقي مابينها انك تعرفي انها مقسمة لقسمين
عشوائيه وغير عشوائيه

حنبدأ في العشوائيه

تتقسم لــ 4 اقسام


* الطريقةالبسيطة تنقسم لقسمين:
\ القرعه
\ الارقام العشوائيه

كيف تفرقي بينهم؟؟

القرعه واضحة تجيبي اوراق , وتكتبي عليها اسماء مجموعه من الناس وتحطيها في علبه وتخلطيهم
وتختاري عشوائيا عينتك

لو تبغي 50 عينه
تاخدي ورقه وترجعي تخلطي وتاخدي التانيه وعلى كدا الين ماتوصلي ل50


كيف ممكن يجيبها الدكتور؟؟؟

ممكن الدكتور يجبلك سؤال وهو:
الطريقة التي تستخدم فيها الاوراق لوضع اسماء العينه عليها وخلطها ومن ثم اختيارها عشوائيا؟
- الطبيقيه
-البسيطة( الارقام العشوائيه)
- البسيطة - القرعه
- العنقودية

[نجۅۅ♥ۅۅاڼـ,]

نجي دحين للقسم التاني من البسيطة واللي هو طريقه الارقام العشوائيه:

عملتلك هادي الصورة عشان اقربلك الفكرة

اتخيلي انه هدا كتيب



فيه ارقام مرتبته بشكل عشوائي
فكيف يختار الباحث عينته؟

( طبعا قبل مايسوي هدا الشي تكون في ورقة تانية مكتوبة فيها اسماء الاشخاص وكل شخص جنبه رقمه)
يجيب قلم ويفتح الكتيب ومن غير مايشوف يحط القلم على اي رقم
وبعدها يشوف هدا الرقم تبع اي شخص ويختاره
وعلى كدا... الين مايوصل للعدد اللي يبغاه


ممكن يسألك الدكتور سؤال هنا:
الطريقة العشوائيه التي يستخدم فيها الباحث جداولا لاختيار عينته:
- الطبيقيه
العنقودية
البسيطة - الارقام العشوائيه-
- البسيطة( القرعه)

وبكدا خلصنا من اول طريقه

[نجۅۅ♥ۅۅاڼـ,]

نشوف الطريقة التانية اللي هي المنتظمة:

تتميز هادي الطريقه باننا نختار رقم ويكون هو الاساس وبعدين نزيد الارقام اللي بعده بعدده وتتسمى القفزات المنتظمة
نجي للشرح:

مثلا اعطاني مجتمع بحث وعدده 600 والباحث يبغى من ال600 بس 100
فعلى اي اساس حيختار الباحث عينته؟؟؟

اول شي يطلع الرقم الاساس اللي قلتلك عليه اول بأننا نقسم مجتمع البحث على عدد العنيه

يعني 600\ 100= 6

النتيجة= 6 وهو هدا الرقم الاساس

دحين عندنا مجتمع البحث قلنا كم؟

600 شاطرة

يعني :1-2-3-4-5-6-7-8-9-10-11-12-13-14 الخ الين 600

اول شي اختار المجال (1لـ 6) ليش اخترت 6؟؟ لاني طلعته هو الرقم الاساس

يعني لو طلع معايا الرقم الاساس 12 اذن حقول المجال ( 1- 12) اوكي؟

طيب
اخترنا المجال وقلنا ( 1لــ 6)

دحين نختار عشوائيا اي رقم بينهم اما بطريقة القرعه او اني اغمض عيوني واحط القلم واختار

مثلا طلع معايا الرقم 4

اذن من 1لــ 3 حلغيهم ما ابغاهم

وحبدأ في اول عينه لي وهي الرقم 4

دحين كيف اختار الاعداد اللي بعد؟؟

اجيب الرقم الاساس واللي هو 6

اضيفه على اول رقم اخترته اللي هو 4

يعني اول عينه عندي 4
تاني عينه عندي 4+ 6= 10
ثالث عينه عندي 10+ 6= 16 وعلى كدا الين ما اوصل لعدد العينه اللي ابغاه اللي هو 100

وبس

ها وضحت؟؟؟

[نجۅۅ♥ۅۅاڼـ,]

نجي دحين نشوف الطريقة الثالثه واللي هي الطبقيه:

ميزتها انها من افضل الطرق لتمثيل عينه المجتمع
ونستخدمها لمن يكون المجتمع مختلف في بعض المتغيرات
زي مثلا

مجتمع مرحلة الثانوي مجتمع كبير... مختلف في ايش؟ يعني في اولى ثانوي وثانية ثانوي وثالث ثانوي... حلو؟؟

كدا اختلف في المستوى الدراسي

او ممكن يختلف مجتمع الثانوي من حيث الطبقيه يعني ذكووور واناااث

او ممكن يختلف مجتمع الثانوي من حيث التخصص: علمي\ ادبي

(( يعني اذا المجتمع اللي ابغى اعمل عليه بحث اختلف وفيه متغيرات زي اللي قلتها فأنسب طريقه استخدمها هي الطبقيه))

مثلا اذا قلي:
اراد باحث اختيار عينه مكونه من 200 طالب وطالبه ( شوفي هنا في اختلاف ذكر وانثى) وكان عدد كلية التربية اجمالا 800
الطلبه 300 والاناث 500

عندك قاعدة على طول امشي عليها اللي هي:
حجم العينه ( اللي الباحث حددها) \ حجم المجتمع * حجم الطبقه

نجي نحلها
حجم العينه: 200
حجم المجتمع: 800
حجم الطبقة بالنسبه للذكور: 300
حجم الطبقه بالنسبه للاناث: 500


اول شي نجيب عينه الذكور ونقول:
200\ 800* 300= 75 >>>>>> هدا حجم الطبقه

بالنسبه للاناث:
200\800* 500= 125>>>>>> هدا حجم الطبقه

وبس

[نجۅۅ♥ۅۅاڼـ,]

اخر نوع في الطرق العشوائيه هي الطريقه العنقودية:

هادي الطريقه عكس الطبقيه
ومانختار فيها افراد لا
نختار مجموعه

يعني مثلا
الباحث يبغى يدرس كل طلاب المرحلة الثانويه في المدينة
ماحيجيب كل اسماااااء الطلاب ويختار ........لا

حيجيب كل مدارس الثانويه بالمدينة ويختار بينهم
يعني تكون المدرسة بكبرها هي العينه مو الافراد



كداخلصنا من العشوائيه

[نجۅۅ♥ۅۅاڼـ,]

نجي لغير العشوائيه

مقسمة ل3 اقسام



شرحها بسيط وموجود باختصار في المحتوى


بالنسبه لسؤالك التاني انك كيف تفرقي بين انواع المنهج
حرجعلك ان شاء الله واشرحلك
لاني تعبت


واهم شي العينات اقريها ولو لسه ماوضحتلك قوليلي >>>>>> ترى ماحشرحها تاني


ياللا بااااي