حليمة و الهيئة و المعرض و المغازل ..

[تلميذة]

أخوي محمد القحطاني

أنا لم أقل بأني أوافق ولكن أنا لست ضد
الإختلاط طالما كان يخدم المجتمع وذا هدف سامي
هم لم يختلطوا في شقق دعاره....(عذراً)
وانما الذي جمعهم هو دور نشر

مع احترامي لوجهة نظرك

[محمد القحطاني]

انا رايكم على عيني وراسي لكن اخالفكم فيه
اخي ادمنت سوال وبذمتك وبكل صارحه هل حصل لك موقف مع الهيئه بذمتك ؟
كذالك السوال لتلميذه
اذا مفتشله من رجال الحسبه اذا انتي مفتشله من كل اصاحب الدين والمشايخ ؟صحيح او خطا ماقوله
لكن ملحوظه بسيطه لديك تناقض غريب
تقول ارفض الاختلاط ثم تقولين اذا كان هدف سامي > لا هدف ماجد احلى هههه دعابه بسيطه
ارسي على بر بارك الله فيك

[بنت أبوها]

تلميذة

بصراحة الهيئه فشلونا كثير بجهلهم
وشوهوا صورتنا قدام الدول الثانية بتعصبهم

لاحول ولاقـــــوة الآ بـ الله

أختي تلميذة منهم الدول الثانيه ؟؟؟؟

نحن في أطهر بقعه على وجه الارض ...!!!!!

نحن من يقتدى به

ولسنا تبع لـ أي كان

الله يحفظ رجال الهيئه ويصلحهم ويهديهم ...

وإذا بدر منهم خطآ نبحث ونجتهد لـ نرقى بهم

وهم يااختي الكريمه تــآج على الراس مو >>> (( فشلونا ))

أدمنت حبك
إذا من ناحية الفشيلة, فهم مفشلينا من زمااااااان,

ماشاء الله تبارك الرحمن

برضوو أعارضك وبشده ....!!

ونفس التعليق الموجه لـ أختي تلميذه موجه لكـ ...!!!

::

تقبلي طلتي ,,

[تلميذة]

أخوي محمد

أنا قلت اني ماأوافق على الإختلاط
يعني مثلاً أنا ما أحب أشتغل في مستشفيات لهذا السبب وهو الإختلاط..
ولكن أنا ما أنتقد اللي يشتغلون في مستشفيات أو شركات مختلطة
أو يجتمعون لهدف سامي يخدم المجتمع
يعني أنا أرفض على نفسي الإختلاط
بس ما أجبر العالم يكونون مثلي
ولو كل البنات مثلي
مين اللي راح يخدم النساء في المستشفيات
(حلات الولادة مثلاً)
...............................
يعني أنا شخصيا ما أحب الإختلاط لكن ماعندي مانع لو إختي حبت تشتغل
في مكان فيه اختلاط..
.................................
وبالنسبة للسؤال::
لا أبداً ماتعرضت لموقف معهم
لكن هالمواقف اللي نسمعها تخلينا ننظر لهم هالنظرة...

وبعدين أنا ما أعتقد انهم يمثلون كل رجال الدين
يعني في كثير مشايخ يمثلون الإسلام أفضل منهم
وذلك بإعتماد إسلوب راقي يحترمة الكل مو بس المسلمين
بمعنى أخر أنا أقول ان رجال الهيئة يمثلون أنفسهم فقط

وأسعدتني المداعبة

[همي اشيل همك]

اختي تلميذه....
اخوي ادمنت ...

الله يحفظك ...... مايجوز نقول عن الهيئه كذا ......

نحن نعلم ان هناك بعض الاخطاء عند (بعض) رجال الهيئه ... وليس الكل ..............

لذلك نحاول الاصلاااح ولا ناخذ الكل بالعموم ......

بالعكس الله يكثر من رجال الهيئه ويحفظهم لنا ويصلح اخطأهم ويثبتهم ع الخير ياااااااااااااااااااااااارب ..

[تلميذة]

بنت أبوها

أحترم وجهة نظرك يالغالية

لكن تخيلي لو إنك عندك ديانة سماوية أخرى
وتجي عندنا احنا يالمسلمين وتشوفين هالمعاملة الجافة
والكلام الخشن اللي يصدر من رجال الهيئة
كيف راح تنظري للإسلام وأي فكرة راح تكونيها عنه..

........
الإنسان ممكن يوصل لكل اللي يبيه بإسلوب لين

أثناء دراستي بالكلية
درسونا ان المسيحين يتعاملون مع النس والمسلمين بطيبة..
لكن قالو لنا لاتنحدعون لأن هدفهم يقنعونكم بديانتهم من خلال اسلوبهم الطيب
.......
طيب ليه احنا المسلمين مانتبع نفس اسلوبهم علشان نحبب الناس
بالإسلام
..........
وهذا الدور يقومون به رجال دين فاهمين الدين صح
.....
يعني من وجهة نظري رجال الهيئة يخلون النس ينفرون من الإسلام
حتى لو كان تصرفهم من غير قصد
احنا مانقدر ننكر ان اسلوبهم جداً سيء

[تلميذة]

..همي أشيل همك..

..بنت أبوها..

..محمد القحطاني..

أحترم وجهة نظركم جميعاًً
لكن ما أقدر أقتنع فيها
ومو بالضرورة تقتنعون بوجهة نظري

أنا قلت كل اللي عندي
وما عندي شي أضيفة

لكن استمتعت جداًً بالنقاش معكم
نجتمع بنقاشات أحلى إن شاء الله
وتصبحون على ألـــــــــــــــــــف خير

[محمد القحطاني]

انا لا اجبرك على التقيد براي انا معك في بعض النقاط والبعض اخالفك
انتي لكي اساب لاتجعلك تقتتنعين بماقلت لاشياء لربما مترسبه لديك وانا لااقدر على الاقناع لاسباب مترسبه بفكري لربما هي خطائه من طرفي وطرفك
والحوار معك ممتع وشيق والله انه رائع بما تعنيه الكلمة
طيب ما انه لابد من تعديل بعض الامور عند الهئيه ماهي الاشياء المراد تغيرها من وجهه نظرك

[أدمنت حبك]

هلاااااااا

محمد القحطاني

بالنسبة حق سؤالك ,,
أنا و لله الحمد إلى الآن ما صار موقف شخصي مع الهيئة لكن أعرف شباب خصوصا من اللي يدرسون في الرياض تمشكلوا معهم كذا مرة ..

و من المواقف اللي صارت قدامي , كنت مرة من المرات جالس مع الشباب في كفتيريا نفطر, و مادري هو دخل وقت صلاة الظهر أو باقي شوي و يدخل,, المهم ما شفنالك إلا ذاك الهندي ( الصديق ) جاي يررررررركض و خايف و يقول حق رفيجه هندي الكفتيريا ( يجي مطوع يجي مطوع ) و ما شفنا الا ذاك الثاني بعد جانا بسرعة و يقول خلاص صديق أنا سكر يجي مطوع بعدين مشكل كبير و من هالكلام ,, و المشكلة باقي لي لقمة ما كملتها
عموما احنا قمنا و مشينا .. و الحمد لله ما صارت مشاكل ,,

بس أنا أبي أسأل :

وش سبب الرعب الشديد اللي شفناه على الهنود ( تقول اللي شايفينه جني ما هو برجل دين )
يعني هل من الممكن يكون هالرعب جاي من فراغ, أنا بالنسبة لي ما أعتقد أكيد هالصديق تعرض أو سمع عن أحد تعرض لمشكلة مع الهيئة بسبب التسكير للصلاة ..
و هالشي مو بس عند الهنود حتى السعوديين, يقولون لي شباب الرياض أنهم وقت الصلاة ما يطلعون لأن ممكن تشوفهم الهيئة بالشارع و تسوي لهم مشكلة و حط خمسين خط تحت كلمة مشكلة ( يعني ناس يدعون أنهم رجال دين و هم راعيين مشاكل بسبب الصلاة بدل ما يدعون لها بالتي هي أحسن )
يعني وش سبب خوف الناس من الهيئة غير أسلوبها الخشن و الغير حضاري في التعامل, و للأسف هذا الأسلوب محسوب على الدين و رجال الدين ..

هذا بالنسبة حق سؤالك , و اسمح لي أسأل هالسؤال :

وش رايك في كلام عبده خال أن الهيئة حطت وسيط بينه و بين الحريم اللي يبون توقيعه في معرض الكتاب, و

هالوسيط واحد من رجال الأمن يعني رجال حاله حال الكاتب عبده خال و هالرجال يسأل المرأة عن اسمها و ياخذ الكتاب

منها و يسلمه لها يد بيد ..

هل تشوف أن هذا التصرف يعتبر تناقض من قبل رجال الهيئة ؟؟

فإذا كانت الإجابة ( لا ) فماذا تراه ؟

و إذا كانت الإجابة ( نعم ), فهل توافقني أن تصرفات الهيئة في المعرض كان الهدف من وراها التضييق على الكتاب و

المثقفين اللي يخالفونهم في وجهات النظر و ليس حماية الفضيلة ؟؟


تحياتي: أدمنت حبكــ..

[أدمنت حبك]

هلااااا

بنت أبوها

ما شاء الله تبارك الرحمن على ردك الحلو ,

بس عفوا تراني أخالفك الراي,,

لأني مازلت عند رايي أنهم مفشلينا قدام الناس من مختلف الدول,,

يعني اسمحي لي أسأل هذا السؤال:

هل ترين أن اقتياد مجموعة من ( المثقفين ) المعروفين أمام الناس في معرض الكتاب و كأنهم مجرمين, هل ترين ذلك

تصرف حضاري ,, و لا ننسى أن معرض الكتاب ( دولي ما هو محلي ) يعني المسألة فيها سمعة بلد قدام الزوار من

الدول الثانية.. فإذا شافونا نعامل مثقفينا بهذا الشكل وش بيقولون عنا ؟؟!!

فإذا كنتي تشوفين هالتصرف حضاري,, فهذا رأيك و ما أملك إلا أن أحترمه..

و إذا كنتي تشوفينه تصرف غير حضاري فأنا أوافقك الرأي و هذا يعني ان احنا متفقين أنهم مفشلينا..

عموما الكلام الثاني أن احنا عايشين على أطهر أرض و دينا الإسلام و لازم نفتخر فيه و لازم نكون قدوة حق غيرنا, هذا

الكلام ما عليه خلاف, بس المشكلة إذا جاو ناس و نفروا خلق الله من الدين باسم الدين وش نسوي ؟؟!!


تحياتي: أدمنت حبكــ..