[ جميع التخصصات ] : استفتاء بشأن الخدمات المقدمة في الكلية // دعوة للمشاركة ..

[AsOmH]

المشاركة الأصلية كتبت بواسطة الشبابي

ليس لها وقت محدد، ولكن يتطلب التفاعل أكثر ..

أما عن سؤالك فأنا موظف في الجامعة ..

وما أقوم به الآن اجتهاد شخصي، دفعني له شعوري بالمسؤولية واحساسي بمعاناتكم ..

الله يجزاك خير ويجعله بميزان حسناتك







حبيباتي وين ملاحظاتكم ؟؟؟
لاآ أشوف بعدين ستين موضوع ينفتح ...... امزح
كل وحده وبخاطرها تقوله حلفت عليكم عاد

[Mimie]

اللحين العالم بإجازات و الكل مسافر و طالع محد رح يفكر يدخل المنتدى خذوها من عندي اصبروا عليهم الى ان يبدا الدوام و رح يكون في تفاعل ان شاء الله ..

[البريق]

مرحبا اخوي الشبابي
شكرا على تفاعلك معنا
واتمنى هالموضوع يكون له فائده فعليه ومملوسه في اصلاح كليتنا

احب اختصر الموضوع في نقطه جددددااا مهمه ويمكن الكل غفل عنها وانشغل في موضوع وين نقعد وشنو ناكل والاسعار وغيرها
كليتنا وظفت 4 دكاتره سودانيات في قسم الحاسب وانا هالسمستر يدرسوني 3 منهم
وحده تعرف تشرح والثنتين الباقيات والله الحاسب بجهه وهم بجهه

الموضوع جدا زاعجني ماني قادره افهم ولا كلمه والمشكله ان نفس الماده تعطيها دكتوره مصريه وشرحها دقيق والاختبار بيكتبونه الثنتين يعني اكيد بتجينا اسئله عن اشياء احنا ما تطرقنا لها في المحاضره ابد

حتى لو عندهم نقص في الدكاتره ما يوظفون اي وحده والسلام
والله لو موظفين بنات الحاسب اللي توهم متخرجين كان شرحو احسن منهم


وشكرا ,,,,

[with nfsi]

بعد في شي بخاطري

الدكاتره والمعلمات يتأخرون عن المحاضره ساعه كامله او نص سساعه لدرجة مرره كان عندنا محاضره الساعه 10 وجلست الى الساعه 10 و50 دقيقه توقعت انها ماراح تجي فطلعت وبعدها جت الساعه 11 وعطتهم محاضره وحضررت واخذت غياب


يعني مافيه التزام بالوقت
ولي بااك اذا تذكرت شي من كليتنا المصصون

[بكرآ آحلى~]

الطلبات الكثيييييييرة والمرهِقة جداً..
يعني احنا تحضيري أدبي الأغلبية ياخذون 8 مواد وكل ماده تقريباً لها بحث وعرض ..
طبعاً هذا كلو كوم وماده تقنيات تعليم كوم ثآآني..
هالماده مطلوب مننا نعمل عرض+ وتقرير +ووصف مركز تعلم+ وكمآن وسيلة وياليتها جماعي فردي ..
الترم قصير مع هالضغط والأختبارات كيف بيمدينآ بالله لو أحنا ايش ..
كُلية التربيه بالجبيل رِفقاً بنا..

[هوآهآ هلآلي]

يعطيك آلف عآفيه آخوي آلشبآبي

آنآ بس متنرفزهـ على سآلفة آللآبتوب و آلآيبآد

يعني آبي آفهم آلسبب آلي مآنعنآ نجيبه على رآحتنآ

ليش لآزم نسجل آسمنآ عند آلإرشآد يعني ؟ فضآوه هي

و ليش ممنوع نجلس فيه بأي مكآن

لآزم إذآ بشتغل عليه ( آلمكتبه ولآ بآلكلآسآت )

شدعوه ترآ كل آبوه لآبتتتتتوب

و آلآيبآد نفس آلسآلفه لييييش ممنوع و الله آنه يختصر سوآلف كثيره

و الله آلمعييين

و موفقين يآرب

[*(ONLY 2 YOU)*-]

وعليكم السلآم والرحمه
آخوي الشبابي..

المشآآكل كثيره بكلية التربية بالجبيل..ومع ذآآلك كليتنا تبحث على الجودة ..
لكن آي جوده والقاعات الكبيره بالكليه قسموهاا نصين وصآرت ضيقه وكتمه وغيير مهيئأه للدرآسه ,,(())

**ثآني شي الآنضمه اللي نسمع فيها بعد بدآية الترم بأسبوعين!!(اللي نعرفه آن الآنضمه مآآتتغير آآبدأآ,,الا اذا آحتاجة تعديل..و يتم آخبار الطلاب ببدآآية السنه عن التعديل))
طيب المحآضره اذا دخلنا بعد الساعه 8 غيااب حتى لو آنك جايه من النعيرية وكان قبل عآدي لو دخلنا على 8 وربع ..بحكم آننا مو من الجبيل بس !.!
هذآآ نظآم!!!آو سالفة الغياب ..متعودين على آن الغياب يكون 3 بعدها حرمآن ..هم غيروو النظآم وقآلو غيابين بس والثالث حرماان!!ومتى تكلموو بعد بدآية الترم ب3 آسابيع آو شهر ..بعد ماصآر عندنآ غيابات!!وقآلو آنها كلية تطمح آن تحصل على الجودة :)

**آو مشكلة المكآفأت لطالبات المستوى الثآمن ..طبعا التطبيق (التربية الميدانية)خلوها تصير المستوى التاسع..بعد مانتخرج آوكي ماقلنا شي..لكن المكآفأت يوقفونها لييه !!هو غلطنا ولا غلطهم؟؟كآن التطبيق بالمستوى السادس والسابع ومرتاحين ..لكن على دفعتنا صآرت لخبطه بالكليه فخلوها المستوى التاسع لدفعتنا بس والمكآفأة بتنقطع...طيب كيف نسدد الباص والآعمال والآشغال اللي مطآلبين فيها بنات رياض آطفال في التطبيق كل المكآفأة بتروح فيهآآ وفي تسديد الباص ورآح تتوقف المكآفئه في شهر 7
!!هم يغلطون وآحنا نتحمل نتيجة غلطهم..!!
ومع ذآلك فكروو بالجوده ومآفكروو بمشآكل طآلباتهاا

وثآلث شي //فيه مشكله مهمه وآكييد وآجهة الأغليبه ..وآحتماال نكون آحناا اللي مامريناا فيهاا ..يكون الدور جااينا//>>.مافيه شي مستحيل

>>>>ضيااع الدرجآآت<<<<<

وآذاا ماجبنا لهم شي يثبت ان آجتزنا هالمااده ومع ذآلك هو غلطهم هم ..بيكون عندهم حلين
يايلفقون لنا درجه من عندهم آآو نعيد درآسة الماده حتى لو آن درسنآآه>>هذآآ شي بكليتنااّآعادي

...وحده من خوياتي ضيعو درجات مادتين لهاا..والمشكله.ان دكاترة هالمادتين رجآل وقدمو آستقالتهم من الكليه>>..
وجلست تقريبا شهر آو شهرين وهي تطآرد فيهم لحد ماكلمت رئيسة قسمنا وبعدها جلسنا فتره رآحت تشيك وتسألهمقآلو آخذتي فيها c والثانيه d !!!!كييف؟؟...؟؟
سكتناا

السمستر هذآآ حصل نفس المشكله لخويتي الثانية ..نآدوها الشؤون ..وقآلو لهاا فيه ماده مادرستيها مالك درجه عندنآ ومآرااح تطلعين تربية عملي..!!!البنت آنصدمت قآلت متأكده آنها آختبرتها وآجتازتهاا
قآلو لاا جيبي لنا شي يثبت
لكن الحمد لله حصلت نسخه من سجلها الآكاديمي على آياام البنر
بس ماراح نسكت لأننا نفكر اذا ماحصلناا هالنسخه آيش بيصير تعيد سمستر وماتروح تطبق وهي آخر مستوى عشآن غلط من الشؤون!!
ضيااع درجاتناا يعني آيش نحفظ درجاتناا عندنآآ على آن المفروض مسوينها من آول مادخلنا الكليه لآن للأسف
اللي فيهاا مو قد المسؤولية ...

آآدري طوولت لكن مو بيدي..هذي آشياء تحصل بكلية التربية بالجبيل ..مو من تأليفيي..
ومآآزال هنآآك مشآآكل كثير ومآلي حق آسكت لكن الآخوآت آكيد بيتكلمون فيها وآذا جى لي فرصه كتبت..
لكن آآآتمنى مايكون هالموضوع مثل آي موضوع,,وضع لنكتب مشاكلنا مع الكلية فقط
بدون آيجآد حل آو مسآعده من الجهات الآعلى وتقدر تأخذ حقنا منهم

[نبضهآ نآدر]

وعليكم السلام ورحمة الله وبركاته
اشكرك اخوي الشبابي ع فتح الموضوع
وان شاء الله بعد ماتقرا كلامنا يصير في تفاعل من قبل الجامعه.
حاجات في الكليه يبغالها تغير وكثير تعبنا وحنا نتكلم وماحد معبرنا لو نتكلم عن الكفتريا جدا زحمه ماتكفي عدد الطالبات وفوقها الكراسي والطاولات غير منظمه وسيئه للغايه مثل كراسي روضة الاطفال مكبره والممرات ممنوعه الجلوس فيه فين نقعد يعني!!
والاكل الله يكثر النعمه كذا مره نلاقي فيه شعر بالفطاير ومامن مجيب سببت لنا الامراض ليتكم تشوفو لنا حل ..
المكتبه والغلا اللي فيه مايصير لو مو الحاجه كان مارحنا له.. سالفة التفتيش الصباحي ع النتوره والبطاقات طفشنا منها نتأخر عن المحاضرات بسببهم وطبعا نظامهم الجميل اللي من بعد ثمانيه ودقيقه تحسب تأخير ساعه قسم بالله ام التعقيد طيب احسبو حساب البنات اللي يجون من مناطق بعيده وغير انو حنا نسوي عروض ونشرح المحاضره طيب حضرة الدكتوره مستمعه اجل مال ابو الكليه داعي ندرس انتساب ازين وبعدين مو اي بنت لها القدره انها تشرح ويمكن تكون نفسها ماهي فاهمه شي ..
وكمان زي ماذكرت الاخت اونلي سالفة التغير بالانظمه مايصير كذا يعني المفروض الانظمه ماتتغير بنص الترم او بداية السمستر الثاني وتطبق علينا كذا المفروض الانظمه تطبق بداية كل سنه جديده كذا ننصدم انو تغير مثل سالفة متطلبات المواد اللي انا بنفسي صارت لي هالمشكله مع العلم اني ماخذت ماده لها متطلب واحد وفجأه مع بداية السمستر الثاني قالو تغيرت الانظمه صارت هالماده متطلب لخمس مواد..اذا بيقعد الحال كذا وتتغير الانظمه من دون دراسه لحالة الطالبات بنعمر في الكليه سبع سنوات لقدام..
هذا اللي براسي وسدحته اتمنى اني ماازعجتكم بكلامي اخلي الباقي للبنات
فمشاكل كليتنا كثيره وماخفي اعظم ..
والسلام خير ختام..

[اميرة الياقوت]

وعليكم السلام والرحمه
انا الشئ الي قاهرني وبقوة بعد ..هل عبارة [ ممنوع الجلوس في هذا المكان ]
وإذا شفناكم جالسين هنا بنوديكم حق التوجيه والإرشاد يحسسوني مرتكبه جريمة
يعني من كبارة الكليه علشان يبغونا لاصقين في الكافتيرا
خلاص طفشنا نبغى نغير جو تعبنا واحنا نمشي في الكلية مافي مكان زي الناس نجلس فيه
...
ومن كثر طلباتهم وابحاثهم الي تعور الرأس واحس ان بعضهم مامنها فايدة ابغى اعرف وين يحطونهم بعدين
القليل القليل الي يطلبون عنه بحث ونستفيد منه ...
مجله + عرض+ بحث+كوز+ اختبار منتصف+ شرح + واجبات ...ترى والله تعبنا
احس خلاص طاقتنا كله تخلص مايمدينا نقعد مرتاحين
ولا بعاد سالفة خطتهم الدراسية ..مثلا هل ترم بالخطة تسليم المجلات بالاسبوع العاشر او الثالث عشر
فجاة صرنا بالاسبوع الثالث تدخل الدكتورة ...تغيرت الخطة تسليم المجلة الاسبوع الخامس !!!!!!!!!
صراحة انا انصدمت بقووةـ ..ليش مايكون في انتظام للمواعيد
...
دام احنا نرجع من الكلية الساعه 3 ونص وناس توصل الساعه 4 او 5 العصر ماعندنا وقت حق الابحاث
ليش مايصير فيه توفير نت للطالبات بالكلية على الاقل نستغل وقت الفراغ هناك
واذا رجعنا البيت نتفرغ حق الاختبارات
كليات كثيرة فيها نت إلا احنا

...
ومثل ماقالوا البنوتات اسعار الكلية مادري ليش كذا غاليه
نشتري من عندهم ملزمة ماتتعدى عشرين ورقه ب 10 ريال والسلك الي بسرعه يتكسر
والله ماتسوى نروح نطبعهم بالمكتبة عندنا بريال لو بريالين وبشرط إن الطباعه افضل



بالتوفيق

[bassmah]

هلا والله .. الموضوع جاء في وقته .. وان شاء الله نلقى تجااااوب

بس لو يفتححون لنا بوااابة جديدة ..بدل مانتحاشر في بوابة وحدة .. والزحمة اللي تصير في الصباح والظهر ""كلية فيها بس بوابة وحدة موظفات امن موجودات ..حطوا كل ثنتين عند بوابة ..

ايه ايه
.. "" وست الحسن ..اللي ماتنزل الا ع البساط الاحمر "" ليه يختي ترى هذا رصيف مشااة ..اللي الناس لا جو يقطعون الشارع يمشون عليه ... مو تخلووون سوواويقكم .. يوقفون عليه ..عشان تنزلون قدام الباب .. شفيهااا لو قدمتوا شوي وشوي بعد وشوي وش بيقص منك .. وخروا شوي خلوا العالم .. تمشي ...

بعد سالفة البنت اللي تقطع الشارع ..وتسوي نفسها انها ماتشوووف السيارات ... ؟؟ """ترى مررررة حركة قديمة ومغبرررة """"

والبنات اللي يقطعون الشارع عشان يروحون لباصاتهم .. امشوووا مجموعات .. مو كل وحدة لوحدهاااا ويووقف الخط عشاانها ...

>>> هذي مايحتاج احد يقولكم عليها يا بنات المفروض من نفسكممم

نرجع لمووضوعنا...

نبغى بوابة خروج من عند روضة الأطفال عشان اي وحدة معها طفل تنزله ع طووول مايحتاج تفرفر فيه في الكلية .. وتلف الكلية كلها عشان توصل للروضة ...

جسرر مشاة من عند الباصات .. بلاش يقطعون الخط .. ويسوون زحمة .وليتهم بعد يحطوون شبك تحت .. عشان يكون مالها طريق الا من فوق ""ترى العدد كبيررر أسال أبوو علي ""
.. "" حركة المواقف الجديدة مرررة بايخة ليتهم خلووها زي اول ... "

اذا تذكرت شي برجع ...